威利餐廳 (已結業)

7-11-2015 (Sat)同男友早起要執拾,快快食個早餐,我o地o黎呢間,男友要$27.00o既餐蛋麵,加$3.00飲凍檸水.我見有$25.00o既皮蛋瘦肉粥餐,於是叫呢個,拼脆香春卷,樓面問我飲咩?冷不防原來呢個包o野飲,於是叫熱檸水.所有o野都o黎齊,先唔講食物,睇睇張單寫31同30,點計出o黎?男友o既係$30.00,冇問題,我o既$31.00,點解?睇吓menu,寫明以上餐凍飲加$3.00,(凍,熱)檸蜜,檸樂,檸啡加$5.00.原來粥餐唔包o野飲就算係咁,點解加$6.00?只係檸水o黎啫.於是問問樓面,樓面話粥餐加熱飲係加$6.00.我答menu冇寫.於是佢問問老闆,之後返o黎話老闆話算,加$5.00.好,講返o野,男友個餐唔提喇,我o既皮蛋瘦肉粥,瘦肉唔多,粥底唔棉,味道清淡.而脆香春卷呢,係脆,但內裡o既餡唔多,食唔到咩乜滯.

前日(18-7-2015 Sat)晏晝,同男友食個晝至出去,唔知食乜好,男友話o黎呢間.啊.去到,我都係唔知食咩好,諗極都諗唔到.老闆娘話有炒飯河o個啲.好,揀定喇.男友要$38.00o既茄子牛脷絲飯,加$2.00飲凍檸水少甜.我要$36.00o既廈門炒米,飲熱檸水.老闆娘放低張單,我睇睇,40+41o既?睇返枱上o既menu至知,原來我o個個要o野飲品係另外加錢.兩杯o野飲到o黎,我冇飲過男友o既,之後我o既廈門炒米到o黎,味道甜甜地,所有o野口感都正常,冇問題.而男友o既茄子牛脷絲飯呢,牛脷絲味道濃郁,口感正常,汁就酸酸甜甜咁,男友話好食.

前日(13-5-2015 Sat)冇買餸煮晚飯,就同男友落街食飯,去邊o度食?男友話呢間,OK.去到,我決定要$38.00o既味菜牛柳絲炒烏冬,加$2.00要凍檸水.男友要豉椒鮮魷飯,不過老闆話冇鮮魷,不如豉椒班腩飯,咁男友就要呢個,$42.00,加$2.00要凍檸水少甜.冇耐,兩杯凍檸水都到o黎,我杯正常凍檸水唔太甜,o岩o岩好,又夠冰凍;男友話佢o個杯舒服.等o左一陣,兩碟o野都到o黎,我碟炒烏冬都幾夠鑊氣,熱騰騰,味菜好似唔夠惹味,發揮唔到作用.牛柳絲幾多同鬆軟,OK.烏冬都正常冇問題啦.而男友o既豉椒班腩飯呢,我只試一件班腩,一般啦,都冇乜問題.抵食係2.5分

大前日(25-5-2015 Mon)佛誕公眾假期,同男友食個晏,都係決定o黎呢間,因為多選擇.坐低後睇o左好耐,我要$41.00o既干炒香茅豬扒河,要熱檸水,男友要$41.00o既茄汁燴牛脷飯,加$2.00要凍檸水走甜.冇耐,兩杯o野到o黎,熱檸水正常唔澀.然後我o既干炒香茅豬扒河先到,見到扁平o既,份量唔多,一塊豬扒已幫客人剪好,食落,好夠鑊氣,香茅豬扒夠味同腍,唔錯.之後男友o既茄汁燴牛脷飯到o黎,見到大大碟,牛脷都有四件,食落, 茄汁飯味道同口感正常,牛脷夠腍,但好得意,佢o地沾o左少少蛋漿至煎,牛脷o既味道幾濃.男友同我都覺得呢兩樣都唔差.味道係4.5分,抵食係2.5分服務:當只有我o既干炒香茅豬扒河到o黎,我同男友share食,亞姐見到,主動問我o地要唔要碗仔?我答唔使喇.

