太興 (都會駅)

營業中

休息中

因為好耐冇去食太興，諗住試下睇下有冇以前嘅味道，但結果好失望🙏🏻。燒味飯得幾舊燒味，仲有好多骨同埋好老，似係擺咗一段時間，賣剩咗嘅。蝦醬炒通菜，菜葉少，大部分係kwang，又硬，同埋有啲鹹。沙薑豬首唔錯，沙薑味夠出，同埋有入味。杏仁湯都唔錯，夠濃味又香滑，杏仁味好突出。今次食嘅味道同以前差好遠，味道唔穩定之餘，衛生情況都有啲唔掂，感覺有啲失望。太興 (都會駅店)將軍澳景嶺路8號都會駅地下GL002號舖

火鴨絲炆米 有條斷咗嘅橡根！心諗點解米粉咬極都唔斷。鹹魚雞粒炒飯 又勁多骨咁都可以有條橡根咬出嚟，可想言之 廚房入邊究竟有幾混亂，幾污糟以後唔會再食！！！ 呢百幾蚊當跌咗算

除咗快餐店之外，lunch係將軍澳真係好難搵位，惟有買外賣啦😒見太興唔多人，就叫左個乾炒牛河🍝，同埋煙三文魚菜粒炒飯🍚，午餐包2杯飲品，外賣加多$2，盛惠$128💰乾炒牛河$63👎🏻👎🏻👎🏻😑，超級多油，牛肉得3片，河粉痴埋一pat，而且仲好咸😫煙三文魚菜粒炒飯$63👌🏻，菜粒都好大粒吓😹，三文魚有少少，配料仲有蛋絲、肉絲、蟹料，炒飯炒得幾乾身，雖然都係油油地，但無乾炒牛河咁誇張囉⋯⋯

晚膳的時間也是頭痛的時間⏰也是常常為著要吃什麼晚膳而煩惱而這天經過調景嶺....看到這家座落在地鐵站附近的太興憶起自已也有接近半年沒吃過它了🙈於是這就決定了這晚晚膳的地點🤣可能是受到疫情的影響..現在晚上大多時間都不喜歡在餐廳吃所以這次點了外賣🥡1. 特搜叉燒飯 $72叉燒是比例均衡的「半肥瘦」質地表層塗上了一層紅色的叉燒醬加上甜甜的蜜汁🍯味道香甜🍭十分入味2. 凍奶茶🥤（跟餐+$3奶味比茶味重整體味道偏甜🍬題外話🤭🤭老實說......一直覺得它的餐廳「特搜」是錯字來著🤭不知道大家認同否？哈哈

星期日早一點外出隨便揀間連鎖店去食早餐。好耐無幫襯過，估唔到出左咁多罐頭賣，又奶茶，又湯，又餸菜。見到早餐都有10多樣選擇，而早餐相睇落都唔錯。1. 輕盈香辣肉碎札肉湯米粉，配太陽蛋多士及咖啡($38)，另一個同樣嘅早餐則轉了炒蛋。但兩份早餐上枱一刻真係嚇咗一跳佢碗米粉D 餸真係超級輕盈，同餐牌張相真係差好遠，估唔到集團式餐廳都可以咁中伏攪到個人都好無心情。多士只係烤一下，唔太脆，而炒蛋唔滑。多士一樣唔太脆，太陽蛋就一般。咖啡就普普通通。整體來講，太興早餐真係好一般，今次真係中伏了。

本人時常光顧太興，事源於今年九月中訂了一個六位盆菜，於農曆八月十五晚上在將軍澳景嶺路都會駅分店自取。於當晚取了盆菜後回家才發覺所有食物完全是冰凍的，好像在雪櫃取出一樣。後來致電都會駅分店問過了解，但分行經理解釋食物凍是正常。但是食物一點暖都沒有，蠔面表面還有少許冰，本人非常不認同他們的解釋！因為以前我也曾經光顧太興買過盆菜（樂富分店)，但都不是冰凍盆菜。我對太興非常非常失望！以後我不會再光顧太興！

話說本人乃燒味愛好者多年前嘅太興燒味能令我眼前一亮食指大開，但自從一年多前在觀塘太興分店中伏後就列入黑名單。今日忽然心血來潮想食燒味所以再俾多次機會太興就去咗屋企樓下間太興食下午茶叉油雞飯，飯同燒味只係微暖而叉燒就鞋過皮鞋油雞就好似香口膠，一碟六十幾蚊嘅燒味飯仲衰過街市一盒三十幾蚊嘅燒味仲要份量少，今日嘅太興燒味貴夾難食與其比咁多錢賣廣告不如諗辦法改善一下食物質素，唯一亮點係杯奶茶仲係我幾年前所飲嘅味道。

