好一鍋海鮮火鍋專門店 (已結業)

之前曾經去過佐敦道的分店，知道旺角都有，便來到了。這裡都是全層，地方頗大，坐位舒適。每位$158，可以任飲任食，兩小時三十分鐘。飲品有十幾種選擇。湯底要了皮蛋芫茜及麻辣火鍋，麻辣火鍋是港式麻辣，雖然沒有四川麻辣這麼麻和辣，不過辣勁不錯。配料方面有丸類、牛肉、豚肉、雞肉、海鮮、蔬菜、餃類、腸類和菰類，差不多有百多款式選擇。鱔片新鮮爽口。三寶丸粒粒彈牙。手切肥牛，肉味十足。脆肉鯇魚腩，爽脆有魚味。海蝦鮮甜彈牙。總括食材新鮮，其中以丸類、蝦和魚類，最為突出。以這樣價錢可以任飲任食，非常超值。

同朋友搵地方打邊爐傾計，身處旺角當然選擇瓊華搵野食啦～ 初次食呢間，座位多，不過都等左一陣。座位以卡位為主，坐得舒服😎鮮茄薯仔牛尾鍋❤️好足料，茄味幾濃郁，越食越惹味。丸類❤️芝士丸同沙律丸迷表現大愛🙂白鱔❤️薄切，好快就熟。食落彈牙無骨，encore 左2次🤣手打丸❤️口感豐富鮮味，高質丸👍手切肥牛❤️比美國牛更細滑有牛香，主叫呢款回本無難道～海鮮❤️蜆無沙清甜，蝦身唔痴殼🦐菜類❤️種類幾多，娃娃菜同湯底好配搭😎雪糕❤️最鐘意玩雪糕機，呈沙冰狀，有奶味，大滿足🤤

任飲任食既火鍋店，到款火鍋配料任君選擇！食材新鮮，上菜速度快，冇漏單!除左飲品係自助之外，其他都係店員送上。一坐底店員會為你遞上醬料揀湯底多款特別嘅湯底，我哋今次就揀咗四川麻辣同埋泰國椰子雞鍋椰子雞鍋 味道清甜，四川麻辣鍋一開始有啲攻鼻，麻辣味越滾越出，配搭肉類 辣得好過癮海鮮感覺好新鮮，蝦肉爽口彈牙，仲有我最愛吃嘅鱔片同脆肉骨腩！好新鮮既豬頸肉！打邊爐唔少得！手打肉丸同包心丸都好好味！薑汁皮蛋貢丸！好好食！劃幾多嚟幾多，不會浪費！

尋晚又同班friend 一齊係呢到打邊爐。呢間已經食過幾次，因為貪佢平又多嘢揀。好多打邊爐菜式都好齊全，有海鮮、菜、肉都好多款。今次我哋揀咗兩個湯底，一個沙嗲湯底、一個椰子雞。沙嗲湯底小小辣，椰子雞都夠清。個日鯇魚仲好新鮮，反叫咗好多次。野飲方面，除咗有汽水可樂，仲有竹蔗茅根任飲。每次最鍾意食係佢嘅雪糕，可以自己任整，仲有好多配料可以加。啱晒一大班人平平地，又可以打個邊爐。

係點選嘅配料當中除左有常見丸類菜類之外仲有特別嘅流心粟米球同薑汁皮蛋貢丸就係有海鮮任點打邊爐必點食物就係肥牛呢間店舖嘅肥牛肉身唔算太韌但都唔好期望太大喇 因為仲有其他主角湯底嘅選擇有成十二種嚟到第一時間揀湯底都要諗一輪最後我哋揀比較特別嘅湯底就係鯊魚骨猴頭菇鍋我就覺得呢個湯底最適合大眾口味唔會有辣或者比較重口味嘅材料係入面海鮮方面海蝦唔算細隻 味道算係鮮甜 自己叫嗌咗幾次另外魚類份量比較少 可能每次點嘅份量要多先可以食得夠最後就係特別嘅配菜流心粟米球同薑汁皮蛋貢丸流心粟米球就唔係好覺有咩特別之處不過係有噱頭薑汁皮蛋貢丸薑汁味好勁再加上貢丸本身味道好似唔係太夾 應該唔係人人都鍾意總結嚟講其實論湯底、配料嘅多款選擇已經唔錯加上放題時間有成2小時比起其他店舖多飲品方面就無啤酒選擇 但都有竹蔗茅根水飲下平平庸庸都OK 一大班朋友傾計慢慢食就正好喇因為食野時間長啲嘛

