媽咪雞蛋仔

營業中

休息中

平時食開原味，今次試新出抹茶版💚 一咬落去外皮脆到"咔嚓"聲，每粒都塞滿濃郁抹茶漿，茶香回甘得嚟甜度剛好，完全冇苦澀味～最正係個糯唧唧口感，仲要即叫即製夠新鮮，熱辣辣食完成個人味蕾滿足度爆標☕️ ！， 今日晏晝2點幾經過見冇人龍，即刻衝去買📝 去旁邊超市行個圈返嚟就有得食，超快！落雨天捧住袋雞蛋仔，抹茶香混住雨後清新空氣☔️ $29蚊貴少少但絕對值得，呢份小確幸治癒晒成日嘅疲憊💕 下次一定要試埋雙拼口味！

第一次買雞蛋仔買到咁嬲，仲衰過普通街邊檔！之前未試過呢間，諗住買原味試吓先，點知買完等咗15分鐘都唔見叫我張飛，一問之下原來一早整好咗但冇㩒number，職員亦都冇叫號!!！拎到上手成底雞蛋仔已經凍哂，好難食！！！見咁多評論話好食，滿心期待會好好味，但第一次買已經成肚氣！對呢間鋪嘅印象分大減！係咪覺得我買原味張單太細，睇我唔起，所以要慢慢等下先？？？對呢間鋪頭好失望，俾錢買難受，以後都唔會再買！！！

😘香港一定唔可以錯過的媽咪雞蛋仔！！❤️‍🔥吃過大大小小的雞蛋仔，最愛的還是媽咪～❤️‍🔥😝推薦理由🥚蛋香味十足，口感外脆內軟，每次吃都是大寫的滿足。❣️而且選擇多，口味分鹹甜，可以根據個人喜好點！！好多口味可以慢慢試～🧇我最愛雙重芝士🧀，鹹口店內Top1，和法式🍋檸檬芝士，帶有檸檬的清香口味很特別，配料給超多，芝士控必點！！！🫶🏻🫶🏻🫶🏻❣️好多分店，行過路過唔好錯過啦～

真係好鬼鍾意食雞蛋仔，但唔係間間好味嘅，呢個品牌確實不錯。每次有外地朋友來香港旅遊，我也極力推薦這個港式地道小食的👍👍今日行北角東岸板道西段，行完之後，順便喺附近呢間買咗底原味雞蛋仔，購買時要求燶啲、脆啲！可惜唔脆又軟身，麻麻哋好食，可能個人口感比較喜歡又脆又香嘅！每次都係要大排長龍，今日排咗大約30分鐘左右，卻換來唔好味嘅雞蛋仔😭😭 真係有啲失望😞可能等候的人實在太多，導致雞蛋仔出爐後沒有放涼便給客人。

難得放假去接阿女放學，無理由帶兩梳蕉去架，於是一落街就即刻上網預訂咗一份雞蛋仔。預訂好簡單，只需要去官網搵番取貨既分店，就可以轉載去落order的平台，而且仲有好多付款方法可以選擇，仲會講埋取貨的時間，唔駛企喺街邊等攞野食。就係咁，我就按照預定的時間落去pick up，由落單至取貨只需8分鐘，剛剛落完單就落街行過去，非常方便。過年轉咗賀年包裝，賣相都幾靚呀，有心思今日揀咗抹茶朱古力味，抹茶味都幾夠香，朱古力係濃得黎唔會太甜，抹茶同朱古力真係好襯。雞蛋仔keep到外脆內軟，d邊又脆卜卜，好味道今日放學我就去接阿女，阿女就接雞蛋仔，兩母女開開心心咁放學，開展農曆年的長假期

媽咪雞蛋仔 近年開到成行成市，網上聽人講而家質素良莠不齊，試吓北角分店，睇吓質素keep唔keep得住北角分店 原味雞蛋仔嘅價錢都係$20，大小同外觀同其他Zaza平日食開嘅分店一樣～ 味道方面，雞蛋仔嘅蛋漿唔錯，煮食嘅時間都拿捏得恰到好處，所以雞蛋仔同平日食開嘅一樣，都係外脆內軟，唔錯唔錯

媽咪雞蛋仔好多人話好食，新分店咁近梗要試吓嘅！點了伯爵茶雞蛋仔（$31/底），包裝好靚，趁熱食幾好味，份量足夠2個人食，伯爵茶味香濃，甜度適中，香脆度則比起同區的利強記稍遜，但口味選擇多係佢優勢，下次會再來試第二種口味。