妹記佩蘭鹵水鴨專門店 (已結業)

上回 Staycation 試了水準不錯的潮店 — 澄海小館，第二回 Staycation 行完山後，我們又準備嘗試鴨脷洲另一家滷水店。妹記佩蘭鹵水鴨專門店 — 頗長的店名，長度猶如駱驛不絕的客人，記憶中抵店時大概是下午一時多，除仍有輪候客人，河粉和瀨粉也沽清。「妹記」跟 「澄海」第一個分別是前者主理滷水鴨，也設有牛腩、雞翼、牛丸、雲吞等湯粉麵，平日早上更供應港式早餐，而後者主理是正宗潮州滷水鵝、其他滷水食品及潮式小菜等。我們要了一份例牌滷水鴨 HK$55，以價錢的定位來說，份量確實不少，可謂街坊抵食之選！滷水鴨肉軟稔，就連鴨胸部位也沒有柴口，最為令人難忘之處！至於滷汁味道則不過不失，未算突出，將鴨件蘸上白醋會更加可口！由於我們有份量十足的例牌滷水鴨坐鎮，兩人另多加了一碗齋米 HK$15 和滷水雜米 HK$37，便足夠了。滷水雜包含了紅腸、豬頭肉、豬耳和鴨腎等。值得一提以大地魚熬湯是「妹記」的特色，大地魚湯底較預期的清淡和單一，個人覺得還帶有丁點可接受的膻味！「妹記」提供軟腍、價格實惠的滷水鴨，難怪成為假日街坊捧場的熱店！

星期六入咗香港仔，所以順便坐艇仔去鴨脷洲試朋友介紹嘅「妹記佩蘭滷水鴨專門店」吃吓滷水鴨🤗🤗「妹記」除了滷水鴨，亦有其他粉麵餐像茶餐廳一樣...堂食滷水鴨分例/中/大...而外賣就只有半隻/一隻....滷水鴨（中）份量足夠5人吃，而且每件都係肉，$80抵食！鴨肉不會鞋口，滷水汁很香濃🤗推介炸雲吞$40/12隻，不是千年油斤炸，隻隻香脆而不膩⋯⋯而是餡料是豬肉不是魚肉，幾特別👍🏻值得一提，「妹記」粉麵湯底是魚湯底，鮮甜 😋😋紅豆冰，如果換咗是碎冰就真係兒時的味道了🤩🤩現在很難找到了...

今日黎香港仔接男朋友收工，跟住去左鴨脷洲覓食。最後入左妹記佩蘭鹵水鴨專門店食午餐。我叫左煎蛋雞扒飯，少飯。佢就食鹵水鴨飯。煎蛋雞扒飯，$38，好普通，無甚特別。飯好乾，雞扒份量唔多，乾爭爭。鹵水鴨飯，$38，好食好多，但到未到令人驚豔，想再黎食多次既感覺。鹵水好好送飯，鹵水鴨整得唔錯。再叫多左個奶醬厚多士，$12。奶醬搽得幾多，只係多士烘得唔夠脆姐。我地仲叫左支大支裝可樂飲，$12。食到後尾，竟然出面有人排隊。可能呢間夠平價啦。

今日喺香港仔鴨脷洲做野，做完野都3點幾，就去飲下午茶，喺鴨脷洲大街見到間叫妹記佩蘭鹵水鴨餐廳，就行左入去，咁一定系叫鹵水野，我叫左個鹵水鴨加鴨腎米粉，d鹵水鴨又滑，鹵水味又香，佢地又自製左一支醋，點鹵水鴨特別帶出鮮味。

💓妹記佩蘭鹵水鴨專門店🦆鹵水鴨（例牌）$45 +淨米粉$12🔹外表係一間好普通的小店，入面最出名係鹵水鴨👧🏻其實店內的西多士都非常出色🥪你們都可以試埋☺️😄😄先介紹返鹵水鴨先鹵水鴨例牌足夠2人食☺️鹵得好入味就算鴨胸都不會太鞋個人較喜歡食鴨☺️因爲沒有鵝的羶味

同老公放假就鐘意周圍搵野食～鴨脷洲大街其實主要得一條街，不過就有好多林林總總既小餐廳/食肆～ 今次就試下「妹記」，「妹記」出名食滷水鴨米線～我地order 左一碟例牌滷水鴨、二碗淨米同埋炸雲吞～ 😋😋無記錯一碟例牌滷水鴨係$5x滷水鴨：做得好入味、又大碟（足夠2人分量），肉質軟腍～真係好好味，湯頭又甜淨米：叫佢原因係因為加多少少錢叫例牌鴨會多d 鴨食～ 計落化算d炸雲吞：炸都脆卜卜，食落唔會覺得好油膩需要鋪仔細細，不過鴨米真係做得唔錯，得閒整返碗先～😋

