13
2
1
港鐵銅鑼灣站 A 出口, 步行約2分鐘 繼續閱讀
電話號碼
23523368
營業時間
今日營業
12:00 - 14:30
18:00 - 22:00
星期一至日
12:00 - 14:30
18:00 - 22:00
付款方式
Visa Master 現金 AE 銀聯
座位數目
16
其他資料
Wi-Fi
酒精飲品
自帶酒水 詳細介紹
外賣服務
加一服務費
食評 (20)
等級6 2019-11-20
32 瀏覽
銅鑼灣很多壽司店都已經試過了,雖然不定期會再次幫襯,但一貫宗旨,通常都不會為同一間餐廳寫第二篇食評,一直想找新開張的鮨店。留意了「如意」一段時間,知道在去年下旬開業,今年初開始一直想找機會光顧,但每次提前兩天訂枱都已經滿座;到了第四次,最終下定決心提前一個星期訂位,終於訂了星期六午餐的壽司吧枱位。商廈面積很細、而且還是三尖八角,室內空間並不好用。所以,「如意」只能安排壽司吧枱及十多個座位,優勝之處就是全部客人坐在壽司吧前,每個客人都可以品嚐到師傅即製壽司;而不是全部揑好之後、再由侍應一次過奉上 ⋯⋯ 最大問題就是所有軍艦的紫菜都會被壽司飯的水氣沾腍了。壽司吧枱仍然以淺色櫸木設計,整齊裝修風格仍然保留了傳統日本鮨店的低調素色設計;但牆壁上就刻意增加了模仿日本庭園 / 盆景設計的綠色元素,雖然只是人造植物,但就像一個個掛在牆壁上的日式盆景。所有壽司及刺身食材全部放在一個個特製木盒內,這也是近年高級鮨店普遍採用的食材儲存方法。木盒下面有夾層放入冰塊 / 乾冰,以保持盒內低溫;當不需要使用食材時,會蓋上木盒、然後整個木盒放入雪櫃內。與直接將食材放入雪櫃內的儲存方法比較,可以避免食材直接暴露在雪櫃的低温環境、而引致食材水份流失或破壞品質;但就失去了直接展示各種魚鮮食材的震撼性了。午市套餐定食共有12款,唔算太多選擇,其中七款都是刺身壽司,其餘五款套餐分別是牛、雞、鰻魚、銀鱈魚及素菜烏冬,應該已經可以滿足絕大部份香港人的口味了。先送上三小碟頭盤:沙律、茶碗蒸、前菜。沙律選材蔬菜新鮮,包括火箭菜、紫椰菜、車厘茄及粟米粒,再配上柚子沙律醋 ⋯⋯ 典型鮨店午市套餐的日式沙律,酸酸地,相當合適的開胃沙律。前菜有點似關東煮,味道同樣係味醂的鹹味中有點甜甜地,食材包括白蘿蔔條、海帶絲及蜆肉;只能夠形容為一個普通前菜,沒有驚喜。茶碗蒸賣相吸引,芡汁內佈滿金菇碎,味道濃郁。蒸蛋內的材料同樣豐富,有蝦肉、日式魚蛋、銀杏,只不過蛋漿似乎稀了一點,蛋香唔夠、亦有些少水汪汪,拉低了茶碗蒸的整體質素。小女兒雖然同樣鍾意食蒸蛋,但就不喜歡茶碗蒸的芡汁,餐廳特別為她另外蒸了一客沒有芡汁的茶碗蒸 ⋯⋯ 貼心服務抵讚。偷偷試一啖;可能少了芡汁,小女兒的茶碗蒸反而較稠身,蛋香較為明顯。揀了特上壽司定食(12件)($398),共有12件手握壽司及一件卷物。招呼我們的師傅先從木盒內及雪櫃內取出各種食材,再切好一件件魚鮮放在碟上,然後才開始揑壽司。漬物除了尋常見慣見熟的的酸薑之外,多了辣椒漬蒜頭及醋漬牛蒡。牛蒡沾上了少許芝麻,爽脆、酸酸甜甜、還有芝麻的香口,比酸薑更加好食。左口魚常見,右口魚較少;但筆者實在分辨不出兩種魚的味道分別,而第一件正是較少有的右口魚,竟然還有其他驚喜。師傅先用一件爽韌的右口魚身揑好一件壽司,然後再在上面鋪上一條火炙右口魚邊,再用少許辣蘿蔔蓉點綴。放入口中,味道層次複雜;既有油香、温熱、焦香,亦有右口魚身的清淡魚味及爽韌口感。好吃。深海池魚爽身、結實,咀嚼下油份慢慢滲出。赤貝鮮甜、爽口、彈牙,望見肌肉在師傅𠝹開的位置慢慢收縮,證明非常新鮮,只可惜味道有一點點腥,可能清洗得唔夠徹底?牡丹蝦又是另一客特色壽司。牡丹蝦雖然鮮甜味及不上甜蝦及縞海老,但其特點是大隻、爽口、彈牙,再加上綠色及金色的鮮蝦籽及鮮蟹籽作為點綴、及利用其天然鹹香作調味,很有心思。每食一件壽司,越來越發現「如意」的師傅十分喜歡採用天然食材為壽司調味。接着而來是油甘配柚子胡椒醬、帆立貝配黑松露醬及銀鱈配漬紫菜碎。覺得這三件壽司的調味配搭有點喧賓奪主,沒有太大必要;其中帆立貝壽司還刻意保留了韌身的肌腱,莫非想增加咀嚼口感?