影片
以上資料只供參考, 請與餐廳確認詳情
食家推介
【🍲銅鑼灣隱世文藝食堂！40年手藝傳承「好正」復刻懷舊廣東味✨｜打卡送小食！OL必試$38足料燉湯飯餐】#港式情懷 #文青食堂 #銅鑼灣平價美食 ⠀⠀⠀⠀⠀⠀⠀⠀⠀⠀⠀⠀ ‼️ 急Call所有懷舊控+養生黨睇！ 銅鑼灣駱克道靜靜雞開了間「有靈魂」嘅文藝小店——「好正」✨ 老闆係位會寫詩作畫嘅隱世才子🎨，連牆上水墨畫、復古木核都係親手打造！ 重點係👉🏻 賣緊40年家傳手藝嘅 無味精湯+創意養生小食，$30+嘆到老火湯飯餐‼️ ⠀⠀⠀⠀⠀⠀⠀⠀⠀⠀⠀⠀ 🔥 必試隱世菜單 🔥 ▫️「土茯苓老鴨湯」🍵 秋冬必飲祛濕王！燉到鴨肉化開嘅清甜湯底，飲完喉嚨超舒服～ ▫️「蒸老陳皮果釀糯米飯」🍊（激推‼️） 陳皮果殼塞滿暖胃糯米飯🍚，咬落淡淡陳皮香+糯唧唧口感，養生又IGable！ ▫️「川香滷肉飯（日本米）」🍛 肥瘦滷肉淋到日本珍珠米發亮✨ 微辣滷汁拌飯真·秒清盤！ ▫️「芒果紫糯米椰奶」🥭 vs 「楊枝甘露」 老闆堅持用呂宋芒🥭！紫糯米椰奶濃郁到掛勺，楊枝甘露仲有爆汁西柚粒💥 ⠀⠀⠀⠀⠀⠀⠀⠀⠀⠀⠀⠀ 💰 街坊價歎藝術級美食 👇🏻 ✅ 燉湯/老火湯 $30+起‼️ ✅ 客飯套餐 $38起（日式咖喱牛肉飯$45、泰式青檸雞扒蛋飯$40） ✅ 秋名山炸雞咖喱烏冬🍗 $50（轉飯減$5） ⠀⠀⠀⠀⠀⠀⠀⠀⠀⠀⠀⠀ 🎁 隱藏福利 🎁 ✨ 打卡送飲品或小食！ ✨ 老闆隨時即興贈詩📜（文青必Get） ⠀⠀⠀⠀⠀⠀⠀⠀⠀⠀⠀⠀ 📣 真心話時間： 見到老闆堅持用靚料復刻阿爸手藝👨🍳，連滷肉都唔用現成醬包，真係食到心機！ 佢哋嘅外賣兜係老闆親自設計，係一款裏面有保溫功能嘅紙兜但係外面竟然係用緊廣州以前好hit嘅公雞碗圖案！📸 店內超多打卡位，記得影埋老闆嘅詩畫！
繼續閱讀
放工買野，行左條新路返屋企，就見到間"好正"，d野食各式各樣都有，有飯、有麵、有小食，橫掂都係要買宵夜就揀左佢不得不讚，佢嘅外賣包裝好有誠意，唔漏係基本，佢將凍、熱分開放都係基本，餐廳好貼心，用保温袋放，喺咁凍嘅天氣，經過大半個鐘頭嘅車程，返到屋企，凍嘅依然凍，熱嘅都仲係暖嘅，好用心⭐胡椒雞腳湯（小）除左雞腳，仲有豬肚同花生，飲落啖湯，一入口清清地，吞左啖湯之後有後勁，胡椒味好出，豬肚好淋，仲好入味添，咬落啖啖都係胡椒味，雞腳唔會煲到散曬，仲好爽口，正呀👍⭐碗仔翅夠杰身，真材實料，除左平時食開有嘅料之外，仲有蟲草花、乾瑤柱、金華火腿，蟲草花豐富左個口味、乾瑤柱提鮮、金華火腿多左d鹹香，正呀😋，本身就已好夠味，唔洗再額外加調味，食落仲有少少辣添⭐️豉油王煎腸粉腸粉煎得好香脆，仲有d芝麻香，職員好細心除左個面落左d甜醬，連個底都有，唔怕食到落底冇醬，腸粉食落甜甜😋⭐魚蛋燒賣各5粒雖然魚蛋同燒賣都係d普通