媽咪雞蛋仔 (已結業)

經過大圍搵食市集見到媽咪雞蛋仔就心掛掛叫咗個香蕉雞蛋仔 皆因之前係荃灣分店食過一次就好難忘 點知呢間分店啲雞蛋仔再次令我好失望係條街求其買一底十幾蚊都好食過佢 嗰陣時店鋪得我呢張order 雞蛋仔等咗大概五分鐘就有得拎 拎上手熱辣辣 但係食落口真係不了一擺入口以為自己食緊啲蛋糕仔 無論手感同口感都好似 因為店員整好之後求其吹咗幾吓就俾我 餅雞蛋仔擺明吹唔夠風無論熱食凍食入口都係軟瀨瀨 好似𡁻緊舊膠咁 同我想像中嘅雞蛋仔真係好大出入 口感差都算 仲要係偷工減料 $28又唔係平 咁不如食原味算啦 佢唔係粒粒雞蛋仔都有香蕉 得半底有香蕉 之前係呢度食過一次香蕉朱古力都係俾唔足料 呢間同我係荃灣食嗰間分店都幾大分別 我係荃灣食嗰間最起碼個餅底係脆先 而且粒粒都俾足料如果下次想再食都唔會係呢間分店買 真係好失望 題外話：見到個店員冇戴口罩整雞蛋仔 整緊嗰陣仲係到一路食嘢一路講野 之後先再處理我餅雞蛋仔 感覺唔太衛生

街頭小食我最愛之一就係雞蛋仔，今日黎到大圍搵食市集，點可以唔食媽咪雞蛋仔!味道選擇多又夠特別，而且仲不時有期間限定!同好友一人一底雞蛋仔，再加杯特飲，勁滋味~雙重芝士雞蛋仔選用車打芝士同mozzarella，每格都有大量芝士粒，好足料~入口啖啖芝味又有濃郁蛋香，外香脆內粒粒爆芝，口感十足，鹹甜適中，帶黎雙重芝士享受，好邪惡! 香蕉朱古力雞蛋仔每格都有香蕉蓉同粒粒朱古力，餡料豐富又足料，外脆內綿密，烘烤後朱古力粒呈半溶狀態，加上蛋香味濃，味道層次豐富!宇治抹茶牛乳紅豆抹茶濃厚甘醇，加入香滑味濃既牛乳，同軟糯飽滿紅豆粒，絕配！宇治抹茶牛乳濃郁又馥郁既宇治抹茶，配搭濃醇香既牛乳，口感滑順，風味十足。

本身住附近，成日見佢多人排隊。放假特登兜過去買啦，點知買兩餅都中伏。原味($20)拎上手已經淋過毛巾，擺明係擺咗勁耐，食落仲要韌，唔知係粉漿特別定點啦，但係加埋淋pat pat成件事就好負面。另外買咗伯爵茶味($28)，味道就ok嘅，唔過甜，茶味都濃，但係都好冧身。每餅咬咗幾粒都係頂唔順，唯有拎返屋企焗熱佢。總括嚟講，質素麻麻價錢偏貴，百佳仲好食啲。

《有機栗子🌰》栗子蛋糕都唔會搵到真材實料的栗子但今日竟然俾小編係雞蛋仔搵到仲要係每一格都有粒粒栗子🌰係真係好有誠意 亦都岩哂我呢個栗子控微微香甜的栗子 更為蛋雞仔添加綿密的口感.《雙重芝士🧀》聽個名都知超邪惡金黃色表面呈現點點橙色 是咸香芝士咬一啖就吃到 中心都加了拉絲芝士味道其實有少少似烤芝士包.《宇治抹茶🍵紅豆豆乳》最怕飲呢d飲到好似飲糖水咁呢到將甜度控制得好好 真係得好少甜豆乳其實唔太甜 主要甜味來自紅豆茶味甘香突出 因為佢落左好多抹茶粉啊🍵

今日5月1號假期，踢完單車後，決定同朋友去大圍市集快閃食個下午茶，見到好多人排隊買雞蛋仔，我都買黎試下先。鹽燒紫菜粟米原片紫菜包裹全個雞蛋仔，加上粒粒鹹粟米🌽，烘得外脆內軟，口感煙韌。粒粒朱古力每粒雞蛋仔有香濃朱古力味，朱古力漿香滑又味香濃，口感煙韌。檸檬茶我鍾意茶底清，無茶澀味，加上新鮮檸檬汁，酸甜味好醒胃，夠解渴。宇治抹茶牛乳紅豆抹茶味甜中帶點苦味，茶味濃郁，紅豆飽滿香甜，甜中適中又解渴。童年回憶番晒黎

