44
2
0
港鐵奧運站 C1 出口, 步行約3分鐘 繼續閱讀
電話號碼
57254848
營業時間
今日營業
12:00 - 21:00
星期一至五
12:00 - 21:00
星期六
全日休息
星期日
12:00 - 21:00
*最後落單時間: 20:30
付款方式
Visa Master AlipayHK 現金 八達通 Apple Pay
食評 (49)
今日嚟大角咀食下午茶,呢間新開嘅台式小店有好多特色台灣菜,店內嘅裝修以復古工業風格為主。價錢都幾抵食,套餐包括左一份涼菜,一杯紅茶,仲可以無上限追加小食👍🏻月見蚵仔魯肉飯🦪呢款蚵仔魯肉飯結合左日式風格,中間放咗隻生蛋黃,蛋漿撈埋蚵仔份外Creamy同鮮味,蚵仔嘅份量都幾多,隻隻都好大隻又Creamy;同魯肉飯亦冇違和感,滷肉肥瘦適中,滷汁鹹甜比例適中,滷得好入味。蒜片台灣腸 (1條)😋台灣香腸煎得好香,配上新鮮蒜片有香辣的蒜味好開胃,只係加$12真係好抵食。椒鹽花枝丸 (3粒)🤩花枝丸好大粒,外皮炸得好酥脆,內裏好有咬口,爽口彈牙,仲食到好多魷魚粒粒,外面曬左椒鹽好惹味,如果可以再加梅粉,酸酸甜甜就更正。自家製蜂蜜薏米水(熱)加咗$12升級餐飲,味道非常清甜,底下有好多薏米,生津解渴,健康潤喉👍🏻整體來講,雖然舖頭細細,但物盡其用,善用所有空間;菜式款式豐富,好食又抵食,怪唔得下午茶時段都咁多人;店員服務態度親切有禮,係值得支持嘅小店💪🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-13
394 瀏覽
好想念台灣呀 .... 仍未可以去 TW 旅行 , 就唯有靠食物 , 止止痕啦 ~位於 大角咀-博文街 的「好吃吃光」是家優質的台灣菜館 , 絕對值得向各位推薦 ~藥膳醉雞卷飯 : 看上去就知有睇頭 , 醉雞卷一條可分成五件 , 件件厚切 , 醉雞卷的味道滿是藥材和酒香味 , 肉質滑嫩 , 配上廚師精製的醉鷄汁 , 味道超讚 ~月見海老蚵仔滷肉飯 : 氣勢磅礡的一碗飯 ! 一見這碗飯 , 就使我想起在澎湖旅遊時的快樂時光;肥美飽滿的蚵仔 , 配合鮮美爽口的蝦 , 還有味道濃郁 , 調味得宜 , 吃落去肥滋滋 , 香口味美的滷肉 ; 配上生雞蛋黃 , 撈起米飯來吃 , 台式風味滿滿 , 真是神仙都企不穩 ~飲杯阿薩姆紅茶 .... 正~本篇完 ~ 繼續閱讀
(以上食評乃用戶個人意見 , 並不代表OpenRice之觀點。)
上次去完食芋泥蛋餅之後,先發現原來呢個地方隱藏著好多小店。今次本身就想去間拉麵店,但佢就熱門到兩點前已經賣哂,跟住我就再直行入到去呢間台式料理新店。 「好吃吃光」位於大角咀博文街,位置唔太顯眼,但人流都幾多吓。店舖呈木白系風格,店內佈光較灰暗,可能係隔離裝修搭棚先會咁嘅。座位/空間偏向擠逼,侍應經過都要就吓我對手。 食物選擇都算唔少嘅,有午市套餐(配涼菜及是日涼茶),可選海老滷肉飯/醉雞飯/鯖魚飯etc,都算有特色嘅。亦可以加配少量嘅小食(e.g.台灣腸/花枝丸),飲品都算係平。仲有正價嘅蛋餅類/滷水拼盤/芋圓等。叫夠$120有免費嘅甜不辣。估唔到咁細間舖都做到咁多野,但可惜就冇乜麵類。 月見海老蚵仔滷肉飯$68 咁嘅滷肉飯餐真係好少見,又有海鮮同家禽,$68黎講就當係個港式飯咁,性價比就唔錯,望落真係有好多料㗎。當日配菜係芽菜,微微帶醋酸,但個人麻麻地豆卜+醋呢個配搭。 蚵仔呢樣野通常只見到喺蚵仔煎/蠔餅。處理得唔好可能會有蠔殼,又可能會唔小心用手壓到爆咗必屎...etc,而呢度就冇呢D情況。蚵仔有淡淡嘅海水味同時又水嫩柔滑。蝦粒就估唔到係有煎過架(仲以為只係白灼),質感爽口彈牙,亦有層焦香。 滷肉嘅五花肉,竟然比蚵仔少,不過又有樣感動嘅野。佢滷肉嘅汁竟然係佈滿於全碗飯中,唔係照咁係上面放D汁嗰隻。一𢳂起,飯粒輕微噴煙,每啖都有甜而唔太重口味嘅滷肉汁,加上肥瘦均勻嘅豬五花,掛在飯粒上嘅蛋液,一口接一口,真心有種暖笠笠又滿足嘅感覺。 大滿足蛋餅(起司+雞排+薯餅+蔬菜)$48 初頭就冇諗住叫蛋餅嘅,但見佢其中一款有咁多料,就叫咗佢。