太興 (馬鞍山廣場)

營業中

休息中

去左垃圾太興到叫左蜜椒汁薯仔牛柳粒同枝竹火腩魽魚煲。 碟牛柳粒啲薯仔正常水準，但啲牛柳粒就又乾又硬又冇汁，咬左兩舊就放棄 碟魽魚就仲怪，得啲枝竹勉強可以擺落口到，條菜勉強咁食得落，啲魚肉味道真係創新到不敢恭維，兩碟餸各食剩一半就知道有幾咁難食對上一次叫左個沙嗲肥牛粉絲煲，勁重花生醬味，啲肥牛又係咬吾斷既真係難為班冇味覺既人覺得太興係好食

今次行過一間食肆，心思思要試吓佢地啲嗲食點心，咁就揀咗三樣撚譜上面睇落最吸引我嘅小菜。🍽️ 先講講佢哋嘅星洲炒貴刁啦，焦香嘅鑊氣夾雜埋啲辣椒絲，令人嚟個微辣後勁，勁正呀！少少南洋風味，叫人一啖接一啖，根本停唔到口！再嚟呢，羅宋湯通粉四式卷，湯底夠哂味，酸酸甜甜，滋味豐富得嚟唔會太肥膩。四式卷炸到外脆內軟，卜卜脆仲有各種餡料味道，啖啖驚喜，滿足到喺坐到嘅你我佢。🍲結尾當然少不了杯招牌貨冰陣奶茶嚕！拉長了奶味嘅等待，喺戶戶通透嘅環境下品嚐，絲滑滋味暖笠笠直入心扉，啱哂我呢啲奶茶控。無謂等到手凍，即刻品嚐間中既涼快同暖和，正！🥤總括黎講，這間食肆唔止環境舒適，食物質素同埋味道都相當到位，真係一個嘆茶又得、食飯又好嘅地方。下次再嚟，要試吓其他豐富小菜，希望又會有新驚喜！

嚟到太興食晏，🍽️ 零舍期待架！我話你知，呢度嘅肉絲炒麵做得掂晒啊，嚟啲脆卜卜嘅麵條同啲腍滑嘅融合得好撈呀，肉絲又炒得鬼香又入味，真係食口真開心！😋接著個珍珠帶子炒飯嘅帶子啲又鮮又飽滿，炒飯乾爽得嚟彈牙，一啖嘅幸福感溢出嚟，啱哂來個辛勞嘅下午嘅犒賞自己！跟住呢，最掂嘅一定係臘味飯啦！🍚 烤得啱啱好嘅臘腸咬落去甘香，而家隨便搭配係真係有得揀，淋上嗰陣陣煙韌嘅叉燒，香滑得滯！眞係屋企都想整返嚟食啊！每次嚟都驚喜喎，好似發掘新大陸咁！講到尾啦，個環境又企理，食嘢讓人心情靚晒！想喺馬鞍山淘到寶，太興係你嘅保證！下次又會拉埋班Friend仔一齊黎光顧！拍拖、朋友聚會、定係一個人自己Enjoy都啱！👌

太興是經常幫襯的其中一間食店，原因是食物、烹調的水準很穩定，雖然近期覺得份量明顯少了，價格又比連鎖式快餐店貴，當沒有 idea 食甚麽時就自然的選擇這間食店，因座位是卡位和有間隔，可以與其他食客的枱椅保持一定距離，比較衛生和坐得舒適。裝修後間隔和環境煥然一新，卡位與卡位間轉用了半透明度的長虹玻璃，看上比之前更明淨更靚。 肉絲炒麵賣相好得意，麵條呈高圓柱型，上面舖滿肉絲銀芽配料和芡汁，一部份麵條又脆又香口，軟身的麵條吸收了茨汁，很美味。珍珠帶子炒飯珍珠帶子的份量很多，飯粒炒得乾身，又好味又裹腹。配以這店紅茶出名的凍檸茶，雖是普通款式的炒麵飯，亦食得好滿足。

這間分店用漂白水去洗碗仲落好多,一食就知.一問之下個經理仲話一定要用的,這樣方便自己就食壞人.成陣味出哂嚟,咁我想問你在家會吾會用漂白水去洗食飯碗..咁會不會用漂水當水飲.

一上枱，見到個賣相同燒味部位，已經冇咩胃口所謂半肥瘦叉燒仍是瘦叉，切雞俾埋頭頭尾尾，不了。啲飯一舊一舊，真心唔建議大家黎食。仲要一碟$71的雙拼搞成咁，失敗失敗。

叫外賣，飯量極少，少到兩碗二合一先至叫正常。西蘭花炒青衣魚球及蜜椒美極薯仔牛柳粒燶到極至，牛柳粒似一嚿炭，青椒可以變黑色，薯仔全個面都係黑色，西蘭花冇口感又老又黑，烚完再炒？魚塊都可以有啲燶，每一口都充滿濃味，來回地獄又折返人間。師傅太忙唔記得睇火定太懶冇洗鑊？送比人食都要諗諗！可唔可以叫佢經理自己食完再品評？雖然家冇堂食要食外賣，咁都唔洗咁hea㗎，真係比錢都要受罪，想收工不如唔好做外賣啦，小店可能仲好食！