嘅野食，但係又唔係間間鋪頭入嘅貨都好食，li間魚蛋彈牙，燒賣有咬口，兩隻都係我鐘意嘅口味，個面仲放左d辣醬，加埋一齊食好正，唔係死辣，食落好香😍⭐️牛油果香蕉燕麥奶昔第一啖入口就飲到好香嘅香蕉味，牛油果味再慢慢出現，飲多兩啖成個口都充滿燕麥奶嘅味道，宵夜飲你，罪害感即刻大減🤭又好飲，又健康，正呀😍⭐楊枝甘露足料大大碗，有好多芒果，仲要大大舊，同埋係甜嘅😍另外仲有好多西米同西柚，啖啖都有好多料，食埋li個甜品真係大滿足呀😋
繼續閱讀
今次來到灣仔駱克道的港式小店 店內裝修充滿懷舊港式風情 霓虹燈牌打卡一流📸 雖然堂食位置唔多 但食物價錢親民 質素都令人好有驚喜😋✨咖喱牛腩飯 $68 牛腩炆得軟淋入味🐮咖喱醬汁分開上 味道香濃帶微辣🌶️醬汁撈飯一流 份量十足抵食😙推薦一試✨牛肉米粉 $45 牛肉片嫩滑唔韌🐄湯底清甜有牛骨香🍲米粉滑溜吸盡精華 大大碗又熱辣辣😍✨鹿兒島墨魚餅8件 $48 墨魚肉彈牙鮮味🦑外皮煎得金黃香脆 蘸甜辣醬更惹味 ✨牛腩腸粉撈 $48 蝦米腸粉滑溜有米香🍚配上牛腩味道香濃惹味 配搭幾有創意好特別✨芒果紫糯米椰奶 $48 芒果香甜多汁🥭 紫糯米軟糯有咬口 椰奶香滑濃郁🥥飯後甜品完美作結 📍好正 (灣仔) 灣仔駱克道382號莊士企業大廈地舖
繼續閱讀
今日唔太肚餓，想簡單啲食啲香港小食醫肚就算，就搵到呢間小食店，有齊哂小食、飯同甜品揀，咁我老公就可以食飯，我就可以專攻小食同甜品🤭-招牌滷肉飯 （$40）滷肉唔會太肥，味道又夠濃，撈飯一流👍🏻而咖哩豬扒飯（$45）嘅豬扒夠淋，如果咖哩辣啲就仲正～-小食最鍾意佢嘅碗仔翅 （$38）超足料，煎蝦米腸（$38）就煎到脆脆地，配埋啲麻醬食好正，仲要份量超多😍魚蛋燒賣 （$20） 就唔算好突出，不過都彈牙唔粉，絕對唔係普通大牌子貨～-甜品就試咗楊枝甘露（$58），大大舊芒果係面，仲要好甜🥰叫一個share嚟食夠哂～-呢間小店好有誠意，選擇夠多得嚟質素又好，經過開簡簡單單食個碗仔翅又得，買個飯食又得，真心推介大家支持小店💪
繼續閱讀
魚蛋腸粉食得多，但呢間腸粉，係我覺得可能係全港最好食嘅腸粉，我叫咗呢個小魚干煎腸粉，加埋獨有醬汁，腸粉軟腍，而且煎到好香脆，再配埋肥仔辣椒油真係超級好食。另外台式腸仔，土匪雞翼，都係即刻整起，味道香脆可口，見到仲有煎墨魚餅，一盒有10件買嚟俾屋企人今晚加餸啱啱好，墨魚餅好彈牙，配埋酸辣汁味道剛剛好。不過不得不提就係店員推介嘅老鴨湯，原來好有營養仲對皮膚好好添，原本見到個湯黑媽媽都冇乜期望，不過飲過之後覺得好夠火喉，真係好有驚喜，味道好香濃，唔係飲緊味精湯，但係味道非常好，好彩我買咗大碗，其實都係幾十蚊，比起出邊喺超級市場買湯包都係差唔多價錢，屋企人都可以試少少，下次要買多兩碗比皮膚一直都唔係咁好嘅婆婆試吓。
繼續閱讀