影片
同朋友太子玩完後，走時候由於落雨關係，打算附近搵地方食，一開始見店面燒味櫃空空如也，心諗「可能收工啦」，但店員超熱情，話未收工，仲好nice咁邀請我哋入去。結果真是一個驚喜發現！😍燒味質素一流，五寶飯（$78），有乳豬、燒鵝、豉油雞、鹹蛋同紅腸，簡直係燒味控嘅天堂！燒鵝油香肉嫩，咬落超juicy；豉油雞入味又滑嫩，鹹蛋同紅腸樣樣都啱晒胃口。乳豬飯（$72），皮脆肉香，份量夠！😋 叉燒飯（$49），叉燒肥瘦剛好，蜜汁烤得外焦內軟，食落真是一個香字！最驚喜係每份飯仲送例湯，湯頭有蠔豉香味，飲落完全唔覺有味精，暖胃又窩心。雖然只剩一份乳豬飯，但師傅好貼心，幫我哋將將五寶飯中的叉燒轉乳豬，仲唔收額外費用，感動！！呢個服務真心要讚！呢份人情味真心暖爆！😊 餐廳環境乾淨企理，雖然簡單但坐得舒適，店員態度親切又熱情，價錢仲好合理，性價比超高！喺太子搵到咁高質燒味，絕對係太子既燒味寶藏！無論係想同小朋友一齊食飯，定係搵個地方食燒味，呢度都好值得一試。強烈推薦！下次一定再嚟！
繼續閱讀
第一次試依間…從未食過一間咁難食嘅燒味飯，買左2盒飯+例湯+乳鴿，阿姐找錢仲要手係向住我…頭係拎左向舖入面，唔係俾幾十蚊就大哂，係一啲對客尊重都無囉！返到屋企一打開…一陣漂白水味🙄以為自己聞錯…一放落口，漂白水味道…丟哂2盒飯🤬應該係無洗乾淨…無下次！
繼續閱讀
喺金魚街燒味好多選擇， 我左諗右諗都係去返呢間買燒肉 （$118斤）， 到比我嗰陣盒燒肉係熱辣辣架， 我拎返屋企都有成個鐘， 打開食重係暖同燒肉皮係鬆脆， 肉唔太咸。 呢間上次食過堂食都有好印象， 所以會繼續幫襯。
繼續閱讀
今日做嘢經過太子弼街，見到呢間餐廳有下午茶，咁就入去叫咗個雞鴨飯，$43加埋一杯凍奶茶唔算太貴，但係碗飯返嚟到令我眼前一亮，係雞髀加鴨髀份量雖然唔算太多，但係呢個價錢同埋呢兩隻比另我覺得非常之抵食。唯一美中不足嘅係佢冇主動俾埋酸梅醬我。
繼續閱讀
這家店就在金魚街附近，店面不是很大，但是環境幹凈舒服！是明檔廚房，看到掛滿燒鵝、叉燒、油雞就迫不及待的想吃了🤭 燒鵝拼油雞套餐有包含米飯、例湯、小食、凍飲+8💰燒鵝皮脆鮮嫩多汁，配上梅子醬完全不會膩！油雞也很好吃，雞肉很嫩滑，淋上秘製的醬油絕了。 蜜汁叉燒皇飯味道正👍🏻是肥瘦相間的那種，調味不甜不膩，我很喜歡😍 涼拌海蜇口感是偏甜口的，吃著爽脆彈牙，來這一定要點，好好吃😋 對啦，不愛吃米飯的可以轉瀨粉，這家店真的很推薦，性價比高，味道、品質也都在線！我們吃的時候也有很多本地人來買，本地人都愛吃肯定不會錯🤓
繼續閱讀