太興 (已搬遷) 新店位置

吃了很多年，雖然見證它愈來愈貴，但依然會叫這個餐，B7-火腿米，炒蛋多。火腿米是味精湯，略鹹，米粉與一般米粉不同，彈彈的，擺了很久也不會軟pet pet的，火腿挺多，有一條菜。炒蛋是精粹，嫩滑，不會炒至全熟，入口剛好。最喜歡多士，炒蛋，加煉奶一起吃，超好吃的，雖然有些邪惡，未試過的可以試試加煉奶。外加一說：這個早餐可以吃得飽。

之前提到在Club One嚐過超濃郁的杏汁出品，終日心思思想飲。不過總不能次次經常去Club One淨飲湯，而且當日常飲用的話價位都不菲。還是去其他餐廳發掘一下，也許會有驚喜。　　不過自己煲就麻煩了點，還是去買來嚐嚐就好。之前看到連鎖涼茶舖有時會有售，但路過的時候夜已深，已經售罄。剛好我媽看過中醫，說轉季時分需要一些滋潤飲食。她之前喝過太興的杏汁白肺湯，覺得味道不錯，也難得我會想飲湯，翌日外賣試試。杏汁白肺湯　　午餐時段起供應，不過聽職員說大概半個鐘左右就會賣光。難得買到兩碗，有點幸運，但未知道味道質量如何？成色比起先前喝過的偏啡，湯品也頗為稀身，未有那潤稠感。味鮮香口，順滑親民，杏香清新輕盈，主要還是那肉味。間中見有白肺件、豬肉及杏片在內，配料比起想像之中為足。白肺稔滑，綿綿彈彈，不過略帶腥臊，豬肉則是稔身易嚼，肉味未有全然流失。

太興奶茶及燒味既大名聞名已久，不過一直都有好多原因令我到今日先第一次食佢（多少都係有因為Eric kwok）今次係淘大既太興食妟，一入到去，店員已經主動問幾多位及帶位，半點迷茫都無既情況下，已經坐低左，睇左一陣，決定食燒鵝脾飯"免切"飲品方面，因為天氣太熱，所以決定飲檸七。落單既時候，阿姐主動同我講，不如等多三分鐘啦，就下午茶，下午茶會平啲，送野飲！既然係咁，我當然等啦，果然～三分鐘之後，阿姐主動出現，同我落單！等左一陣，千呼萬喚始出來既"燒鵝脾飯免切"就咁單睇賣相，已經流曬口水，一攞上手，嘿嘿～果然斤両十足，我大啖咬落去，皮脆，肉嫩，鵝味十足，再扒一啖飯⋯⋯唔～就係咁啦！人生本該如是！正～燒鵝既肉非常嫩，因為平時好多時候，都會係一啖咬落去，之後皮咬開左，但肉係要嚙開的！不過太興既燒鵝脾完全無呢個問題，咬落去肉只需輕輕用力一嚙開，非常輕易就分開了！唔知係我好彩定咩，燒鵝脾既皮同肉之間，又唔會有好多肥膏，食到個人好"溜"。份量方面，對於一個不折不扣既飯桶～如我，飯既比例太少，食到尾聲既時候，燒鵝脾仲有好幾啖，但飯就已經食曬了！最後就大啖肉，大啖肉，好滿足咁享受完成隻美味既燒鵝脾啦。iro

六月係宰宰學子的考試季，小妹亦唔例外，稍為輕鬆點嘅時間就只有每日考完試食野嘅時間。呢日家人就約左考完試去太興一齊食早餐。一入到餐廳已經feel到好焗，聽店員講先知冷氣壞左。食到一半，店員就放左兩部坐地的大吹風機，本來空氣流通d係件好事，但其中一部咁啱就吹正我對腳，唯有坐開少少同快d食完早d走。是日揀左火腿炒蛋配烘多士。多士凍曬唔係熱辣辣，而且烘得唔夠，仲係軟諗諗。塊火腿雖然係熱，但係冇煎過。但係個炒蛋真係值得讚，熱辣辣又好滑。杯餐飲加3蚊要左凍泡沫咖啡，又係不過不失，不過真係幾大杯

