好運點心專門店 (已結業)

係app叫外賣，由11:30預訂12:15-12:30送到，諗住預訂都會準時到，點知時間一直係度一直延遲，由12:30延遲到12:35,跟住係咁不斷延遲5分鐘，延遲去到13:35。去到13:00個陣，我初頭仲以為係外賣員問題,忍唔住問app,後來問左原來外賣員已經係餐廳等緊，係餐廳一直唔出貨，自問我叫的唔算多同複雜，都可以搞到耐，如果計埋預訂時間，其實都兩個鐘，如果要蒸野煎野都要喇咁多時間，我相信好多賣點心應該執左。最後都係食唔落要等咁耐的外賣，結果搞到要自己再落街買。以後唔再幫襯呢間。希望app都唔好再同呢d公司合作，免得個客唔滿意仲要遷怒你地。…查看更多

📌呢度D點心係幾多好味嘅，特別係炸兩、春風得意腸。☝️炸兩腸$26～好耐冇食過脆口嘅炸兩，每次入口D油炸鬼都係脆卜卜嘅。市面有好多粥舖話即製，上枱都係淋嘅。莫講話堂食，我試過外賣都仲脆口，勵害哩！配上甜醬同吃 ～ 絕配🤤☝️春風得意腸$33～一般點心店或酒樓較少食到嘅，其實即係腸粉包住炸春卷。春卷係鮮蝦饀料，入口當然脆口滋味👍☝️虎皮釀尖椒$24～每隻尖椒都釀滿脹卜卜魚肉，坊間少見。魚肉真材實料，經過處理冇魚醒味👏☝️咸魚肉餅飯$28～飯底做得出色，水份唔多唔少啱啱好，粒粒分明。咸魚、豬肉香味滲透飯中，正！📌24小時營業。茶錢$5/人。外賣App可落單📌唯獨D鄉音店員態度麻麻，同埋腸粉唔跟甜醬、春卷唔跟喼汁等等⋯⋯…查看更多

因為懶所以第一次係網上外賣平台到叫點心食😇因為要叫夠85蚊先送貨🙂🙂🙂一個人食又驚太飽😅😅😅所以叫左兩個點心 一碗糖水😋😋😋叫左燒賣🥟鮮蝦腐皮卷🍤同楊枝甘露🥣網上外賣平台 既送貨哥哥好準時👍🏼👍🏼👍🏼讚食物黎到都仲暖暖地😙😙燒賣同鮮蝦腐皮卷都幾好味 好正常😋😋但楊枝甘露就馬馬地了😣😣都幾多芒果果肉 但西米就好淋 唔好味😿😿計埋郵費 $12x幾飽肚 不過不失🧐…查看更多

平時都有食開，今次真係忍唔到。要上來告白下，今次係為左燒賣抱不平，因為我點了排骨飯同燒賣，排骨飯正常，只係有d生米唔熟，燒賣好有問題，一放台面。我問咩來。因為以我都有係廚房出入過，都估到係咩事，我只係話不如剪走去拉。攪攪下。剪又唔剪，唔換不特子，仲要話係冬菇絲，話係冬菇粉來，迫我食，好明顯唔係拉。開頭我都半信半疑，食一粒，睇睇下唔對路，連燒賣旁邊都污穢。我即刻唔食。佢死都唔換。之前又食過一次入面生比人食，我比錢走人。咁做生意真係好有桌頭！！里間野仲有間打邊爐又係垃圾之中垃圾！七一次就可以！…查看更多

去香港仔玩 行過呢間野 果時勁肚餓 朋友話聞到陣茶樓味就想飲茶 咁我諗依家做得夜市點心既 好多都唔伏既 咁就照跟而事實上 呢間都係正評冇伏既叫左幾樣點心 每樣基本都符合傳統點心既味 整體都好好味 牛肉飯個牛肉好得 不過朋友就覺得飯硬左少少 （我又冇乜所謂）馬拉糕 係紙蛋糕定蛋糕仔果種味 唔係唔好食 不過唔係我期待既傳統味道朋友就勁鍾意其他都好好味 不過唔特別描述啦 就係大家所熟悉既味道價錢都ok 可以翻啅…查看更多

冇下次呢間點心店服務態度一般，食物水平更加一般。鮮蝦腸粉中的鮮蝦是冰鮮蝦，好膠，完全冇鮮味。蘿蔔糕全部都係粉冇蘿蔔，好鬼粉。灌湯餃細細份，但完全吾入味，真係冇下次。…查看更多

晚上11點幾，人就總係夜深時就想食點不一樣。夜麻麻可以歎茶，真係好幸福！而且茶位平過酒樓好多 最推介係鮮蝦腐皮卷炸得非常脆口，熱辣辣！仲叫左燒賣$24，流心奶黃包，虎皮尖椒$19，皮蛋瘦肉粥$18, 粥俾正常粥舖大碗，足夠2人share.料都算多。 奶黃包味道都很好，唯讀美中不足不夠流心，虎皮尖椒我每次黎都會叫一碟 ，但明明之前一碟係有4件，今次食竟然得反3件，變相加左價。…查看更多

今日放左工之後走去買春卷食，聽聞呢度的春卷叫芝士蝦春卷。咁就入左叫左一份，可能姐姐覺得我孤寒啦:所以佢就講左句，叫得一碟咋。不過以香港仔餐廳嚟講，呢啲算係小事一樁。姐姐之後就叫坐喺度。我話我轉頭就嚟拎。5分鐘之後，我行去餐廳，就即刻有得拎。開左盒，見到啲春卷唔係好火農：聞唔到好強的炸嘢味:都食落去果下，春卷皮好脆，但唔太油，值得一讚。但裡面的含，我就覺得有點勉強。芝士同蝦的份量唔多，有特別野係佢有西芹，好食就真係好食。但唔滿足，因為餡料無咩味。份量同出面茶樓差唔多。唯一的好處係夠熱同即炸。…查看更多

星期六早上十點幾陪媽媽去飲茶南區都有非連鎖小店點心環境就唔係好大，但都有適當空間既待應人數唔係好多，但都有禮貌，見到我地坐埋去都立即執枱擺位茶叫左壽眉，都落足茶葉，茶色唔會好淡叫左6樣野食香菇滑雞飯$25好足料算係多雞肉，飯就有d''林''但飯粒也粒粒分明，味道ok同媽媽share食先食得曬蟹籽燒賣皇$24幾好味，有蝦係裡面，粒燒賣都大粒雞球大包$20都算幾大個多料，有火腿，臘腸，雞肉，豬肉，鵪春蛋半隻蠔皇叉燒包$16叉燒包既汁幾好味，個包唔會乾爭爭，餡料份量都係同市面上差不多！春風得意腸$26聽到個名完全唔知係咩黎，問完待應黎決定一試，係裡面係炸春卷外面就係腸粉包住，小店幾細心上菜前已經剪好一舊舊👍🏼味道唔錯👍🏼炸春卷既脆皮仲係脆既，感覺特別，一次過滿足想食炸春卷同埋腸粉既慾望😋濃湯鮮竹卷$18濃湯就清清地，鮮竹卷都大大舊！雞球大包同埋蠔皇叉燒包係食店食唔曬，自己帶定食物盒打包回家作下午茶！惜食支持環保😎…查看更多