141
8
1
港鐵油麻地站 A1 出口, 步行約3分鐘 繼續閱讀
電話號碼
23329595
營業時間
今日營業
17:30 - 03:00
星期一至日
17:30 - 03:00
*最後落單時間: 02:30
付款方式
現金
座位數目
50
其他資料
深夜營業
酒精飲品
自帶酒水
加一服務費
食評 (157)
朋友生日去食超級惹味港式串燒,一行到去居然見成間店都無人有啲驚,坐坐下先坐滿哂仲係咁有客入,枱枱都叫超多野食。其實店面真係唔算好大,坐得都唔算太寬鬆,牆上面貼滿哂成品,見到都好想食喇,仲每人都會配一碟辣辣地既醬料。叫之後店員會問要唔要辣,食得辣既串燒一定要加喇,仲可以望到即叫即燒,見到串串放哂上去燒真係等到好肚餓。最先黎既係《燒日本雞泡魚乾》($43),望到真係幾大塊,燒得夠香之外仲唔會好難咬,每條點少少沙律醬更加好食。之後係好多人讚好既《黑松露什菇墨西哥薄餅》($43),一黎陣黑松露味勁香,仲滿滿芝士好鬼正,成個餅咬開都唔會太乾,入面仲有好多什菇。叫左三隻《燒蠔》($28),揀左煙肉,蒜蓉同白汁芝士味,另外仲有什菌可以揀,隻隻蠔都好肥美唔會燒完細細隻,上面既料仲有勁多,其中蒜蓉最香最好味,白汁芝士就有少少漏。一黎就黎哂幾串串燒,個個都燒到個面好靚仔,少少金黃色咁。《煙肉金菇卷》($18),煙肉本身都已經好夠味,包埋金菇都係必無死既組合。《燒大京蔥》($15),外面燒完入面都唔會太乾身,《牛丸》($16)呢個係朋友至愛所以一定叫。肉類叫左《燒羊肉串》($17),羊肉較細粒同埋膻味都無咩,《鹽燒牛舌串》($26)厚身得黎又唔會好乾,反而《安格斯牛肋串》($20)有啲韌無咁好食。第二盤有《串燒豆腐》($16),一串幾大舊搽上左鰻魚汁,咬落口感似臭豆腐又有少少甜味,《燒雞中翼》($17),香口之外仲係肉嫩。原條《蒜蓉燒茄子》($32),一黎真係一大條咁攤開左係度,燒好哂就咁食得,蒜蓉味好香茄子又勁淋。食串燒最後一定要食甜品《菠蘿》($17),外面一格格紋好靚,入面仲有好甜既汁食落好香甜。店名:好燒式串燒專門店地址:旺角砵蘭街110號地下餐牌: 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-07
472 瀏覽
店面及店內裝修貼近港式餐廳風格、內里燈光光猛、座位偏窄。雖然店舖主打燒烤料理,不過店內沒有油煙感,也感覺不到燒烤味,令你吃得舒服同時不用擔心衣服沾上味道。(中辣、另加孜然粉、辣粉)雞脾菇HKD17 菇口感爽脆,味道鮮甜,辣粉使菇更為惹味。牛舌HKD26 厚切牛舌肉質鮮嫩多汁,辣粉並無蓋過牛肉味,入口油潤感十足,正!虎皮尖椒HKD15 清甜香脆,爽口有汁茄子(切片)HKD32 因切片燒,故茄子肉質較為爽脆,茄肉鮮甜,醬汁豐富。白鱔HKD42 外皮超級酥脆,肉質超級爽口彈牙,鱔味香濃菠蘿HKD17 菠蘿鮮甜多汁,鎖住水分,菠蘿肉軟硬度剛剛好。韮菜HKD15 一口咬下已吃出鮮味,配上辣粉,正!不過牙齒不利的,建議別吃這個。白汁芝士蠔HKD28 芝士滿滿的蓋在飽滿肥美的蠔肉上,鮮甜而嫩滑。蒜蓉蠔HKD28 蠔肉表面燒到酥脆,肉身軟滑,飄出陣陣蒜蓉香。因朋友吃不辣的,我們分開點,偷吃了不辣的,同樣鮮甜多汁而美味,少了香辣惹味卻多了食材本身的原味。這家店價廉物美,食物味道水準高,如果是吃貨的你,真的要嘗試一下,保證你喜出望外! 繼續閱讀
(以上食評乃用戶個人意見 , 並不代表OpenRice之觀點。)
食到唔停口 焦點食評
等級4 2018-01-29
884 瀏覽
