好好茶餐廳 (已結業)

好好茶餐廳煲仔飯又出場，比起舊店新店舖座位較舒適。好好煲仔飯款式多用料足味道也很好，最適合冬天享用，今次試試土魷肉餅煲仔飯，瓦煲味香噴噴，米飯軟硬適中肉餅鬆軟彈牙

落場時被叫出去了花了比預計中更多的時間直到要4：00 必需要去吃點東西在附近隨便找家好了看這家沒什麼人 應該會好好的吧店裡幾乎每張枱子都有塊沒有摺疊好的棕色枱布🤔這是..讓我們支持環保不用紙巾的？還是..想顧客們用膳前先自行擦桌？或是..剛剛他們很忙 上手的東西未來得及處理？可能是再其他原因或在下想多了？應該只是單純這店的特色吧！？西式扒餐 $40 跟蒜蓉汁雞雞跟蒜蓉汁剛問完就跟廚房說黑椒🤔難道是中餐的行語在下沒聽懂嗎不過最後也沒做錯（吧？）也沒差 在下的味覺未恢復吃什麼也一樣味（今天太趕時間忘記拍照）賣相沒什麼特別 就是一“粒”散鬆鬆的飯一塊厚雞扒和汁簡簡單單 配一杯熱檸水蒜蓉汁味道很濃很濃是知道在下沒了味覺想要多刺激在下一下嗎他們成功了 在下應感受到蒜的味道不過汁醬真的有點太重重到好不真實而且奇怪的是那麼香濃的汁在下也居然吃不下一份白飯雞肉白滑嫩 正正常常沒雞味也許在下這種麻煩客人還是吃不習慣茶餐廳食物？又或許只是本日情緒在谷地吧在下期待下一餐能好好地坐著慢慢吃的在不久

北菇滑雞煲仔飯 $60由舊年有朋友帶我黎食之後今年都想食返次 前排有幾日轉涼就啱哂食煲仔飯😋 我叫既係阿婆口味😹 滑雞食落都算嫩滑 而且份量都幾大 最正係豉油撈飯再加飯焦食先係煲仔飯既精粹🤪評分: 8.5/10🌟魚香茄子煲仔飯 $60個人超級唔鐘意既魚香茄子🍆 因為感覺好油🤧 但男朋友話個味道唔錯 鑊氣十足 係啲肉粒有啲太重手 鹹咗啲 而份量都幾多 整體黎講味道算唔錯 不過環境就好一般🥵評分: 8/10🌟———————————————————————好好茶餐廳 (旺角)旺角花園街1L-1R號鴻禧大廈地下2號舖

今日經過旺角冇特別野想食嚟咗呢間貌似好好食嘅煲仔飯，門口睇落去煲仔飯燒得好香同埋好有鑊氣嘅感覺。不過環境同埋衛生就比較差啦，門面都好噏耷嘅感覺。星洲炒米正常，但咖喱唔夠。不過勝在都有啲鑊氣嘅相影落去好正常，但鹹蛋唔鹹，臘腸都唔香，肉餅...仲要係餿嘅添。飯中間係好濕，但係個邊又勁多焦，只能夠講未食過咁難食嘅煲仔飯... 好失望臘腸入面仲有藍色嘅異物，同埋奇怪在佢條臘腸其實似台灣腸多個臘腸，又唔乾又無油香

成條花園街都係餐廳，競爭大，客量多，真係睇餐牌格價都睇到傻😂 今日下午茶就黎試下呢間較殘舊嘅茶記下午茶價錢係幾平，至少比較附近嘅都係有吸引力柱候牛腩麵連茶 $25麵質一般唔爽彈，牛腩好零碎，有大有細，不過勝在唔係好柴黃金西多士連茶 $28黃金其實係佢炸到金黃嘅形容詞，唔係因為有鹹蛋黃睇樣靚，食落唔脆，油溫唔夠令方包吸左油，不過花生醬冇省皮如果要食$30樓下下午茶真係唔係區區都有，旺角呢邊都算幾多選擇呢個價老實講，食係附帶，都係為左坐低飲杯野姐

同朋友搵午飯食，諗起想食煲仔飯，於是就求其搵到呢間餐廳，入到去一般茶餐廳格局，一般茶餐廳嘅招呼，但係見話係招牌菜式「煲仔飯」以為會有啲唔一般嘅菜式，仲專登問有咩特別好食，介紹咗排骨飯，所以都點咗排骨。嚟到見到賣相好似幾吸引，不過原來味道都係好一般，只可以講自己太一相情願，期望太高...

有飯焦既煲仔飯天氣轉凍左好多，所以去左食煲仔飯。呢間好好茶餐廳係好典型既港式茶餐廳，連服務都係，要快快手落單。我叫左窩蛋肉餅飯，一開蓋就冒曬蒸氣，睇住佢係即刻用明火煲，唔係煮好再裝飯落去，所以見到會有飯焦，窩蛋就有流心，不過略嫌肉餅太淡味，可能醃唔夠，要加好多煲仔飯豉油先有味。另外就叫左臘腸排骨煲仔飯，相對入味好多。而且明顯一大片飯焦，卜卜脆。講真都算抵食，6-70蚊一大煲，2個女仔食都夠飽，冬天食夠曬暖。

