太興 (健威坊)

係咁既，我就係太興app度order咗杯熱奶茶,今次已經唔係第一次order，其實我已經order過好多次，但係每次我過嚟拎嗰陣大部份時候都冇人會同我講你好同多謝，你哋對住嗰啲堂食客或者喺嗰度俾錢嘅客就會好好禮貌，咁樣雙重標準係唔得嘅，我都係幫襯緊你哋只係我係用太興app，我之前有喺電話同職員講過，有一兩日職員係會講多謝，但係其實個多謝可以更加誠懇，聽得出唔係真係想同我講，因為個語氣係非常之低沉，同不屑（某職員）（唔開姓別喇），我知你地忙，但係做好d其實顧客會開心d,同埋杯奶茶可以再穩定d就好喇，而家一時好好飲奶會多d,但一時就冇咁多奶冇咁滑，再改善下啦…查看更多

公司在這間太興茶餐廳附近，所以已經幫襯多年。這間太興除了食物質素ok，奶茶也好飲（個人覺得係全港茶餐廳最好飲既奶茶），更重要的是女員工的服務態度超好又親切， 真的超出一般茶餐廳服務的好，令我對太興大大改觀，也是我一直以來常常想到要去食lunch既地方！希望太興能好好珍惜這班好員工，要找到這樣用心工作的人不容易👍🏻👍🏻食物方面推薦：乾炒牛河、咖哩牛腩飯、豬扒煎雙蛋👎🏻不推薦燒味飯，味道一般般…查看更多

本身係這裏附近街坊，因為之前因為疫情很少外出食飯，因為已經好耐冇嚟食所以今晚特登入去食!今晚叫咗兩個時令推介！一個係豉汁涼瓜火腩配白飯另外一個係枝竹豆腐火腩配白飯，餐湯轉飲白肺湯！豬肚湯湯絕對夠足料夠味…..。但係啲小菜就貨不對辦豬皮多過豆腐火腩！仲有啲燒肉唔夠熱！一半豬肉是肥肉！比我喺出邊嗌兩餸飯仲差😡😡😡😡😡非常之失望！冇下次！奶茶還可以接受！已經向經理反映！但佢完全冇反應！現在啲服務態度太差到唔知道係咪啲員工想倒老闆米！…查看更多

今日又係我銅鑼灣食神微服出巡去到北角健威附近，好難得可以寫負評！首先講吓附近泊車都幾煩，最好泊建威商場！泊街短都可以嘅小心啲！唔係講笑！嚟到個叉燒，黑過包青天！我同姐姐反應姐姐好有禮貌同我即刻換，可惜只係切少少黑炭俾返我。咁唔緊要嘅我作為銅鑼灣食神我只會喺OpenRice公布佢。整體服務姐姐水平非常好！非常繁忙亦保持一貫服務水平！出品真係爭少少🤏，要努力！唔怪得咁多年上埋市，米芝蓮都冇星！午餐唔爆有原因叫阿叉燒炳留意吓！…查看更多

我今日叫咗外賣，個經驗非常差。首先，我哋叫咗叉燒切雞飯，你哋俾咗叉燒燒鵝飯。然後個飯係凍嘅。第二，杏汁豬肺湯同兩杯凍奶茶擺埋一齊，究竟有冇常識？仲要擺到好似打風咁，奶茶流到一袋都係。第三，另外叫咗一客菜心，剩係得六條，蝦消費者唔知價？下次可以用個細啲嘅盒，可以環保啲。食物資素比以前差咗好多，同自身市場定位爭好遠。收得貴唔緊要，但係質素差到咁，一定唔番轉頭。已經同佢客戶服務講咗，唔知會唔會直接唔覆呢？…查看更多

今日下午去咗北角太興（健威坊）食飯，一坐低個男侍應好無禮貌地啪一聲將隻杯啪落桌上，即時火大同呢個男侍應炒起上嚟，後尾知道呢個男侍應原來係經理。唔明點解經理級嘅服務態度都可以咁差劣。…查看更多

