9
2
8
電話號碼
29855115
營業時間
今日營業
11:30 - 20:30
星期一至日
11:30 - 20:30
付款方式
Visa Master 現金
食評 (22)
等級3 2019-06-08
162 瀏覽
端午節來到大澳,人山人海,要舒舒服服咁食晒飯都唔易,所以襯龍舟比賽未完就先來到等位,等左十分鐘左右終於有位啦!椒鹽鮮魷:黎到大澳無理由唔食魷魚架,結果都無令人失望,果然好味!粟米魚肚羹:呢個羹大大煲,我地五個人,每人都分到兩碗,味道都唔錯呀!腐乳炒通菜:份量多,好味!蝦醬蒸豬肉:蝦醬又係大澳必食啦,豬肉好林,吸晒蝦醬味,呢碟又係正霸王雞:其實我都唔係好知霸王雞係乜,所以試下,不過就有些少失望,因為真係無乜特別,得d䓤咁,隻雞又比較瘦小,唔多肉,呢度係一隻雞黎架!蒸扇貝:呢樣原本比較期待,不過都係有少少失望,扇貝都ok, 但粉絲就好失望,好硬大澳炒飯:即係蝦醬蝦乾炒飯,又係大澳必食啦!蝦乾份量都唔少,好味!不過可能由於我地叫左少蝦醬,所以略嫌味道淡左少少。下次要多蝦醬,哈哈 繼續閱讀
(以上食評乃用戶個人意見 , 並不代表OpenRice之觀點。)
等級1 2018-11-26
384 瀏覽
11月26日由東涌行山入大澳,選擇了這家晚飯,點了斑腩豆腐煲,朋友嘗了豆腐說豆腐好像壞了,我也夾了塊嘗,我也吃到酸豆腐了,於是我告訴前枱收銀阿姐,坐得收銀都是主事人,主事人說“不會壞的,我們中午賣了很多斑腩豆腐煲”她完成沒有像其他店一樣夾一塊試試,或者幫我們更換掉酸豆腐煲,這個就是他們店的招待客人的態度。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-21
1336 瀏覽
跟美魔女媽媽響銀礦灣酒店check out後,搭車去左大澳遊覽一下,行到咁上下就搵左呢間酒家食個晏。兩個人揀左個標明供2-3人份量的三餸餐,$208, 叫左個蝦醬蒸豬肉、蠔仔粥、雜菜煲,加罐$10可樂健康又幸福,要食蠔仔粥! 蠔仔粥,超級大!蠔仔雖然本身欠缺鮮味,不過幸好個湯非常正,肉碎夠彈口,加埋薑絲,芫茜同冬菜,一絕!吃過雜菜煲,大腿唔會粗! 雜菜煲都係大大煲,本人向來喜歡食軟飯,菜都係一樣。佢d 菜心,白菜,勝瓜,西蘭花,全部淋一淋,夠晒入味!菜黎講夠晒大棵,好甜!入邊仲有大蝦乾同魷魚,個湯底超正。我也忍不住係咁飲,不過魷魚就略嫌係無咩味道。所謂入鄉隨俗,食蝦醬蒸豬肉! 係我既最愛!豬肉搭住小小肥油,加上淡淡蝦醬同甜豉油味,好食到停唔到。鋪底粉絲有誠意之作。三樣野兩個人真係夠食,但由於家母比較細食,佢中段已經好擔心話食唔晒。不過唔洗驚,乖仔響大廳! 我叫得做勁食西門,當然不是省油的燈,好快就掃清檯上的美食。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-08-06
933 瀏覽
今日成家黎大澳行吓,中午11點幾就要揾地方食飯 好熱,揀左呢間有冷氣但無乜人既餐廳,諗住未必好食,但食緊發覺每一碟餸都好好味,又無出面茶樓啲野食咁油,蝦醬蒸豬肉好滑好香。。。全部好正芝士蝦伊面,面身唔會太冧,芝士汁夠香,蝦勁新鮮。海鮮豆付煲好足料,好多魷魚,魚塊等等。椒鹽蝦無得彈,微辣但超香。揚州炒飯有鑊氣,飯粒分明!西檸雞夠脆但好嫩滑,微酸,我連埋啲檸檬片食,勁正!9個人叫左兩個餐,埋單740,好抵! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-05-10
630 瀏覽
炒蜆:灼咗先去炒,完全冇味椒鹽白飯魚:厚實冇味嘅炸漿包住乾硬嘅白飯魚,超難入口蝦乾魚肚浸勝瓜:嘅湯係味精湯,蝦乾冇味,魚肚一pat嘢咁鹹魚白菜:有黑啡色狀似鹹魚物體,完全冇鹹味,白菜炒到變黄唔係公眾假期嚟食都攪到咁,假日嚟食未不得了😧 繼續閱讀
(以上食評乃用戶個人意見 , 並不代表OpenRice之觀點。)