今日(23-5-2015 Sat)同男友食個晏,由於落雨,而且o度o度食o野都一樣,於是留o係o度食,原本去廣發,但經過呢o度冇乜人, 而且有個$34.00o既特餐好似好特別咁,於是o黎呢間.我就要o個個特餐,飲熱奶茶.男友要$32.00o既特色雜扒撈公仔麵,揀黑椒汁,加$2.00要凍檸水少甜.兩杯o野飲到o黎,我只落一茶匙糖,茶味同滑度都欠啲啲.之後兩個餐到齊,男友o個個完全被黑椒汁遮晒,我o個個外貌對版,先叉開白汁吞拿魚火腿奄列,99.9%係火腿絲,我有冇記錯?冇吖,牆上o既餐牌都係咁寫,吞拿魚我只食到細過5仙o既一小撮,全程只食到汁火腿絲,而奄列蛋係全熟同好乾同o鞋.至於珍寶腸通粉, 珍寶腸係來貨,味道口感正常,通粉唔太腍,但湯底係冇味.最後食牛油多士,唔知係咪擺得耐,已經變韌,但牛油俾得好多,咇出o黎咁滯.而男友o個份,我只食啲汁,因為我o既通粉冇味.發覺佢o既黑椒汁帶有番茄味,奇怪.由於男友冇乜comment佢o既早餐,所以呢個食評唔會評佢o既食物.味道係2.65分, 抵食係2.2分

21-9-2012(Fri)同男友起身梳洗後食早餐,我o地今次o黎呢間食,我要$27.00o既香茅豬扒湯河,飲熱奶茶,男友要$21.00o既D餐,係牛油方包,火腿煎蛋同沙爹牛肉通粉,加$2.00要凍檸茶.好快,o野飲同男友o既早餐都到齊,我o既香茅豬扒湯河就最耐.今次奶茶味道有啲怪怪地咁,有少少藥味,不過唔o鞋.而香茅豬扒湯河呢,件豬扒只有三小塊,河粉都唔係好多, 香茅味道夠,o岩o岩好,河粉冇乜問題,啖湯就淡淡.男友o個啲我冇問,都係正常貨色吧.

5-5-2012(Sat)朝同男友起身後去食早餐,去荃灣食定o係呢o度食?其實食o黎食去都係o個啲,就呢間啦.男友要$21.00o既雪菜肉絲米,跟火腿煎蛋牛油方包,加$2.00要凍檸茶.我要$24.00o既豬柳漢堡扒跟火腿煎蛋牛油多士,要熱好立克.兩杯o野飲到o黎,我加一茶匙砂糖落好立克,覺得淡淡,要加多半茶匙.男友o既雪菜肉絲米先到,睇睇,肉絲呢?唔見o既?男友用叉’撩’吓佢,見到喇,好矜貴呀,得一粒肉粒.其實都唔想寫呢篇食評,因o野食全部都冇問題,只係肉絲真係少得可憐,咁又加埋下面o既極簡單豬扒包經驗.呢個就o係今(19-5-2012 Sat)朝同男友o黎食,男友要$23.00 o既雪菜餐肉米,加$2.00要凍檸茶,我要$22.00o既葡式豬扒包餐,飲熱檸水.飲品同男友o既雪菜餐肉米到o黎,睇吓,今次見到有肉絲喎,但有一件午餐肉o既邊好似過o左火.之後我o既葡式豬扒包到o黎,影o左相揭開o黎睇,我冇眼花吧?件豬扒已經唔大件又薄,內裡重要只係有啲紅洋蔥同少少汁,咁大個包餡就少到喊,實在太差喇!食落,豬扒係熱,啲汁係OK,但….呢個真係唔係葡式,$22.00一個餐就只得咁少o野,成本真

