好日子酒家 (已結業)

家中老人家之前因為貪佢方便，又近街市，而且成條屋邨又得佢一間酒樓(獨市)，所以都會經常性來這間酒樓飲茶，食晚飯，火鍋。首先講下佢啲點心，我只能說佢啲點心唔夠熱，有次食到一籠酸菜餃（已經臭左既餃，佢地都有換番籠比我地，不過已經唔想再食）點心款式又唔多，都好基本既點心，佢地既咸水角係先炸好再放起度等人要，所以一食落去，啲油咪咇曬出嚟，又唔脆。反而叫佢啲炒飯炒麵仲夠新鮮過佢啲點心。到佢地既晚市就唔同啦，因為即炒，所以唔會好差，只不過你叫極都冇人理你，特別係果啲姐姐級侍應，佢地返工好似係行catwalk咁，你叫佢既時候咩都睇唔到聽唔到，全間酒樓淨係得個男經理一腳踢，所以之後我都極力反對再來這間酒樓飲茶同食飯，另願比多幾蚊車錢出去飲好過留起泥間度睇姐姐行catwalk啦。

小弟不是本區人, 只是放假過來此處上工聯會課程。因為太早到離上堂還有很多時間, 就決定周圍找找有什麼吃和打發時間, 最終還是決定來一盅兩件。說實話, 我入去此酒樓前我都猶疑了一下, 因為睇門面就已知係D比較OPEN, 開放式同自助形式的酒樓, 打比喻似得如, 信興此等舊式酒家。因為櫃位正係正門口中間開放式, 即是說你自己行去埋單, 也同樣說你什麼都自己做的暗預。唔理, 反正好似價錢商宜, 入去自己找位坐下, 選好點心就行去侍應面前給入單, 身為香港人的我, 懂得轉膊, 不會蠢到叫佢埋離, 真是天都黑 .... 哈哈 !  我一個人點了牛肉球,棉花雞,波菜餃及雞絲粉卷, 單寫明賣點是即叫即蒸, 不知是真是假, 基本上最少也要等上十五多分鐘。食物味道評分如下:波菜餃 - 8分 (入口好新鮮, 同蒸得剛好, 蝦爽)牛肉球 - 7分 (無特別)棉花雞 - 9分 (出奇地多棉花, 反而雞不多, 是我有史以來, 見到最貼題的棉花雞 - 棉花先係主角)雞絲粉卷 - 9分 (一個字好味, 粉皮是厚, 我覺得OK , 入面D肉夠入面, 整體配合得OK, 正)因為本來不打算寫食評, 所以無拍照 ....

一入到去以為自己番咗大陸，地方好臭。有個阿姐放抬布放咗一半，就走咗去叫我地自己放埋張抬布。d餐具油淰淰，好似冇洗過甘。地下好多碗碟嘅碎片，冇人清潔過。本來得三个人，黎咗四份餐具。因為驚會收多份茶費，所以不斷搵待應拎走，佢地廣野超粗魯。每個待應嘅態度超差，個個人嘅語氣好似5關佢地事甘。舉極手都冇人黎，d待應仲好5耐煩甘嘅樣。d點心腸粉灰灰黑黑嘅顏色。當時想立即放低茶費就走,但最後只叫咗碟椒豉肉片炒河。裡面d豆豉硬到咬5開，好似石仔甘。其他配料（洋蔥、青/紅/黃椒），得d頭同尾，好硬同爽口，跟本就未熟。呢間酒樓不知所謂，以後5會再去。

本人第一次寫食評，原本對呢間酒樓都無乜野，但係今日呢個下午茶，真係食到一肚氣…………一入門口有個姐姐開門，我覺得係呢個姐姐最好，佢係著黑衫的，應該係部長，之後我同太太bb，三個人坐左一張卡位，之後佢地問我要咩茶，我叫左香片，都呢一刻都好好咖，但係放低左壺香片，個好姐姐走開之後…………我同太太寫完點心紙交左俾佢之後就黎料了………………我叫左一個叫孖寶既餐，係兩雙燒乳鴿加一個烚茶加一窩米線的，故事就呢個黎料喇，首先我揀左米粉，佢打單嗰陣話無米粉，問我轉咩，咁我就話改瀨粉，之後黎嗰陣俾左米線，我問點解，佢話無瀨粉（咁我講嗰陣點解唔講？？）好，算數，反正米線都岩食，無出聲，其他野食都慢慢咁到齊，但係差牛肉腸粉同雞扎，等等等，我三點多小小落單，差唔多四點先追單，因為我見到蒸點心差唔多收檔，所以我就叫人埋黎問啦！！等等等，等左好耐都無人過黎，終於見返好好人嗰個姐姐，問佢我叫左牛腸同雞扎未到，點之喺呢個時候有一個四眼仔大聲話腸粉賣晒，請記住係好大聲，幾枱客都望住嗰隻，之後我就話係追單，已經左好耐，佢先收聲，態度極之差，之後個好姐姐幫我check單，發覺原來無落到腸粉，（點解我落單你呢個又講呢！！）但

一次同朋友敍舊,貪馬鞍山方便大家,於事係恆安村一家酒樓飲茶。上午11點幾黎,唔使等位,我同朋友2個人去左卡位座，唔使同人疊枱,幾舒服。侍應都好快手,唔使叫佢都主動黎問你飲咩茶,服務不錯。野食都算多款,不過都係大路野,我地點左牛肉球,燒賣,雞扎,波菜餃......大部份野食都不過不失,只係食叉燒腸既腸粉皮厚左D個度主要都係街坊客~所以價錢都大眾化我地兩個男人都係食左100蚊不過要彈既係廁所,周地紙巾咁污糟都無人理,仲有臭味!