6
5
5
以上資料只供參考, 請與餐廳確認詳情
母親節到商場酒家食飯，想不到換來一肚氣走。1.砂窩無錫骨係用煲湯渣d 豬骨做既，難食到難以形容；2. 魚係要用一個鐘頭以上蒸既，我估應該會好硬好難食。3. 龍蝦其實幾好食，腳都好好肉；4. 燒鵝如果係燒鴨，會否有觸犯商品說明條例？；5. 莧菜都其實ok 好食, 只係太油了。
繼續閱讀
沙田禾輋村禾輋的好日子囍宴在商場2樓，樓下有快餐式座位，星期日食肆周圍都很旺場，這裏較容易揾位，要了燒汁豬頸肉飯，豬頸肉大大片又爽，淘上燒汁更美味，碟子裏足足有兩碗飯，大男人也可以吃得飽！餐飲的熱奶茶也有大排檔的質感，滑、有茶香！
繼續閱讀
本身想去順x飲茶,點知唔知係咪假日,個孖寶只係做到0930..但難得搵左屋企人落街唯有改去呢間,睇下有咩唔同到..見竟然1100前有孖寶..15.x$ 所以就入去啦..先係服務都仲係咁差..d樓面要問幾聲大大聲先肯應你..野食叫左八樣,,,等左10mins先黎第1碟雞絲春卷-凍既.扣哂分.仲要食唔出脆口感,..d肉黏左d入口時...(同台個客人食哂野係爭碟春卷..坐低未叫野巳經見佢吹左次..點知最後仲要黎我地度先..)炒米粉-真係可惡!有好多都係炒到硬哂..最重要係好多油!!差呀!!鳳爪骨飯-算正常一個...標準..但唔好寄望有飯香皮蛋肉崧粥..真ok正常..唔冬唔熱..一放低就可以大膽入口囉腐乳通菜..還可以..鮮竹卷..頭先個d冬唔緊要..有乜理由蒸點心都偏冬呀..d皮有d乾身得制..扣分..味又唔覺係"鮮"竹卷了..煎九菜較...又係冬!!點較呀呢間野..煎炸野攤冬左先食係唔方好食...仲有又係好多油!!白玉千層餅...諗呢個名同做呢個點心個師傅真係想會一會見..點解可以做出如此低能食品..三塊麵包皮夾住中間小小肉碎就有咁既名..個樣好唔美觀..唔記得影相..真係咬落口同食雞飽仔無分別..但後者起碼會好食過佢先..同埋起碼有3個包..而家得兩舊咁既 阿某整餅物體;..整體而言..難以置信仲可以生存到今時今日..仲可以有"好日子"過真係費解..衛生扣一分..埋位隻杯未洗前有明顯啡色漬係隻杯度..最後八個點兩個人埋單10x$
繼續閱讀
10月5日重陽節假期,入咗禾輋同屋企人飲茶~呢間酒樓由廿年前香江到紫荊,再到而家廿年後叫好日子,都幫襯唔少~無計,喺禾輋似樣嘅酒樓得呢間…12點左右去到,雖然多人,但幸好唔駛等位,只係要坐卡位…5個人,畫咗好多嘢,早餐都未食,肚餓到死…啲阿姐同以前兩代酒樓一樣,都係咁分工清晰,比英格蘭”雙特”(林柏特+謝拉特)嘅分工仲清,唔係佢負責嗰樣,你點叫佢佢都唔會SHOW你…預咗…點心都係大路嘢,好似蝦餃,燒賣,春卷,鹹水角,蝦腸,叉腸…等,味道一般啦,係個春卷唔錯,入面啲餡都幾多,有雞絲,同埋夠晒熱~反而想講下比較”特別”少少嘅點心,咁大個仔第一次食蕃茄蛋鮮竹卷,初時以為係茄蛋餡,但發覺原來係碌鮮竹卷浸落去茄蛋湯度,fake晒…南瓜露,小弟與南瓜無咩緣份好講,只係屋企人食,所以呢個no comment…以前阿嫲未走,放假同佢飲茶都係嚟呢度,而家佢走咗,都好少機會會再嚟lu…嘢,老實講,唔普普通通,只係食個情意結而已…但願佢能夠頂得住貴租,繼續做落去~~~
繼續閱讀
遇上下雨天的週日，家母還是想找個藉口外出吃飯，在走得不遠之下，也就選了禾輋邨的好日子酒家，反正也不需由我付鈔，至於食物來說，普通屋邨酒樓一間，如論特別之處，當中有一位印度裔師傅主理當地傳統的拍餅，早輪也已經撰文談論過，還算不俗。另外也有一些泰式的食品供應，這個未曾細心品嚐，作不得準。可能由於天氣的關係，當地屋邨的居民也不慾外出，茶客也比想像中為多，等位也將近要廿餘分鐘。開了茶和清洗餐具之後，大家也立時點了多樣東西........先來的炸春卷，外皮還算香脆，內餡也是肉團或蝦膠之類，勝在炸得熱燙，既合乎期望，也是不過不失。期間家母也去了自助攤位點了一碗泰式湯粉，此時侍者也送來一籠點心拼盤，看賣相真的不敢恭維，蝦餃、燒賣、牛肉燒賣、叉燒包和兩款粉果「共冶一籠」，擺得也真混亂，倒是這點心的口感和味道倒又不算太差，有點似超市的購回來的出品，或者是自助到會所嚐到的點心水準，其價錢看真一點，也只是廿元以內，總算來得「扺食夾大件」。以前也吃過它們的南北叉燒包，上次只吃了北包，「南點北風」的作法也是有點特色，今次則吃了傳統的南包，印象也來得一般，勝在外皮鬆軟，而內裡的叉燒粒太碎，幸好不算太甜。大碗的泰式湯粉終於上場，選了米線作底，餡料則揀選了魚蛋和香茅豬排，魚蛋來說是港式的，是街邊檔的水平，幸好豬排外層帶點焦脆，也嚐出一點香茅的味道，湯底來說也偏向港式，份量來得足夠，始終這裡不是正統的泰式店子。雞絲粉卷的粉皮略為厚身，質感來說仍算滑身，內餡除了雞肉之外，也加了一點時蔬上去，不乏爽口之感，淋上醬油下，味道不差。另有生竹牛肉球，口感軟如棉花，期間亦有些許彈性，牛肉味和芫茜之味也品嚐出來，作為我喜愛的點心之一，堪可過到自己的關口。尾段來一碟白汁海鮮焗飯，由點菜到落單也是等候需時，上桌時鋪上一大堆白汁，來得略為重身，以三十餘元來說，份量也真足夠四人享用。內裡的應不是蛋炒飯，反而是不知是甚麼調味料染成的黃飯，正是「一熱遮三醜」，飯質也來得爽口，至於所謂的海鮮料，也不過是急凍的帶子粒或日式魚蛋而已。最後來一份泰式榚點，名為甚麼椰汁九層榚，賣相甚差之餘，味道上亦不甚滿意，吃得黏感甚重，而甜度也重，反而椰汁幽香就嚐不出來。整體食物來說不算出色，頂多只屬不過不失，勝在街坊生意，價值也來得實惠，那麼多樣東西只不過約一百八十元而已。在當地街坊支持之下，看來這裡應該能夠生存下去，期間也有幸觀看日劇白色春天的部份內容，也是蠻為感人。一家人平平靜靜地品茗一頓，不求珍饈百味，愉快地渡過半天，天氣再差，總算是個好日子。
繼續閱讀