今日(1-5-2012 Tue)勞動節,男友要返工,我就陪佢食個早餐後出深水埗.求祈o黎呢間食啦.坐低後,我記得呢o度有粥餐,就叫個$21.00o既皮蛋瘦肉粥配炒麵,但已經冇晒炒麵,咁改要春卷啦.男友就要$21.00o既D餐,有牛油方包,火腿煎蛋,加$2.00改沙爹牛肉公仔麵,再加$2.00要凍檸茶.好快,男友o既凍檸茶同我o既皮蛋瘦肉粥到o黎,皮蛋瘦肉粥o既料唔多,粥底唔夠綿又好淡,係冇味精,但真係冇味.而唔多o既皮蛋瘦肉呢,皮蛋冇問題,而瘦肉,竟然唔係瘦肉係雞絲,重要連住雞皮,感覺難食.之後其他o既都到齊,春卷有五件,伴以泰式酸甜醬,食落,春卷係脆,內裡o既餡就只係蔬菜,味道都淡淡,一般.今次味道分唔計男友o既早餐.

大前日(5-2-2012 Sun)朝同男友起身後出去食早餐,佢又揀呢間啦,今次佢要$21.00o既雪菜肉絲湯米餐,有牛油方飽同火腿煎蛋,不過佢改炒蛋,加$2.00飲凍檸茶.我要同樣係$21.00o既沙爹牛肉通粉,一樣有牛油方飽同火腿煎蛋,我加$2.00飲凍奶茶.好快所有o野到齊,雪菜肉絲同沙爹牛肉都唔多,我先試沙爹牛肉通粉,通粉軟硬適中,沙爹牛肉係罐頭貨色唔緊要,但佢冇整返熱.而牛油方飽同火腿煎蛋冇乜問題,不過我發覺原來轉炒蛋份量係多啲(o殊).而我杯凍奶茶都中規中矩冇乜大問題.男友對佢o既食物冇乜評價,只係話凍檸茶太甜,檸檬就OK清唔澀,我建議佢下次叫少甜.而我記得爸爸上次同我o地去太平館食晚飯時話,如果沖出o黎o既檸水或檸茶係澀,係檸檬唔靚,而唔係啲水太熱.環境:今日天氣暖o左好多,入到o黎覺得有啲焗,唔緊要啦,自己除o左件褸咪得囉,唔好又勞煩人o地喇.服務:我o地食o緊o野時,聽到女侍應同我後面個客講,你放低啲錢o係o度(張枱)得o架喇,唔使找吖嘛...令我諗起我呢篇食評提到當時佢o地唔肯代收o既事.http://www.openrice.com/restaurant/comme

7-12-2011(Wed)朝同男友起身後去食早餐,我o地又o黎呢間喇,男友要$23.00o既煎牛扒配火腿炒蛋牛油多士早餐,加$2.00要凍檸茶,我要$26.00o既香茅雞球河,要熱奶茶.好快飲品到齊,我o既奶茶好香,但飲落茶味唔多夠同o鞋口.然後早餐到齊晒,我試男友o既牛扒,好似係咪重手o左,黑椒都幾辣.而我o既香茅雞球河呢,係切開o左o既雞扒,食落有少少香茅味,河粉口感冇問題,不過個湯就冇味,好寡.不過算啦,呢o度始終唔係真係越南餐廳.衛生:亞姐拎餐具到o黎時,我睇到乾淨o左,冇o左之前寫食評時提到o既污漬,呢點好好,所以要上o黎講返.

