957
104
54
港鐵油麻地站 A1 出口, 步行約3分鐘
繼續閱讀
電話號碼
97682318
開飯介紹
主打西式風格，其中有以塔羅牌命名的塔羅特飲值得一試，另有多款boardgame可供選擇。
繼續閱讀
營業時間
今日營業
12:00 - 23:00
星期一至六
12:00 - 23:00
星期日
11:30 - 23:00
公眾假期
12:00 - 23:00
以上資料只供參考, 請與餐廳確認詳情
有關餐廳
有關獎賞計劃
招牌菜
食家推介
相關文章
食評 (1222)
平時都係多去商場食肆，今次朋友帶我去樓上Cafe，孖啡這個名幾特別，好容易記☺️地點好方便，喺旺角行完街去就啱啱好。❤️有board games 玩，而且佈置有格調。❤️食物和飲品種類都不少。⭐️卡邦尼煙肉意大利粉，粉量充足，意粉麵質煙韌有彈性，芝士味濃郁有奶香，醬汁creamy，煙肉夠惹味。⭐️鮮茄芝士焗豬扒飯，即叫即做，上枱時熱辣辣👍🏻👍🏻，啖啖嫩滑而軟腍的豬扒，入口有焦香味，配上大量番茄醬汁和芝士，真係食唔停口。⭐️朱古力心太軟雪糕，朱古力蛋糕的香脆外層下，藏着軟軟嘅流心朱古力，一切落去好似岩漿咁流出嚟，半以雲呢拿雪糕一齊食，一冷一熱，一脆一軟，非常好食🤤。⭐️焦糖咖啡，濃郁的咖啡，帶有淡淡 的雲呢拿味，加上絲絲焦糖味。Oreo 奶昔，有一粒粒的Oreo 奶昔，口感豐富。
繼續閱讀
四个女人周围搵地方吹水早一个礼拜前睇到开饭喇食评见到呢間孖話哗环境阔落都唔错。六点半準時走上去点知个职员带我去另外一边樓底矮啲嘅地方佢餐厅后先知佢分两边嘅。都係我坐嘅地方坐得四个人两张少少嘅卡座好逼完全唔可以放手袋嘅。仲要因为佢樓底喺嘅关係劲大风喺风口吹到正我地个头顶度到正。睇到我哋等紧另外一个朋友嚟嘅时间我就问职员到底会唔会有第二个位可以俾我哋，放下手袋吖因为真係好逼。其实六点半係冇乜人嘅。嗰日系星期五我都半爆嘅。不我我有啲失望囉。过咗一阵两个职员带左我去另外一个位嗰个位都话係条柱入边嘅卡位噉佢畀你之前嗰个就阔少少喇。佢有啲好大张嘅卡座我见到人哋六个人八个人先至可以坐所以我都冇出声。坐落其实一路食嘢一路都可以。一路人多七点左右有好多四五个人一齐嚟热到有啲流汗。因爲我哋个座位有条柱挡住。冷气直情入唔到嚟。跟住我就望到其实我哋另外嗰两张枱侧边有部冷气嘅职员唔肯开畀我哋嗻。其实最印象深刻就係佢讲咗好多次一个人150文最低消费。我睇返佢晚餐平均都120对于我嚟讲都唔係好平但係座位就真係太过差啦。四碟意粉有三杯嘢饮跟住有一个小食拚盤最后送佢开饭喇订位嘅咖喱角最后我哋四个人都食左八旧水左右。热到甜品都唔食講返嘢食食完不断饮水唔使讲你都知点解啦。座位嗰方面只係我个人见解啫旺角太子油麻地呢边呢啲铺租非常之贵噉我都明白係寸金尺土，但係如果用200元一个人头嚟消费我觉得佢一啲都唔得la唔值得。值得一讚佢冇催我哋走。但係热到你即刻想走。其实我觉得次次要揿个钟嚟搵职员都有d奇怪可能我哋老咗喇唔明白后生呢一辈而家楼上咖啡噉样做，职员行到埋嚟态度都唔係十分好餐牌少选择我有朋友都几满意因为佢有选择困难症。