麻辣湯底-湯底料有花椒八角芽菜，中辣但未算太麻，聞上黎也挺攻鼻的！椰子雞湯底唔錯，濃濃椰子味，十分足料，不算太味精，湯𥚃頭的雞十分嫩。海鮮十分新鮮～ 但流心栗米餃，蜂巢豆腐有點失色～不會encore 的食物！環境： 抽風系統是有作用的，不會食完成身臭味，非常好推介食物：帆立貝，萵筍，鵝腸，蜆，脆魚腩，豬頸肉超級重點推介：（薑汁皮蛋貢丸），好食到噴汁！！其次推介是蜆⋯真的 十分新鮮～希望之後都可以keep 住哩個水準。。經濟又實惠，打邊爐好選擇！

餐廳給人印象老舊，衛生環境差，地上枱上到處是油脂。枱櫈設施舊，有污垢。牆壁窗戶滿是油脂。地上有電線插座容易跌倒。洗手間衛生情況差，欠及時清理。員工態度差，取笑客人及手指指，及沒禮貌。任食點餐，2人份量就2塊肥牛，口頭點多點會被拒絕，需要不斷入紙點食物，但被多次拖延上菜時間，飲品種類小，上菜的器皿同樣底面都是油脂，不知道如何清潔。價錢質素不成正比，還要付加一服務費給差劣的服務，浪費金錢時間買難受又吃不飽。

今晚即興相約朋友到旺角飯聚，她建議到瓊華中心12樓的「好一鍋海鮮火鍋專門店」吃火鍋。餐廳佔全層，坐得舒適，閒日都8、9成滿座。看到價錢十分優惠，每人$158任點任食2.5小時，其餘時間平均每位成人只是$138。（有加一都$180有找）首先到水吧旁拿飲料，除了汽水櫃亦有竹蔗茅根等，而餐廳後方更有韓國乳酪機。2-5位選一個湯底，鴛鴦鍋底加多$38，我們簡單點了一個泰國椰子雞湯底。湯底清香，椰片多，聽說這湯底不會令人熱氣。火鍋配料多，肉類和魚類都有各7-8款，連花膠都有，手打丸類都有多款，蔬菜類都比一般的多，最後我們差不多點了餐紙上的一半食物。手切肥牛 - 薄身有肉汁，牛味香，完全不韌。五香牛筋腩 - 腍身帶富有腸質的牛筋，五香入味。滋補花膠 - 看似硬身但其實滾過後腍身彈牙。我們都是魚控，所以這裡的魚款多，有脆鯇魚腩、脆鯇魚片、新鮮魚雲、鮮鯇魚腩、鮮鯇魚片、白鱔片、九肚魚、魚旦和魚角等，這些我們通通都有點，而且是餐廳每日新鮮運到，入口魚真的很鮮甜，有魚汁又爽脆，完全覺得性價比很高！其餘還有：爽脆的豬潤、又滑又腍的牛骨髓、芝味又流心的芝士豆腐、餡料豐富的韭菜豬肉餃、特別又好吃的薑汁皮蛋貢丸、

今晚收工約左個friend去打邊爐2個都超鐘意打邊爐幾年前都食過好一鍋 覺得幾抵食 質素又ok未夠8點去到 已經坐滿哂好彩有book定位先選湯底 好多選擇 眼花撩亂最後要左沙嗲湯底火鍋配料選擇都好多肉類 海鮮 蔬菜 應有盡有想食咩都得自助調味都係自助既飲品吧汽水 清熱 韓式飲品 樣樣都有啤酒就要另加少少錢湯底好濃郁沙嗲味香而不辣 幾啱我每碟份量都啱啱好 2個人剛剛好食得哂當中我幾鐘意炙燒芝心丸同埋流心粟米球都係外面比較少見既丸鮮蝦都好大隻新鮮手切肥牛都好香牛味唔會太肥 仲有甜品雪糕 但已經飽到食唔落呢個價錢有咁多野食 真係好抵而且質素service都ok最啱約班friends一邊食一邊吹下水

