奇華餅家 (始創中心)

奇華餅家是香港起家，主要做中式餅為主，其後發展多元化，中式嫁喜禮餅、傳統月餅都成為熱門產品，更以代表為香港手信之一。今年中秋，要食傳統月餅當然選做餅出名的奇華餅家，買了一盒雙黃金黃蓮蓉月餅，用特級蓮子製成蓮蓉，色澤金黃，配頂級鹹蛋黃，蓮蓉的香甜配蛋黃的鹹香，薄薄的月餅皮金黃酥軟，一口吃了三層不同口感，層次豐富，咸咸甜甜、油而不膩。…查看更多

一嚐奇華的香蕉蛋糕，搞到我一早就開心到投降💗。切開嗰陣，見到香蕉絲嘅細節，已經聞到濃郁香蕉嘅香氣，食落去唔會太甜膩咋！軟綿綿嘅質感，一啖啖都係幸福感。至於今年新出嘅腰果糕和蔗汁馬蹄糕，真係叫我驚喜！腰果糕嗰啖啖腰果香脆，啖啖肉味，但軟糯嘅口感我就未能盡興。相比之下，蔗汁馬蹄糕就真係撲中我心口🛎️，甜到剛剛好，又唔會太膩，而且馬蹄嘅清甜真係與眾不同，糕身彈牙，每一啖都享受到。當然唔少得經典嘅珠姐XO醬臘味蘿蔔糕，呢個喜氣洋洋嘅名字已經講晒一切啦！香辣嘅XO醬炒勻，蘿蔔糕嘅滋味即刻提升多級，啖啖臘味，熱辣辣地入口，冬天暖笠笠嘅！今次食評就到此，奇華嘅味道，真係係小時候到而家一直提起我嘅食慾🤤，質素穩定！無論係過年賀歲，定係日常鐘意食，都值得一試。…查看更多

喺這間有名嘅糕點店試咗幾款必試嘅糕點，每一啖都係驚喜滿滿🤤！首先嚟講嗰款「金華火腿腰果糕」，真係大器，火腿嘅鹹香味同腰果嘅脆口感掂晒，雖然佢嘅口感偏軟糯，但係對於我嚟講，呢個新嘗試絕對係正！再嚟「蔗汁馬蹄糕」，哇！真係甜中帶清新，甜而不膩嘅蔗汁味搭配爽脆馬蹄，簡直就係甜品中嘅隱世高手。而招牌嘅「極上珠姐XO醬臘味蘿蔔糕」就更加唔使講，每年都保持高質素，XO醬帶出嚟嘅微辣香氣，一嚟就挑起我食慾，熱辣辣咁食落去，啖啖都係滿足😋。行過呢間店，唔試吓實在太對唔住自己！食完呢啲糕點，即使唔係過節，心情都會變得好過節。要形容今次嘅食味體驗，兩個字：正宗！三個字：過癮极咗！💯…查看更多

之前打電話問過，check 咗9:30 分收工，9:26 分到達見落咗唔太低嘅閘，問可否換月餅，店長望也不望於收銀處回答「收鋪喇！」，我再道「唔好意思，餅咭換，好快」，店長即好大聲話門口位售貨員「我叫你拉半閘呀！」，售貨員唯有即時把閘調低到心口位，當時為9:27分，此店長真夠盡忠職守嘅近音～～盡「早」「即收」！😼 同為旺角分店，為何火車站同亞皆老街分店嘅職員態度會好咁多又helpful，職員培訓真的參差不齊！🤨…查看更多

最近需要買唐餅送禮， 向來對這些產品沒有什麼研究。 為了 揀到最好味嘅 唐餅， 研究了唔同嘅公司， 唔同嘅款式， 製造成分 ，仲有保存日期。 原來買個餅都有好大學問😊😊😊唐餅有主要四種唔同嘅顏色， 紅色、 黃色、白色、 橙色。 配搭唔同嘅餡料。唯獨是皮蛋酥， 家人特別喜愛， 但係保質期係最短， 只有短短嘅三日。今次買嘅皮蛋酥， 外皮油潤， 色澤均勻。切開裏面有一隻完整嘅皮蛋， 仲要係糖心 超正😋😋😋， 外層係一啲香甜豆蓉。😁😁 傳統唐餅， 實在有一種令人難以忘懷的吸引力。 只不過一個細細嘅皮蛋酥就要索價24蚊， 實在不是便宜啊。…查看更多