39
0
1
港鐵旺角站 D2 出口, 步行約3分鐘 繼續閱讀
電話號碼
31011528
開飯介紹
價錢經濟實惠的麻辣海鮮火鍋,有多款火鍋配料選擇,推介蟹籽墨汁墨魚滑。 繼續閱讀
營業時間
今日營業
17:00 - 23:45
00:00 - 03:00
星期一至日
17:00 - 23:45
00:00 - 03:00
公眾假期
17:00 - 23:45
00:00 - 03:00
公眾假期前夕
17:00 - 23:45
00:00 - 03:00
付款方式
現金 支付寶 微信支付 AlipayHK
座位數目
46
其他資料
網上訂座
Wi-Fi
深夜營業
酒精飲品
泊車
電話訂座
賞訂座積分
外賣服務
加一服務費
室外座位
電視播放
當面支付
有關獎賞計劃
招牌菜
川味燒烤 麻辣海鮮雞煲 椰子雞 川弓白芷魚頭窩 紫菜響玲 黃金炸魚皮
食評 (45)
等級4 2018-10-29
289 瀏覽
喺先達買完嘢~諗緊食乜時~行行吓經過呢間天龍火鍋~聽到店員話有優惠~又諗唔到食咩~又未試過~又有優惠~所以就入咗去食喇~入到去店員安排我哋坐喺冷氣下~唔洗我哋咁熱又坐正喺電視機前面~唔洗驚聽唔到電視講乜我哋叫咗麻辣海鮮雞煲~半隻師傅喺廚房整嗰時已經聞到好香~即刻好肚餓都幾多雞,蜆同蝦喎~其實都已經煮熟晒~店員話攪勻就食得啲雞好入味,舊舊都係肉,搵唔到啲頸,骨嗰啲~蜆都好大隻~不過我哋急住食~佢未吸得切啲汁話咁快就清咗個海鮮雞煲~跟住就加啲湯落去打邊爐喇~第一時間就緊係試吓呢個~手切安格斯牛肉好有牛味~好好味~168有咁多,好抵食仲叫咗蟹子墨汁墨魚滑,水魷,炸響鈴同即炸魚皮墨魚滑裏面充滿一粒粒墨魚肉,仲要大大粒水魷好爽口~不過會縮水炸響鈴係即炸嘅~裏面加係紫菜~非常大舊~響鈴有小小紫菜味~就咁食已經好好味~仲有炸魚皮都係即炸~熱辣辣嘅魚皮你食過未個人建議即炸嗰啲就即刻就咁食其實食雞煲半隻再加埋呢幾樣嘢~2個人飽到咩咁~朋友話雞煲小辣可以接受~下次挑戰中辣 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-25
1094 瀏覽
前幾日塔車經過見到旺角又有間新開火鍋店, 一於今日黎試新野店鋪係鬧市當中, 非常易搵..門面好光猛, 地方乾淨整潔...店內裝修四正, 有2人, 4人同多人圓枱..睇睇點餐紙先.....基本既打邊爐配料都有齊!!價錢經濟實惠...另外店員向我地推介干鍋, 好似都幾吸引..不過今次揀打邊爐先, 下次先再試干鍋湯底叫左芫茜皮蛋, 清清地冇咁熱氣呢個湯鍋好靚呀!! 係心型黎, 有大心小心, 好特別!!先黎碟火鍋必食美國肥牛....一舊舊卷上, 賣相吸引蟹籽墨汁墨魚滑呢個係要重點推介架!!! 超正!!墨魚滑有粒粒墨魚, 口感爽口彈牙, 必食呢豆苗好新鮮, 份量都幾多最後當然要食返個公仔麵同烏冬啦...食盡湯底既精華嘛, 嘻嘻2人食左唔洗$400, 都算貼地丫 繼續閱讀
(以上食評乃用戶個人意見 , 並不代表OpenRice之觀點。)
清明時節, 有一個假期, 就約了肥膏去旺角逛逛! 陪了他由現時點行到皆旺, 真的用了一整天的時間, 行了多個賣玩具的地方。腳都有點累了, 所以就找個地方去休息一下。走著走著就發現有一家新開的打邊爐。因為是新開, 店面很亮很乾淨。而且老闆娘在門外介紹, 盛意拳拳, 所以就走了入去。我們來到的時間是五點半左右, 所以當時沒什麼客人, 不過一到六點就有很多人擁進來!幸好因為行得太攰想找個地方休息, 早到! 要不然可能要等位喔!以打邊爐的地方來說, 店內真的很乾淨! 而且又有一部大電視, 食野之餘又不會覺得無聊。點餐已經要用PAD了? 