太子粉麵

第一次幫襯，比想像中好，味道不太咸，外賣係白飯一盒，另外牛脷牛雜膠碗分開裝，牛脷牛雜份量足，有附生菜👍🏿，$56 連熱飲我覺得很好，希望水準保持，下次再影食前相片，今次都係越食越對對所以想比個食評支持下❤️…查看更多

下午諗住輕食，到附近街市裡那間粉麵鋪，叫左牛腩粗，賣相尚可，牛腩都算有咬口，牛肉味濃，唯一份量較少，粗麵底不會有太鹼水味。見有自家醃製蘿蔔配菜提供，與粉麵非常夾，只是擔心衛生問題😅$43有凍飲合理價😋…查看更多

輕鬆食晏，去到太子粉麵鋪，食個公仔麵送鋼絲，店員叫兩三次都係唔理人啦，大叫一句你碗麵有鋼絲喎，先過嚟處理，店員講句唔好意思！搞掂曬！一定係會再黎食架啦，香港飲食業世界第一啦！…查看更多

6/23/2023 黃雨，剛剛下車回到富泰邨。因為落大雨，又有點肚餓，又不想吃太飽，所以就入咗呢間在街市裏面的牛雜加茶餐廳形式的舖頭，諗住坐低食嘢。感覺不太衛生，但是諗住快快食完就走。又不想行太遠，所以就繼續坐低。因為不想吃太飽，我落order時就話想要兩個小時+1個油菜。 個阿姐之後話唔拉粉麵，冇得嗌油菜。跟住我說我嗌多兩件豬扒 ，都60幾蚊，不可以嗎？現在又不是繁忙時間，佢直接了當地同我說，唔得一定要嗌粉面，麻煩你離開厲害，街邊檔污糟邋遢，有啲咁嘅規矩我臨走沒有很大聲地問他60幾蚊啦，咁都講我走，佢就好似話同我講多都嘥氣嘅態度。我唯有離開，去附近一間飯堂，叫了一個菜，豬扒反蛋飯走飯，凍齋啡走甜 才$53 蚊 有嘢飲以後都不會再幫襯嗰間太子粉面，神經病，污糟冇禮貌，究竟發生了什麼事？…查看更多

富泰簡單食唔錯嘅選擇碟頭飯分開上，份量足，味道唔差肉質唔韌幾好麻辣雞做法比一般口水雞好，因為唔會太多辣油墊底嘅菜新鮮好味牛什份量好多，味道幾好但略鹹紫菜湯好鹹，落鹽輕手點會更好整體黎講都係唔錯嘅選擇…查看更多

呢間餐廳開喺富泰街市，已經食咗幾次。雖然幾次都係外賣，但係就咁睇，入面環境都算正正常常。▪️牛丸麵👍🏻鹼水麵好食，麵質彈牙。牛丸份量算多，大大粒有五粒，而且好彈牙，入面仲爆汁添！😋如果鍾意食辣嘅朋友仔記得同佢講，佢會比包辣油你，加咗仲好食添啊，呢間前前後後都食咗五 六次，30幾蚊都算接受到😄👍🏻…查看更多

以往午飯以都在富泰商場找連鎖餐廳用膳, 這天忽然想吃點平淡的食物, 就來地下街市的麵店。店舖位置於巴士總站內推一扇門即可到達, 街市內沒太大異味, 不會影響食慾。以往都有到來進餐, 這次也同樣地點了雲吞麵配油菜。餐牌內容有點複雜, 不是每款麵食都可以送飲品, 可向店員先行請教。油菜選了通菜, 上枱時醬和菜分開地在上, 而且觀感整潔, 份量也不少, 以麵店而言有點驚訝。不過油菜不屬於套餐內, 需要單點, 所以價錢要再作參考。雲吞麵的湯底比較濃味, 適合加大量醋或辣醬去調味麵底咬口足夠, 但也只是僅合格的質素。雲吞味道算是不錯, 也沒有突出的驚喜。整餐加飲品$47, 以價錢而言不算太實惠, 個人而言希望油菜可以用廉宜的價錢加配, 畢竟屋邨餐廳也需要有更便宜的選擇。…查看更多

我食牛腩麵平時堂食正常d..今日外賣拎返屋企成碗肥糕根本肥糕麵一碗喂，漉麵師父，堂食外賣都有俾錢架！亦係呢個原因，我特登開acc寫食評我亦永遠唔會再幫襯呢間野！…查看更多