2021年12月26號早上十點，去左馬鞍山太興食早餐，叫左香煎雞扒滑蛋公仔麵熱奶茶，價錢$40，個餐來到，雞扒同個麵都無問題，可以接受，但係個滑蛋超縮水，我有理由懷疑只有三分一隻蛋，比到盡都只係得二分一隻，我成日係外面不同茶餐廳食早餐，這個滑蛋係本年度食過最細，咁當然他個餐牌又無講明滑蛋要比足一隻蛋你，所以我都無叫他們換，雖然他們樓面侍應都相當有禮貌，不過我就唔會再來食這個餐囉！餐飲熱奶茶正常可接受，先至聲明相中個滑蛋我係完全無食過

師奶仔想食少少野又抵食，我就推介太興嘅下午茶，佢有兩隻雞翼又有一碗羅宋湯通心粉，重有送一杯熱飲，只係要38蚊，雞翼翠口，羅宋湯係我鐘意嘅味道，份量好啱我，係咪好過自己煮餐死

路過太興，突然間好想食燒味所以就入咗去坐低。原來呢度都有下午茶..2點鐘就開始。見到Menu除咗有燒味飯仲有炒飯..公仔麵嗰啲..咁啱見到有個燒鵝米粉..都係42蚊。份量唔算太細..鵝都有5件..不過最衰係只可以set定左係配米粉唔可以轉其他..湯底好香..雖然明知道係味精不過都忍唔住飲咗幾啖..燒鵝有點偏肥..中間層脂肪我咬開了..但肉質夠哂味！好香！不過我都選擇咬開左..怕太漏..餐飲叫咗熱咖啡都幾香滑！

滑蛋蝦仁炒河$63⋯⋯份量細，味道淡，好彩味道仲可以😌不過喜歡濃味就唔接受材料跟份量一樣小，有粟米🌽令視覺效果多色彩呢度大慨兩個酒樓飯碗，食完都唔太飽😮‍💨榨菜肉絲湯米粉拼香滑炒蛋配鬆脆多士$56講真價錢唔平，份量小到食幾啖就食晒好彩有份多士頂肚，不過炒蛋算係滑😧凍檸茶另+$3⋯⋯算大杯整體來講，份量細貴價茶餐廳；不過比快餐店好啲唔使自己攞餐，不過伙記都唔太友善🤫唔知係咪用太多廣告費，名過於實🥴

前幾年，真係好鍾意食太興，覺得佢食物質素好，但如今已經大不如前。我一個人入座，職員叫我自己入去搵位，但平時係有職員帶位的，咁即係要人帶，定以後自己見位就坐呢？ 嗌左個牛丸米，湯底淡而無味，唔得。 再講個紅豆冰，水_ _浠到好似水還水，豆還豆咁，我真係完全飲唔到紅豆冰嗰種味。我請職員過來，麻煩幫我換番杯熱奶茶算，佢仲問我，係咪冇撩過個底？我話我撩完都仲係水咁淡，不如你飲啖試下~ 結果，換左杯熱奶茶，但埋單出去，張單都冇改到，依然係收左紅豆冰價錢，麻煩呢間公司管理層，真係勸下員工做事上心點，唔好番工好似發緊夢咁。

晚餐餐牌不太合心, 所以"安全地"點了燒味飯。話晒個名係太興"燒味" 燒味方面應該點都有番d水準?我印象中太興燒味是不錯的, 但是今次令我非常失望, 甚至邊吃邊很憤怒! 因為實在太差了! 我點了燒肉叉燒飯, 燒肉是頭尾超咸的部位, 而叉燒是瘦乾到不堪, 真的很難吃下去。。。我應該不會再光顧了。。

燒味界黎講, 太興都稍有名氣, 突然想食燒味飯, 就諗住試下, 雖然要成70蚊, 可能佢係一哥價錢呢.雞係滑既, 不過無咩雞味. 燒鵝真係有陣柴燒既味道, 唔會好靭既, 不過就無乜鵝味, 食完一樣, 個燒柴味仍然會係口腔入面KEEP住既, 可能反而蓋過左個鵝味. 飯係淋既, 不過醬油唔係好夠. 最好既, 只能話係杯柚子蜜. 整體黎講非常失望, 估唔倒收哩個價錢, 會有哩個質素.

我自細喜歡中菜，款式多又夠鑊氣，今日本身想食燒味，但又想送飯，諗起這間，午市不夠太多人，可以不用排隊太好了，排隊就會遲到。小菜選擇中，我最愛梅菜扣肉，因為情義結，年少家裡窮，梅菜送飯又一餐，所以長大都好鍾意梅菜，見到會知道要堅強。呢個扣肉非常入味，肥瘦肉參半，肥肉入口溶他，瘦身淋身，半口油脂香，梅菜偏甜，好好送飯。柚子蜜熱飲潤喉順氣，近排喉嚨乾啱晒。環境乾淨，上菜快，飯都算多，職員都算友善，唔錯啦