今(30-10-2011 Sun)朝同男友起身後去食早餐,又去邊o度食呢?呢o度冇乜選擇o架喇,又去佢鍾意o既呢間吧.我揀o左$28.00o既特餐,有牛油多士,白汁吞拿魚奄列,司華力腸通粉,要熱奶茶.男友要$28.00o既常餐,有牛油多士,特級西班牙奄列,叉燒湯意,同樣要熱奶茶.好快,男友o既叉燒湯意o黎到,叉燒係全瘦,唔係好多同幾淺色,意粉o既湯有啲泡,係咩泡o黎呢?男友飲啖湯都飲唔到咩味,叉燒同意粉都唔太硬.然後我o既司華力腸通粉o黎到, 司華力腸只係半條,通粉湯冇乜味.之後兩個奄列同牛油多士一齊到o黎,先試我o既奄列,餡料o既白汁竟然係沙律醬,而吞拿魚係少到近乎冇,蛋皮奄列煎得好乾,男友試過後話咁o既配搭唔好食.咁我又試佢o既特級西班牙奄列有幾特級,原來餡料係茄汁腸仔火腿,酸度唔夠沙律醬o既酸,但我覺得一般吧.最後到牛油多士,佢o既牛油已經熔o左入多士到,但仍然好香,呢個不俗.而熱奶茶呢?味道都適中冇問題o既,不過….我隻杯又有好多黑色o既漬.

9-10-2011(Sun)男友難得o既星期日補假,決定同佢行元朗,朝早起身後食個早餐,佢話呢間,啊.o黎到都幾full吓,男友要$26.00o既炸日式餃子麵,加$2.00要凍奶茶,我要$23.00o既煎牛扒,配火腿煎蛋牛油多士,要熱奶茶.等o左一陣,所有o野都到齊,男友o既炸日式餃子一共有四隻,我o地開餐lu.男友食啖麵,有驚喜,原來有炒香o左o既蒜蓉,唔錯喎.而餃子呢?餡係韭菜,幾香o既,可惜餃子皮被炸到好乾,麻麻.而我o個份呢?有一個共通點,就係薄.牛扒外表被煎到好乾,但食落唔韌重唔乾,煎火腿同雞蛋都冇乜問題啦,而牛油多士牛油唔太多,不過都幾香.奶茶茶味就唔算好夠.整體都算唔錯.不過....餐刀上有好多漬,呢點唔掂喎.

叫咗個吉列魚柳咖喱飯送例湯,常餐(豬扒麵加多士奄列)吉列魚柳咖喱飯>>魚塊好脆!不過咖喱味道好甜,一d辣味都無例湯>>味道普遍,不過不失多士奄列>>奄列入面有d腸仔加西班牙汁,味道有d柽柽地!豬扒麵>>豬扒ok,麵就無乜味!

前日(21-5-2011 Sat)朝同男友起身梳洗後,為o左爭取時間,我就開電腦上網,男友就買o野返o黎食.好耐好耐,男友返到o黎,我睇睇佢買o左咩o野,原來兩隻炸雞髀,兩杯凍奶茶同一碗沙牛通,合共$56.00.好,開餐.炸雞髀炸得o岩o岩好,唔太燶,皮脆肉滑同仍有肉汁,鹹度亦o岩o岩好.o衣o家諗起又想食.沙牛通唔係好得,牛肉係仍有牛肉味,但已’o鞋’同沙爹味唔濃.凍奶茶茶味係夠,但飲完好似唔夠咁.

今(18-2-2011 Fri)朝同男友起身後食早餐,佢食厭o左江記,於是又行o黎佢鍾意o既呢間.一入門口,就嗅到好香奶茶味,而由於過o左返工返學o既繁忙時間,所以有好多位,男友要$20.00o既沙爹牛肉通粉,火腿煎蛋轉炒蛋同牛油方包,要熱奶茶.我要$23.00o既早餐,有薯餅,火腿煎蛋轉炒蛋同牛油多士,要熱奶茶.好快,兩杯奶茶到o黎,加o左1.5匙糖,甜度已經好夠,男友話奶好似多o左啲.之後男友o既食物到齊,然後到我o既.薯餅大大件,味道同麥當勞o既差唔多,細隻o既炒蛋應該冇落鹽,所以淡淡的,不過伴住薯餅食就唔使落鹽啦.而微微煎過o既火腿冇問題.牛油多士o既牛油唔多,呢個都不過不失.