好煮意 (裝修中)

青衣公園裡面，有間食店--好煮意餐廳在優美和綠色的環境下用餐，感受一下寫意的早餐。餐廳分為室內和室外，室外環境優美，有荷花池相伴。早餐賣相一流，豬扒大大塊，配上新鮮蕃茄。配上一杯熱鴛鴦，茶同咖啡嘅比例恰到好處。

同朋友响青衣體育館做完運動，佢話五分鐘之內可以帶我去間隱世餐廳🤔🤔原來响體育館旁邊的青衣公園有間湖畔餐廳，可能是平日下午茶時段，沒太多人，我們選了近湖的露天位置，一邊看風景、一邊嘆下午茶 😁食物方面是簡單的港式食品，朋友點的是午餐肉絲炒麵，麵是即炸加上韭黃肉絲，$42套餐還包無味精老火湯及熱飲 👍🏻👍🏻我點了牛肉拉麵🍜，牛肉是鮮滑牛、湯底是普通清湯並非日式的，做完運動食清啲，不錯。不是超級豪華下午茶，但我喜歡這裡的靈靜與清幽，看著淙淙流水、高高的衫樹和湖上準備盛放的蓮花，一樂也❣️

在青衣公園竟然找到一家與世無爭的地道茶餐廳。 他的位置位於青衣公園荷花池旁邊。環境清幽，還有古色古香的鐵門。 地點也非常方便由青衣站行過去十分鐘左右。餐牌種類繁多， 有早餐全餐， 全日餐，炒粉麵飯和小菜 。我點了這個揚州炒飯， 份量十足看上去有兩三碗飯，而且鑊氣十足，還有不少蝦仁， 大大粒。另外點了個下午茶。有火腿奄列和炸魚柳。 炸魚柳熱辣辣，皮脆肉厚， 奄列 比較簡單 就加了一些火腿肉。 以這個價錢真是非常實惠。

本身諗住去流水響睇落羽松，但諗諗吓都係太遠，最後貪方便去青衣公園睇😁 出發前俾我搵到公園裡面有餐廳，附近又有爛地停車場，Lunch 啱晒！當我第一眼見到間餐廳原來就喺園池旁邊真係幾驚喜！餐廳有室內同室外，我地想對住個景所以擇坐出面啲摺檯，一直都有自然風吹過都幾涼爽！我叫左F餐 日式炭燒豬頸肉烏冬，烏冬係噹噹烏冬個種口感，豬頸肉大塊幾厚但食落有陣騷味，即刻面色一沉，所以對食物質素唔好太大期望，眼前景觀先係賣點。可以一路食嘢一路望景的確令人寫意！食完就可以出去周圍影下相啦🙂

最近先知青衣公園除左有紅葉季好hit嘅落雨松睇，原來湖邊有間茶餐廳，懶唔想自己整早餐就行過黎食。佢喺呢個位，望著個湖食野係好舒服嘅，不過如果你唔係坐室外位而係坐入面既話，係冇景嘅，同一般茶餐廳冇咩分別😎至於食物，就係平日港式茶餐廳嗰d，有早餐、午餐、常餐..... 好平，唔好expect太多😂呢個係常餐menu多士雖然叫左烘底，但係唔脆😂 奄列細細件，蛋炒得乾左少少，我覺得我炒得好d🤣沙嗲牛肉麵，算多牛肉呀就係一間食物平平無奇價錢便宜嘅茶餐廳，不過望住個湖食嘢係relax嘅😄

呢排最hit 應該係去流水響睇落羽松啦！今次唔去咁遠，湊熱鬧去咗青衣公園睇落羽松，星期日，當然超多人，港鐵站一出，有行人天橋直達青衣公園，真係幾靚嘅，睇完入去公園盡頭，有間茶餐廳，一至七日也有下午茶，呢間可能係香港最靚景嘅茶餐廳，價錢平，好多街坊、老人家悠閑咁嘆下午茶，另外亦都有好多人買外賣喺公園野餐，講返食物質素，就係正常茶餐廳質素，一般般，服務也是一般般，就係食個景啦。下午茶餐，西多士，其實佢有好多款下午茶餐選擇，抵食嘅！食靚景：.沿湖邊也有坐位：平價食靚景：