百零蚊位食打邊爐，仲邊敢有乜奢望吖。。不過今晚連咀刁但又細食嘅男人去，都會俾晒like喎！咁綜合大家意見，就覺得呢個like係咁嚟嘅。。。1/湯底有料到2/份量唔會過多3/完全無漏單4/食物質素無將價就貨有圖有真相。。。任食範圍都好齊全，亦有啲驚喜位，好似帆立貝、薑汁皮蛋貢丸、黑松露墨魚滑、花膠等都係必點項目湯底都有十款揀，由於同場有細路，揀咗個椰子雞鍋。雞肉唔算多，但就好香椰子味，滾完嘅食物都帶到陣椰香。估唔到椰香可以咁入味！帆立貝唔細㗎，我哋叫第一次時就一人兩粒。食脆鯇嘅男人話呢個好掂！仲話近年食肆提供嘅脆鯇都係假嘅，只係鯇魚肉唔係脆鯇位，但呢次佢不但切得夠厚，一咬落去仲係“sok”一聲，係真正嘅脆鯇呀！萵荀亦係我哋encore咗兩次嘅菜，吸咗椰湯嘅佢仲更加香！好喜歡手切牛肉嘅味道，唔靱但帶肉香，唔太肥令我食得好安心。鮮蝦夠鮮甜！我心愛嘅薑汁皮蛋貢丸當然好食，但另一焦點係後面嘅是日海鮮--蜆！隻蜆份量十足，大大隻，中；手切牛肉唔多肥膏 又夠肉香，好食過美國肥牛喎！（個人感覺）蜆肉唔係講少㗎！掂！

係旺角唔知食乜好，又唔想食太貴，朋友介紹依間百幾蚊任飲任食幾抵食，，一上到黎就好熱鬧，睇黎朋友無介紹錯。隔離枱的醉雞湯底好香，但貪心的我除左醉雞，再叫黑蒜油豬筒骨鍋，成為鴛鴦湯底，食哂兩種口味任飲方面都好足，汽水、茶、竹蔗茅根都應有盡有，啤酒都方面，價錢上都十分吸引，其實真係幾抵飲，好岩一班人黎大飲大食。食物方面基本上要有的都有，肥牛有美國和本地手切肥牛，睇你鍾意邊款，個人覺得任食有手切肥牛，已經十分抵食介紹一些我比較鍾意食的，牛骨骼、牛柏葉、滑牛、墨魚滑，每樣份量和質素都唔錯，真係有d驚喜，另外海鮮類，蝦都十分甜，還有是日推介海鮮，今日是貝殼類，大大隻之外，重點是真的肥美鮮甜

新春期間，親友約埋食晚餐團拜，大家都喜歡食火鍋，我立刻想到去旺角的好一鍋，地點方便，地方夠大，一個價錢任飲任食二個半小時，食物質素不錯又多款式，足夠時間我們團拜邊食邊傾。多款免費湯底中，惹味的馬來沙嗲皇鍋最得親友歡心！火鍋配料都保持水準，除了多款式外，還很新鮮！有養顏的花膠、嫩滑的魚雲、彈牙的白鱔片。生猛海蝦鮮甜、自家製的手打三寶丸，有鯪魚丸、豬肉丸、墨魚丸。口感彈牙。薄切的西班牙白豚肉，鮮嫩可口！豬紅滑、午餐肉和鵪鶉蛋香、豬潤爽口。炸芋條、金菰、粟米、滑豆腐。爽口的鵝腸清洗得好乾淨，還有水魷、魚片頭、芝士腸和鮮腐竹都是火鍋不可缺少的。最後不要忘記去雪糕機自製一杯乳絡雪糕嚐一嚐！不會太甜！

