姊妹飲食

營業中

休息中

檸檬茶超甜….叫個出前一丁無得輸咖啦.點知真心唔好食。好似凍水浸林晒咁麵質杯野甜到爆廠….我已經食慣重口味！結果碗麵食左個唔好食既豬扒麵咬兩啖 同杯野飲啜左幾啖就火速起身比錢行人………………………………………………………………………………重而為個姐姐收啲野番入去洗會問我做咩食淨咁多..錯晒⋯⋯！我都廢事講出嚟..............................

一日之計在於晨，食個醒神早餐係必須！不過每朝都趕到甩錄嘅時候，一間快、靚、正嘅早餐店係好緊要架。今日係星期日，約咗早上11點去元朗見工，為咗有精神，就係樓下食個靚早餐，飲杯回魂奶茶，醒一醒神先。不過因為趕時間嘅關係同埋唔係太肚餓，就叫咗個三文治餐$27。三文治餐嘅三文治可以揀兩款食物，我就揀咗雞蛋同埋午餐肉。入咗小店，連埋落單、俾錢，再加埋等餐嘅時間大約用咗5分鐘，真係好快。拎咗三文治，一摸上手，發現份三文治真係熱辣辣，超級好味。而且雞蛋好厚身，午餐肉本身係幾油嘅食物，但係因為麵包無塗牛油，加埋雞蛋煎得好乾身，所以三樣嘢夾埋入口都唔肥膩。其他餐都好抵食，有機會再試😋

話咁快就去到復活節假期最後ㄧ日, 平時食早餐好簡單, 麵包ㄧ個再自己沖杯野飲就算。今日落街食個豐富早餐, 食飽 d 先有多 d 力氣去行街。間舖裝修非常簡單, 連餐牌都係手寫版, 絕對係做街坊生意。今次要了ㄧ份沙嗲牛肉通粉, 多士, 奄列, 熱好立克。多士烘得稍為燶了少少, 碗沙嗲牛肉通粉好大碗, 望落去ㄧ d 都唔油膩, 牛肉都唔少, 好有沙嗲味, 唔鹹, 份火腿奄列都好大, d 蛋唔會熟得滯, 杯好立克略為淡左 d, 總括成個餐都好味嘅, 都係 $26, 好抵食。

雖然住係附近咁多年, 但一直都無去幫襯, 因為見佢個環境認真麻麻地, 唔想入去食。但有朋友食過佢嘅蒸魚午餐, 成條魚嘅, 評價係味道都 ok, 價錢平, 於是決定去試ㄧ試, 但我係先試早餐。Order 了ㄧ份雪菜肉絲米線, 奄列, 多士, 熱奶茶。先講講碗米線, 望落去唔油膩, 都好大碗, 好多雪菜, 味道唔鹹, 奄列多火腿絲, 煎到金黃色, 係多左少少油, 多士烘到脆ㄧ脆, 揸了ㄧ層薄薄嘅牛油, 都好香口, 杯熱奶茶係我鍾意飲果種味道, 所以整體都 ok.

話說打電話叫左個沙嗲牛肉米線，堂食$25，外賣加一蚊，即$26！我打電話叫外賣問幾多錢，個個人答我$27-29！已經覺得奇怪！好啦，上到黎，話收我$28，我問點解$28既？加左價？佢話下邊餐牌係$27，外賣一蚊即$28，無加價喎！再一問之下，話我叫既係豬扒米線所以＄28！我一打開，係"沙嗲牛肉""米粉"，仲話佢乜都唔知照收錢送外賣，又爆粗，又拍我屋企門！真係咩態度？收錯錢，有錯唔認，仲潑婦罵街！我一話你再係咁我call Security，條pk先驚先識走！事後我打返去問，我問頭先我落單係叫咩？佢話我叫嘅係沙嗲牛肉米線，我話咁咪係囉，點解條pk仲上到黎發癲？做錯無人怪你，只要你道歉，件事係好少事，但仲起度發癲，拍人屋企門，呢d咁粗魯行為，真係呢d粗人先識做！叫個外賣都㷫過火屎😡😡😡