食鹹魚雞粒炒飯食到鋼絲刷當然鋼絲刷味道也不錯能夠為鹹魚雞粒炒飯提鮮 可惜就得壹條所以就唔係幾夠 你哋小心啲奶茶味道10分苦澀 但係夠熱粟米豬扒煎蛋意粉 意粉係百圾嘅 粟米汁就略嫌少咗啲 煎蛋就幾好唔錯 茶餐廳煎蛋果然有一手但係呢度勝在環境優美因為唔關間餐廳事附近就係青衣公園嘅大型瀑布 但係就好多人就行嚟行去 都幾打擾你食嘢嘅興致 睇住個人工湖 同埋聽住流水聲 聽住流水聲食嘢都幾過癮 不過就很肯定唔會再嚟 其實可以到附近其他餐廳選擇

今天一個人來到青衣公園，隨意拍拍照，其實這裡是不少 龍友 喜歡到的地方，季節到的時候，還可看到紅葉🍁。這間位於公園中間人工瀑布湖邊旁的小餐廳，周邊風景唔錯，餐廳有分室内冷氣空調及室外自然涼風。我選擇了室内，因怕蚊😆。我點了個下午茶餐，$29法蘭西多士，飲凍奶茶+$2。西多士一到，好邪惡的外表，外皮炸至金黄香脆，切開裡面軟綿綿，内裡有一層薄薄的花生醬，大大塊牛油在頂，再加上糖漿，十分香口好味，配杯冰凍奶茶🧊，很寫意自在🌱。這裡的價錢相對便宜，不失為一個歇腳的好地方。

🥢青衣隱世瀑布湖景觀鳥茶座🥢之前有朋友問過我青衣有咩地方值得去，我就推薦佢在地鐵站5分鐘路程的青衣公園，這裡不但可以有一大片草地坐hea 野餐，仲可以可觀鳥，秋天時間也有楓葉樹可觀賞，係一個好舒服chill 下的地方🥢其實好多住青衣的街坊都未必知道公園內間茶座，今次去公園主要是觀鳥，肚餓了走到青衣公園入面一間茶座風景很美，除了有瀑布流水聲，仲有大大個湖景俾你慢慢放空，怕熱怕蚊的朋友唔洗擔心，可以坐室內有冷氣的🥢五香肉丁叉燒粒炒飯跟例湯 $43凍飲+$2肉丁粒叉燒粒份量很平均，每口都食到有肉粒，炒得均勻，例湯就比較淡口🥢下午茶煎蛋豬扒公仔麵$34 凍飲+$2煎蛋手勢好好，整個蛋都煎得好香鬆軟，中間流心，豬扒是舊式茶餐廳的豉油煎豬扒味道，煎得香口🥢青衣公園住的鳥類品種很多，自己就比較常見到「紅嘴藍鵲」(藍喜鵲), 「翠鳥」（釣魚翁），只要細心睇就唔難發現佢地，感興趣的朋友可以帶埋相機去影下相打卡好煮意 地址: 青衣青衣公園荷花池旁邊

放假想食一個下午茶，黎到青衣公園好煮意，一邊睇景一邊食，感覺真係好休閑。重點係吾需要用cafe 既價錢，只需要茶餐廳既價錢就可以有咁靚既景食飯，真係正最推薦係呢道既西多士，真係保留左港式既西多味。 題外話: 而家好多連鎖店既西多一係就炸白方包，一係就係包裏用牛油，最無奈係快餐店果啲炸定既西多。。。。但呢道既西多不但𥚃面係放花生醬🥜好足料仲要係即炸再加上我好鐘意係西多上加煉奶，加醬仲要吾洗錢。。。凍檸茶就中規中矩，我建議飲少甜較好飲𥚃面既店員好多都係有少少年紀既姨姨和叔叔，雖然速度吾快，但就好有休閑感和人情味。

