夫妻沸片-台式麻辣火鍋 (已結業)

一入店，一個同事推薦單點，一個同事有推薦套餐，各話各不知所謂落單個陣電子菜單同紙制菜單價格又唔同，電子落單時價格無啦啦貴幾百蚊，問職員又話唔知點解。旺角遊客店，搵笨咯。落單上菜處處錯。

有人請食飯，就揀間豪少少啦！成日見呢間好多廣告，相真係吸引，試過先知真章！佈置得勁靚，古典風同卡通crossover，牆上仲有唔同嘅句子，幾特別！同地方寬敞舒適，位與位之間相隔都幾遠，好有空間感！每張枱都放有圍裙，細心非常！招牌夫妻鍋 - 麻辣鍋 + 酸菜白肉鍋 ($188)呢個鴛鴦湯底特別抵，佢個麻辣鍋半鍋都要$108，$188食兩款都幾好！麻辣有分大中小辣，未試過叫個中辣穩陣！主角到。。。都幾足料，麻辣有佢出名嘅鴨血同豆腐，而酸菜白肉鍋有好多白肉，真材實料！手切牛小排 ($338)牛肉味濃濃，比一般肥肥牛厚身有口感同脂肪分佈少啲，都係不錯選擇！團團丸丸 ($118)有4款丸類，一次食足4款，滿足感大增，唔使食極都同一款咁寡！中意食蝦嘅朋友要試下佢個蝦丸，濃度足，好唔普通！松露香菇貢丸 ($49)聽見松露兩個字而叫，有齊貢丸嘅特色，丸中丸同滿滿肉汁！略嫌松露味唔夠，重口味少少就perfect！菜肉餃 ($48)個人中意食餃，就叫左，都不錯！唐生菜 ($48)蔬菜係降油膩感，打邊爐必叫！培火鐵觀音珍珠奶茶 ($28)紅豆薏米水 ($28)打邊爐亦唔可以唔叫凍飲，係令你繼續食落去嘅良伴！

🔅🔅🔅放假前夕心情特好約上好友一起吃火鍋呢間來自台灣的過江龍出名在可喝的正宗麻辣鍋🔸餐廳風格充滿古色古香天花掛滿紅黃色燈籠座位闊落挺舒服的～🔹<夫妻麻辣鍋拼美人鍋湯底> 來個鴛鴦相拼最好不過麻辣鍋花12小時熬製麻香俱全入口帶甜還奉送鴨血和滷豆腐👍🏻美人鍋美顏養生的首選花膠光雞當歸紅棗枸子等帶有滋陰養血和養顏的功效果然湯頭十分清甜滋潤超好喝😱花膠共有六大隻十分豪爽啊雞肉有半隻肉質超滑嫩🤩🔸<海鮮拼盤> 賣相擺盤非常吸睛一共有八種海鮮鮑魚肉質十分彈牙😆生蠔和帶子肥美鮮甜🤗青口扇貝不錯缺少鮮味桂花蚌口感清脆爽口好味～大蝦和墨魚仔質素不過不失🔹<美國肥牛肉卷> 層層疊的擺盤很可愛🤩偏瘦不肥肉質挺好牛肉味不算很重🔸<麻辣嫩鴨血> 入口滑溜溜超嫩滑浸透麻辣湯汁好吃喔😍🔹<炸枝竹> 本來以為是鮮炸的竟然是用水浸超失望☹️🔸<紅薯粉> 份量不算很大份質感爽口Q彈👅完全吸收麻辣汁🔹<總結>無論鍋底和食物CP值確實很高超愛美人鍋😊花膠份量已回本了愛吃火鍋的別錯過阿🔅🔅🔅