繼續閱讀
📍樓上cafe大家又會諗起邊間? 呢間餐廳好細個就成日去 一如以往地提供大量board Game🃏 而且食品選擇多同性價比超高 🌀 65度溫泉蛋卡邦尼煙肉意粉溫泉蛋呈流心狀態 蛋漿與意粉攪拌後口感Creamy 奶味香濃🙌🏻 意粉做得al Dente 軟硬適中 😍+$38 加配心太軟連香草雪糕 心太軟外皮烘得酥脆 朱古力醬質地厚滑 呈少許流心效果 朱古力味明顯!🌀 牛肝菌帆立貝野菌意大利飯呢個抵讚～ 牛肝菌帶點獨特香氣 菌香味濃🍄米粒索滿牛肝菌嘅精華 非常入味🙋🏻♀️ 牛肝菌/雜菇/帆立貝份量都不少 米飯煙韌有咬口 可encore! 🌀 節制 有個塔羅牌系列飲品 好得意😂 配搭主要以各種水果為主🙌🏻 係西柚同菠蘿嘅混合體 做到漸層效果 酸甜味道配上椰果粒 幾清新🌀 Flavored Coffee 有得揀好多款口味 決定揀個特別少少嘅拖肥味 拖肥帶點炭燒香 再將柔軟嘅鮮忌廉攪拌於咖啡之中 咖啡口感特別順滑
繼續閱讀
💜 好耐冇去過樓上Cafe啦~ 呢間Cafe有好多board game，又可以慢慢坐，我覺得兩三個人甚至一班朋友嚟都好適合😁 今次我就同一個女仔朋友上嚟坐吓食吓☺️💜 嘢食有Set Menu揀~💜 第一個揀左明太子海蝦意大利粉 🍝 $136總共有六隻海蝦，同埋都唔細隻😳 咬落口都幾彈牙👍🏼之後明太子醬更加冇得輸😂 少少辣，好好食😍💜 第二個揀咗牛肝菌帆立貝野菌意大利飯 $138帆立貝都好大隻😎 加咗牛肝菌增加左口感~ 不過相比起明太子意大利粉，我都係鍾意食明太子多啲🤣💜 每一個餐會包$38以下飲品，$38以上就補返差價。我哋就揀咗熱蜜桃紅茶同埋凍蜂蜜紅茶，兩杯都唔使加錢✌🏼💜 如果同一班朋友諗唔到去邊度聚會，我覺得都可以上嚟食吓嘢，玩下board game😎
繼續閱讀
星期日出去旺角買野，朋友仔話想食意粉，即刻喺OpenRice search下先，揾到間人氣cafe「孖啡」，價錢仲好抵食，百零蚊已經有一個Dinner Set，餐廳仲提供Boardgame啱晒一班朋友上黎玩下game食下野👯♀️👯♂️明太子海蝦意大利粉鍾意食明太子嘅朋友一定要點呢個意粉，味道濃郁咸香，大蝦新鮮爽口，意粉軟硬適中煙煙韌韌，我地加咗$28龍蝦湯，入口幼滑creamy，濃濃嘅蝦味又夠熱，好味👍🏻全日早餐大大份嘅ADB，食材好豐富，有煙三文魚、牛角包、薯餅、炒滑蛋、茄汁豆、腸仔、沙律菜，牛角包香軟酥脆，薯餅即炸脆卜卜，腸仔咬落去好juicy仲會爆汁，炒蛋奶香味濃夠晒滑溜，每款食材都用心製作，讚👍🏻芝士焗薯條芝士仲可以拉絲架，薯條脆卜卜配上芝士醬非常香口，食到停唔到口😆蒜香雞翼香脆嘅炸雞翼入口充滿蒜香，皮脆肉嫩，咬落仲食到肉汁，一啲都唔乾身蜜桃綠茶士多啤梨紅茶2杯飲品都有加入椰果增加口感，味道亦不會過甜，消暑解渴📍孖啡 (旺角)旺角彌敦道577號高氏大樓4樓人均消費：$150-200食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️
繼續閱讀