好景海鮮酒家 (已結業)

😎身為大澳原居民每逢新年都入大澳侯王廟拜神，清明節去拜山，此酒家八十年代名叫〈漁村酒家〉改名後巳近十年沒光顧過了，今天見不需輪檯便走入去一試😮竟令我有意想不到的驚喜😘目测鄰桌的各樣餸菜外表看似都十分色香味俱備，試叫了三味菜一试，菠蘿生炒骨、羅漢齋及招牌虾乾小炒，碟碟都双倍份量十足，頂级好味😘👍😱新年流流竟也不收加一小費，三味莱共只需$308真不敢相信是真實，以後每年入大澳都毋须再四圍揾食了😊但愿主厨的功力可多久保持😅或傳承下去吧💪🙏…Read More

戴定頭盔先🌝旅遊地區預咗會畀人劏 所以我食呢餐無諗過平/好食 我係懷著一個咁嘅心情去食入呢間餐廳最主要嘅原因係老人家想飲茶同埋佢哋點真係好方便!地點方面 10/10 基本上你落船或者上船都係必經嘅地方環境方面 9/10 餐廳算大而且都企理圖一 椒鹽鮮魷 10/10味道唔錯 果然係大澳 粉唔會太厚 圖二 蝦醬味十足 後勁凌厲 10/10圖三 蠔餅 就真心唔建議 粉漿開得太厚 3/10圖四 菜遠雞 不過不失 7/10總結一下以上係一個套餐 埋單 四百蚊左右 以一個旅遊區而個地點有咁方便嘅話可以值得一試當然大澳有其他好嘢食但有好多都係細鋪 老人家唔太方便…Read More

今日山長水遠入大澳，揾個地方醫肚先。喺永安街見到呢間好景海鮮酒家，一眼睇哂，一共十張枱，望落都乾淨企理既。呢度有精選套餐，喺22款餸揀2，3或4款餸，送白飯，分別係$198，$298，同$398。設加一，另收茶錢，每位$4。黎得大澳，梗係揀海鮮食，所以我哋全部餸都揀哂海鮮。椒鹽中蝦有八隻，有大有細。夠哂椒鹽味，要餸飯食。d殼好脆，食埋都得。蝦肉都算鮮甜嘅。蝦醬炒鮮魷，魷魚份量麻麻地，雖然蝦醬味好香，但係唔太新鮮，完全唔脆口。西芹就好多，爽甜西芹加埋蝦醬嘅鹹味，調得好啱味。清蒸魚壹條，居然係一條咁細條既䱽魚，肉薄又唔鮮，食落似雪藏，唔掂。總括而言，套餐嘅海鮮唔多掂，失望。…Read More

星期日家庭樂👨‍👩‍👧‍👦最好就梗係去樂郊遊啦🍃小編早排就係入咗有「東方威尼斯」之稱嘅大澳漁村🐟睇吓係殖民地時代建立嘅棚屋🌳同埋特色建築🏡 仲有喺大澳必食嘅當然係鹹香嘅蝦醬啦🦐 呢間餐廳價錢親民，亦有好多種類嘅小炒王，亦符合一家大細嘅口味。馳名蝦醬蒸豬肉🦐 $70一上菜，已經聞到蝦醬特有嘅鹹香味😍 豬肉軟淋，冇筋，有肉汁，食落係新鮮豬肉嘅味道🐽 亦冇煮得過火，完美配上蝦醬嘅鹹香味👍🏻調味恰到好處京都焗肉排 $70係正常京都骨嘅味道，酸酸甜甜😋，份量好足，亦唔會有好多骨。送飯一流，小朋友一定好鍾意🤩鮮魷🦑炒芹菜🥬 魷魚🦑鮮甜爽脆，煮得啱啱好👍🏻唔會過火🔥魷魚份量算多，配上炒芹菜🥬就喺平時茶樓食嘅正常味道豆腐炆斑腩煲🐟呢個小編唔太推薦食🥴首先佢嘅斑腩份量好少，而且舊舊都係骨。😫調味正常，但豆腐同埋配菜都得好少，所以唔太推薦👎🏻環境方面，餐廳位置寬闊，有數張大圓枱，容易搵位。而且冷氣充足，行完棚屋好熱入去食嘢可以涼下冷氣🤪衛生方面，餐桌同埋凳都算乾淨，唯獨餐具方面如果自備餐具更加好🍽因為始終呢類型嘅茶餐廳餐具都會有少少油漬係上面🙈但店員都會一入咗就比一盤熱水你洗餐具🍴總括而言，入到大澳就一定要食蝦醬蒸豬肉，因為蝦醬🦐真係大澳嘅名物🤩呢間餐廳嘅小炒王🥬或者小菜🧆都幾好食但係煲類🥘嘅嘢就唔好嗌啦🤣如果嚟緊你都plan緊入大澳嘅話就不妨去呢間餐廳試吓啦🥰人均消費： $100以下地址：好景海鮮酒家-大澳永安街15號#大澳必食 #大澳茶餐廳 #大澳蝦醬 #蝦醬 #大澳餐廳#離島美食 #大澳美食 #大澳小炒#香港蝦醬 #蝦醬蒸豬肉 #hkfoodieclub …Read More