早食lunch周圍都唔駛排,就黎係lunch好容易要排隊嘅太興啦燒味不嬲都係太興嘅主打，咁佢真係整得幾好嘅！燒肉脆皮，叉燒嘅味都特別唔同三文魚魚子炒飯，魚子同三文魚原本都match,太興港式茶記咁樣整炒飯又唔會令個飯太乾，都幾好味

今日同屋企人同埋親戚一齊去飲個茶 去到都要等位 等左半個鐘先有位 所以都算幾多人 地方環境都算大 所以都坐得幾好 唔會好逼 點心味道都ok既 叫左咩就廢事每樣都講 都係正常飲茶會叫個d點心

近日喜歡來光顧這間太興茶餐廳， 因為發覺他們用嘅食材相比其他連鎖 快餐店較高質。 今天揀咗一個下午茶餐星洲米原來係可以選擇小辣或者唔辣， 我選擇唔辣，發覺效果唔錯所有材料一樣，只是不用咖哩粉但係味道都保持到，夠惹味同鑊氣配埋熱檸水都是52蚊， 物有所值。

今天下午茶時間黎到太興食飯，叫左個雙拼叉燒油雞飯和滿燻燒鵝飯，送左兩杯熱奶茶，見到幅滿燻燒鵝既招牌，我覺得睇起來好似幾好食，始終都係太興，係專食燒味既，應該有返咁上下口碑既。等左一陣，兩個飯都黎左，佢地係用方型白色瓦碟盛，非常美觀，可能係下午茶餐既關係，份量就比我想像中少，對女士黎講就剛好夠飽既，跟住試左個燒鵝先，算係唔錯喎，鵝皮吃起來有陣陣既幾香煙燻味，但又唔係燶果種味，所以大人細路都啱食。至於叉燒方面，真係幾好食既，係有少少爽口彈牙既感覺，個人覺得佢地整得幾好味同入味，飯既質素同街市燒味店舖既差唔多，如果啲飯再香啲就好了，今天既下午茶餐總算係感覺美滿。

太興除咗出名貴之外～～～～～燒味都出名到 街知巷聞。啲一個八寶飯.....個賣相同圖係有啲出入。光澤感就唔係好夠，係勝左氣味香濃。。。都拎返啲分...本身都冇期望過佢有幾好食，仲要每樣餸得兩件。心諗咁貴食個飯，有冇搞錯得個兩件。。。但食落口嘅第一啖就覺得有意想不到嘅驚喜，好似係用煙燻嘅方法黎煮嫁。。有厚切叉燒…… 肥瘦均勻鵝啖啖肉，皮又脆。連紅腸都有煙燻味.....個鹹蛋黃係 超級好味。。有甘甘地，蛋黄油係滴到出黎嘅......

鹹魚雞粒炒飯，飯都炒得好乾爽，粒粒分明， 好正宗嘅炒飯鮑魚雞煲， 上枱嘅時候個煲 入面嘅食物仲霧緊煙北菇豆腐青衣魚柳煲，加入咗好多蒜， 蔥頭，味道香濃埋單一人105hkd 左右

調景嶺太興好近地鐵站, 露天出口行1min到, 近排有新菜式就入去試試。餐廳樓底高, 但坐位不多, 大概6pm, 開始滿座了! 炒粉麵飯有配飲品而小菜就要另加$19, 配白飯及飲品, 成set小菜餐, 大概百多元！ 青衣魚柳煲上檯揭蓋, 仲咋咋聲, 熱辣辣, 主要係䓤蒜味, 唔咸, 好香好熱！青衣肉結實彈牙, 有魚香！豆腐皮吸埋d汁！ 咕嚕肉都唔錯, 皮鬆脆、肉嫩。配料仲有青、紅椒、菠蘿、洋蔥, 加埋咕嚕汁, 一定送碗飯！😋😋👍🏻 欖菜炒飯好香蛋味, 炒飯粒粒分明, 肉鬆都好多！

有一段時間隔－二日就會幫襯太興，由早餐，午餐甚至晚餐。當時覺得太興的食物質素比一般茶餐廳高，但食左－段時間，見到餐牌日日都是－樣，沒有改變。正所謂日日食鲍森翅肚都食到嚴啦。今日中午天氣太熱，唔想周圍揾食，見到有間太興，見咁耐無幫襯，於是入去食個lunch.手打牛丸湯米 - 牛丸咬落好彈牙，有牛肉鮮味，比大棚檔牛丸正好多。