23
7
3
港鐵北角站 A1 出口, 步行約6分鐘 繼續閱讀
電話號碼
21118843
營業時間
今日營業
12:00 - 15:30
17:30 - 21:30
星期一至日
12:00 - 15:30
17:30 - 21:30
付款方式
現金
食評 (35)
等級4 2017-12-16
2132 瀏覽
今日咁啱黎開北角,見到有間叫"姨婆瑪麗"ge餐廳,就同朋友一齊入咗去試下.東南亞野,我個人都好中意食,但通常都係食泰國菜或者系越南野多,星馬菜真係小食,今次就叫咗個:怡保咖喱麵咖喱麵一上臺已經聞到個香味,距個咖喱味唔會好刺鼻,而系好香,忍唔住流口水,呢個麵有個好濃郁ge咖喱湯底之餘.仲有好多配菜,蝦,魚片頭,豆腐卜,豬紅等,都幾豐富,特別中意距個豬紅,好香,而且好喜歡果個口感.辣死你姨媽呢個系一個拼盤飯,顧名思義系乜都有,椰香飯,雞蛋花生,鮧魚,青瓜,仲有牛腩,同一隻炸雞腿!重點個雞比炸得好脆好香,而且大大只,非常多肉,另外個牛腩都好香,牛腩蚊得非常淋滑,而且微微ge辣,呢個set好大份,而且非常適合男仔食,夠曬多肉!正啊姨婆小食拼盤小食拼盤有個烏打,粵語意思就係用一d蕉葉包住d魚肉去炭燒,魚肉淋滑有香葉ge香味,唔錯,另外仲有個賓城五香肉卷,都係呢度ge招牌小食之一,肉卷系用腐竹包住,食落滿滿ge腐竹香味,肉卷入面仲有d小配料,例如蘿蔔等等,幾正,之後再有d炸雞亦.都好唔錯,即叫即炸,豐富ge拼盤.肉骨茶肉骨茶好香,同好濃郁ge味道,充斥住藥材味,飲落幾甜,但唔會系好假ge甜,絕對系真材實料!!滋補一流.好味ge星馬菜,野食唔貴,又大份,店員ge服務態度好好!!值得贊啊!!好親切~~會再來. 繼續閱讀
(以上食評乃用戶個人意見 , 並不代表OpenRice之觀點。)
獨有風味 焦點食評
等級4 2017-11-18
2181 瀏覽
自從去過幾次新加坡和馬來西亞後, 發現自己越來越喜歡當地的菜式, 特別是喇沙、咖喱麵、椰香飯、肉骨茶等等….而最懷念就是烏打, 但回港後真的不易找到, 只知道深水埗有間小店有, 亦吃過一次。不過, 對我這位懒得郁的港島人來說, 要過海為吃一頓馬來西亞菜, 真是有點難度。攪到自己成日心掛掛, 好彩今晚行經北角發現了它, 不知這間小店的馬來西亞菜會否合我口味呢? 期待….小店門口貼上 “馬來西亞車仔麵” 幾個大字, 而透過大型的落地玻璃門窗可清楚看到店內的環境。門外還擺放了多份餐牌, 亦貼上幾款菜式的相片, 看來幾吸引。走進內裏,左右兩邊共設有約十張二至四人枱, 地方雖小, 但整齊企理, 而裝潢亦簡約平實, 白色的牆身鑲上多幅菜式相, 四周就擺放了一些綠色植物, 感覺很有氣息, 很舒服。細看餐牌, 主要分五大類,  有麵食、怡保芽菜雞、椰香飯、小食和飲品。麵食有可揀自選車仔麵或店子所預設的三款, 包括怡保雞湯麵、姨婆蝦麵和怡保咖喱麵。至於椰香飯就有自選一款餸菜的“辣死你媽”和最豐富的“辣死你姨媽”。**************************“辣死你媽” ($44) 這個名字咁有趣, 就嚐一嚐它有多辣吧! 它已包有椰香飯、青瓜、鰻魚、花生、雞蛋 和娘惹泡菜, 再在六款餸菜中揀一款, 看來幾豐富, 就在當中揀選懷舊蘿蔔牛腩。淡淡青綠色的椰香飯 份量很足,試試單嚐它, 有點乾身, 椰香味不算香濃,伴些牛腩汁, 再加件牛腩 和少許參巴醬, 味道吸引。旁邊放了伴上參巴醬 的清爽生青瓜片、香口的花生、鹹香脆口的魚乾仔 和半隻雞蛋, 還有我最喜歡的娘惹泡菜, 又叫阿叉, 成品有青瓜、紅蘿蔔、長豆  和包菜, 再灑滿甘香的芝麻 和混入娘惹辣油香料, 辣中帶微甜,味道美味, 用來伴椰香飯 一流,從未在別家店子吃過, 好吃!懷舊蘿蔔牛腩滿滿一大碗, 內有三四件白蘿蔔, 嫩口無渣, 清甜多汁, 不錯! 