食物水平一般。性價比不高，份量偏少，吃完肚子仍是空空的感覺。最令人反感的是服務態度。一位個子魁梧及沒有穿職員制服的男職員 (可能是經理，名牌好像顯示姓鄭、及名字下有2個小字) ，對客人點餐時提出的問題，非常 Hea地 回答，語氣惡劣及態度不耐煩，客人表示不滿的一句，他也很不滿地回應多多多…句！在著名連鎖食店工作的管理級員工，今時今日竟然如此招待客人，真是………！！！！！無話可說！！！一定會把這太興下架，甚至全線太興下架。…查看更多

本人是太興北角分店的長期顧客，覺得所賣的食物很合口味，特別是馳名的燒腩，現在疫情關係多買了外賣，外賣食物中比較喜歡吃此店的鹹魚雞粒炒飯，初時覺得很好吃，所以多次重食，但最近買同一款飯發覺味道大不如前，鹹魚粒越來越少，用鹹魚醬搭夠，到今晚再食竟然一粒鹹魚也沒有，就連鹹魚醬的味道也欠奉，不知道是缺乏鹹魚食材還是有其他原因！此店的鹹魚雞粒炒飯價錢其實不便宜，一盒飯加一杯飲品賣$63，不應該有這樣的水準👎👎👎👎👎…查看更多

今天是平安夜，和Honey到北角活動。午飯就在附近隨便吃，想吃燒味飯，就想到太興。正值冬季才有臘腸飯，所以我叫臘腸燒肉飯 。($68)臘腸甜口不肥膩，實實地，幾好味。燒肉就好正，皮脆，不肥。看似白烚的肉，但有燒肉的鹹香甘香。但飯就一般，太稔，無飯味。Honey叫三文魚蟹子炒飯。($65)同樣，飯是敗筆！其實材料豐富的，但是飯太稔太鬆，完全沒有炒飯一粒粒炒得爽的香口感。另外，我叫咸桔水……真的只有鹹！我只喝了兩口，太鹹了，好似飲鹹水一樣。但奶茶就好正。平安夜午餐，不過不失啦。…查看更多

太興作為經營左咁耐嘅港式茶餐廳故知然係一個好勁嘅創舉，佢嘅奶茶更加係香港人都一定要試吓飲嘅一個產品所以佢哋嘅營銷都做得幾成功而且每個月都有唔少住家餸嘅特色同埋有幾個唔同嘅選擇可以揀確係俘虜唔少一家大細嘅家庭出去食飯嘅好地方但味到我我就覺得以前在經典啲同埋有feel啲可能係因為而家乜都講求快就忽略咗質素晚餐今次要左青衣魚柳煲同埋粉絲蝦煲兩個煲都做得唔太差， 首先要講吓青衣魚樓布其實與的確做得幾好同埋果汁都幾好味但居然會連續食到兩次與入邊有大骨而呢一點係我咁耐以來都冇試過雖然唔知係咪巧合但基於呢一個咁surprise嘅情況之下係打咗少少折扣至於粉絲下步就只係得大約三隻蝦，粉絲嘅份量就比較多而且偏向乾身都係唔錯嘅味道不過食到底就會有好多薑粒同埋蒜蓉就比較好難飄走如果係介意嘅朋友就可能食到尾就會停手咁就似乎有啲可惜雖然整體都算唔錯但都係缺乏左本土嘅味道…查看更多

疫情下呢輪冇得出街食飯，晚晚煮飯煮到冇曬靈感。好在太興有紅燒元蹄，豆豉軟骨鴨同豆瓣魚，幾十蚊份外賣唔使煩。今晚試左$58嘅元蹄，好入味又夠冧身，大大份一家4口都夠食；下㳄一定要試埋其他兩款😜…查看更多