今日假期，朋友建議帶埋小朋友食下午茶，決定去大圍市集搵食，小朋友提議食媽咪雞蛋仔，這家一直人氣高企，等下都值得，竟然15分鐘便有得食，有效率黃金雞蛋仔 每粒雞蛋仔內都有粒粒黃金鹹蛋黃，鹹香得黎鹹味溫和，外脆內軟，原來鹹雞蛋仔都好食，口感煙韌伯爵茶雞蛋仔皇牌之一，伯爵茶味清香，不會有苦味，滿口茶香，喜歡茶味我推薦試這款。檸檬茶 清香茶底，配上新鮮檸檬汁和肉，味道醒胃消滯，凍飲生津解渴。宇治抹茶牛乳抹茶底濃，牛乳香滑，令茶味更順喉。還有不少口味，下次要試埋其他味。

位於大圍村南道45至47號搵食市集地下10號舖的媽咪雞蛋仔 (Mammy Pancake)，主打雞蛋仔和格仔餅。小店的雞蛋仔可外賣自取，也可以用網上外賣平台送到家門前。小店連續數年獲選米芝蓮香港街頭小食推介，而且雞蛋仔的味道有鹹的口味(如肉鬆白芝麻、麻辣肉鬆)，也有甜的口味(如抹茶紅豆、粒粒朱古力)，約有二十多種口味。而且也有不同選擇的格仔餅可選。點了兩款雞蛋仔，兩款都是甜口味的，雞蛋仔即點即製，約需要等候十分鐘。紫薯蕃薯雞蛋仔 - $32Sweet Potato Flavour Egg Waffle這款雞蛋仔能吃到真正的紫薯肉，味道濃郁。雞蛋仔外面烤得外面脆脆，裡面煙煙韌韌，相當美味。小店雞蛋仔的口感有點像麻糬，QQ的，頗為特別伯爵茶朱古力雞蛋仔 - $30Earl Grey Tea and Chocolate Flavour Egg Waffle愛吃朱古力口味的食客會相當喜歡這款雞蛋仔。首先會嚐到伯爵茶微甘的味道，之後朱古力的甜味就會湧出。同時點會一客雞蛋仔和一杯飲品，可以減四元。。(右)凍鮮榨檸檬茶 - $20Fresh Lemon Tea(左)宇治抹茶牛乳紅豆冰搖飲品 - $2

一向都好鍾意食雞蛋仔☺️媽咪雞蛋仔最好嘅就係好多唔同嘅味道揀🤩 而且價錢合理每次都可以試唔同味道：🔸伯爵茶朱古力🍫伯爵茶味好香，啖啖茶香；入面啲朱古力溶咗好好食，比喺朱古力粒粒嗰個味道，呢個就會冇咁甜🔸黃金即係蛋黃，唔會太咸；少少味道，甜甜鹹鹹咁幾特別🔹Lemonade🍋檸檬味好夠，適合鍾意酸嘅朋友🔹抹茶紅豆牛奶🍵係偏甘苦嘅抹茶味，唔會太甜，同紅豆好夾；奶味唔算重下次再買其他味試下先

好耐無食啦😋🔸粒粒朱古力味雞蛋仔 +朱古力雪糕 $45店鋪細心用杯裝 有枝匙羹原味充滿蛋香 食落好脆👍🏻👍🏻 食到裡面嘅粒粒朱古力🍫加配咗朱古力雪糕 不敗嘅配搭食到成手都係 但好滿足😋😋🔸紫薯蕃薯🍠雞蛋仔 $32寫上季節限定 拎上手有啲重 每粒雞蛋仔都夾住滿滿嘅紫薯🤩蕃薯少啲 隨意分佈 有蕃薯🍠嘅位置 食落就會甜啲😋🔸凍伯爵茶 $20甜甜地 飲落有陣陣茶香 雖然叫咗走冰 都夠哂凍～

而家岀街都唔敢係街食飯，即叫即做嘅雞蛋仔就安心啲！媽咪雞蛋仔 之前係紅磡都食過，而家仲岀咗更多口味，除咗原味雞蛋仔同朱古力，仲有香蕉朱古力、榛子朱古力，咸嘅有馬介休，有期間限定嘅紫薯蕃薯 ，仲有好多唔同口味。真係心大心細，樣樣都想食😋😋最後揀左香蕉朱古力🍌🍫同 期間限定嘅紫薯蕃薯🍠真係粒粒都有餡架，紫薯蕃薯冇加糖，唔會好甜，仲食到雞蛋仔嘅蛋香味😋加杯紅豆茉茶牛奶🥛，一樣唔會好甜，啱晒我口味！