天氣轉冷又想食火鍋啦。 經濟實惠好味又坐得耐啲嘅我諗到好一鍋～～ 今晚經過旺角有機會試啦。餐廳一贯平實 ，簡單嘅裝修， 七點半前離座仲只收$138 任飲任食2.5小時，真係抵到冇朋友 而且食物 質素唔係。飲品自取， 款式唔算多不過都係常飲的幾類。先調配醬料， 覺得佢嘅醬油啱啱好唔會太鹹或太甜。今次試咗椰子雞鍋， 雪白湯底清得來有淡淡嘅椰子香， 內有椰子肉同數件雞件， 唔錯唔錯！因為之前試過 其他分店， 對佢嘅火鍋料有信心所以用一個比較清淡嘅湯。牛肉也有幾款，我只是試了手切牛肉， 肉質唔錯幾滑，冇渣， 肉味濃。魚類試了魚雲， 似魚頭多， 有肉夠肥美。非常推介鱔片， 油份唔多但係好爽口， 鮮甜，細骨都已去掉，切功惦。 Encore 了兩次。另一款手打鯪魚球都非常彈牙結實， 仲混入少許果皮， 極美味。韭菜餃餡料多，鮮嫩。紫芋圓係唯一一款甜類， 甜甜嘅紫芋蓉配合 魚蛋嘅皮， 一鹹一甜好過癮！游水生蝦 隻隻新鮮彈牙 又夠大隻！牛骨髓也是我常常點選的火鍋料， 皆因自己都唔會買得到。 軟綿綿放湯煮到過熟都好好味！午餐肉絕不能少！魚皮夠脆， 大塊又夠厚。是日生猛海鮮係蜆，當然唔會錯過。果然新鮮，肉厚好

今日小妹來到瓊華打邊爐呀上到去坐低咗就梗係揀湯底先啦照舊鴛鴦鍋不過小妹今次就試咗啲比較特別嘅味道就係花雕雞煲同埋淮山蘋果雪梨鍋兩個湯底都非常之濃烈!先講個花雕雞嗰陣酒味真係非常之濃郁,真係聞到都醉呀,而蘋果雪梨呢亦就好清甜,攞嚟打邊爐有一流啊打邊爐梗係一定食肥牛啦。小妹就試咗佢哋嘅手切肥牛 同美國肥牛 小妹就覺得手切肥牛好味啲啦。 除咗肥牛外 佢仲有啲平時出面見唔到嘅丸喎好似流心粟米丸,愛心芝士丸,炙燒芝心丸 仲有紫芋圓全部好特別同好味海鮮方面小妹就冇叫到啲乜嘢啦,淨係叫咗蝦同埋蜆,隻蜆超大隻呀!仲有呀佢呢度竟然有花膠打邊爐呀係花膠呀我都係第一次花膠打邊爐咋。同埋佢地個黑松露墨魚滑同紫菜鯪魚滑都係咁好食㗎飲品方面主要都係韓國嘅飲品嘅,不過小妹掛住食就冇特別去影啦。最後就梗係要食埋個雪糕嚟埋齋啦,佢個提子雪糕我就覺得非常之好味呀,overall 呢間打邊爐絕對要encore a!!!

現在天氣凍冰冰，食晚餐最先想起的就是熱辣辣的火鍋，今晚就來到旺角的好一鍋海鮮火鍋專門店。餐廳非常大，莊士倫敦廣場8樓全層，裝修清雅，有卡位有圓枱，六人卡位寬敞舒適。海鮮火鍋任飲任食2.5小時有近百款火鍋配料，生猛海蝦，手切肥牛，美國肥牛，羊肉片...等，還有韓國乳酪及有多款汽水任飲任食。先要了個鴛鴦鍋底，香茜皮蛋鍋併四川麻辣鍋。㸃完菜，上菜非常快，鴛鴦鍋還未滾，㸃的菜已上齊。先要了生猛海蝦，美國肥牛，手切肥牛，白膳片，滋補花膠，羊肉片，新鮮魚雲，南瓜西洋菜及蕃茄。最喜歡的海蝦，白膳片及魚雲都非常新鮮。滋補花膠有㸃爽口，喜歡食腍㸃的，可滾耐少少。羊肉片切得薄薄的，灼上幾秒就食得，點上麻辣醬汁，非常好味。美國肥牛肥瘦適中，入口帶油香。手切肥牛，牛肉味比較濃。還要了鵝腸，炸魚皮，九肚魚，雞仔，牛骨髓，雲耳，南瓜，海帶，牛柏葉，每日海鮮及蜆，凡立貝...等，好味到食不停口。㸃自己喜歡食的，食多少點多少，方便又美味，正。每位不用$200元，食得開心又滿足，真是非常推薦。