天香樓

營業中

休息中

先唔講價錢同碟頭大細唔成正比，一坐低拎杯茶俾你，啫係茶餐廳個類玻璃杯，加埋唔知有無十條龍井茶葉，佢收幾錢呀！係80蚊！餐牌無寫！我知我有責任享用之前問，但甘做生意法實太過份。好啦點左四樣嘢，我地得兩個人，問你寫唔寫蟹黃翅，無叫啦，都唔係大閘蟹季節；跟住再問下食唔食蟹黃麵。呢d餐牌都無顯示，枉論價錢！一問之下係700幾蚊一碗！好似最平碟家常豆要$220加埋一，隻碟兩隻手掌甘上下大，仲要係得鋪面甘多。更唔好講裝埋唔知夠唔夠一個啫喱杯收你連加一$430但無味嘅龍井蝦仁。

昨天老細請客，他選了這間餐廳，是星期一晚，全晚只有我們一枱，一共四人，老細及同事負責點菜埋單8千大元，最貴是沒有標價的蟹粉粉絲2千元，即使是老細請客，大家睇到張單都嚇親。

同老公星期五晚拍拖諗住食大閘蟹所以book咗呢間餐廳，聽朋友介紹。預先電話book咗兩位，侍應喺電話說最低消費每人$700。我諗住出得街食大閘蟹都一定超過呢個數喇所以book咗。去到坐低同侍應講想食大閘蟹，佢話好呀，而家啱季節。佢即刻拎兩隻嚟俾我哋睇吓。拎到嚟係兩隻大概五兩左右嘅蟹，綁住咗但都睇到唔係好生猛咁。問佢幾錢，佢話抵呀，淨係需要每隻$1400。我即場哇咗一聲，跟住我哋再望一望餐牌冇乜其他嘢想食就決定即刻走啦，跟住侍應同我哋講因為book咗枱佢斟咗茶，所以我哋要每人放低$80先走得。之前完全冇講過有呢個條款，成件事感覺好呃人，不過我哋都照俾費事date night同人嘈啦。Am I missing something about inflation in Hong Kong or is there something weird going on? We felt very uncomfortable there.

今晚同啲朋友去左尖沙咀嘅天香樓食飯，啲菜式係江浙菜，真係好正啊！其中最令我印象深刻嘅菜式就係佢哋嘅大閘蟹同埋龍井蝦仁，好新鮮，味道鮮甜，加埋啲蟹粉翅，真係太好味啦！除咗呢啲招牌菜之外，啲小食同埋湯水亦都唔錯，例如鮮蝦腸粉、蒜蓉白肉、餃子同埋酒釀丸子，都好好味，啱啱好啦！啲飲品都幾豐富，有冰嘅釀啤酒、嘅士多啤梨冰沙同埋啤酒加嘅梅子汁，啲酒釀丸子嘅蜜汁味道好好味，令我回味無窮！至於餐廳環境，佢哋嘅裝修好中國風，好有味道，啲服務員好有禮貌，好細心，令人感受到好溫馨同埋舒適嘅用餐環境。而且啲價錢都好實惠，非常物超所值。

最特別之處係貴得嚟無特別（可能我食唔出藝術成份啦）唔明點解要用咁嘅價錢食同出面中餐館差不多的食物，哩個價錢出面食中高級西餐會開心啲，雖然同幾個老細食但真心永不幫襯永不推介………………………………………………………………………………

個女掌櫃非常冇禮貌。我坐低，攞個電話嚟check野，走埋嚟叫我唔好影佢哋個餐牌。我冇影佢哋個餐牌。為什麼要影佢哋嘅餐牌？事實上，佢哋個餐牌喺Social Media已經燈晒出嚟啦！我同佢講，我唔係影緊你個餐牌，我攞個電話嚟check啲嘢。佢冇道歉，完全不懂得尊重客人。嗰一刻，我已經谷氣。但係朋友食飯，費事掃興。其實個個都覺得佢好冇禮貌。食物一般，蟹粉翅上枱嗰陣時已經凍冰冰。成間餐廳得兩枱人。但係不斷催促我哋食快啲。不停為我哋分碟上的餸。其他所謂出名小菜，唔錯，不過普普通通。

