好知味菜館 (已結業)

大家都有試過約朋友出來聚餐的經驗吧？是否每次都有人遲到呢？遲到的時間由5分鐘至半小時不等，理由可以是因為塞車、睡過頭遲了出門、又或者其他什麼五花八門的原因...諸如此類。通常飯局的出席人數愈多、出現上述情況的機率便愈高，總之要約定在某時某分於某地準時集合的話，在現代來說幾乎是不可能的事。如果閣下打算和三五知己去我以下介紹的食肆，而他們當中又有慣性會遲大到者，請你按上一頁離開。原因是：這家飯館對交檯的時間要求非 ‧ 常 ‧ 嚴 ‧ 格。你會問：「嚴格到什麼地步？」答案：3-4位坐細檯的客人，限一小時交檯；5-7位或以上坐大檯的客人，限一小時三十分交檯。每張檯會有十五分鐘寬限期，時辰一到，阿姐便會自動將帳單放在檯上，提醒客人「夠鐘」。我曾經問過店員，得到的回覆是：這只是週末及公眾假期才會發生，星期一至四就沒有此限。事實上，並沒有這回事。到目前為止，到訪此處兩次：一次是公眾假期、一次是平日，兩次都出現被人「催檯」的情形，即使當時門口並沒有任何人正在等檯。重點是：當你打電話去Booking的時候，阿姐是不會主動告訴你這點的。由於異常重要，所以要在開始本篇食評之前來個預先告知，免得各位去到才發現

整體食品尚可，炸雞（放上枱時直立式）幾好吃，但服務態度真是很差，非常「串」，冇禮貌，不知道是否和星期日晚上繁忙時間有關。一行九人，連老人家也覺得服務態度不好。6點30分到達，8:10叫我們埋單，因為有人在門口等位；可惜，去到門口，一個人也沒有在門口等。如果有時間規定，歡迎訂位時一早講明。Bye-bye, 冇下次！

為慶祝某君脫離黑暗地獄，邁向光明前路(簡單黎講即係轉工啦)，為了遷就佢居住地區，選擇了附近的好知味菜館試下。因為去之前已睇過其他人食評，所以見正評多就放心去食啦！點菜後等了好些時間，唔打緊，因為菜館空間不大，鄰桌的飯香還是睇到又聞到既~及後先來了個涼菜口水花甲，莫睇佢細細碟有些搵笨，其實菜館細心得很，留意花甲全部去左另外一面的殻，只留下有花甲的一面，所以每一粒都吃到花甲，相對份量比起炒埋一碟滿桌人找花甲的狼狽相，咁樣食方便很多，口水花甲果然名不虛傳，花椒味辣勁十足！溏心燻蛋無話可說，本小姐最外煙燻物。溏心的潤澤令人未食已經好開心，入口融化一刻真係...無法筆墨形容！酒醉鵝肝一睇殊不簡單！花雕酒香陣陣，鵝肝質感幼滑軟綿，入口又係即溶.....55555555好正呀!比起鵝肝多士，此做法少一分油膩，多一分酒香。黃金豆腐粒外層沾上薄薄炸漿，炸得外脆內軟，做下酒物確是一流！棟篤雞- 與炸子雞無異，蝦片好好食，雞亦都不錯。只是好味菜式太多，此棟篤雞相對咁突出而已。杏汁燉白肺湯-- 正到暈！有下廚的人應該都知此湯家煮亦好費勁，因為肺要灌洗乾淨，杏汁要研磨，菜乾要無沙，所以係功夫老火湯黎！個湯真係好

自從它來了，世界就改變了。你以為是聖經的內容，因為看到預言書三個字。錯了，它是關於地鐵的一個故事。對，自從地鐵進入這個區域後，它就是要叫這類的人和事改變。緣份，我覺得是命運的註定，我們的人生，真的有預言書嗎。土瓜灣，從來不是我的地頭，我沒有南瓜等前輩們住了咁久，可以代言這區什麼，我只是作客的路人丙，不過，今晚吃飯，著實有點稀墟。從來被地鐵呵護如我的市井的人，大多覺得土瓜灣遙不可及，而且很不方便，的確如果塞車起來，絕不是開玩笑，朋友更在group裡笑稱自己住土瓜灣就如長洲咁遠。當然，這是修辭中的誇張手法，接觸得這裡越多，發現這個地方也不是想像中那麼不方便。而且這裡可愛的平靚正之處，就係其之前不吃地鐵的煙火，才會可以保留其價格，特別價廉物美的食肆。今晚因利乘便，就選址了這裡吃一餐星期日晚的家常便飯。九記，鬍鬚，七喜，鴻福，幾多的實而不華的選擇，唔知點解，在看openrice的時候，我看到了好知味。看看食評的相片，那個像隻企鵝般的雞，活靈活現，然後這幾年有幾位有品味的殿堂食家也到過這裡，並一致讚好，我想，品質應該不會太差吧。星期日晚上，八點訂位，八點三到，三個字後來到便可以入座，地方不大，生