一般火鍋店已經滿足唔到愛新鮮既香港人啦，新勢力台式火鍋店開始掘起，主打特色湯底既火鍋店越開越多，今日一試台灣過江龍夫妻沸片。招牌夫妻鍋：麻辣鍋+酸菜白肉鍋 $188麻辣鍋我點左小辣，但辣度真的很低很低，應該係我食過最老少咸宜既麻辣鍋。酸菜白肉鍋底會令食物有淡淡酸味，都算係幾特別既。手切牛小扒(大) $338肥牛絕對係打邊爐必備清單Top1！牛小扒油脂分佈均勻，比一般急凍肥牛切得更厚身，更有口感，而且肉質鬆化，更香牛味。芋泥丸(半份) $40 手打豬肉丸包著香濃芋茸，口感Q彈！一口台式腸 $48台式腸比較香甜，細細條Size同芝士腸相若。自家製手作麵 $38手作麵條店員提醒放落湯後要打散佢，否則會黏作一團。麵質比較幼身，食落爽滑彈牙。老油條 $48炸到非常脆，餐牌上建議食法係將油條浸到底，索滿湯汁再撈上來食。油麥菜 $48A菜清甜、嫩綠，建議淥到開始軟身就食得，保持爽口口感。醃春蛋(3串) $48醃春蛋本身已烚熟，如果要入味既話要浸耐啲，但用餐時間只有兩小時，所以一上枱就即刻要放入湯度啦。竹蔗茅根水 $68冰涼解喝又清熱~ 推薦。

同朋友見到呢間好似幾正宗，咪去試一試囉，入到去，前線姐姐好友善，我同朋友分工合作，一個負責點，一個負責睇，咁揀晒想食既嘢落單係咪好正常先，落完單，見到佢有會員招募咪入去登記下囉，發現有優惠就梗係立即問啦（中咗我地叫既其中一碟免費送），你露眉個所謂經理級，態度差到無朋友，話叫我地比佢落單，我地話落咗，咁可以點，佢居然黑面勁串咁話「咪叫你地有嘢問囉」，頂！我咪問囉！跟住㩒幾㩒比返部嘢我地，仲要大大聲係我地隔離講佢要做乜做乜做乜，咁係我地問題咩！咁唔鍾意咪叫老細請人或唔做囉，仲乜搵我地出氣唧但食物真心好食

下午差不多三點還未食晏，又想打邊爐（好任性），就來試下呢間開左一排嘅夫妻沸片啦。揀呢間主要因為未食過，同埋見到佢地二人餐只係三百幾蚊，好抵食。我地揀左鴛鴦湯底，麻辣併酸菜白肉，麻辣湯底唔辣，但都好夠味，唔會淡，啱晒怕食辣的朋友仔，裡面有豆腐、鴨血，其中鴨血好味道。酸菜白肉酸酸地好開胃，佢地酸菜應該係黃芽白來？裡面仲有豬肉片，配料份量好足。二人餐每人送一串一口牛，牛好大粒，不過牛唔會太瘦，脂肪分佈平均，食落口易咬易𡁻，唔錯呀。呢個餐仲有西冷片同美國肥牛卷，西冷片係極好味，又林又有牛味，讚！手工蝦丸好彈牙，梅菜豬肉丸好林，一咬就溶。菜肉蝦云吞同鮮蝦菜肉餃，兩樣都好味呀！而且都大大隻，好飽滿的。響鈴同炸魚皮都脆脆的👍🏻👍🏻雜錦菜盤裡面有十種蔬菜，好啱我呀，每樣都係新鮮靚菜，又可以食到唔同種類的蔬菜，好真心覺得呢個安排好好。仲有烏冬同甜品，不過我地真係飽到食唔落啦，三百幾有湯底同咁多野食，真係抵到暈！二人餐仲包兩罐汽水，火煱必備架啦！

五月係我最多朋友生日, 所以前幾日我哋又去咗打邊爐慶祝生日，今次係我介紹嘅呢間台式火鍋店，我哋一早打咗嚟訂位。我哋叫咗個美人鍋，同埋一啲打邊爐嘅食物。呢度嘅裝飾好古色古香，所以朋友都好滿意，個個都讚呢度好乾淨好舒服。我哋叫咗個美人鍋湯底，仲有原隻雞係入面，真係好豐富呀。店員仲好細心咁叫我地飲咗碗湯跟住先打邊爐，充滿着雞湯嘅香味，而且又唔會特別油膩。我哋叫咗個虎蝦，呢個虎蝦真係真材實料，差唔多有一隻筷子咁長，而且味道好爽口同彈牙，放入口啖啖肉我哋仲叫咗個帆立貝，海鮮基本上好快就食得，而且呢個飯立貝味道好鮮甜。仲叫咗個台灣腸，我本身好鍾意食台灣腸，因為味道有啲甜甜地，呢個台灣腸仲有啲肥肉，所以味道好甘香。