由於數碼港餐廳實在太少，午餐選擇種類並不多。剛好同事外出鴨脷洲，便請同事幫忙，代購鴨脷洲著名地道鹵水鴨脾米。📍鹵水鴨脾米 $38由於外賣怕米粉發漲，所以要求分湯。清湯呈奶白色，不油膩。每碗鴨脾米大概有7-8件鴨肉。鴨脾肉質鮮嫩多汁，鹵得入味，皮薄肉滑，鴨油香豐腴在口腔蕩蕩，讓人非常滿足。米粉沒有發漲，自行加入上湯後米粉吸收了上湯的鮮味，充滿鴨香。滿滿的一碗鴨脾米只售$38，實在難得。📍炸魚片頭（6件） $19魚片頭炸得金黃爽脆，蘸上附送的汁酸酸甜甜，非常惹味可口，一人六件都不夠喉。良心小店做生意老實，在通漲勢凌厲的情況下仍堅持不大幅高價，務求做街坊生意，薄利多銷，值得支持。

南港島線通車之後，去鴨脷洲真係方便左好多。今日放假就特登同朋友去行吓，不過咁啱附近有跑步活動，午餐時間周圍都好多人。朋友推介呢間妹記， 話滷水鴨好好食，所以即使排左一陣隊都試吓啦。我叫左個滷水鴨河粉，朋友就點左個滷水什米線，本來仲想點小食嘅，但客人真係太多，見到要等就冇再點。滷水鴨肉質地幾好的，味道都不錯，不過個人口味覺得湯底濃左一點。滷水什有豬耳，豬頸肉等，材料都好豐富。可能今日人太多，服務都麻麻哋，店員叫我地排隊，但有其他人入咗去又照俾佢坐，而且點食物都要等好耐，所以都係快快食完就走。

黎到鴨脷洲，就睇下鴨脷洲大街有咩好食啦！聽講呢度有問食滷水鴨幾多人幫襯，就去潮下聖啦！一碗滷水鴨米線 $28 鴨肉夠實在，唔會太嚡口。都滷得幾夠味，個人覺得幾好食。唔會得比件，夠份量。見到好多人都食過，芝心西多士。一場黎到，又想試下，點知店員話依家無做。何解我咁唔好彩，無得試大家口中既極品。內心有少少失望。雖然無得食，但真心覺得佢碗滷水鴨米線做得好，又唔係貴。大家下次黎到鴨脷洲大街，都要試下，好值得推介。

鴨脷洲位於香港島南區香港仔對開的島嶼，以往都要由香港仔碼頭坐5分鐘街渡前往。島上的鴨脷洲大街有著舊式情懷，做的是街坊生意，人情味濃，自引入地鐵南港島線後好多老店都因加租壓力遷往他處經營或結束，現在已經越來越少平民價的小店，唯有賣了數十年滷水鴨的「妹記佩蘭鹵水鴨」生意却愈做愈火。妹記札根鴨脷洲幾十年，老闆妹叔今年九十來歲，與太太佩蘭從前由街邊大排檔起家，跟著轉了幾個經營地點都離不開大街，雖然太太已去世十多年，但店名仍掛著佩蘭的名字。 「妹記佩蘭鹵水鴨」是鴨脷洲大街無人不識的老字號，有別於一般潮州食店賣的鹵水鵝，這裡賣的是鹵水鴨。但千萬別被它的名字騙了，這裡不止有好吃的鹵水，也有茶餐廳應有的，也有碟頭飯、炒粉麵飯、蒸餸套餐及湯飯多款以供選擇，晚飯小菜也不錯。門面看似古老、有點殘舊，感覺很街坊、很地道。舖內環境一如所料，非常簡陋、沒有花巧。摺椅膠櫈整齊擺放，衞生程度可以接受。除了放在桌面的餐牌，牆上亦貼滿食物款式。檯上用豉油樽裝著的蒜蓉醋是店子自家製，帶蒜香又酸酸的味道，用來蘸鹵水鴨吃的。 這裡不止有好吃的鹵水，也有茶餐廳應有的，也有碟頭飯、炒粉麵飯、蒸餸套餐及湯飯多款以供

