奇華餅家 (已搬遷) 新店位置

每天都經過這間餅店，但一直都未試過。今早心血來潮，想在這裡買一個麵包嘗嘗。見到名字及形狀很特別，叫龜飽，於是就買了回公司。這個龜飽是用麵粉及雞蛋做的，入口有口感，不太甜，喜歡吃無料包的就非常適合，我覺得味道是可以的。原來這間餅店都有很多麵包款式選擇，下次可再買其他嘗嘗。

提到奇華，第一時間諗到嫁喜禮餅，例如蓮蓉酥、合桃酥、豆沙酥等，又或者早前同小丸子crossover推出月餅。經過奇華，買左個車輪包，依家好少地方有得賣，印象中係凱施見過，麵包類似提子包，係硬身少少，味道ok

朱古力奶皇月餅 $213/1盒 自從上次買左盒伯爵茶奶皇月餅之後就一試愛上左，今日經過奇華又忍唔住買埋朱古力奶皇。-一打開包裝就聞到好香朱古力味。-食果時叮10秒，朱古力味出好多，口感更軟滑、細綿，好似食緊Brownie咁。-佢應該選用左dark chocolate，所以唔洗驚會太甜。-鍾意食Brownie 嘅朋友一定要買黎試下。-回頭指數：9/10（今年試左奇華月餅，真係好有驚喜，下年都會繼續買）-📍奇華月餅 （用渣打卡買仲有8折）

今天約左人在葵芳商場等，等等下無聊就自己走去行街，入左奇華睇小食，真系大把選擇，樣樣都好想帶返屋企，但因為要減肥，晤敢食太多零食，本想買件蛋糕留第二日早餐就算，結果見到有個婆在糯米糍個位置望左好耐最後仲揀左幾盒，于是忍不住都要買返盒帶返屋企。糯米糍有好幾味，蓮蓉，紅豆沙，芝麻，花生......，我揀左盒花生餡。一返到屋企就忍不住拆開來食，一啖咬落去，爆出好多的花生醬，有花生粒粒架，不會太甜，椰絲好香，又新鲜，如果不是驚肥，真系會買多幾隻味試下。

老公上月生日,佢其中一位同事送o左兩罐價值$72.00,共8個o既鳳梨酥俾佢,不過佢o既同事話要食,咁佢o地就食剩3個返o黎,見到有原味,蛋黃同香芒三種,到4-11-2017 (Sat)朝早,我唔肚餓但要食藥,所以先攞一個o黎食,由於老公已食過蛋黃味,所以我就揀呢個.Size同o係台灣買o個啲差唔多,亦已嗅到菠蘿o既香味,切開睇,外皮都幾厚,食落, 鳳梨醬唔太甜,有菠蘿o既味道,口感有少少煙韌;而蛋黃唔太油,咁樣重好,清清地,而且感覺鳳梨酥唔應該咁油.而成個混合o左o既口感都唔錯.味道: 5分之後老公起身都想食,點知我係冇留到俾佢,佢就開個原味o既,我就梗係又食啦,同樣,打開包裝就嗅到菠蘿o既香味,食落,一樣係唔太甜,但口感就似膠多啲,可能蛋黃鳳梨酥有蛋黃o既關係,令膠o既感覺冇咁強烈.味道: 4分而最後o個個芒果味鳳梨酥,等到11-11-2017(Sat)朝,我又係唔肚餓但要食藥而食,切開睇,餡料顏色比較紅,食落,芒果味比菠蘿味濃,凸顥出菠蘿味更清,而口感都有少少煙韌.味道: 4分唔知老公同事o係邊間分店買,所以呢篇食評只計味道同抵食.其他:包裝好唔環保,已經用膠袋裝,裡面重要有膠兜

啱啱買咗奇華嘅老婆餅返嚟，平時奇華月餅就食得多老婆餅或者曲奇餅都未買過。食起嚟成手都係又覺得非常正常，不過要來做早餐就會太過肥膩，食落去入面啲料太甜，有少少唔啱⋯外皮亦都好容易跌晒落地下，好甩、所以食嘅時候都要好小心，裏面嘅老婆餅並非獨立包裝，如果係屋企食還是建議鋪一張報紙先！