今日嚟到「夫妻沸片 - 台式麻辣火鍋」醫一醫鋪邊爐癮。招牌夫妻鍋- 麻辣鍋 （小辣）+ 酸菜白肉鍋（$188）呢個湯底鍋，真心無令人失望。超好食！超超好食！超超超好食！因為真喺超好食，所以要講3次。麻辣鍋唔喺川底火鍋果隻死辣同猛辣，喺一種舒服嘅辣食落有甜嘅味道，好啱香港人口味。每邊湯底都超多料，原本驚唔夠食仲叫咗碟生菜，點知食食下發現酸菜白肉鍋有好多菜喺入面。個酸菜白肉鍋湯底超好飲，鍾意飲老火湯嘅會好啱飲。個麻辣鍋超多豆腐同鴨血，喺多到食極都有👍🤤。鴨血超好食，而且食得出喺新鮮嘅，因為咬落去唔會碎開散晒，而喺啫喱咁👍👍。超級推薦大家試下個麻辣鍋。牛舌（$128）呢道嘅牛舌喺好厚切，食落好厚身，好好咬口感。而且牛舌應該喺新鮮切，唔喺冰鮮，👍👍因爲恰熟咗之後仍然有軟身嘅效果，唔似冰鮮肉咁，熟咗會好鞋口同硬身。都喺第一次食到咁新鮮口感嘅牛舌。黑柏葉（$108）食麻辣火鍋點以唔食毛肚呢😂呢道嘅黑柏葉份量好足，因為唔會夾幾塊就無晒。但喺每一塊牛柏葉嘅size好大下，可以叫店員幫手剪細塊。鵝腸（$98）同樣地食火鍋點可以唔食鵝腸呢😂😂不過呢道嘅鵝腸唔喺平時食果款，呢道嘅鵝腸喺帶有脂肪果款好似粉腸咁

做完facial肚仔餓，行到朗豪坊附近見到佢大大隻招牌，所以就入左去，一入門口真係會比個店員激死，問佢要等幾耐乜都無答，淨係寫左張飛，咁唸住接既時候佢又5放手，就開始一輪咀講like Facebook, ig果d野，唸住佢講完會比張飛我地都仲係5放手..... 5知佢想點，個朋友非常好耐性咁問咁姐係要等幾耐，店員終於答叫我地等一陣就會叫我地入去！（咁張飛寫尼做咩？？？直接答左先再講Facebook ig 5得架咩？？？？）真係2分鐘5夠就有位入去，未食已經一肚氣仲成頭問號添入到去既店員態度完全5同，講解非常詳細，like Facebook ig有優惠價揀3款海鮮既其中一種，仲提我地揀好湯底先因為野食一到就可以馬上烚！古色古香既風格，順帶一提沿路落地庫既樓梯都貼左好多好搞笑既提示，大家不妨欣賞下，幾搞笑的成間設計係幾令既，不過調味區有d奇怪，指示5夠清晰湯底入而材料豐富，最後我地都有食晒白湯係酸菜豬肉片，另一邊當然係我最愛既麻辣我地like左ig揀左鮑魚，好味！菜好解甜，不過最好放清湯d果邊，5係就吸晒d油哦！冬瓜魚皮餃 好食！牛舌切得令，快熟，好味！而且無咁肥嘆火鍋梗係要有野飲先爽，我