Grill and pasta 天氣濕濕漉漉,想BBQ都恐怕著開唔到爐,好想食BBQ 呀!轉街角見到一個很大的易拉架,上面有印有許多美味烤物,門外已有人等位,我立即上OP搜尋這間美食,發現勁多讚好,立即找位啦!因剛清潔完地板,職員都溫馨提示食客小心地滑,菜單簡單清晰,圖文並茂,價錢合理見到許多人介紹墨西哥薄餅,當然點了墨西哥薄餅芝士雞肉啦!燒雞中翼同魷魚鬚,我自細鐘意食,又是必點點了蒜蓉燒茄子(原條)同蜂蜜綠茶下下火職員接了單後,很好人問我要不要辣,我才知道,原來可以選擇少辣,孜然粉等,當然要少辣啦!等食嘅時候,看到牆上的訪問發現是香港精神:兩個小伙子創業的堅毅故事,由攤檔到舖頭等了一陣,美食就上啦!先來OP個個都話正的墨西哥薄餅,薄餅烤得香脆,芝士味濃勁多,看!可以拉起絲呀,雞肉嫩多,配上爽脆紅綠椒及酸辣醃瓜,好味燒雞中翼($17)同魷魚鬚($19)雞中翼:皮脆肉嫩, 魷魚鬚:醬汁鮮味,魷魚鬚彈牙香脆蒜蓉燒茄子(原條):嘩!足料原條霸氣上枱,大量蒜蓉、蔥花非常野味,配上燒得內軟多汁的茄子肉,越食越想食,再加上不停有食客encore,我都忍唔住再encore,我再點左煙肉金菇卷同侍應者介紹的蒜蓉燒聖子王煙肉金菇卷:燒得油甘香,脆唔乾身,配埋金菇一口一卷,口感正蒜蓉燒聖子王:大量蒜蓉、蔥花非常野味,聖子燒得彈牙,底下嘅金菇盡吸聖子嘅精華,鮮味爽口 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-19
1282 瀏覽
尋晚食完日式串燒,今晚想食下港式,同朋友大概7點入去已經坐滿哂人。見到餐紙好多野都好想食,但朋友比較簡飲擇食,而且唔食辣,所以我最想食果d都無叫到🤦🏻‍♀️,但唔緊要其他都幾好食。🌮墨西哥薄餅芝士雞肉 $38第一次食呢種薄餅,比相像中好味。烤得脆既餅皮夾滿芝士、雞肉、黑松露、彩椒等十分豐富。餅皮帶麥香味,芝士份量多有拉絲效果,重點係墨西哥青辣椒,食完真係齒頰留香。🍢炭燒牛舌串 $26比想像中大份,好抵食,肉質厚實,食落口感嫩滑、肉汁豐富。🍢煙肉金菇 $18呢個朋友叫,個人覺得普通。🍢串燒豆腐$16外皮微脆塗左鰻魚汁,裡面軟熟,香甜可口,好滋味,都係必食之選。🍢四季豆 $15爽口juicy~🍢泰國蘆荀 $19份量多,清甜爽脆。🍢虎皮尖椒 $15除左本身已有辣度外,仲有絲絲甜味。🍆蒜蓉燒茄子(切片)$32平時都係原條燒,第一次食一塊塊。蒜蓉香味重,好似食緊蒜蓉包甘,火喉控制剛好,保持多汁美味。🍫🍌朱古力香蕉 $18燒熟透既香蕉食落軟綿綿,絕對係一道唔錯既甜品。🍹綠茶、涼茶 $15食左熱氣野就梗係要飲返支涼茶啦~整體都燒得好好,唔會太乾,味道也不俗,奈何朋友唔食辣,少左食串燒既風味😝唯有下次同其他人再黎😭。 繼續閱讀
(以上食評乃用戶個人意見 , 並不代表OpenRice之觀點。)
砵蘭街好味串燒 焦點食評
等級4 2017-11-28
435 瀏覽
之前聽過朋友講好幾次呢間串燒店好好食, 成日都想試下, 今晚終於約到腳一齊黎試下; 門面細細, 但有易拉架係門口好易搵雖然店舖唔算大, 不過選擇比好多大店多好多, 連意粉, 扒類都有, 花多眼亂先來一客必點的原條燒茄子($32) , 比起其他店的燒茄子, 明顯師傅無盲目咁落海量的蒜頭蔥花, 濃得只剩一口蒜味, 呢個茄子食在口仍然嚐到茄子香味, 正!日式燒大魷魚($75) -, 韭菜($15), 泰式燒豚肉($38)日式燒大魷魚($75) - 果然夠大隻, 燒起來要分三串上碟, 燒的時間掌握準確, 魷魚筒肉身軟綿烟韌, 魷魚鬚有嚼口, 食完成口魷魚香, 好好味; 鴨胸($17), 燒鱔($42), 泰國路荀($19) - 燒鱔皮脆肉嫩, 魚油咬下去時泌在口裡, 香氣四溢;  泰國路荀比本地貨鮮嫩, 明顯原材料質素較好; 什菇露荀燒扇貝($68) - 一堆什菇金菇菜路荀蒜蓉下面, 隱藏隻大大的扇貝, Size大過亦厚身過飲品樽蓋, 咬下去是什菇蒜蓉的精華, 扇貝肉身真的很厚, 以為應該會燒得較熟 (通常的問題), 但咬下去發現燒熟的程度是95分! 多一分嫌老少一分會不熟, 師傅火喉控制非常好, 扇貝肉質保持非常彈牙, 一流!聖子王($58) - 聖子王會切件上, 不會吃得倫倫盡盡的, 很細心呢!, 這店的海鮮類都非常新鮮, 下次來應該要集中火力主打海鮮; 而且坐下來的個多小時, 一直都人流不絕, 小店的受歡迎可目一班. 繼續閱讀
(以上食評乃用戶個人意見 , 並不代表OpenRice之觀點。)