係離島本身唔太大有什麼期望，只望叫入得落口就ok.......點知叫咗個套餐$298/3個餸，另外叫左一碟腐乳炒通菜，真係跨啦啦😏😏等左10分鐘左右一次過四碟餸一齊上1️⃣第一時間食「蒜蓉粉絲蒸元貝」，嘩頂你個x呀，個元貝梅㗎😰😰自問唔係一個要求高嘅食家，但真係頂吾到， 真心， 個元貝仲衰過平時嘅急凍元貝1萬倍🥵2️⃣第二個餸「蝦醬蒸鮮尤」，諗住喺大澳叫蝦醬冇死啦，點知嚟到一坺屎咁🧟‍♀️🧟‍♀️⋯⋯衰過我自己係屋企蒸3️⃣「薑蔥霸王雞」冇味道，唔係好熱........🧛‍♀️🧛‍♀️4️⃣「腐乳炒通菜」係最正常，最好味😋如果想挑戰自己個胃大家可以不妨試一試🤷🏻‍♀️🤷🏻‍♀️🤷🏻‍♀️💁‍♀️建議食島上嘅小食頂肚， 走人出返市區食晚飯‼️‼️‼️…Read More

話說 早兩日同太太行完山 ,買咗船票六點鐘 見仲有時間間餐廳又喺碼頭隔離, 果陣時先至係5點10分, 就決定入去點咗兩樣簡單嘅餸菜, 5點20分 唔到就點咗一碟咕嚕肉, 同豉椒炒蜆, 我當時只有我哋同埋 另一枱客人, 另一台客人因為未到齊所以仲未落單, 換言之我哋係第一個落單,去到5點45分 我哋見一啲動靜都冇就問一問 個樓面阿姐, 不如轉做外賣畀我哋 因為我哋趕住六點鐘船, 我阿姐話六點鐘趕唔切㗎啦你哋, 咁我哋就問佢 如果你哋仲未做嘅話 可唔可以取消因為真係趕唔切, 個阿姐話哎呀咁又唔得喎 師傅準備咗, 我心諗你準備咗 半個鐘都未開始 咁即係準備咗未, 於是我請佢入去 問一問廚房, 五分鐘之後佢出返嚟冇交代當冇事發生, 於是我又問佢 佢話你哋預咗食炒餸係要時間, 我係絕對明白 炒餸係要時間, 但係個問題係我落咗單 足足三十五分鐘 根本間餐廳 係連開始都未開始做個菜, 就相當乜事都冇, 我知道 煮餸係要時間但係 炒兩碟嘢 唔會三十五分鐘都未有 一碟出嚟啩, 於是乎我嬲嬲哋 因為我唔係食嘢唔畀錢嘅人, 所以唔係貴一百六十幾蚊, 我都係第一次畀錢咪食唔到嘢, 個阿姐又好意思收我 錢我想講嘅係 我知道食嘢 係要時間, 但係如果 炒兩碟嘢 喺40分鐘我走嘅時候你都完全未開始, 係咪真係冇理由取消, 不如講明入嚟食嘢 最低限度要等幾耐等客人有個預算…Read More