滷水食得多要講好食今次還是第一次感受到如此出色滋味。聽朋友講過多次鴨脷洲有間滷水好出色，就是有點遠所以一值都無意去朝聖，今日因爲要到薄扶林掃墓故可以順道去一嚐，由香港仔碼頭坐船仔 ,不用5 分鐘便到達鴨脷洲。終於黎到啦！ 滷水鴨質感軟滑一點不韌，咬落去在唇齒中留下之鴨肉香味簡直縈繞良久不得了！講開鵝同鴨我個人比較喜歡食鴨，因為沒有鵝之羶味！牛根麵牛根軟淋適中且入味，入口有即化之感，仲好有膠質添酥炸雲吞懷舊食物在這裡可以放心食，因為我覺得油份不多，并且可以看到雲吞表面沒有油小黑點，香脆可口，剎那間彷似回到童年時！唔想食肉都有滷水蛋同滷水豆腐可以選擇。三人同行食到飽飽只而$62位正！今日一別後會有期啊！恰巧今日是洪聖爺誕，街上有舞龍舞獅表演，整個鴨脷洲都充滿著本土文化，非常熱鬧食得開心玩得興奮！

南港島線開通後，去鴨利洲覓食真係好方便!今日食呢間老字號小店，歷史比我仲耐，唔使講都知質素都有保證。小店主打滷水鴨，梗係要食!呢個係例牌，唔好睇佢細細碟，其實足夠2-3人食。呢D醃料咁勁既食物，最怕得個咸字。而妹記既鴨肉咸道剛好，好入味好香，即使鴨胸都唔會「鞋」因為已經有肉，於是叫左碗齋河同朋友share。油菜可能腩汁關係，就油左少少。但D菜烚得剛剛好，唔會太lum傳統小店又點少可以左呢支可樂!西多已經夠邪惡，呢個流心西多真係好邪惡邪惡邪惡!但係不得不食啊!入口唔油，D芝士爆出黎，甜度剛好(註:本人唔太好甜, 檸T走甜個類)。食到停唔到口!呢個即叫即整，大約要15分鐘，大家要預時間嗌啊。

細個住呢頭，大個搬走左就好少番黎，咁岩有報導介紹佢，番黎回味一下。諗都唔係諗，招牌老水鴨必食。35蚊不包飲品，所以想要抵食就要食粉面類，平好多。講完錢講野食，一上黎碟頭正常，唔算大，一個男人飲埋野就岩岩好，個汁話係幾十年既精華所在，但食左幾十年黎講，本人慣左，所以食唔出特別之處，只可以說幾好味咁囉。老老實實，鴨脾位好好食，但其他位會教肥。個皮有咸香滑溜，好食既，點埋佢個醋汁就錦上添花。奶茶都覺得唔錯，有茶香而滑，14蚊杯就見人見智啦！總結來說，街坊老店，好食，有感情，價錢唔算貴，街坊價。

呢間妹記佩蘭係鴨脷洲大街一定無人不識。佢既歷史我唔清楚，但係佢肯定係我近呢3個月嚟既至愛! 熱愛既程度, 誇張到一個星期去食三次，到依家都係keep住一星期食一次, 食葯都無咁準時。對我嚟講，呢間絶對係平、靚、正既代表。我每次都必叫三寶：淨旦片、鹵鴨頸同炸雲吞。淨旦片 $25呢碗野外表非常平實，湯底好鮮甜飲得出係魚湯仲要唔頸渴。受慣連鎖式飲食集團既欺凌你知唔知我第一次同呢碗野見面既時候內心係有幾感動?係好多魚旦同片頭呀！ 仲要點呀? 即煮熱辣辣，咬落去爽口、彈牙又夠魚味！我每次都係食到連湯都飲哂！幫襯咗咁耐，呢碗野無失準過，只有試過 "唔好意思今日賣哂！"鹵鴨頸 $15呢碟係我老公既至愛！骨我其實唔太熱中去論，但我每次都會撘單夾最多肉食既部份。事實上呢間野最出名的確係鹵味，乜鹵都有。以我自認係常客嚟目測，差不多枱枱客都會叫鹵味，一家大細既會叫成碟鹵鴨或併盤之類，一兩丁友既都會叫鴨米。甚至，都多人叫走碟鹵鴨返屋企開飯做餸，你都咪話唔誇…..   講返呢條鴨頸，我估其實最啱送啤酒既，但係作為一個哎吔淑女咁樣送啤酒法又似乎太過佬味…..離題，佢哋既鹵汁好鮮甜，肉質鬆化色澤均勻入哂味，一啲都唔

今朝喺附近體育館上完堂之後超肚餓，上openrice搵唔到有咩特別好野食，於是周圍行下睇下有咩好食。路經見到呢間坐得滿滿人的，食客大多一家大細，似係街坊。於是決定入去一試！太驚喜了! 難怪咁多人食！因為原來一碗鴨肉粉麵都只係$25。近排喜歡上了食伊麵，而轉伊麵只係加$4。伊麵大大碗，鴨肉都唔少，仲唔多骨啖啖肉。雖然味道唔濃，但勝在價錢！！之後應該冇乜機會再來利東，今日呢餐午餐為我嘅利東之旅添上一個完美句號。