牛腩 切成細細件, 易於入口, 雖不算很腍嫩, 但絶不嚡口, 而且烹調入味, 也不錯, 但最美味還是滑嘟嘟的牛筋, 富有膠質, 既腍滑又入味, 正!**************************小食選擇也不少, 數數看, 足足有十六款, 但第一時間已被烏打烏打($32/4)吸引了。它是我在新加坡一種很喜歡很喜歡的小吃,一直在香港很少遇見, 好懷念呀….今次竟在這小店找到, 太好了! 以蕉葉包裹着燒,即點即燒,打開時熱辣辣。把蕉葉打開, 薄薄一件的烏打烏打是魚肉 混入不同香料 炮製而成,香辣惹味,辣度不算很厲害,嚐到淡淡的魚香。每件烏打烏打細小而薄身, 若然將兩件合為一件, 相信口感會較理想。這裏的烏打烏打跟我在新加坡所吃的有點不同,而相同在也是用蕉葉包裹來燒。這小吃在新加坡名也叫 "烏打", 較為厚身,有幾款口味選擇,有橙色的香辣味、有白色的原味, 也有在魚肉中加入魚頭的,種類多變。也吃過跟這裏一樣的香辣味,新加坡較厚身的香辣"烏打",味道較平均,魚香中滲出香辣,還是喜愛新加坡的...**************************飲品就揀了自家特飲, 今日是凍冬瓜龍眼茶 ($14), 滿滿一大杯, 入口冰涼透心。冬瓜 的清甜加上龍眼 的甜美, 滋潤順喉, 甜度剛剛好, 正合我口味, 自家製果然不同。------------------------------雖然今晚所吃的椰香飯和烏打味道跟我在新加坡吃的有所不同, 但其實去到新加坡走進不同的食店, 相同的菜式也有着不同的味道, 這正正是小店的獨有風味, 而今晚這間小店也有它獨有味, 在別家是嚐不到的!  繼續閱讀
(以上食評乃用戶個人意見 , 並不代表OpenRice之觀點。)
馬來風味小店 焦點食評
等級4 2017-11-18
1271 瀏覽
上星期同幾個好姊妹飯聚,席間有人提到北角最近新開咗間叫「姨婆瑪麗」嘅車仔麵店,據說店子主打馬來西亞菜,除了有車仔麵食、椰香飯和咖喱麵等供應之外,還有不少馬來西亞小食,如沙嗲串燒、娘惹泡菜、烏打烏打等可作配搭。反正星期五懶懶地,唔想煮飯,就一於下班後去試下。小店位於北角道亞太商業中心,是家地鋪,位置唔算起眼,不過門面就用上落地玻璃。踏進內,地方不大,以木製方桌為主,細心一數,只有約 30 個座位,如果是繁忙時間到訪的話,應該會有點逼狹。不過睇得出店主喺裝潢上花過不少心思,近門口擺放了幾盆散發著淡淡幽香的斑蘭葉,而牆身就懸掛了多幅馬來西亞街邊常見的串燒檔照片,加上有趣嘅店名,玩味十足。拿起餐牌,車仔麵共有三款湯底,有怡保清雞湯、咖喱湯、蝦麵湯,另外亦可以揀撈麵,而配料就有二十四款,由最基本的豬皮、豬紅、蘿蔔,以至比較特別嘅西刀魚蛋、豬軟骨等,全部有齊。至於碟頭飯方面,就以椰香飯為主,同樣可以自選餸料。不過如果唔想傷腦筋的話,店子亦另備有幾款固定配料的麵食和飯餸可供選擇。點了個三餸蝦麵湯底配油麵,而餸料就揀咗蝦、西刀魚蛋同豬軟骨 ($38)。蝦麵湯底據說是以蝦殼、南薑、蝦米等熬煮而成。先將辣醬與湯底拌勻,呷一口,質感雖然唔算好濃稠,但入口辛香微辣,帶一股清鮮的海鮮味。再挾起油麵入口,粗韌彈牙;海蝦肉質爽實,而西刀魚蛋亦微甜滑溜,加埋軟腍入味的豬軟骨,味道不俗,唯一就是稍嫌湯底有點油膩。食完麵就一於揀個椰香飯試試,不過今次唔想再動腦,點了一客已預設餸料嘅辣死你姨媽 ($62),材料除咗主角椰香飯外,還配有雞蛋、花生、鯷魚、青瓜、娘惹泡菜、冷當牛腩和大大隻怡保炸雞脾,實在超級豐富。飯用上普通泰國絲苗米,不過就加咗泰國椰汁去煮,所以食落有淡淡椰香,但又唔會好膩口。配料方面,最愛就是娘惹泡菜,味道帶點酸甜,非常開胃。另外冷當牛腩,水準亦不俗,不但鬆化腍滑,而且入味鹹香;還有香口嘅怡保炸雞脾,雖然肉汁不多,但炸得色澤金黃,雞皮脆口又不覺油膩。