端午節來到大澳，人山人海，要舒舒服服咁食晒飯都唔易，所以襯龍舟比賽未完就先來到等位，等左十分鐘左右終於有位啦！椒鹽鮮魷：黎到大澳無理由唔食魷魚架，結果都無令人失望，果然好味！粟米魚肚羹：呢個羹大大煲，我地五個人，每人都分到兩碗，味道都唔錯呀！腐乳炒通菜：份量多，好味！蝦醬蒸豬肉：蝦醬又係大澳必食啦，豬肉好林，吸晒蝦醬味，呢碟又係正霸王雞：其實我都唔係好知霸王雞係乜，所以試下，不過就有些少失望，因為真係無乜特別，得d䓤咁，隻雞又比較瘦小，唔多肉，呢度係一隻雞黎架！蒸扇貝：呢樣原本比較期待，不過都係有少少失望，扇貝都ok, 但粉絲就好失望，好硬大澳炒飯：即係蝦醬蝦乾炒飯，又係大澳必食啦！蝦乾份量都唔少，好味！不過可能由於我地叫左少蝦醬，所以略嫌味道淡左少少。下次要多蝦醬，哈哈…Read More

11月26日由東涌行山入大澳，選擇了這家晚飯，點了斑腩豆腐煲，朋友嘗了豆腐說豆腐好像壞了，我也夾了塊嘗，我也吃到酸豆腐了，於是我告訴前枱收銀阿姐，坐得收銀都是主事人，主事人說“不會壞的，我們中午賣了很多斑腩豆腐煲”她完成沒有像其他店一樣夾一塊試試，或者幫我們更換掉酸豆腐煲，這個就是他們店的招待客人的態度。…Read More

跟美魔女媽媽響銀礦灣酒店check out後，搭車去左大澳遊覽一下，行到咁上下就搵左呢間酒家食個晏。兩個人揀左個標明供2-3人份量的三餸餐，$208, 叫左個蝦醬蒸豬肉、蠔仔粥、雜菜煲，加罐$10可樂健康又幸福，要食蠔仔粥! 蠔仔粥，超級大！蠔仔雖然本身欠缺鮮味，不過幸好個湯非常正，肉碎夠彈口，加埋薑絲，芫茜同冬菜，一絕！吃過雜菜煲，大腿唔會粗! 雜菜煲都係大大煲，本人向來喜歡食軟飯，菜都係一樣。佢d 菜心，白菜，勝瓜，西蘭花，全部淋一淋，夠晒入味！菜黎講夠晒大棵，好甜！入邊仲有大蝦乾同魷魚，個湯底超正。我也忍不住係咁飲，不過魷魚就略嫌係無咩味道。所謂入鄉隨俗，食蝦醬蒸豬肉! 係我既最愛！豬肉搭住小小肥油，加上淡淡蝦醬同甜豉油味，好食到停唔到。鋪底粉絲有誠意之作。三樣野兩個人真係夠食，但由於家母比較細食，佢中段已經好擔心話食唔晒。不過唔洗驚，乖仔響大廳! 我叫得做勁食西門，當然不是省油的燈，好快就掃清檯上的美食。…Read More

今日成家黎大澳行吓，中午11點幾就要揾地方食飯 好熱，揀左呢間有冷氣但無乜人既餐廳，諗住未必好食，但食緊發覺每一碟餸都好好味，又無出面茶樓啲野食咁油，蝦醬蒸豬肉好滑好香。。。全部好正芝士蝦伊面，面身唔會太冧，芝士汁夠香，蝦勁新鮮。海鮮豆付煲好足料，好多魷魚，魚塊等等。椒鹽蝦無得彈，微辣但超香。揚州炒飯有鑊氣，飯粒分明!西檸雞夠脆但好嫩滑，微酸，我連埋啲檸檬片食，勁正!9個人叫左兩個餐，埋單740，好抵!…Read More

