如意餃

營業中

休息中

今日下午去街市買咗一盒西洋菜餃、椰菜餃。買返黎已放入雪櫃..煮之前已經見啲餃子皮有啲出水。煮完啲餃子🥟🙈西洋菜餃 苦既，試咗幾隻都係苦椰菜餃都係唔新鮮..味道怪怪地。之前買都係苦…真係無下次。

呢間餃子店我都經常幫襯，之前試過買兩盒餃子，店舖阿姐都話兩盒平5蚊，今日諗住再去買兩盒餃子，排我前面嘅女客人都係買餃子，店舖阿姐都同個客講買兩盒平5蚊，之後到我買兩盒果陣又話買兩盒係50蚊冇得平5蚊，仲同我講今日賣70蚊3盒，最後我買翻一盒走人，我覺得咁樣好易令人產生誤會，店主可以改善一下，如果係門面寫清楚會好啲

近日都去返街市買佢既水餃，但估唔到咁老實，發現由以前用白色發泡膠包住仲可以分開唔同款式一次過買嘅，點知唔得原來換咗個靚嘅膠盒，我知道成本係多咗，但你唔使咁樣吖嘛。依家當然唔可以咁樣賣啦！點解，近日發現佢換咗新嘅包裝，睇清楚原來得返15粒！唔怪得啲人少咗嚟排隊買啦。仲諗住可以幫襯支持良心嘅小店，貪佢新鮮冇味精，點知原來都係無良心！我建議店主，如果你想繼續有街坊支持，不如堂堂正正咁樣加價維持返18粒咪仲好囉又可以兩溝味揀。可惜！

這間餃子店.我想介紹好耐.佢哋啲餃子是手工即包即賣.新鮮出品.如果撞啱買餸時間.條隊排長龍.圍繞餃子店.間舖有三個女工不停喺度係咁包.喺度不停賣.間舖還有其他副產品.包括粗幼沙河粉/銀針粉/油麵/米粉//賜粉/粗幼蛋麵.數不勝數.品種太多.最主要賣點是餃子.餃子品種如下：1. 韭菜豬肉餃子$25元2.椰菜豬肉餃子$25元3.菠菜豬肉餃子$25元4.粟米豬肉餃子$25元5.木耳豬肉餃子$30元6.鮮蝦豬肉餃孑$40元7.西洋菜豬肉餃（要季節性售賣）餃子每盒18隻.韭菜豬肉餃子.客人可要求餃子粉皮或者雲吞皮.任君選擇.我本人就無所謂.試過兩隻皮.都係好好味😋上述任可餃孑.本人都試食過.款款都好食！🤗每款試味食評太詳盡.所以要講筆者本人最喜愛的是韭菜豬肉餃.每次經過街市.都會選購兩至三盒回家食.提提大家.餃子食唔晒.將餃子與餃子分離.以免餃子皮破損.然後放入雪櫃或者冰櫃.食果陣取出融雪.一樣好好味😋註：最後還要讚揚下店家.所有售價及金錢找續.店家一概唔會點算金錢💰.要由買方自行在錢兜找績.避免細菌感染.店家與金錢💰是零接觸.低讚👍👍👍

今次介紹喺街市發現嘅生雲吞舖頭，雖然佢話自己係餃子店，但係佢個皮係用雲吞皮，所以我都歸類佢係雲吞🤣🙆🏻‍♀️▫️鮮蝦豬肉餃▫️菠菜豬肉餃首先佢嘅價錢唔算好貴，價錢牌可以碌去右面慢慢睇👉🏼而且佢哋嘅餃係人手即刻包，好食過平時喺超級市場買嘅急凍餃子🤤啱啱今日又去咗買，結果用咗$80買咗三盒餃(有54隻🤣)真係好抵👍🏼所以去開呢區嘅人可以試吓買😎有時去到都要排隊㗎，睇嚟都好受街坊歡迎！

🤎如意餃🤎如果有行開將軍澳區嘅街市，一定會知道有呢一間如意餃。如意餃嘅水餃全部都係即埸包，你落order先會包(白色皮通常都係媽咪買左3款比我食，有木耳豬肉、椰菜豬肉同韮菜豬肉，我自己覺得入邊好香麻油味。自己比較鍾意食木耳豬肉，比較香口。而椰菜豬肉就比較淡味

朋友介紹，所以決定一試。三位女工即場製作，不會放入雪櫃，保持新鮮。味道不錯，價錢算便宜，一盒有18隻，提供六款選擇韭菜豬肉餃 廿五元正椰菜豬肉餃 廿五元正菠菜豬肉餃 廿五元正木耳豬肉餃 三十元正鮮蝦豬肉餃 四十元正粟米豬肉餃 三十五元正已購買多次，由將軍澳取回港島南區都無問題。通常購買韭菜、木耳和蝦。可能冬天將近，最近，多了一款西洋菜餃，三十元正。木耳比較爽口，自己亦嘗試包，但都無這裏的好味。雖然有點遠，但這些餃真得不錯，絕對會繼續購買。