不用點餐紙也好, 環保! (價錢單位是人民幣, 是因為程式的關係, 收港幣的, 放心。)鴛鴦湯 老闆娘推薦他們家的麻辣, 真的沒有錯, 是真的很香, 我們點了小辣, 所以沒有到很辣, 下次點中辣試一試。清湯有很多菜, 用料十足, 而且還有豆腐! 幸好我沒有點豆腐, 要不然就吃不了。魚籽包心丸平常打邊爐我都喜歡吃大路野, 當然這次也不例外。我們叫的蟹籽丸好味, 浸了麻辣湯立即變惹味。辣椒牛丸帶有一點點的辣, 不用點鼓油都好好味!蟹子墨汁墨魚滑這個很特別, 我們沒有在別的地方吃過。是用墨汁撈墨魚滑, 另外又有馬蹄及墨魚粒。熟了的口感, 不是彈牙, 墨魚滑是像在吃綿花糖, 但又有一粒粒的爽脆。肥牛這個反而一般, 因為個人覺得有點過肥。不過我家肥膏就覺得不錯。每個人有每個人的口味吧。沙爆魚肚肥膏點的, 他很喜歡。蟹柳又是肥膏點的, 這個蟹柳我也喜歡。他不會一淥就散, 淥了一會兒還是有咬口, 又帶點甜, 好味。皮蛋這個很難不好吃吧! 真心好味! 個人喜歡他們家的麻辣湯底, 淥咩落去都好入味。就連剛入店內的食客一聞到都說很香。埋單的時候, 老闆娘說遲下會有小炒, 也給我們看了她設計的餐廳卡片。老闆娘真的很好客, 當天幫我們落單的店員姐姐也很幫忙!  繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-06
234 瀏覽
有日打完波係先達附近落車之後見到呢間招牌好搶眼既火鍋店...佢係位於旺角先達廣場附近(近火車站方向)佢地既點餐紙:佢地有一d幾特別既配菜(爽口花膠雲吞、即包花膠蟹粉蝦餃皇、爆炸薑汁皮蛋貢丸、長崎蛋糕魚蛋、魚蛋皮小籠包等)老闆娘好熱心推介佢地左四川麻辣湯底同埋特濃沙嗲湯底俾我哋(之後見到有其他客人食雞煲!超香,搞到我都好想食😭😭😭)左:四川麻辣湯底(好香好夠辣,味道同係深圳食既麻辣火鍋一樣味!)而右邊特濃沙爹湯底,佢真係比平時一般既其他火鍋店既湯底濃郁好多!!手切安格斯牛肉 $168因為佢切牛肉嗰個位係開放既,所以見到佢真係即切😂😂😭牛肉切得幾均勻,牛味好重,好香,好食!👍🏻👍🏻👍🏻👍🏻左邊: 原粒帶子水餃 $48/4隻右邊: 即包花膠蟹粉蝦餃皇 $28/隻老闆娘話佢地呢度既水餃🥟既材料係自己調味,全部新鮮包既。真心話!佢地既料好多,而是蝦亦非常爽口!👍🏻👍🏻👍🏻👍🏻👍🏻下圖係即包花膠蟹粉蝦餃皇:真材實料! 雖然花膠佢係切到細細粒,但係份量都唔少!你們咬每啖嘅時候都會feel到花膠嘅存在👏🏻👏🏻👏🏻游水龍躉片 $158平時打邊爐鍾意食魚腩,但係今次見到佢呢度有游水龍躉片之後就想試一試🙊🙊原來佢係成條咁上😂😂😂味道幾好 新鮮的👍🏻因為佢哋嘅鋪頭新開,所以老闆娘都過嚟問下我哋嘅意見、食物質素...佢哋嘅食物質素都好好!而且令我最印象深刻就係佢嘅麻辣湯底!真心好正👍🏻👍🏻👍🏻👍🏻👍🏻👍🏻👍🏻打邊爐真係一個打完波之後嘅好選擇😆😆😆 繼續閱讀
(以上食評乃用戶個人意見 , 並不代表OpenRice之觀點。)
等級1 2019-02-03
54 瀏覽
春節前,嚟同朋友食雞煲大餐。加入二窩頭烹調,熊熊烈火逼出雞嘅鮮味。我們二人ko了一隻雞,好滿足!前菜也十分美味,脆炒花生和辣蘿蔔,配上青島啤酒,實在是絕配!店內環境寬敞,服務員樣貌娟好,實在是色香味俱全!哲古華拉的檯布,極有品味,適合文青聚會!其他食材,如時蔬,分量十足,配上濃郁湯底,perfect match!訂檯十分方便,特定時段有七五折,十分吸引。We will visit here again and again and again! 繼續閱讀
(以上食評乃用戶個人意見 , 並不代表OpenRice之觀點。)