影片
呢間茶餐廳D食物不嬲都係好足料，好大碟😛😛價錢正常，唔太貴。仲有好多款式既食物揀。無論早餐，常餐，下午茶，以及小菜我都食過😹正😹今晚叫左醬爆鮮魷煲，D魷魚大大塊，又好多片😋😋配埋辣椒醬，正。再叫多個黑椒腰果西芹炒牛柳粒，牛柳好淋，份量幾多的，腰果麻麻，唔脆口，是淋身的。不過整體上都好惹味。😁😁😁😁有兩碗中湯，飲品和白飯。埋單14x蚊左右。😬😬仲有呢到D員工叔叔都好好人呀😀😀
繼續閱讀
以前都有幫襯開既茶餐廳，今日真係變太多之前無呢個九大聲既員工，今日有，而且懷疑是老闆之一入到鋪，找位置坐，有個四眼男叫我坐圓枱。最後我要求坐卡位成功。問佢廁所係邊，佢就話：自己行入去入面丫...當然係自己行啦！跟住我就點餐，餐牌中的豬柳漢堡拼薯條沙律，上枱時驚覺是漢堡排，我便問一問呢位哥仔...佢好大聲好理所當然咁答我，呢個咪漢堡囉，咩呀，你呢個沙律餐來wor下，無包唔緊要，最多下次叫第二樣，但本人一直以為漢堡不等於漢堡排的。呢個哥仔在餐廳內不停講粗口，如想找個不受氣食野既地方就真係唔好去呢間喇
繼續閱讀
今次已經係近期第三次幫襯，每次去深水埗都好掙扎，因為深水埗實在有太多又平又好食既地道野，但係呢間茶餐廳我實在係印象深刻，因為位置超近地鐵站出口，行幾步就到，而且環境比起一般茶餐廳舒服衛生，唔會有濕立立同笠痴痴既感覺，而且坐位好闊落坐得好舒服，野食選擇好多而且有質素份量又多，見到都開心！而且我真係念念不忘佢既熱奶茶，奶味濃郁又有茶味，又夠幼滑，唔係好多地方做到！男朋友覺得炸脾同薯條最好食都係茶餐廳既，我又好中意食茶餐廳沙律，所以我地好瘋狂咁兩個人食左三個餐，飽到晚飯都唔太食得落擺到滿哂，真係大件夾抵食嫁，而且無乜油膩既感覺，炸得好乾身，當堂覺得無咁唔健康，但又有肉汁，好勁回鍋肉炒公仔麵，好多肉好多荀好多芽菜同韮菜，而且又係唔太油同好乾身👍🏻瑞士汁雞翼炒烏冬，又係乜都好多，雖然我中意食燜雞翼多過炸雞翼，但整體都好好食，食完真心覺得唔洗比咁貴去太平館
繼續閱讀
無啦啦勁想食焗豬排飯。。 係深水埗周圍睇。。都無咩心水。。最後男朋友話求其是但一間。。 最後入左好運閣。。 本來無咩期望。。不過真係意想不到。。 叫左個焗駌鴦排飯。。熱奶茶。。 同埋焗海蝦伊麵。。凍檸茶。。本來以為係雞排同豬排。。點知係豬排同牛排。。超開心。。 上面鋪面ge芝士唔算多。。亦都唔會太少。。 排又唔會用得太多肉鬆粉。。 唔會太“林”。。 熱奶茶就仲正。。 飲左半杯先見到佢係用某隻牌子茶葉沖。。 所以好好飲。。 個海蝦伊麵又係好好味。。有幾可茶餐廳係比成4-5隻蝦。。 仲要隻隻都好大隻。。 食落唔似雪藏蝦。。 個沖又係唔太多唔太少。。 反而杯凍檸茶麻麻地。。 食左一半先醒起影相。。 同埋食完。。我地兩個都話可以再幫襯。。 正呀。。
繼續閱讀
平安夜去咗深水埗附近一間茶記醫肚。點咗碟鼓油皇雞絲抄麵連凍奶茶。送中湯都係$44。等咗約15分鐘先有等食。先黎個中湯，係西洋菜湯。但中湯好夠火喉。好入味。之後食碟鼓油皇雞絲抄麵，個鼓油味恰到好處。雞絲好嫩，混入鼓油味，好正。加上個抄麵好彈牙。但係杯凍茶因為放太多冰塊，最終沖淡咗杯奶茶原味。價錢公道。
繼續閱讀