太興一向俾人乾淨衛生嘅印象，今早8:00嚟到，食客唔多，啲侍應儀容整潔，有禮貌。我揀咗個雞扒香草腸跟多士早餐，塊雞扒都OK，不過啲黑椒汁就比較濃和稠；老公就揀咗番茄雞蛋三文治，可惜隻碟啲水都未抹乾，整濕埋塊包。衣家太興禮券買$100送$15即係85折都算抵食。…查看更多

太興同翠華依家係兩間最大嘅茶餐廳所以比較起上嚟就會一目了然早餐通常就會貪方便去太興食但係開始覺得水準有所下降早似今日食嘅雞扒香草腸仔配牛油多士份量其實唔大就算食晒都未必感覺到飽嘢飲就凍飲加$3凍奶茶一直都係佢哋嘅招牌飲品但係比較起上黎就好似一般般雖然茶依然濃郁但係奶味似乎幫唔到杯奶茶提升另外一個層次總括咁樣計就已經差唔多食咗$40對比起其他茶餐廳都係呢個價錢太興似乎係買個名多少少但係作為一間香港地道嘅茶餐廳都仲有佢可取之處嘅…查看更多

各位好，我估吾到我的第一篇的食評竟然被左呢間太興。。。令我一次難忘的中伏回憶。。。事原是我家人買左太興卷仲有二日到期。。。我家人一直催我去用左佢。吾好浪費。。。其實我都好耐無去太興。。。我心目中只有燒腩骨好食。。。一般我都是外賣回家。。。不過很反二日。。。又用吾完就只好自己一条友去嘆它的燒味。。。我去到店燒腩骨賣曬得反沙梨篤。算。唯有叫燒鵝脾。。。哇。。。我一看個餐牌(滿燻)燒鵝。。。我心入面都打個突呢間野吾通學人地近期週圍開分店的褀Gor燒鵝做煙燻。。。我本人好中意燒鵝唯獨是不喜歡煙燻，食完個口一陣怪味又食吾到原先的鵝香完全遮蓋原本的味道同个皮被煙燻完。我都感覺吾脆。。。難食到爆的。。。好嗱。食完隻脾。我见有卷用，咁吾好食就想叫碟其它。。。叫碟例牌义燒油雞諗住吾會出事。。。哇。。。原來呢碟先至中伏。。。一次不能磨滅的傷痛。。。碟野要70大元。。。來左的义燒又瘦又干又深淤色。。。我的半肥瘦呢？去左邊？乜义燒可以咁深色？隔左幾多日的浸左幾耐D肉實的沒彈性。死肉咁。D义燒吾係應該橙紅色有密糖在表面亮立立。。。我一見到鬼都吾會去舔啦。。。真是想爆粗。。。另一邊油雞。。。我XXX呀。。。排左二行的雞一行是比雞胸下一行是背脊位雞屁股。。。哇。。。呀師傅乜咁玩我呀。。。翼呀，脾肉呀，鎚呀。。。一嚿都無。。。大佬呀你賣70大元一碟。。。有5嚿系無肉食既D皮又吾爽滑玩我咩。。。跟住激到爆见到隔離台一碟油雞飯斬左一隻全翼。。。我XYZ。。。看來我真是黑仔。。。咁搞法叫我以後吾洗幫襯啫。。。所以我本身是一個好中意食好懶既人都要特登上來用好激氣的心情注册會員寫下我的第一次。。。…查看更多

今天我剛剛經過忙碌的一天在放工時一個人周圍找嘢吃，並帶著飢寒交迫的身體，後走到太興門口.....之前幾次在這里吃過早餐及午餐感覺都不錯👍🏻，上一次吃蒸魚，今次再一次吃蒸魚🐟，吃完叫我感到十分滿足及感到人世間幸福快樂其實可以很簡單，鯰魚蒸到剛剛好，可以吃幾碗飯，希望在這個平台向大廚師講聲多謝🙏🏻整了美味的一餐！可以感受到這個廚師👩‍🍳用心去做的，地方也是十乾淨，對面間茶餐相比較之下更加覺得這一間好吃！…查看更多