餐廳：夫妻沸片-台式麻辣火鍋 (旺角)地址：旺角彌敦道639號雅蘭中心地庫B102號舖係台灣麻辣火鍋界出哂名，擁有四十幾間分店嘅夫妻肺片過江開業到香港。唔好以為係冒牌，香港呢間夫妻沸片係如假包換係台灣響當當嘅夫妻肺片首間海外店。三十年以黎第一次衝出海外，所以老闆想個名意頭好啲，將「肺」轉成「沸」，有沸騰嘅意思亦都可以配合到火鍋嘅感覺，而湯底亦都係創辦人周星華師傅兩兄弟教授配方而製成嘅，配料就跟據香港人口味稍微轉左一部分，相當夠哂殿堂級同經典。暖男鍋-人蔘藥膳鍋 $198以鮮雞同人參為主打湯底，加入黨參、淮山、杞子、紅棗等配料熬製而成，湯底相當濃郁入味，打邊爐前食返幾舊雞，再飲埋呢個補血補身嘅湯底，包你成餐火鍋都有滋補濃湯嘅韻味徘徊喺口入面團團丸丸 $118華人一向鍾意成雙成對，團團圓圓，呢款以四個口味共八粒嘅團團丸丸組合有手工鮮蝦丸、墨魚丸、鯪魚丸同梅菜豚肉丸，梅菜豚肉丸亦係比較少見而且味道突出嘅一款，每一粒丸都用料上盛、均勻，肉丸嘅彈牙亦都顯示出師傅嘅手勢，好QQ(台灣彈牙嘅意思)呀~豚肉花 $118食物嘅賣相往往係吸引人去叫同打卡，亦都係熱賣到嘅重要原因之一，豚肉花叫得呢個名，係因

係旺角想搵間好少少既打邊爐。。。就諗起新年個排食過既呢間夫妻沸片。。。。上次食個時岩岩開無約耐。。。好多野都冇既。。。今次都開左一段時間，比多次機會試試佢之前睇人講佢個美人鍋好正，今次就叫左半面美人鍋。。。半面夫妻銅即係麻辣鍋。。。。美人銅半面 hkd178, 麻辣個面就hkd 108半鍋。。。。當然叫一個全鍋就抵食d 喇。。。。但我個人真係超多心。。。。咩都想試下呢度既美人鍋半鍋有半隻大肥雞。。。。超多肉。。。。花膠大大舊有6舊。。。。女人好岩食好補下麻辣鍋有食極吾完既鴨血同豆腐。。。。又香又麻辣。。。。正呀叫麻辣火鍋當然吾少得叫個hkd 48 既老油條喇。。。。兩樣野加埋簡直係一絕呀兩個都鍾意海鮮既人仲叫左個海鮮拼盤 hkd 298,有鮑魚，扇貝，大蝦，帶子，青口，8爪魚，蠔等等。。。。每樣都幾新鮮，吾錯吾錯牛肉就叫左個西冷片hkd 168，肉味濃濃的吾少得叫一個菜平衡一下喇。。。娃娃菜 hkd 48呢度野飲既選擇都勁多，仲有珍奶，但我地就叫左個洛神酸梅冰同芒果青桔梳打，兩杯野都幾好飲。。。又是滿足的一餐

打邊爐係香港可以話係非常流行，一年四季都岩食。近年不斷有好多台式火鍋店打入香港，今日就同一班朋友去試呢間位於旺角嘅夫妻沸片。一入去門口已經俾佢華麗復古嘅裝潢吸引住，門口仲有一對夫妻兔嘅壁畫俾你同佢打卡影相。鴛鴦鍋 ($178+$108)坐底首先就揀咗個鴛鴦鍋，一邊揀咗美人鍋，另一邊就揀咗麻辣鍋。個美人鍋都有水準兼補身，材料有當歸、紅棗、枸子、淮山、黨參、北芪、花膠、光雞，花膠份量亦都唔少，食多幾塊養下顏先，而雞湯雞味濃郁，雞肉夠哂嫩滑，服務員仲會當住你面將隻雞剪開。至於個麻辣鍋嘅麻辣帶後勁，舌頭會慢慢有種麻痺感，辣得好過癮！湯底料有鴨血，夾落唔會碎修修，食落有口感，好多味。 服務員仲同我地推介將雞湯同麻辣湯溝埋一齊飲，簡直將雞湯升華去到另一個層次呀。牛小排 ($238)聽人講份量幾大，所以我地一行四人都只係嗌咗半份個人食半份，果然嚟到真係幾大盤，牛肉呈鮮紅色，激發起大家對紅肉嘅慾望呀，牛肉嘅紋路好深好分明，睇落油脂分佈唔錯，滾番10令秒就可以放入口，肉質好嫩滑而且牛味香濃。鐘意食牛嘅真係唔可以錯過呀。團團丸丸 ($118)呢個特色四寶丸分別有，墨魚丸、蝦丸、蔥花鯪魚丸同梅菜豬肉丸，每款

