孖寶發哥豬扒酸辣米線

之前係屋企已經叫過孖寶發哥嘅外賣，覺得幾唔錯，就決定一個人去堂食試吓。 我叫左豬扒酸辣米線 (小辣) 拼 家鄉紫菜卷、凍檸檬茶。………………………………………………豬扒酸辣米線 ⭐️⭐️⭐️⭐️⭐️ $43 湯底只有清湯或者酸辣湯兩種，可以揀辣度，我就揀左酸辣湯小辣，湯底酸酸辣辣有鮮味，仲有酸菜、花生、芹菜、蔥。豬扒夠林夠入味。整體好食，食完唔會好口渴。家鄉紫菜卷 ⭐️⭐️⭐️⭐️⭐️⭐️依個要特別推介，因為一來唔係好多地方食到，二來真係幾好食。食到係用紫菜包住啲豬肉、馬蹄碎等炸成，做得好香口，浸湯食又幾吸湯。總之就好食啦。凍檸檬茶 ⭐️⭐️⭐️茶味唔夠濃，反而之前外賣好飲啲。P.S. 凍檸茶好似好少，其實我飲左一啖先記得影。………………………………………………孖寶發哥舖位唔大，平日晚市唔多人，主要外賣為主，如果想坐得舒服啲，我都建議買外賣返屋企食。…查看更多

新蒲崗一向多小店，有多好嘢食。雖然餐廳唔多評價，但係好多街坊嚟食，更加有印傭姐姐嚟食，應該唔會。下午茶時間，價錢好實惠，見到台台都嗌豬扒米線，咁我唔執輸都試埋一份。酸辣米線湯底好濃郁，有好多酸菜同花生，炸豬扒豬醃得好入味，都有兩大塊，份量好足。下午茶$40嚟講，真係好抵食。不過更加想一提嘅係佢嘅飲品。佢杯奶茶真係好好好好飲，茶味相當濃郁。不過作為小店，就預咗地方冇咁寬敞，迫迫地四個人一張圓枱，不過感覺都幾cozy😆…查看更多

呢間「孖寶發哥豬扒酸辣米線」係間細細間嘅小店，但係好多人排隊，感覺幾受歡迎。**豬扒酸辣米線 🌶️ 米線份量都幾多，夠飽肚🤰。豬扒炸得幾脆，唔會太乾，幾好食😋。酸辣湯底味道幾濃郁🌶️，酸酸辣辣幾開胃，不過食到一半開始覺得有啲鹹🧂。整體味道唔錯，但係如果湯底嘅鹹度可以再調整吓就更好。🤔 米線本身都幾滑溜，配埋啲酸辣湯底同豬扒，都幾夾。👍🍜 **孖寶發哥豬扒酸辣米線**📍錦榮街26號萬義大廈地下9號舖________________#eilidh_lifestyle #foodie #孖寶發哥豬扒酸辣米線 #深水埗美食 #深水埗 #米線 #豬扒 #酸辣米線 #小店 #排隊 #人氣 #美食 #香港美食 #香港小食 #美食推介 #午餐 #晚餐 #抵食 #大份 #開胃 #飽肚 #辣 #hkfoodie #hkfood #相機食先 #推介 #酸辣 #濃郁 #鹹…查看更多

得閒都會食下呢間嘅豬扒米線。豬扒酸辣米線 $40 （下午茶包野飲）豬扒有美極味，雖然唔可以話係新鮮，但一定比普通茶餐廳高質，唔會係用調味料蓋過平時果種雪藏味／乸爛晒，at least 有返豬扒果個紋理。鹹酸菜夠酸，佢同佢隻辣椒溝出黎嘅酸辣味非常夾，唔係其他米線舖做到，中意呢隻味嘅人（例如我）就會返轉頭去再食。花生唔會hae 你得幾粒，花生都夠脆身。，你仲可以叫佢多花生，一般都會比多你。結論係性價比極高嘅。…查看更多

午餐時間都多人, 好彩唔洗等位!同事share左D餸食，分別地叫左豬扒、紫菜卷、蓮藕餅，而後兩者都係呢道先有既餸豬扒同左侍應講碎上, 剪開有6-8件，好juicy紫菜卷4件，係肉碎加紅蘿蔔加蔥, 再包紫菜炸成蓮藕餅有3件，蓮藕係切粒再加肉碎煎成餅狀，好有口感得黎又飽肚湯底酸菜好多，米線都幾滑，薯粉係酸辣粉係粗直既款。就算BB辣都比譚仔10小辣強烈，如果怕辣又唔想叫清湯，亦可以加$5轉蕃茄薯仔湯。單餸米線無飲品人均唔洗$50，如果要叫飲品。凍熱同價都係加$8，汽水就加$5…查看更多