價錢就當然係貴D嘅,但望吓佢入面有幾多料先啦。 蛋餅皮係脆身嗰隻,但就唔脆嘅,反而係微微煙韌,入面有少少蔥花。蛋就反咗去表面,配上唔算太濃厚嘅甜麵醬。Morzarella cheese上枱時仲有拉絲嘅,唔洗多講啦。 薯餅切到一粒粒,外層焦黃爽脆,內裏嘅薯粒/絲就唔係「蓉」嘅texture,而係「粒」嗰隻。雞扒我唔知點解食食吓會覺得係豬扒,可能係佢有D柴掛,而佢同蝦粒一樣係煎得靚仔嘅。所有材料都均勻分佈於每片中,唔話佢滿足又真係唔得。 芋圓糖不甩(芝麻粉)$30 又一特別之作。餐廳將糖不甩湯圓變成芋圓,除咗花生粉外又可以叫芝麻粉,但其實佢個擺盤反而更似係鮮奶麻糬咁,可能就係差咗個薑汁糖水掛😆。望落好似有D空虛,但你一粒一粒咁食都好飽嘅。但係佢比嗰支牙籤就...佢用咗個牙籤紙包做咗個DIY咁lor,其實就唔洗咁啦。 芋圓有四隻顏色,應該係紫薯/番薯/芋頭/綠色嘅抹茶味,口感煙韌黏身。如果齋食嘅你會食到佢DD原材料嘅味(我知冇人會齋食)。黏上甜而深厚嘅黑芝麻粉,為芋圓帶來生氣。但呢道菜其實可以再進步吓,例如牙籤嗰part,令芋圓黐咗喺個木板咁,好似都未算係好完整咁。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-03
337 瀏覽
我比較喜歡吃用豬肉粒做的魯肉,用含有豬皮的肥肉切丁滷製,比用豬肉碎做的好吃好多。這間在奧運站附近的台式餐廳做的魯肉飯是自家配方,正合我心。餐廳裝飾簡約,售買的食物種類不算多,以魯肉、鹽酥雞和蛋餅為主,貴精不貴多。今天和先生一人一個午餐,加了個蛋餅,好飽足。月見蚵仔魯肉飯($58)+ 阿薩姆冰紅茶($0)+ 椒鹽甜不辣($12)魯肉乾拌麵配煎蛋(48)+ 芋泥鮮奶($18) 起司玉米蛋餅($30)魯肉滷得香濃,聞到香氣,吃入口又軟滑不鹹。無論是淋在飯上或拌麵都好食。月見蚵仔魯肉飯的「月見」即是生雞蛋黃,與魯肉汁一同和白飯拌勻,口感溼滑,超級好入口。蠔仔隻隻都肥嘟嘟,新鮮鮮甜。而且份量不少,差不多每一啖飯都可以有一隻蠔仔。魯肉和刀削麵是絕配。刀削麵有滑溜不黏的特點,讓每條麵都可掛汁。當然魯肉和醬汁夠多也有關係。椒鹽甜不辣有很香的椒鹽味,清甜好食。隨餐送的阿薩姆冰紅茶清涼爽口。特別推薦加錢配的芋泥鮮奶,差不多半杯都是芋泥,夠滑順但又有芋泥粒粒口感。這錢值得加! 繼續閱讀
(以上食評乃用戶個人意見 , 並不代表OpenRice之觀點。)
今日黎到一間食台式食店 呢度主打魯肉飯🇹🇼店舖環境唔大 白色外牆配上少少工業風格雖然地方有限 但整體上都係井井有條 坐得都無咩問題😌牆身上有簡單既掛飾亦都唔會顯得太過單調👍🏼有別於一般五花百門既台式食店 佢係專注炮製魯肉飯😆所以係呢度就搵唔到麵食類別 但都會有小食同蛋餅提供🌯➷❏ 月見海老魯肉飯  既然魯肉飯咁出名 當然都要試一試🤤食開日式野 見到月見呢兩個字 都會估到一二 伴溏心蛋我地就食得多🥚呢個配合生蛋黃既食法就好罕見😲由於用既係日本蛋所以蛋味會好香 將蛋黃同魯肉撈勻 味道好有層次 好滿足😋加上佢地既魯肉係自家調配所以就算係出面食到既味道都唔會一樣👍🏼魯肉係半肥瘦既腩肉 食既時候亦會有一份油香 但唔肥膩蛋黃香 魯肉汁 肉香 三種味道既合體 造就咗一碗好出色既魯肉飯🤤餐廳仲可以提供免費添飯一次 滿足埋大胃王既胃口😆➷❏ 起司薯餅蛋餅 ❏ 香酥排骨 ❏ 椒鹽甜不辣  蛋餅既餅皮煎得幾好 保留咗少少煙韌既口感🌯係個蛋餅捲得有啲鬆散 不過就唔太影響個味道 排骨大塊得黎亦都夠香脆😲甜不辣都炸到通透 有少少似食緊魚餅既口感 調味做得唔夠均勻 有啲位會咸左少少🤏🏼➷❏ 珍珠鮮奶茶  比我想像中大杯 杯身都幾闊🧋茶底味道好濃都好滑 溶冰後都無變淡 珍珠份量又夠多 好似都佔咗大約三分一杯🫢粒粒均勻 咬口煙韌度都做到👍🏼➷主打既魯肉飯的確係令人有驚喜自家配方出黎既味道同蛋黃既結合係零違和感🤩無論係配月老定係蚵仔都唔係重點 因為淨係個飯同蛋黃都已經係完勝🤪➷🧸🌞C.ookngbear推介指數 👉🏼👉🏼8️⃣🌟 繼續閱讀
(以上食評乃用戶個人意見 , 並不代表OpenRice之觀點。)