媽咪雞蛋仔

營業中

休息中

媽咪雞蛋仔😍真係唔可以錯過，好好味😍每次order先整，保證熱辣辣 ，外面脆入面軟好有雞蛋味，真係好正，每次經過必食😋仲有好多款式、好多味道揀😍下次試埋其他先得

個人好鐘意食雞蛋仔有時候放工口痕都會去媽咪雞蛋仔買底食今次回歸原始食番底原味雞蛋仔最簡單嘅味道先係最試得出個功架好錯意佢整到脆卜卜 咬落去卡嚓卡嚓熱辣辣粉漿唔會太甜 雞蛋仔一定要趁熱食 拎住好快凍 凍晒就會變淋㗎啦

越出越多口味，以前剩係得雞蛋仔同格仔餅，而家連嘢飲都做埋，伯爵茶愛好者本身諗住就咁叫伯爵茶雞蛋仔算，但見到伯爵茶朱古力味係top3喎，即刻心動試咗。平時行過成日要排隊，今日可能過咗Peak Hour，等左唔洗10分鐘就有得食了。雞蛋仔用個靚靚穿窿紙盒裝住，避免啲蒸氣加速佢變「林」。但個朱古力好似同我想像中有啲距離，佢係朱古力加伯爵茶蛋漿，而唔係伯爵茶蛋漿加朱古力碎。明明記得之前可以食到半溶嘅朱古力架。

媽咪雞蛋仔越開分店越多，本身約咗屋企人食飯，畀人放飛機，冇得食晚餐就自己買咗個雞蛋仔食🥹🥹朱古力雞蛋仔 🍫 閒日都多人，要等一陣。不過佢哋係即叫即做😋雞蛋仔外層好香脆，邊邊位微微酥脆口感，裏面就喺鬆軟嘅質地，好好咬。每一個雞蛋仔都有分佈到朱古力醬，好足料。朱古力醬濃郁香甜，熱嘅時候食最好，因為朱古力醬會更加流心，同雞蛋仔嘅口感完美配合! 雖然朱古力雞蛋仔係我嘅最愛，我自己喺食唔曬一個，因為自己食晒一個會覺得好漏😂😂所以都會同人分享🤭

媽咪雞蛋仔應該好多人都食過啦🤣宜家全港有好多間分店！款式仲越嚟越多🤩有鹹味、甜味雞蛋仔，仲有格仔餅同多款飲品✨例如有好多懷舊茶餐廳飲品，例如咖啡、奶茶、黑牛、白牛、鹹檸七等。特飲方面又有沙冰、梳打、抹茶等。真係超多選擇！▪️媽咪朱古力($27)🍫第一次食媽咪雞蛋仔都唔知幾多年前啦！今次叫呢款長期熱賣嘅朱古力味😀~果然每一粒都充滿住半溶朱古力，粒粒都好濃味。而且口感外脆內軟，就算過咗10分鐘都唔會變淋😋▪️媽咪奶茶(原價$22)(加購-$4)🧋奶茶嘅茶同奶嘅比例都幾好，飲得出有茶味，不過整體較甜~.✍🏻整體:下次想試下鹹味雞蛋仔! 見好多人都叫鳳凰卷同雙重芝士呢。雞蛋仔價錢$20-41都有~好似食一份雞蛋仔都越嚟越奢侈啦...

尼屯門探朋友，所以順便買好味雞蛋仔食😋買左原味同抹茶朱古力味，新鮮整起，外脆內軟好好味！相比之下原味比較簡單但都好食，抹茶味適中配埋朱古力好好食！外甥女不斷爭住食🤣一底其實好鬼多所以都算抵食！

伯爵茶雞蛋仔 （$31）媽咪雞蛋仔好多地方都有，見到就會忍唔住買，今次見到屯門新開左，就買左個伯爵茶雞蛋仔。雖然係假期，但係等左一陣就有啦。店舖好好，有個紙盒裝住，可以透氣又方便拎。新鮮整出嚟真係好好味，濃濃嘅伯爵茶味，外脆內軟，唔怪得個個行過都叫，下次會想試下朱古力味。

呢間雞蛋仔係我心中個地位無人可以動搖到🙈🙈🙈由讀緊大學開始就幫襯，第一間鋪就係紅磡🤣🤣好記得個時個朱古力雞蛋仔係幾咁驚為天人🤭 而家嘅Franchise鋪頭質素都穩定💯 價錢都好合理～原味雞蛋仔($20) 呢個簡直係經典之選，食極都唔會厭🫶🏻 外脆內軟，食完唔係好似一陣風咁無咗！放心😂

