妹記生滾粥品

📍妹記生滾粥品 (旺角)旺角花園街123A號花園街市政大廈3樓熟食中心11-12號舖妹記係香港僅有傳統銅煲生滾粥所有粥即叫即煮 因銅煲傳熱快生滾粥夠熱之餘 配料保持嫰滑而妹記魚粥更是有名 ✨爽魚皮清爽脆口 無魚腥味 Q彈Q彈✨生滾豬膶粥 豬膶厚切得嚟仲好爽滑✨生滾魚咀魚鮫粥粥夠綿滑不漿口 魚鮫新鮮味 味道清甜 ——————————————————————整體用餐體驗✨味道(4/5)✨環境(3/5)✨服務(3/5)✨性價比(4/5) …查看更多

榨菜牛肉腸有皺褶嘅腸粉，上面鋪左榨菜粒同牛肉碎，調味啱啱好，粉皮夠滑，係我鐘意食嘅質感同味道😋生滾豬潤粥豬潤厚薄適中，份量充足，粥底好軟綿，生滾粥揀豬潤，貪佢滾完之後會有陣肉香味，粥底特別香濃😜生滾魚腩肉丸粥 本身食豬潤粥時已經覺得唔錯，到食左一啖魚腩粥之後，發現豬潤粥有啲被比下去🙈見到廚師會先爆香左啲魚腩（個廚房真係起哂🔥嫁）爆香完嘅魚腩用嚟滾粥，再加上本身會用魚湯滾粥，成碗粥好香魚味，，魚腩份量亦都好充足，肉丸係手打肉丸，食落鹹鹹香香好好味，食完呢個魚腩粥之後，我決定每次去呢間鋪頭無論叫咩餸都一定要配埋魚腩😆…查看更多

今日出開旺角，又好想食粥，上網一search就見到呢一間妹記生滾粥譜，見到好多人推介，於是就去咗試，見到係熟食中心入邊，以為價錢都比較相宜，點知價錢都比較貴，一碗粥都$50 ，不過食得出材料好新鮮…查看更多

天氣涼涼地，想食碗生滾粥，於是去咗旺角妹記。今天冇爆滿，不過都唔少人，特別係有好多都係遊客，乜嘢國籍都有。叫咗牛肉粥，肉丸粥和炸兩。牛肉粥和肉丸粥嘅粥底，應該係加咗皮蛋熬製，因為我仲食到細細粒嘅皮蛋，粥底確實很綿。牛肉粥牛肉份量很多，冇過份處理，質感和味道都很自然，好食。肉丸粥肉丸唔會太實，咬落幾鬆軟，但調味就稍為多咗啲。炸兩油炸鬼仲有少少脆口，腸粉夠滑，正常發揮。整體都是不錯的，網上好多人都讚魚腩粥好食，因為聽講佢會先煎香再煮，下次一於試吓先～～…查看更多

#生滾魚腩及第粥 #炸両腸粉 多年無來，原來味道已經不同了，炸両無乜特別，但是個粥出哂事，第一啖，我唔係食到鮮味，又唔係食到腥味，我係食緊米酒煮粥，濃濃的酒精和米酒的甜，嚇了我一跳，心諗我病未食錯野，魚腩本身唔腥，咁多酒去腥做乜，用薑或胡椒都夠啦，粥底米花又無以前咁多，食完重要口喝，味精不少吧，又一間伏的老店。PS可能為了迎合北方口味，不是大家熟悉的口味…查看更多