小組聚會，多謝組員帶來一盒奇華出品的迷你圓月茗茶錦盒，讓大家提早過中秋。長形淺銅色紙盒，設計精簡而得體。內有六個迷你月餅，分別是迷你蛋黃金黃蓮蓉月、迷你蛋黃純白蓮蓉月和迷你金華火腿五仁月，每種款式各有兩個，並以獨立包裝包裹，方便衛生。此外，還有一小盒鐵觀音，真是想得周到，茗茶，吃月餅，真好！迷你蛋黃金黃蓮蓉月（月餅面印有「黃」），鹹蛋黃很足油，蓮蓉餡清甜幼滑；迷你蛋黃純白蓮蓉月（月餅面印有「白」），白蓮蓉相對少甜，故甜而不膩；迷你金華火腿五仁月（月餅面印有「金」），口感層次豐富，又煙煙韌韌，鹹中帶甜。將各款迷你月餅一開為四小件，不單人人可嚐，更可以淺嚐不用擔心太滯膩。

我記得晌小弟嘅「好友狂嚐曲」系列中都寫過唔少餅店嘅蝴蝶酥、杏仁條食評，而奇華嘅出品，亦托朋友嘅福，曾試過其黑白芝麻蝴蝶酥（好友狂嚐曲39）及玉桂蝴蝶酥（好友狂嚐曲45），印象中，前者牛油、芝麻兩者嘅香味好平衡，而後者則牛油味被玉桂味搶咗啲。反而，佢哋嘅原味蝴蝶酥就未食過，臨近新年，咁啱多得好友送小弟一盒杏仁條蝴蝶酥禮盒作賀禮，正正就可以試到其原味蝴蝶酥 ！金銅色鐵罐包裝，大方得體，打開罐內，有4小包杏仁條同埋3小包蝴蝶酥，全部獨立包裝，夠晒衛生，分開包裝又唔怕一次過食唔晒而變腍。 杏仁條 每小包內有3件杏仁條，面面鋪滿烘過嘅杏仁片，條條又焗得金黃。打側望落去好似唔鬆化，但一咬鬆脆得交關，少甜，卻喺陣陣牛油香味直入口腔；睇番佢個橫切面，層次明確，轉眼搞掂一包，皆因好食，又唔油膩。 蝴蝶酥 同樣，每小包內有3件條蝴蝶酥，原味自不然純粹食其牛油香味，的而且確，每塊蝴蝶酥既鬆脆，又富牛油香味，而且，算喺少甜，配茶啡都啱襯；此外，更留意到其外形工整，塊塊都做到大細一致嘅心形，金黃亮麗，絕對比得上一啲做蝴蝶酥出晒名嘅餅店。依一款禮盒作為過年賀禮，着實唔錯！中環站都有間奇華，返工不

因天氣轉變而病倒的人有不少，我家亦有一位，昨晚準備購買一些乾糧放在家中，以備不時之需。應該是時間夜的關係，聖安娜、A1的出品並不軟熟，唯有轉戰較少到達的奇華呢！選擇了這款比較特別的麵包……黑麥芽吐司！ 一袋有五片的有皮麵包，深顏色的外貌，摸上手是軟的，聞落有香帶甜的麥味，吃下覺得不乾身，濕濕軟軟涼涼的口感，甜甜的口味。香港製造，而成份實在是E到七彩，若然不是又何來可以擺放至11月9日，仍保持著軟熟！？

買這件竹炭芝麻味蛋卷，是去年 12 月上旬的事。放工回家前，見有點肚餓，途經新都會廣場的奇華，在門口當眼處看見 promote 竹炭芝麻味蛋卷，價錢尚算合理，於是買了一件來吃。芝麻芝麻，你究竟躲在哪兒？我在等著你啊。。。