池魚配薑蓉是傳統手法,因為池魚味重,大部份壽司師傅都喜歡添加薑蓉以稍為遮蓋那一陣輕微的魚腥味 ⋯⋯ 但鍾意食池魚正正是因為這種重口味,不過話說回頭,配薑蓉又的確是很合適。下一件是火炙左口魚邊,火炙得唔夠焦香,未能徹底引出油脂,味道一般。而且第一件已經是類似的右口魚(叠加火炙右口魚邊),一個套餐內安排兩件味道非常相似的的壽司並不恰當。豉油漬三文魚籽配柚子皮很有新意,抵讚。柚子皮蓉的清香及果香平衡了三文魚子的鹹香的魚籽腥味。這個價位的午市套餐只有一件中とろ,有點失望;而且中とろ太瘦,油份太少,似乎偏向了吞拿赤身。採用日本產海膽就值得一讚。份量夠重手,味道鮮甜、甘香。最後是吞拿魚腩蓉手卷。吞拿魚腩蓉新鮮即剁,再加入葱白、芝麻、烤鱈魚脆片,充滿油香,又夾雜了香脆口感,非常好食。照燒牛扒定食($238)本來跟一碗白飯,但小女兒愛吃烏冬($40),所以追加了一碗。日式醬油清湯烏冬未夠煙韌彈牙,始終是鮨店,烏冬質素一般也可以理解。特別要求牛扒煎得熟一點,但肉質仍然鬆軟,肉汁也沒有過分流失,牛扒質素應該很好。蘸一點日式照燒汁,香甜鹹味平衡,加上濃郁牛肉鮮味;怪不得小女兒食不停口。套餐以蜆肉味噌湯結尾,不過湯底只是普通味噌湯,並沒有用上白身魚骨魚肉熬湯。最後送上甜品:咖啡雪糕或綠茶日本蕨餅二擇其一。午市壽司套餐與銅鑼灣區大部份樓上舗鮨店同一個價位水平。服務相當貼心,食材新鮮、師傅們亦很用心,但就不太接受差不多每件壽司都刻意增添其他食材作為天然調味,似乎失去了壽司的初心原意? 繼續閱讀
等級2 2019-11-10
59 瀏覽
上星期六朋友請食飯,選擇銅鑼灣如意。之前去食過中餐覺得唔錯,我今次第一次食晚餐。前菜OK,刺身好新鮮。煙燻金目鯛推介,煙熏味好重但係亦都保持到與嘅鮮味👍🏻之後海膽、北海道象拔蚌等都唔錯。有一隻煮過嘅八爪魚非常好味。銅鑼灣上樓壽司店來講呢間好有水準。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-10-20
211 瀏覽
預先打比佢哋話係生日飯,budget 大概$1300,建議中間個set師傅都話第一次來,$1300 個set已經好夠,貼心,不貪做抵讚嗰晚嘅秋刀魚sashimi超正!!頭盤sashimi 五款 - 真係好新鮮壽司 五款 主食果日係risotto讓白魚加超好味魚子Highly recommend 佢哋嘅 chopped scallop 手卷,可以大膽講句應該係香港最好食,好有北美壽司味道!!Overall, 價錢唔係平,但係性價比超高,用料,服務都好滿意! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-09-19
732 瀏覽
中秋午飯約埋幾個姊妹一齊食好野,揀左一間係銅鑼灣既omakase, 7xx 就可以食都有水凖既omakase 比起城中其他平1-200蚊,算幾抵啦 不嬲得食omakase 夜晚同晏晝食一樣既野但價錢竟然可以差成倍 當然下晝食第一次泥 餐廳一眼望曬大概只有十多個位。想食記得要book 呀!師傅都好細心,見我地話餓都即刻快手凖備,等我地快啲有得食,亦詢問左各人喜好,例如有無咩唔食,拖羅鐘意肥啲定瘦啲等等... 食足個半鐘夠曬同班乙姊妹暢所欲言!大滿足下面post曬我個日食既野,有啲都唔記得左名,不分次序,甜品仲有日本密瓜不過無曬quota upload lu! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-09-17
358 瀏覽
今天同事為我慶祝生日,大家都比較喜歡日本菜,所以選了這間試試。這間餐廳地方不大,我想坐滿都是二十人左右,全部都是壽司bar 枱,望著師父為你做壽司。我們叫了一個有十二件,應該說十三件的壽司set ($398),因為第十三件是用我們之前食的壽司所用的魚混合做的手卷,十二件壽司主要都是各種不同的魚,最精彩的當然是海膽和吞拿魚腩,個set也有跟前菜、沙律、蒸蛋、雪糕甜品和很讚的湯一碗。總括價錢是比較貴,但值得一試,食物和師父都👍🏼 繼續閱讀
(以上食評乃用戶個人意見 , 並不代表OpenRice之觀點。)