星期日帶爸爸媽媽打邊爐🤗 上網見尼間個環境好似幾唔錯，一於試下！湯底我地選左推介既鴽鴦鍋（$80）：夫妻鍋（$108）+美人鍋（$178）夫妻鍋即係麻辣鍋，我唔食辣所以試左一啖覺得超辣，但屋企人表示好中意🙈美人鍋即係花膠雞鍋，有半隻雞，店員會先幫我地剪開隻雞，然後飲場食雞再加湯打邊爐～雞湯好好飲，超夠味，仲有幾舊花膠😱好養生啊～～牛小排 小（$238）必定叫！油脂分佈得超靚！勁大碟 每人食左差唔多10塊🙈芋泥丸（$40@4粒）原本以為係成粒芋泥丸，點知食落其實係牛丸，內裏有芋泥餡😱😱😱好驚喜！兩者都好夾，值得一試！洛神酸梅冰（$68）酸度甜度剛剛好！梅味好出，開胃又解渴，超適合打邊爐👍

成日都對台灣既邊爐念念不忘🥺左搵右搵 終於搵到呢間性價比比較高d🙈我地叫左鴛鴦鍋, 夫妻鍋x暖男鍋本來怕暖男鍋會好重藥材味，點知岀奇地清甜👍🏻😻飲左一大碗湯🤣係餸方面，因為我同男友都係食肉獸，所以叫左一份手切牛小排，係超級好味!!有雪花得黎又唔會好肥，肉質仲好嫩滑添😋另外叫左老油條，響鈴就食得多，油炸鬼打邊爐就第一次😂唔會太油膩，仲吸哂d麻辣湯，不得了！仲有半份手工墨魚丸，烏冬同油麥菜，不得不提個芒果青桔梳打都好正！食到攬住肚皮走☺️

家姐睇到YouTube blogger成日介紹呢間台式夫妻沸片，成日心思思想食但無人陪佢😆終於說服到我陪佢泥食，就試下佢既2人午餐大家千期唔好好似我咁蠢走咗入去商場落去地庫，因為商場搭扶手電梯落去地庫，係一間運動用品公司，所以大家如果要來嘅話，記得要去山東街店舖入口行樓梯落嚟就啱啦😆落到黎，成個環境好中式，地方好大，店員服務態度超級好！耐不耐就幫你加湯，唔使你係咁叫佢午市二人套餐好豐富！加30蚊嗌左個鴛鴦鍋，一邊係麻辣既夫妻鍋，一邊係用雞肉湯底既暖男鍋，台式既麻辣一般都係唔會似四川麻辣咁嗆喉，比較易入口，正！夫妻鍋入面有藥材，鴨血同豆腐，好入味好好食，完全就係我係我係台灣食既味道，正呀！暖男鍋入面既雞肉都算多，又滑又入味，下次試下個酸菜鍋先！午市二人套餐限量送兩串一口牛，好淋好好食！同麻辣鍋好夾！牛肉肥瘦適中唔會一咬就散，蔬菜拼盤雖然話係細份，但都好足料，好豐富，有烏冬同紅薯粉揀，梗係揀紅薯粉啦烏冬成日有得食😆紅薯粉煮好耐都好有口感，煙煙un un，好正，唔覺唔覺食左兩大碗，正！好飽呀！咁樣兩個人食都只係308，抵到爛呀！下次帶老公泥先🤤🤤🤤