媽咪雞蛋仔既朱古力粒粒雞蛋仔係我最愛既雞蛋仔之一！喜歡佢外脆內軟綿又唔會好空殼，落足料每粒雞蛋仔都包住朱古力粒，仲要好大底（建議二人分享）價錢唔貴，非常抵食。抹茶朱古力抹茶雞蛋仔色澤好綠，內餡有着海量朱古力粒都冇蓋過雞蛋仔既茶味，非常邪惡，但真係好好食！紫菜粟米第一次試媽咪雞蛋仔既鹹味雞蛋仔，口感比較綿密，食落有點鳳凰卷既感覺。抹茶紅豆牛乳估唔到媽咪雞蛋仔既茶味PRODUCT咁岀色！呢杯Matcha Latte 抹茶味濃郁帶甘苦，睇住店員不左兩大羹紅豆蓉落去，紅豆蓉剛好中和了抹茶奶的苦澀，而且仍保持原粒口感，很好喝！

我又黎大圍搵食啦！市集是大圍近期美食集中地，我今次要試下這家媽咪雞蛋仔！假日人氣旺，排隊等食物要預多少少時間，口味有鹹有甜，我兩款都要試鹽燒紫菜粟米雞蛋仔 $32一大片紫菜好吸引，每粒雞蛋仔都有粟米饀，粟米香甜，配搭鹹香美味。抹茶紅豆雞蛋仔 $39加$10 配朱古力雪糕抹茶味香濃，有點甘苦，紅豆香甜飽滿，甜度適中，配上香濃朱古力雪糕，每粒雞蛋仔配上一口雪糕，更覺香甜可口。凍椰奶蓋伯爵茶 $28椰奶香滑，少甜清新。宇治抹茶牛乳香濃幼滑。

講係雞蛋仔應該無一個香港人係唔知，由街邊炭火燒到發展到電爐烤焗都係一個見證時代變遷，由我懂事以來雞蛋仔賣緊9蚊一底，到現時坊間出不同口味嘅款色，一底雞蛋仔可以賣到幾十蚊一底，新嘢當然會有新鮮感，但我就喜歡原味啦，永遠係原味先可以突出食材本身。媽咪雞蛋仔佢開到咁多間分店食過原味都大概知道係有番啲質素，雖然一定無炭爐個種脆口同薄脆感，但佢嘅味道 甜度其實都幾好，所以還可以一試！同埋佢都有其他不同口味，鍾意試新嘢嘅朋友可以一試

超豐富下午茶✨大圍開左呢個foodcourt之後 揾食果然方便呀！想快快食個下午茶 我一定買底雞蛋仔返公司食😋✨ 伯爵茶雞蛋仔 $28伯爵茶味可以話係賣飛佛呀超級足料 超香茶味雞蛋仔較脆身 漲卜卜嘅👍🏻✨ 抹茶紅豆雞蛋仔 $29朋友食嘅係日式風味嘅抹茶紅豆味 紅豆餡超多 味道好岀 不過太多餡料嘅關係 所以雞蛋仔無伯爵茶味甘乾身 較濕潤✨ 宇治抹茶 $20見天氣凍凍地 所以加多杯抹茶暖下胃😋🍽 媽咪雞蛋仔🔎 大圍村南道45-47號搵食市集地下10號舖

香港街頭美食選擇多, 而雞蛋仔係我喜愛之一, 今日就去了大圍的媽咪雞蛋仔. 這裡的款式選擇多, 令人眼花撩亂. 最後貪心的我, 為了試多d, 選了冬季限定紫薯蕃薯雞蛋仔配意大利扭紋雪糕 Sweet Potato Egg Puffs with Geleto Soft Double Chocolate and Vanilla Twist, 一次過滿足兩個願望. 雪糕夠幼滑, 甜度適中. 而雞蛋仔外層幾脆身, 而入口有淡淡的紫薯味道, 而內裡仲有粒粒蕃薯, 雙重口感. 另外, 凡買雞蛋仔或格仔餅, 可以減$4選購任何飲品一杯. 我選了凍宇治抹茶紅豆牛乳 Uji Matcha Latte with Red Bean. 飲品入口幾滑身, 入口有淡淡的抹茶味道, 最估唔到紅豆都幾多, 而且口感適中. 而友人選了鹽燒紫菜粟米雞蛋仔 Salted Seaweed and Corn Egg Puffs, 咸的雞蛋仔另有一番風味.