太興予人印象是高質數的燒味飯. 在婚禮籌備期間, 小女媽媽也講明要用太興出品的乳豬. 為了大家吃得盡興, 我也真的買了一大疊用上幾個月.難得休假, 小女同媽媽去了做facial, 事前先到太興吃午飯. 媽媽是太興的頭號粉絲, 還經常性問我家附近為何都沒有太興?? 乳豬飯媽媽最愛. 不過做得越來越差了. 以往皮是超級脆, 現在卻有點韌(不只是這一次, 我已吃超過兩次). 精華是其乳豬甜醬, 即時帶出味道. 脆皮跟肥肉跟肉是1:1:1的分明. 可惜飯太多乳豬就不夠吃, 而且價錢也太貴.馬來喇沙 (推介)午飯小女都不太吃飯類, 一心想吃跟湯的粉面. 這個喇沙套餐味道實在意想不到. 先吃下一口湯, 是比想像中辣, 但不會吞不下. 花生味又如有一粒粒的原粒花生味道, 很濃郁.配料有芽菜, 雞蛋, 草菇, 大蝦等. 雞蛋之入味, 滑而不膩, 很多時小女都不吃蛋黃, 覺得太heavy. 但這次感覺是吃溫泉蛋配拉面, 感覺良好.大蝦爽脆, 有兩大隻, 以$48午餐實在划算. 

當晚7:15應了公關約會到淘大花園睇戲.在步入淘大花園途中腦中是想去光顧吉豚屋.但行到九龍灣竟步入了太興.我當日思想同行動完全不一致.6點鍾到了太興,環境衛生不俗,但座位十分密集.通道什窄,而且裝修在太興分店而言算舊.不過員工有禮貌.效率都高.上菜時間也快,只是水吧做事夠慢.吃完全碟飯才見到飲品.太興眾所周知.是貴價餐廳.一碟雞脾飯.一杯凍飲,一碟菜價錢已62元.味道更要十分普通.生菜一碟用水灼,加點蠔油,新鮮度卻一般.菜明顯有黃葉.而且賣相一點也不吸引.凍檸茶:檸檬因成本關係放得偏少.無可能出味.茶顏色偏淡.茶味道亦薄弱.根本不合水準.雞脾飯:飯粒竟然濕濕.醬油亦放得重手.雞肉全無肥油.雞質感也滑滑的.只是犯了在街上吃雞的弊病.雞無雞味.也沒有辦法.新鮮雞成本如此貴.一定無鮮雞吃.品質當然變差.全靠調味才帶出丁點味道.吃完飯之後坐了30分鍾.當天心情仍沉重.坐到有點想哭時立即埋單行商場.準時7點15分到戲院,估不到第二天.因少少經歷,可以為我沉重心情找到出口,也算幸運.埋單62元當然不值...我當日點解會思想同行動不一致?.我都不明白自己.但味道可接受的.對連鎖店也不可有太大期望

第一次食太興下午茶，去到唔駛等位，服務唔錯，地方清潔，叫左個 重量級三文治 + 柑桔蜜三文治都 OK 大份，有芝士，番茄，生菜，沙律，厚蛋，兩片火腿，係好大份下，如果係 $35 係扯食過其他茶餐，值得一試杯柑桔蜜普普通，都係用野開出黎，冇乜特別。

*又想食下燒味,今日選四寶飯加冰鎮奶茶(凍+3)*飯底 白飯份量比其他分店更少 不滿意紅腸 4片,味道一般 正常墨魚 4片,無味道,又硬實實似隔夜貨 劣燻蹄 4片,無味道色水差,同樣似隔夜 劣咸蛋 四寶之中最好味 似樣配菜 菜心一條,新鮮算甜 可以冰鎮奶茶 水準保持,而且本身茶底已夠凍 完美

一心一意想食乳豬飯, 點知又話乳豬暫停供應..唉今日同個天氣一樣..黑呀係超黑.無奈之下叫左燒肉燒鴨湯瀨配熱柑桔蜜, 另外叫瑞士汁炒牛河加多$8叫左咸檸7.個炒河味道都唔錯, 雖然有d偏油, 但食落口又叫ok. 瑞士汁帶少少甜味好好味, 牛肉亦炒得岩岩好唔會鞋口, 至於個燒味當中既燒肉就麻麻地, 皮又唔脆d肉全部都係瘦肉好鞋唔好食, 反而個燒鴨都唔錯皮香唔錯.整體來講味道都叫ok, 當然價錢同食物質素都成正比.至於我叫既柑桔蜜又估唔到幾好飲, 友人話佢既咸檸7都好得, d咸柑桔好香好好味.服務方面我覺得此店d人好過其他分店特別筲箕灣/銅鑼灣分店, 我去過之前2間分店d人真係麻麻要叫好多次先有人應, 但這間叫人即應想要咩即俾, 態度又好又有笑容, 值得一讚