炒蜆：灼咗先去炒，完全冇味椒鹽白飯魚：厚實冇味嘅炸漿包住乾硬嘅白飯魚，超難入口蝦乾魚肚浸勝瓜：嘅湯係味精湯，蝦乾冇味，魚肚一pat嘢咁鹹魚白菜：有黑啡色狀似鹹魚物體，完全冇鹹味，白菜炒到變黄唔係公眾假期嚟食都攪到咁，假日嚟食未不得了😧…Read More

秋日旅行之大澳遊大澳除左街邊小食海鮮也不錯到達大澳已一點多了，先來一個海鮮正餐，又掃街吧巴士站附近有一間叫好景，試試吧在旁邊海鮮檔，買了一條石班及兩斤海蝦再去加工石班斤半重，一魚兩味，炒球蒸骨石班炒球，啖啖肉，魚肉鮮甜嫩滑，加上清新的配菜，正石班蒸骨，骨連小小魚肉以蒜汁蒸，香濃味美蝦糕蒸鮮魷，鮮魷鮮甜，蝦糕香濃帶點蒜味，拌飯食真係可以多吃兩口海蝦鮮甜，爽口！！好好食蒜蓉西蘭花，香口，爽口…Read More

蟹粥, 蟹非常迷你, 蟹好少, 粥不差味道不錯. 蒜茸粉絲蒸元貝, 蒸乾了感覺難食.墨魚餅, 有咬口不過個汁嘛嘛.鹽海蝦, 不新鮮, 不爽口, 不好食, 份量少.盬焗雞, 無雞味得雪藏味.姜蔥炒海蟹, 好得意的迷你蟹, 而且完全無香味. 蒸扇貝, 完全沒有味道.大澳炒飯, 蝦醬味去了哪裡? 很淡很差. 白菜似乎很貴, 很細盤.埋單樣樣野都超過心理價, 問服務員竟然答呢度食野係咁價啦.…Read More

首先，我是蠻喜歡此餐廳的譯名，中文叫「好景海鮮酒家」，英文叫「Good View Seafood Restaurant」，非常 google translate feel 啊！直譯又的確無錯喎。很久之前已來過此餐廳出品的煎墨魚餅，是不錯吃的，還有自家出品的XO醬，印象都不錯。上星期重遊此地，上網一查，發覺此店的自家製海鮮有非常多的劣評，奇怪。予期以身犯險，不如平平地叫個小菜餐，三人收$178加一，倒是蠻划算呢。「海鮮豆腐湯」我挑的，就是一大堆小魚滾成奶白色的湯，內有大量白菜仔及豆腐，我就是想要這種住家滾湯的感覺。魚湯呈奶白色沒有欺場，大大鍋，吃完湯渣實夠飽，美中不足是它下了味精，其實用薑煎了魚已經夠香，下些鹽調味已很足夠了吧。「西芹炒斑球」穩穩陣陣，沒有叫甚麼名貴的海鮮，魚塊頗大件及滑溜，而且骨已起，疑似是雪藏貨魚柳，我倒沒有甚麼所謂，反正也沒有期望是甚麼新鮮海鮮，否則我就點蒸魚啦！當普通小菜吃，不過不失的。「大澳蝦醬蒸豬肉」來大澳始終要來點水鄉風味，生曬蝦醬混上豉油、糖及薑絲去蒸五花腩肉，是個無得輸的下飯黃金組合，豬肉唔肥唔吃，成碗白飯吞噬哂！三者最好吃的，就是「蝦醬蒸豬肉」，又印證簡單就是好！…Read More

在大澳過了休閒的一天、晩飯選了這間舊式酒樓、自選４款套餐、先来蟹粥、綿綿的粥底、蟹雖細小但鮮甜無比、再加上干菜頭好味。第二味是蒜茸粉絲蒸元貝、過火了、比較硬、失望。第三味是煎墨魚餅、幾有墨魚香味但失敗在於醬汁、用了咖厘汁有格格不入的感覚。最後是椒塩海蝦、略欠不入味、蝦本身感覚不新鮮。…Read More