【媽咪雞蛋仔🧇越出越多種口味】除左裝修變得modern,連口味都多左好多🫣___ ___ ___ ___ ___ ___ ___ ✨伯爵茶朱古力雞蛋仔 $36即叫即整 要等～5-10分鐘好彩商場鋪都唔係等太耐，賣相包裝都💯食落味道都唔錯，伯爵茶朱古力味都有，但口感略嫌冇甘脆口，食到中間開始有啲偏腍🥹價錢偏貴一點好似比街鋪仲脆啲，但覺得應該要吹耐啲風扇，甘食到尾成底雞蛋仔都會係脆嘅👍🏻比街鋪望落企理新淨同更衛生

tuen mun town plaza嘅媽咪雞蛋仔次次食雞蛋仔，今次試下佢個格仔餅點知就𡃁佢野喺玻璃窗睇住地獄廚神呀妹起底餅出嚟用個夾址個餅，哇又淋又剩成塊洗碗海棉咁睇見都唔開胃 very disgusting之後落醬同砂糖睇住佢錯手落咗勁多糖變咗個山仔oh my god一咬落去好淋好飽唯一好處係熱, 摸落係熱到辣手嘅食到多糖個位，甜到食唔落真係好可怕最後食到淨返三分一真係頂唔順唯有掉咗去rubbish bin真係浪費，唉

今日入左屯門行街，突然想食格仔餅，就上網搵下邊到有媽咪雞蛋仔，點知一向右望就見到😋.抹茶雞蛋仔 HKD25格仔餅抺茶味重，幾好食，如果入面啲花生醬、煉奶同花生粒多返少少就會更豐富好味。我始終覺得佢地既雞蛋仔出色啲，下次都係食雞蛋仔好了🤣係商場入面，附近又有空間等，就算等都等得舒服🤣

之前分享左雞蛋仔，呢次第一次試佢既格仔餅睇下係咪都係咁好食😎。🔅抹茶金莎醬格仔餅 ($30)叫完即刻整，等左大約7分鐘就有得食😋。因為廢事喺街到食咁狼狽所以去左朋友屋企先食，事實證明我既決定係啱架🖖🏻！拎到返去都仲好脆，格仔餅又夠厚，抹茶味都幾香。金莎醬搽左勁多，好邪惡😚，一咬直到流晒出黎，真係好彩喺屋企食🤣。甜甜既金莎醬加埋抹茶味既香脆雞蛋仔邊有得輸🤤！💬暫時都無喺媽咪雞蛋仔中過伏，有冇人有其他推薦😍？

之前係元朗食過一次 印象係唔錯嘅今日去開屯門 就買咗底食 但有啲失望👉🏾抹茶雞蛋仔雖然望住店員整 但唔知點解拎上手唔算熱辣辣 同埋每粒之間密度比較高 所以脆卜卜嘅位唔算多 而口感係偏濕同煙韌啲 唔係好食到抹茶味 一入口係無乜味 食到最後有勁強嘅澀味 並唔係回甘 個人覺得街邊嘅好食好多 有蛋味啲

心思思想食雞蛋仔好耐😆咁岩行過見到有間媽咪雞蛋仔 又未食lunch就買左嚟食🥰呢間都算係幾經典嘅雞蛋仔又多專門店 而且好多味道選擇🥳🍵抹茶紅豆雞蛋仔💲2️⃣9️⃣佢係即叫即整..可以係個玻璃窗望到成個製作過程😍雞蛋仔外脆內軟🤤好煙韌又鬆軟☺️佢係真係食到抹茶味🥰而唔係普通嘅綠茶！所以味道唔會太甜🙆🏻‍♀️最估唔到嘅係連紅豆餡都係唔會好甜😋所以就唔會話食幾粒就覺得好甜好膩🤩如果一個人食晒成底真係會好飽好飽！因為真係超足料 啲紅豆多到滿瀉🤫

行過見到開得咁靚就望下，聞落都好香之前成日心思思想食個人比較鍾意食鹹味雞蛋仔多過甜味一出爐，攤出黎外脆內軟好正今次叫左🌟鳳凰卷雞蛋仔 $34之前都食過，成塊紫菜上，鹹鹹地(˶‾᷄ ⁻̫ ‾᷅˵)但今次就算新鮮整出黎，都好厚粉好冧有啲小失望不過好好奇，點解前面幾個人既雞蛋仔都係用紙袋裝，我呢個就係一個咁精緻既袋仔，好靚😹估唔到以前係街頭街尾既雞蛋仔，由讀書食到而家開到入大商場，仲要咁靚仔暫時都仲係我雞蛋仔既no.1🤣