每逢中秋節, 小妹家每年都是收到傳統的雙黃白蓮蓉月餅。不過最近兩年, 試了一次奶皇月餅後便上癮! 雖然大酒店的嘉麒樓月餅也是大家激讚好的, 但小妹卻未有緣能夠品嚐! 而奇華也不失為一個很好的選擇! 小妹連續兩年也買了奇華的迷你奶皇月餅! 當中亦試過美心和鴻星的, 不過還是投回奇華的懷抱! 今年看到奇華又加價了..比上年貴了數十元! 不過包裝卻比往年出眾! 驟眼看包裝盒及紙袋的兔子, 都覺得在走年輕路線呢!! 很可愛! 硬實的包裝盒外, 印了一隻像在跳躍的兔子! 打開後, 有一張牛油紙包妥了月餅, 感覺更高級! 再打開這層牛油紙, 4個奶皇月餅合共兩層8個, 每個也是獨立包裝的! 看到被烘到金黃色的奶皇月餅!真係想快些品嚐呢 打開後, 當然急不及待要品嚐一番! 這小小的一個當然不夠填滿甜魔的胃口!溫馨提示: 叮叮10秒鐘, 味道會更好!切開月餅後, 發覺餅皮和餡料之間有點空間確實有點奇怪, 為什麼不是滿滿的奶皇? 不過也無阻我愛它的心態 微暖的奶黃月餅, 食落餅皮富奶香, 甜度適中, 中間的奶皇蛋黃餡料很豐富和幼滑, 每啖也能吃到一粒粒的蛋黃碎, 十分滋味!! 每食一啖心裡也在想:

龜飽: 奇華出名的產品, 由細食到大, 個包實實, 麵粉比例重, 十分飽肚, 加上甜甜地, 拾回兒時的回憶. 紅豆燸米池: 一盒有4粒, 大大粒, 白雪雪, 佈滿了椰絲, 咬落煙un, 紅豆少甜, 味道ok.紅豆豆沙餅: 叮噹愛食的豆沙餅, 紅豆偏甜, 餅放得久了, 硬了一點.

尋日(29-5-2010 Sat)晏晝臨睇戲前o係原味家作買完鮑汁煨鴨舌後,過o黎買o野飲,但見有啲包裝o既蛋糕仔,男友同我覺得呢啲方便拎入戲院食,於是忍唔住手買o左:1. $5.50 o既蛋白卷蛋白卷好清,入面o既醬似係豆沙,質感都幾軟熟,唔錯.2. $5.50 o既迷你雞蛋糕食完蛋白卷食呢個分別就明顯大好多,呢個蛋皮重,口感實啲冇咁滑.3. 唔記得幾錢,一盒四件o既綠茶糯米糍由於唔係好大個,我o地一個放晒入口食,煙煙韌韌咁,但食唔出綠茶味,於是到第二個時,我就逐啲咬o黎食,原來糯米皮都幾厚,少量綠茶餡味道唔太濃,一般呢.

早餐多數幫襯波菲和奇華, 今日選擇左奇華既芝士吐司同埋麥方包, 其實一直覺得奇華出品的麵包比坊間很多連鎖店都健康d, 乾身冇咁重牛油味, 佢d蛋糕亦唔會太甜同埋冇加香精。今次既芝士吐司有好香濃芝士味, 包身好軟熟, 中間混合融左既芝士, 剩食口感已經好豐富, 唔使再茶什麼果醬花生醬都好好食~麥包一食就知好健康, 唔會多落糖而且粗粗既麥粒令麵包更有咬口! 減肥或清清腸胃時食最適合, 好多人覺得麥包健康就多食其實係唔岩, 坊間好多麵包店既麥包都加左好多糖令佢變得好食d, 所以不知不覺會越食越肥~~

上星期父親節見到呢間店做緊父親節八折優惠, 抵受唔到誘惑走了入去, 因為八折關係, 樣樣都覺得便了些, 所以覺得好味的都拿了些, 另外拿了包黑麥方包準備第日做早餐食, 第二天拿出來食, 放落去就覺得好香, 咩香呢~~ 嗯....好似係芝麻香, 幾軟熟, 好味道呀~ 以後就以呢隻包做早餐吧,