見餐牌上有唔少特色小食和沙嗲串燒,反正一場嚟到,就點客沙嗲豬牛雞串燒 ($44) 和馬來燒菜心 ($28)  一試。各款串燒都帶點炭火香,肉質不俗,尤其是雞肉和牛肉,前者肉質嫩滑;而後者咬下不韌、帶著肉汁,配上香濃的沙嗲汁,十分惹味。馬來燒菜心亦屬水準之作,翠綠菜心燒得表層微焦,入口腍甜多汁,非常好吃。飲品選擇不多,有汽水、檳城白咖啡、自家凍特飲 ($14)  和鮮豆漿 ($12)。自家特飲冬瓜龍眼茶,入口清甜滋潤,比汽水更加解渴,如果入面可以加埋冬瓜蓉,口感應該會更正,而鮮豆漿就順滑無渣,豆味濃郁。兩個人吃得飽飽,每人唔使一百蚊,價錢不貴,下次會再嚟試吓咖喱麵同雞飯。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-22
781 瀏覽
今日去開北角,見到😍個餐廳名好特別啊💕原來係食馬來西亞菜🇲🇾就入左去試!🔥沙嗲串燒拼盤🍡🍢🍃($58)串燒拼盤一份有4串,有3串肉類和1串蔬菜。串燒燒得惹味香口,肉質香嫩啖啖串燒香,還有自家製的沙嗲醬,非常美味!👵🏻姨婆小食拼盤🍱($42)🍗怡保炸單骨雞翅🌯檳城五香肉卷🌿香葉札肉3️⃣餸車仔麵($38)🍲恰保雞湯底🐥(芽菜、韮菜🌿、炸蒜)👉🏻咖哩豬皮🐷👉🏻豬大腸🐽👉🏻豬粉腸🐷恰保雞湯底雖然望落湯底好清,但係飲落相當清甜,配埋芽菜、韮菜、炸蒜令湯底更加香。🌶辣死你姨媽🍱($64)椰香飯🍚、雞蛋🍳、花生、鯷魚🐟、青瓜🌵、娘惹泡菜🌿、參巴魷魚🐙、冷當牛腩🐄、保恰炸雞脾🍗這個飯除了名字名吸引外,份量亦非常多,除了有一個椰香飯外,還有很多款的配料。最驚喜的是有一隻大大的炸雞脾,還是炸到熱辣辣,與飯分開上的。椰香飯充滿椰汁配上不同的配料非常惹味,尤其是參巴魷魚 🦑辣辣香香的,冷當牛腩的醬汁也相當不錯,充滿咖哩香味,還有花生、鯷魚等配料令這個飯非常豐富!自家特飲($16)當日的自家特飲是桂圓茶,味道清甜,又不會太甜,清涼解渴,非常好飲!整體來說,食物和環境都不錯的,有機會一定會再來! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-18
860 瀏覽
姨婆瑪麗嘅新開業, 食評都未有幾篇就儲咗幾個負評得半碗!牛腩唔稔....但見過佢FB啲post又唔覺得店主係hea做。所以幾個重口人就去試吓佢嘅真章一入門口覺得店舖令人放鬆, 冇乜伏味。叫咗三餸咖喱摻摻同蝦麵摻摻,再加咗參巴魷魚燒菜心(MENU打咗做一串,其實係一碟)同埋單骨雞翼。「疑似老闆」見我嘅朋友白淨又瘦削一副文青女神樣,擔心佢食唔到辣(其實佢好受得XD),專登比多個碗仔佢,比佢夾開食冇咁辣。湯底不論聞定飲都好香蝦乾仔味,鹹中帶辣。參巴醬幾辣,但帶甜味。加埋入湯底好香。咖喱湯底椰香味超濃陏~~~成個湯好creamy,有椰奶嘅甜,但辣度十足。其他車仔麵檔真係冇呢種咁有層次嘅湯底。豆卜只係隨湯附送嘅配料,但都有兩粒(未剪開架!),足料!見到剛開業唔少食評話車仔麵份量太少,配料麻麻,但食完呢餐真心欣賞店主有聽顧客嘅意見,好好改進~~~因為有幾款湯底,所以豬軟骨唔會好似其他麵檔咁用腩汁燜,顏色比較淺,但係肉係有鹽水味嘅~撈咖喱汁食好正。西刀魚蛋~牛腩比較碎,但因為佢燜得好稔,而且加埋量都好多,碎腩都唔緊要~摻摻係米粉加油麵,地道食法,不無道理。米粉比較幼「掛湯」比較好,但就比較鞋,撈埋彈牙有蛋味嘅油麵就啱啱好~但要注意,摻摻比淨叫米粉/麵份量好似多咗倍咁!參巴魷魚入口係燒烤醬嘅甜味,但後勁凌厲!辣味喺舌根位滲出,有別於雲南米線嗰啲舌尖麻辣味,幾特別~誰不知菜心先係亮點!!燒菜心原來係咁正~炭火味好香,菜莖又好甜~真係值得試吓~ 繼續閱讀
(以上食評乃用戶個人意見 , 並不代表OpenRice之觀點。)