在九龍城吃飯吃得太多，對很多食店都開始有點厭倦感，近來開始發掘周邊地區的餐廳，加上博客朋友兼土瓜灣之友猛烈南瓜的介紹，首選地當然就是土瓜灣，在網上見不少人推薦「好知味菜館」就決定來這裡。記得小時候常到居於土瓜灣的外婆家暫住，對於這個社區總是帶著幾分情意結；現在卻感到有點面目全非。看著以前的 KK 超級市場變成惠康，原本惠康的樓上舖位已封，維他奶牌也拆下了…真是感到有點唏噓。幸好見到網友們提醒，大部份的菜色需要預訂才有，在打電話訂位的時候，同行的友人已為我們訂好了食物。餐廳地方都算大，枱椅多，最裡面的大枱可以坐上十人，也備有可坐五至六人的中枱，以及二至四人的細枱。環境乾淨光猛整潔，店員們都有禮貌又有善，經常說笑之餘，還很熟習地將菜色擺放好叫大家相機先吃，哈。【餐前小吃】（港幣 $10/碟）我們一行六人來到，桌上已放了兩小碟餐前小吃，肥厚彈牙的肉粒，甜甜的又帶點微辣，很是惹味開胃。【糖心燻蛋】（港幣 $40/3隻）中式燻蛋雖然顏色看起來很入味，但蛋味頗淡身，反而煙燻味重，溏心蛋黃煮得剛剛好，夠黏稠，口感不錯。【杏汁燉白肺】（港幣 $268/6位計）我是向來超愛喝杏汁白肺湯的！杏仁味很香又不

土瓜灣呢個地方，真係10年都唔去一次，因為住在沙田的我，要去土瓜灣係一件好麻煩既事！！好彩，姐夫當日問朋友借左部7人車，我就事前BOOK定檯，打電話去ORDER定菜，去到座好就可以上碟開餐！(大SIZE)杏汁豬肺湯，我地1家人有7個大人，每人都可以飲到兩碗，最後仲飲唔晒，外帶走 ！超好味！必飲！ 呢煲湯要預先預訂定架！連D湯渣都多過人！千層肉，要預先ORDER定，因為每日都係限定整架，唔係話有就有！如果想食，同樣地，先要預訂一碟 口水花甲！估唔到原來係凍食的，有麻辣味！正~ 酒糟鵝肝！好味到識飛啊直頭！每一口都超軟綿綿，正！ 原先呢碟菜係糯米蒸糕蟹，不過為了家人有老人家怕消化不到，我就叫佢地幫我自制一碟糕蟹菜式，就變左雜菜糕蟹煲喇！粉絲蒸帶子 沙巴龍躉 甜品，椰汁布甸同牛奶布甸！而呢個個椰汁布甸，不過無乜椰汁味，一般啦！反而牛奶布甸好味多！

午飯時間一點黎到，唔駛等位就入得。呢度全都是圓枱座位，最細是4人枱。望望餐牌，有碟頭飯餐($3x), 小菜餐 同2人套餐( 2個小菜, 2 白飯，2 例湯）($98)。可惜只有2人，就試下全包的2人大餐啦！先來例湯-青紅蘿蔔煲豬骨 (8/10)我最喜愛飯前飲湯，暖暖個胃。呢個例湯比我想象中好，入口清甜，一D都唔似落師傅的。不過小心，熱到燙口，最後我連湯料都食埋。朋友果碗就話D青蘿蔔苦的。粟米斑塊 （9/10)可能係我食過最好味的粟米斑塊，外脆內軟，脆漿不厚，食落啖啖魚肉，不帶一絲雪味。正！ 阿里山雞煲 （7/10)我認識的阿里山位於台灣，但不知同呢個雞煲有咩關係了。 雞煲上枱果陣仲發出滋滋聲，番一番，除左雞件，仲見到有青椒，洋蔥，大蔥呢D惹味香料。雞件帶骨不過肉質鮮嫩，味道咸咸甜甜咁，幾惹味的。再試旁邊的香料，青椒同洋蔥偏生，亦未能吸上醬汁，有點失望。蛋散 (9/10)呢碟蛋散（＄18/3件）係後加的，女士們總會留有空間裝甜品這是甜的蛋散，上面灑上椰絲同淋上糖漿。一口咬下去，鬆脆無比，毫不黏牙，蛋香油香椰香不停在口腔中徘徊，難怪能成食家推介，我又推介！呢度午市無加一，如果人多，真可以試