星期六想去大榮華飲茶裝修, 再走去淘大鴻星又係裝修, 有無咁黑想食咩無得食..算數唔想再搵茶樓, 2個人就走左去太興食就算.一心一意想食乳豬飯, 點知又話乳豬暫停供應..唉今日同個天氣一樣..黑呀係超黑.無奈之下叫左燒肉燒鴨湯瀨配熱柑桔蜜, 另外叫瑞士汁炒牛河加多$8叫左咸檸7.個炒河味道都唔錯, 雖然有d偏油, 但食落口又叫ok. 瑞士汁帶少少甜味好好味, 牛肉亦炒得岩岩好唔會鞋口, 至於個燒味當中既燒肉就麻麻地, 皮又唔脆d肉全部都係瘦肉好鞋唔好食, 反而個燒鴨都唔錯皮香唔錯.整體來講味道都叫ok, 當然價錢同食物質素都成正比.至於我叫既柑桔蜜又估唔到幾好飲, 友人話佢既咸檸7都好得, d咸柑桔好香好好味.服務方面我覺得此店d人好過其他分店特別筲箕灣/銅鑼灣分店, 我去過之前2間分店d人真係麻麻要叫好多次先有人應, 但這間叫人即應想要咩即俾, 態度又好又有笑容, 值得一讚

去過好多間太興,係第一間禁差!服務,1. 叫同一個侍應起碼叫5次 2. 侍應講大話,問佢落咗單未佢話落咗,事實上係末環境OK啦,坐位幾闊。嘢食都OK啦,叉油雞瀨粉幾好食。抵就唔係太抵,一個叉油雞瀨粉要48元,唔抵!

來這兒吃午飯，一點也不便宜﹗平平地都要成四十蚊一個午餐，來吃一餐真係有如搵幾多食幾多一樣﹗不過工友們叫到，就試一次，點了個咩美國坑牛扒﹗一塊扒一個飯要成四十幾蚊，茶記廿五都有交易﹗牛扒尚算厚切，點了七成熟也做到近似大半，牛味雖未算濃郁卻軟腍，算係俾得貴都叫有番0的質素高一點既扒你食﹗可惜的是飯份量少，吃完並無飽肚感覺，成四十五蚊，未必有下次了﹗

太興賣廣告就聽得多,,,但就冇乜去食過,,,今日揀左兩款野食試下,,,台南肉躁鹵蛋飯第一次食肉躁,,,原來係咁既,,,都算唔錯吧,,,凍鴛鴦凍鴛就普普通通啦,,,,叉油雞燒味雙拼飯+冰震奶茶反而我對個冰震奶茶有好感!算係咁上下吧!!!by woody

下午，突然好想食奶油豬，平時一定去翠華。但身在九龍灣，無翠華...周圍逛下覓食，見到太興下午茶有奶油豬，便入去一試。唔好睇奶油豬好似好簡單咁，唔係間間都整到香脆。太興的奶油豬烘得剛好，奶油搽得平均，不會過多，看得出廚房一點都不馬虎。包香而鬆脆，算是令我滿意的。冰鎮奶茶則奶多了一點，少了點茶香，但也收貨。除了翠華外，多了一個吃豬仔包的地方，Yeah!順帶一提，太興只有奶油豬，沒有豬扒包，希望他們會加這個item啦

本來可以跟朋友享受一個快樂中秋卻因餐廳一個失誤頓時變質 晚上約7時半至8時間光顧此店點了2個小菜分別是 1. 咕嚕肉 跟 2. 炸石班炒西蘭花等了很久也取不到外賣也算了, 明白今天是節日, 店子會比較繁忙約20分鐘終於看到店員拿著外賣出來就趕緊跟朋友回家享用打開盒子, 問題來了怎麼會變了 1. 咸魚雞粒炒飯跟 2. 炒麵 !!!!? 本來我們已經買了白飯, 就是要小菜用來配飯再給我麵飯也是多餘難道要用咸魚雞粒炒飯 / 炒麵 配白飯嗎 !? HELP~~~~明知道是外賣, 不是應該認真查清楚才交給客人嗎!?難道要我投訴然後再找店員把食物送來嗎?