香港很小大型的公園範圍內會有餐廳之類的鋪，我所知維多利亞公園會有。而今日在衣公園就發現同樣都在公園內的開設的一間餐廳～參照公園地圖去行地方真的很大，開始有點肚餓添又到午飯時間，遠處發現有間餐廳外的戶外位看到公園的風景幾好喎⋯⋯就行了去坐下來休息一下，遠望看到左面是大瀑布，而右面看到有些人在攝影及寫生繪畫作品，地方真的很不錯👍。我點了一個午市套餐～五香肉丁叉燒炒飯配湯及加了飲品。整體地方舒服，服務態度可以食物方面雖然足料但味精太重，有改善空間。如做到環境同食物都同樣完美的配搭，那就真的一個好選擇。

春回大地, 繁花爭艷, 青衣公園都有好多靚花, 而且又有靚雀及公園景色, 草地瀑布遊樂設施等,好多人都來野餐及拍照(入冬有宏偉的杉樹變黃), 悠閒時到湖畔餐廳用餐實是休閒好地方.餐廳有室外及室內, 天氣好不太熱當然係室外欣賞大自然, 但怕蚊怕熱就室內都享受到靚景這裡的焗餐都很出色, 通常我都會點焗餐, 附送大大碗湯, 大大杯飲品, 仲有大大碟飯, 老闆娘很大氣.下午茶時食西多士及親子巨無霸, 都很好吃, 未吃過雞肶, 但大自然草地配雞脾應該很爽, 我亦對這裡的食物有信心. 這裡開足7日, 但係開到7點, 夜晚無晚餐, 唔好太夜來啊!

今日1425到達餐廳，1430落單（茶餐-豬扒薯條冰檸茶、茶餐-雞批紅豆冰、單點-公司三文治），約1440黎杯凍檸茶，到1450仍未有野食，於是查詢，老闆娘答覆態度差，說只係等咗20分鐘姐！跟住1455左右，食物終於開始黎啦！份量少就本身預左，因為之後都黎過幾次架啦！跟住1500杯紅豆冰仲未黎，但真係唔敢追，但我地差唔多食完，冒住俾人鬧嘅危險，同老闆娘講爭杯紅豆冰，答案係無紅豆杯，一係菠蘿冰一係雜果冰😅

喺度食下午茶，天氣好環境不錯，對住個湖。叫咗兩個下午茶餐，魚柳薯條，熱奶茶，豬扒包配凍鴛鴦。今日紅日，人比較多食物方面等左25分鐘。熱奶茶和豬扒包不夠熱，係暖的...整體上個人感覺一般

星期六早上，難得早起，就去食早餐，而自己原本想去試一下在湖邊吃早餐，應該很爽，所以去了這裡，但理想與現實當然不一樣⋯⋯到達時剛好只有一個位，坐下來，拿個餐牌要自己找，叫姐姐點餐，第一個已經有點不耐煩叫我「等一陣啦」，之後佢等閒尐，佢竟然答「你再等吓，我唔寫單的」，我立刻想發火，幸好可寫單的有空，加上她都算是盡責的伙計，就落單繼續等⋯但一等就差不多半小時了（當然中間有問，但只有二人服務，真的不太夠人⋯)//幸好在湖邊，加上當天天氣還好，所以等都沒有太不耐煩，等了約半小時，終於有得食了，煙肉得半塊、火腿是最低質素，雞蛋是正常，多士尚算脆，惟一好的是夠熱，因為係即叫即整吧（即廚房比較少人吧），所以溫度較熱，熱檸茶都比較大杯。//我想惟有以後在少些人的時候再去吧⋯⋯