夾餸 (已結業)

最失敗係我無comment 就幫襯， 因為價錢相宜， 正常都唔好太多要求， 諗住求其食左就算一間餐廳最基本係食物夠熱依間鋪無論飯同餸都唔熱， 真係太差個湯因為凍， 直情飲落有d 腥我係星期一12:30左右peak hour 買， 都竟然可以咁既溫度…查看更多

今日lunch冇帶飯就周圍睇吓有咩好食😌行過見到呢間見到$38 就有兩個餸，望落啲餸都算ok，決定幫襯試吓午市有超過10個餸可以揀，肉既餸比較多選擇，而菜就只係得一個揀🥲揀咗清炒椰菜同埋蠔油齋清炒椰菜味道比較淡，但係唔會好似煮唔熟咁過硬。味道尚可只係有啲油😕蠔油齋有筍冬菇仔同埋烤麵麩。 麵麩索哂啲汁 岩送飯食份量岩岩好夠女仔食 男仔可能就要叫多飯😆😆以$38黎講算係收貨。 都岩想平平地搞掂一餐既打工仔…查看更多

好伏，兩餸飯本身都冇期待，但呢間真係食完翻唔到轉頭，不可一不可再。個湯正如其他食評所講，凍嘅，或者叫比室温暖少少。食物温度正，但味道係災難性生炒骨，顏色正常但完全冇味。白飯，硬到傻，我諗大約5-10%人會接受到咁硬嘅飯。燒肉正常，其實賣相OK。仲有個唔知咩雞槌，唔係咖哩但真係唔太食得出係咩味。就算唔計啲餸，我當你揀到其他好啲嘅餸食，個飯硬到咁同埋個垃圾中式凍湯真係唔敢叫第二次。好彩啲飯都暖嘅，否則真係會倒咗佢。…查看更多

白飯：冇溫度，暖都唔暖。又硬又乾，應該係隔夜飯再加唔夠水煮齋：凍的，係冇加熱過個種凍。我咬了酸齋一口，入面係「冰」有雪櫃攞出來，解凍後嘅感覺⋯⋯難食。texture 好硬，唔係食開個啲軟齋蒸蛋：算係可以接受，不過不失椰菜：也是凍的最後送了個湯。我問係咩湯，亂答我🤦🏻‍♀️ 係忌廉湯－打開，都唔係個回事總結：劣評。呢間野好唔掂…查看更多

早幾日見到網上有篇文，話哩間每日有十幾款餸菜，會有咕嚕肉、椒鹽一字骨、燒腩仔。點知12點3去到，以上一樣都冇，有的失望。唯有叫白菜仔+鎮江肉，湯就係得果兩條絲既海帶湯，飯偏硬身。只能說$35不能期望太多。…查看更多

見到公司附近開咗兩餸飯，今日終於買嚟試下。一共買咗4盒。6點後買，每盒$30。正常價錢係中式$35，西式$45菠蘿咕嚕肉拼蕃茄炒蛋因為兩個餸都係橙紅色，所以撈埋一齊買相有點不好。咕嚕肉及蕃茄炒蛋都好酸。所以食咗一半就冇食了菜心炒牛肉拼蕃茄炒蛋。菜心有少少“老”牛肉ok的。蕃茄炒蛋唔洗再講，因為都係好酸，所以食咗少少就冇食海鮮長通粉拼椒鹽一字骨海鮮長通粉都ok的，但椒鹽一字骨肉好“鞋”沒有味道，感覺有d似煲湯骨海鮮長通粉拼燴豬仔骨。但返屋企打開見到比錯牛脷。即時臉色一沉。因為全家人都唔食牛脷的。所以呢盒飯只有長通粉可以食。我亦即時whatsapp咗店主。最初是已讀不回，當我再whatsapp張牛脷相才回覆，而且只是說下次比多d其他餸。是Hea的回覆。另外，原本買之前問咗西式兩餸飯，如果選了長通粉，再選一個餸，是否有飯跟，當時回應是有的，到落了order就話冇飯跟。不過呢樣都算啦！最慘就係比咗餸，仲要錯餸係全家都唔食的…查看更多

今日經過睇到觀塘有新開兩餸飯，買左一盒試下叫左個千層麵 豬腩肉同雞扒 免費送個湯雞扒好滑 豬腩肉夠稔千層麵都足料 有菠菜肉醬個湯係青紅蘿蔔湯 清清地幾滋潤 唔錯一共$45去嘅時候唔算好多人排隊，不過走果陣就開始多人，可能因為我早落到去。買飯盒流程尚算暢順，用咗大約3分鐘俾錢連揀餸。門口仲有個叔叔好細心叫你小心梯級估唔到間鋪仔細細，都有唔少野食可以選擇仲有其他中西式餸，另外可以加錢要飲品呢間鋪主打唔加味精同埋足料，食過一次暫時覺得係ok嘅，下次試埋中式餸以後lunch又多一個選擇…查看更多