呢間好好茶餐廳已經食左好多年，果時係同事介紹，所以識途變成老馬。話說食煲仔飯個個都淨係記得Four Season, 唔係四季酒店，係四季煲仔飯。最多加埋隔離興利。以上兩間自從多左遊客去排隊食，個煲仔飯d料係少到半兜飯面都係飯，但價錢就翻左一倍，所以我轉左場黎呢度。介紹返，呢度嘅煲仔飯真係鋪滿料係飯面大大煲，絕不欺場，自此真係無再去過廟街食。排骨臘腸煲仔飯 $65 （飲品+$10）排骨滑溜彈牙，多肉，大大粒，係咪無昆你先？佢最好係個飯底煲到岩岩好，唔會太厚飯焦，剛剛好薄薄脆，因為我估佢唔係由生米煲成熟飯，所以佢只係燒一燒就上所以佢可以做到個飯底剛剛脆，由生米熟成熟飯嘅好容易痴底同煲燶，所以呢個有好有唔好，鐘意生煲成熟貪佢夠入味嘅可能未必鍾意。佢另外仲有個海南雞飯，同行友人叫的，因為太差，所以無影相，佢個辣酸汁好似茄汁加醋好怪雞，果個汁完全係0分😹所以你如果黎呢度，唔好因為快餐平所以心動叫左d濕雞野，真係一定要食煲仔飯😎

原本想去另一間集團餐廳食魚飯，路過時，門口的伯伯十分有誠意叫$42午餐，不停叫入內食飯，見餐牌又有梅菜蒸魚飯，剛巧又下雨，便入內一試。餐廳內的裝修，很舊。十二時多接近飯市時間，客亦漸漸多起來，幸好不需要搭枱。點了一個梅菜蒸魚飯，上枱時變了榨菜蒸魚飯，無所謂，平時多數食梅菜蒸魚，今日咪當轉吓口味，離開時，行出門口，諗住影個餐牌，當上載時再望吓，居然是榨菜蒸魚飯，真令人混亂，有可能未改晒餐牌。榨菜不太咸，保留少許咸味，魚都算大塊，就蒸得過火小小，無要餐茶，要例湯，是一個不錯的選擇，湯味濃，湯料亦很足。以$42餐魚飯，真是十分平。

外賣左盒海南雞飯，正常應該有醬汁啊一樣都冇俾到，雞同飯都係凍嘅雞似剛在雪櫃攞出來一舊舊肥油痴住係d雞同飯到完全冇味!話係白切雞都整個薑溶或豉油俾我啊未食過咁難食嘅雞飯!

細細個嗰陣就知道一句廣東彥言：「秋風起，食臘味」。可想而知，臘味喺廣東文化中係一道非常地道嘅美食。我甚至覺得，靚嘅臘味即管係瓊漿玉液、美味珍饈都無法媲美。講到特色，臘味同煲仔飯簡直就係perfect match 👍👍 至於而家，就當然捉緊冬天嘅尾巴，食多餐臘味煲仔飯熟咗之後面頭嗰浸飯粒完整、晶瑩剔透、香味醇厚；金黃色嘅飯焦唔單止脆而且滋味深長，直程就係寶物沉煲底。煲仔飯對我嚟講係有毒，而我中毒好深。

進去打算隨便食個午餐，和家人叫了兩碗牛雜面，兩碗都酸， 告知侍應後只得一句“系牙”。。。。。。。。。。。。。。。。。。。。。。。。。。。。。。永遠不會再去。 

冬天好想食暖笠笠既野~又唔想邊爐咁熱氣，所以就簡左煲仔飯!一放工去到都已經見門口排左好多人~等了大概十分鐘到就有位啦~係門口等緊都覺得好香~第一次食當然要試下招牌臘味飯啦臘腸同臘肉既分量都唔少，好香! 不過我覺得唔洗再落豉油，因為已經好夠味!d飯唔算太硬或者太乾!飯焦都算幾多!好開心haha!食完即刻暖笠笠!鐘意食煲仔飯既真係要黎試下~~overall 覺得好唔錯又唔太貴~雖然係逼左少少，不過食物真係幾唔錯，下次試下其他味先!

天氣漸涼，總是想吃一些很熱的東西。行過旺角街頭，竟然看到有煲仔飯吃，便走進去試試。我們一人點了一個煲仔飯，我點了臘腸滑雞飯；而朋友就點了鳳爪排骨飯。煲仔飯不消10分鐘便到了枱上，加上秘製豉油，倒在熱辣辣的飯上，色香味俱全！食到底還有飯焦呢！當然在這些茶餐廳，夥計的態度是有點’地道的’，不能用大餐廳的標準來看喔！

琴日同友人晚上行過，見到門口個叔叔熱情招待就膽粗粗入左去食。坐底位置就窄左d，2人就要坐一邊卡位。煲仔飯既類別都幾多，亦係佢地既招牌所要就叫左兩個黎食分別係招牌臘味飯同土魷肉餅。等佢上個飯既時間都唔算耐，傾左一陣計都黎。飯一上就落左豉油，聽到d炸炸聲已經流口水。肉質好滑食完會好再繼續食，豉油唔會太咸，同個飯好夾。不過望落都多肥肉混左落去，飯既口感係一粒粒唔會太硬或太濕。量都好足唔會話好小肉。食到底d飯焦量都幾多，口感都幾脆。不過自己怕熱氣就覺得好似冇左好多飯食咁。呢個飯放左陣先落豉油，食同最尾發覺比另一個飯即刻落豉油既飯焦量係小d臘腸同臘肉都幾多。食落都幾野味，係臘腸肥左d。總括而言呢個飯係鬧市黎講算係好經濟，不過就冇野飲。服務都幾好，都真係有求必應。如果講整潔度就唔好epexted太高，都係地道茶餐廳感覺。冬天想暖下胃都係唔錯既選擇。個人而言相比油麻地比較出名既煲仔飯呢間仲比較好食， 而且唔需要排隊，量都比較大份。但如果講健康就真係講唔上，不過唔夠肥的話油份同肉味又難d沾上d飯度，所以都係間唔中食就夠。如果有機會我都會想再番黎試其他煲仔飯。