上次食完呢度ＬＵＮＣＨ　覺得幾有鑊氣亦都得知呢度晚市都有特別菜式，　所以相約朋友訂左一圍台試下佢，　環境我之前講過都係大排檔格局，晚市都比較多人，　雖然我訂左位，　但都要等十分鐘先入得去，鋪入面完來再行到最盡個像是僭建既位置可以放到兩張大枱，但冇任何裝修，而且廁所，　環境麻麻，　希望多作改善食物方面的確不錯既勳蛋：凍食有煙勳味而且糖心ＧＯＯＤ蕃茄魚：　汁做得不錯，　但魚不夠新鮮，　麻麻千層肉：有好既刀工，　將肥豬肉切成一個類似金字塔形狀，　肥豬肉冇扣肉甘肥，　所以彈牙多過脂肪既軟滑酥炸鴨件：　好熱氣，　一舊起兩舊止，炸得幾脆口，　裏面既鴨肉比較鞋，　但濃烈既醬汁可以彌補番酒糟鵝肝：好ＣＲＥＡＭＹ　充滿粉狀既質感，雖然有酒令到鵝肝冇甘膩，但都係食一舊好啦杏汁豬肺湯：算係滿意，杏汁不是太濃，　豬肺算煲得林，　中規中舉太極鴛鴦鴨：將鴨分開二食，　一邊係用鴨肉蓉包住咸蛋雞蛋皇既手工菜，　另一邊係用辣椒炒既鴨肉，　一邊凍食比較清，　另一邊炸鴨比較重口味，係一個不錯既配搭口水花甲：呢個好食，口水做既汁濃度較稀，令到凍食新鮮有咬口既花甲時吾會張住個口棟篤雞：　只係一個賣點，　將隻雞打直甘燒放出黎，重

平時好少可經過土瓜灣，今日趕時間唸住求其搵間食店醫肚就入左去呢間好知味菜館，　裏面大慨擺到４０幾人，　有幾個卡位同擺到兩張大圓台，　甘我就快快坐低叫左個涼瓜豉椒牛肉飯，　估吾到甘好味飯好大碟，　一定夠飽。　涼瓜炒到熟得黎咬落去又好汁，　牛肉好多塊而且係林身既牛柳，醬汁充滿住豉椒香，茨汁濃度剛好，要黎撈飯一流，　最重要係食得出好夠鑊氣推介！

好知味，好滋味。醉鵝肝，厚切鵝肝，入口好軟滑，酒味夠入味，無諗過禁出色，肝最怕overdone，依到控制個熟度控制得好好。醉乳鴿同樣出色，鴿肉嫰身可口，酒味都夠出，好食，皮有酒香，肉熟度岩岩好，依到煮野熟度控制得最常好。口水花甲也不可錯過。

 平時很少在屋企附近的餐廳食飯, 每次經過, 見這間餐廳經常滿座,所以都跟屋企人說找一天去食。終於約到這天齊人去食, 我地七個人仲有房坐tim.口水花甲香辣惹味見很多人推介酒醉鵝肝, 所以叫了兩件試下。但我們一家都不是太接受這樣煮法的鵝肝, 而且我覺得它是鴨肝,而不是鵝肝棟篤雞, 即是脆皮炸子雞, 比平時酒樓的好食好多＿叫了蒜蓉豆苗, 好味, 但到埋單才知道豆苗是要貴一倍的價錢還叫了片皮鴨,出面食一隻片皮鴨很貴,這裡才二百蚊左右,而且質素不錯而椒鹽九肚魚就一般, 土瓜灣區有另一間更好食的總括,這樣的價錢有這樣的食物質素真的不錯, 但侍應們的態度就麻麻地

