好又來貴州遵義羊肉粉

營業中

休息中

招牌限量羊雜粉（$55）雖然叫羊雜，但得兩款料。一款似牛柏葉，另一款似牛肚，兩款都好爽口彈牙，勁有咬口。羊雜完全無羊騷味，但有羊（黑草羊）獨特的香味。粉係粗身嘅米線，口感較軟身，份量都多。湯底清，極少油，味道不錯，不知不覺成碗飲哂（其實都驚有落師傅，但好在之後沒有勁口渴）。招牌清湯羊肉粉（$45）羊肉切絲，有肉有膏有皮，同樣無羊騷味，而羊肉嘅香味比羊雜濃。洋芋粑粑（$18）外層薄薄的炸到好脆，裡面軟糯，好似麻薯（但口感更稀），幾有趣。

簡單既招牌加唔顯眼既鋪位行過見到羊肉粉 仲要有外國人黎食諗住入黎一試，點知好有驚喜好清既湯 好唸既羊肉仲有羊雜👍👍👍老闆娘係廚房 老闆係樓面 感覺十分親切 ！ 會推介比朋友

近來每星期總來食一兩次. 野好食唔貴, 環境乾淨, 老闆又Nice. 窄長凳都好特別. 最愛其實係番茄水餃 🥟🍜, 除咗好味之外, 餡料多仲有8隻咁多, 番茄湯真材實料, 係有番茄肉. 羊肉粉仲可以加羊肉. 另外耙耙好少食到, 煙韌適中；連最簡單的生菜也很有玻璃感. 總括係非常好嘅體驗. 😀羊肉粉

第二次食先寫食評，兩次都高水準！紅油羊肉粉，老闆主動提議湯麵同紅油分開上，先食原味，飲下個清湯，之後先又食埋辣口味。原味湯嘅羊味豐富、清甜。加紅油之後，係另一個層次，一樣好好食，唔會有食完麻辣米線個種油膩感。滿足！😋😋😋😋另外一讚，老闆每次都超好服務態度，細心介紹。老闆娘原來係貴州人，唔難得煮出嚟嘅食物咁正宗，個粉仲係由貴州送嚟，個質地有少少似桂林米粉，比一般米線粗，有少少少少軟糯、煙靭，加埋紅油辣湯一齊食，正！炸洋芋粑粑都好食，炸得幾香口，點埋辣粉食，想encore，因為小食只係十幾蚊。好少打食評，食物同服務態度都好好，值得更多人試下👍🏻👍🏻👍🏻👍🏻👍🏻

原來一碗麵背後有個史為人知嘅故事羊肉粉來自貴州省民間至愛不論早餐午餐晚餐係中華小食稱為”西南最佳美食”羊肉粉估佢唔到已經有三百餘年歷史在全中國省內貴州羊肉粉為最馳名而小店餐廳老闆相信用心經營每一個細節試過你就知羊湯不油不利埋單$55