同少婦A 好久沒有飯聚了, 相約在星期一因為一般食肆會較少人, 而且年近歲晚食中菜好多時都會諗多一步, 這店位處比較不便的土瓜灣區, 能站得住腳都有一定的理由, 店內多是大枱四人桌不多, 菜式相當廣泛, 由廣式燒味至近期流行的湖南口味都有, 中間更會間雜一點馬來風格亦有日式清酒煮石斑, 好似只係未出芝士啫! 大茶方面少有的可以有”鐵觀音”, 而小食是”椒醬肉”味道夠咸香嘅! 由於少婦A遲到, 我們先叫了一個冷盤: 豬耳絲$40- 雜菜絲切得平均而且幼, 傳統中式刀功的表現, 雜菜絲內混入洋蔥絲, 所以吃時會感到陣陣微辣, 其實同時亦有少少辣油在內, 豬耳絲夠爽口但通常加咗辣之後好多時都會因為辣味的霸道本性令食物的原來味道被隱藏了不少, 由於這是少婦A的死穴, 所以後來她食第一口即時面容拿埋一堆!前菜之二: 薰鴨蛋三隻一碟, 只有鴨蛋才有這麼大的蛋黃而且蛋黃的橙色亦可以充分表演出來, 無論是半熟定係全熟, 先講外觀這蛋脫殼會有一定的難度因為並非全熟, 所以可見到某些暇疵, 而味道方面可能同來這裡的客人都好杯中物有關蛋外皮被卥水醃得比較上咸了些! 蛋黃則保持原味, 煙薰味亦算足夠, 如果賣

多謝好朋友倆細心安排，帶我去土瓜灣食好嘢 。 四個人叫咗以下食物：醉鵝肝 - 每件$68四個人叫咗兩件share，鵝肝凍上酒香撲鼻，酒味同鵝肝好夾入口既溶，必試。燻蛋 - 一客有三隻六邊，蛋白外面散發出煙燻同咸味，連蛋黃同食味道剛好。杏汁豬肺湯 - 小size足夠八大湯碗，湯夠晒火候白菜差不多半溶真，杏味香濃湯濃郁，豬肺份量好多，淨係湯渣都一大碟。揀篤雞 - 賣相趣緻雞頭上仲有申仕帽，先送上讓客人拍照，然後送返廠房切件。雞皮炸到香脆而肉剛熟夠晒嫩滑，仲醃得非常入味，唔洗再加任何調味。水煮魚 - 朋友叫咗中辣，上面滿佈乾辣椒、麻辣香料，內有好多鯰魚肉（估計）無骨，仲有大豆牙同薯粉，一大盤辣味十夠，食一啖已著火要搵冰凍啤酒撲火。手抓羊 - 鍋內有多件羊排，好似崩沙腩咁一層層有肉汁，雖然連皮但一啲都唔肥肉質非常軟滑。全部肉都白雪雪但係食落嘅有淡淡羊膻味而肉仲浸出胡椒味道，湯汁好清有紅蘿蔔同大京葱，味道清甜無膻味。都係必叫。豆苗 - 豆苗鮮嫩好大碟。蛋散 - 蛋散新鮮炸起熱辣辣，食一啖不其然高叫好味！ 蛋散好輕身咬一啖即刻聽到咔啦一聲，超鬆化而無梳打粉味，面灑上金黃糖漿同香濃椰絲，每一口都充

一個人很少會去菜館食，因唔知叫乜好。行過浙江街，都諗了一陣好唔好入去食。一坐低，叫了一件酒醉鵝肝，再來一碟口水花甲。鵝肝已經是必食的了，口水花甲首次試，排得整整齊齊，少少麻少少辣，幾得意。之後問阿姐一個人仲可以叫乜，阿姐揸主意叫D桶蠔食下，其實之前都食過一次，真的非常香同鮮味。最後阿姐又幫我叫了兩件蛋散，一個人未試過可以食得咁開心滿足！

We booked a table hence we did not have to wait which is good! The duck liver in wine sauce and the smoked eggs were very good as well as the vinegar fungus. But it all went downhill from there except the mutton pot soup pot, 手x羊，was good but all the dishes are way too salty and the timing were all wrong, we had the appetizers and waited for over 30 minutes for our main dishes. The staff are too keen to sell you stuff and we ended up taking so much food home that we ate for dinner again tonig