啲人成日都話垃圾食物即係薯片呀、炸雞呀、薯條呀、朱古力等等既零食，今日喺天香樓食完之後我真正領悟到乜嘢叫做垃圾食物！我成日都話有期望就會有失望，其實唔係想對呢一間餐廳有期望，只係見到大家話呢間係老字號又講到「名不虛傳」咁，所以就一心黎試吓。正正因為佢係老字號收嘅價錢亦都唔平，所以當然對佢有期望啦，點知一嚟到見到個環境就已經有啲失望（千祈唔好行去廁所添呀！由行出去廁所條路再去到廁所，我驚大家會嘔🤮🤢淨係見到好多叔叔坐喺度仲有無限咁多廚餘垃圾周圍擺😵‍💫🤮）既然佢哋咁出名食蟹粉，當然要試吓佢嘅蟹粉翅同埋蟹粉麵啦，每碗收費差唔多$500，今晚我地兩個人食，每樣兩碗，已經係$2000，但係我成日覺得如果係好食嘅話抵比！真心講佢哋嘅蟹粉係唔差嘅，只係有啲偏鹹同埋好漏。之後就係龍井蝦仁，聲稱係佢哋另一樣好出名嘅餸，但係味道非常普通。仲有一個醉蟹，即係用油浸生既蟹，味道都還好，$500一細隻，但係我覺得食韓式醬油蟹好食好多！再黎一個炸子雞，又咸又乾，完全唔係平時食開酒樓嗰啲炸子雞，一啲雞味都冇，只係辣子雞，不過冇辣椒。豆苗係最普通既菜，所以係普通。呢一餐埋單$4360，即係人頭$2180，呢個價錢，

見依家係大閘蟹季節就嚟左天香樓試吓。一入門口就聞到一陣臭味🤢！估計係門口張紅色地氈散發出黎，陣味好似喺街市啲魚檔/肉檔個種臭味。好彩我哋張四人枱坐得夠遠先聞唔到。之後點餐，男侍應服務態度唔係非一般嘅冇禮貌，而係非常臭寸。嫌我地四個女仔叫得少，又俾說話我哋聽。問題係飯店嘅餐牌有大概1/3嘅食物都無得order， 因為原來餐牌上嘅食物冇寫價錢就無。侍應亦都冇預先同我哋講… 😅 準備食耶個陣，朋友發現隻羹有啲污糟嘢，想要個隻新，個侍應一手攞左隻羹，淨係大大聲唔耐煩咁講「換俾佢！」只可以話係衛生同服務態度真係仲有好大嘅進步空間。食物水準不過不失，偏油。大閘蟹都算唔錯。但係我要再三強調係衛生方面，我有啲擔心😳碟清炒蝦仁出現左一條類似體毛嘅物體，我哋同女侍應講，佢用咗個比較hea 嘅理由—— 「煮個陣係個鑊到甩出嚟…」估計應該無諗住要換俾我哋。當我哋要求換個陣，女侍應黑面，前提係我地一梗都未食過🙄。最後埋單食左$4xxx ，食到一肚氣，飽左！

Basically expensive.restaurant staffs Recommend expensive dishes first, when ordered not so expensive ( but expensive enough!) not good reply. Taste is not bad, good enough to enjoy.For final meals, No rices no fried noodles. Just for try for next group dinning but honestly Maybe no.

天姿國色永恆美香城老街活歷程樓門內涵真文化廚藝精華耀古今店內裝修平實，並充滿着文化色彩，名家中國字畫比比皆是，木雕陳設和食用餐具也十分有舊時代手工藝的精髓和特徵蟹黃長壽伊麵：麵質煙韌並略為厚身，有着七八十年代伊麵的口感。而每碗麵都分享到三大匙濃郁蟹肉味的蟹黃醬。負責人話醬汁略帶蟹腥味，其實是每天生拆新鮮膏蟹的回報， 如果經過雪藏或急凍就不會有腥味的。蜜汁火方：中式火腿十分硬，但廚師用手藝和心思，將我的思維顛覆了，做出別樹一款的菜式。厚度約半吋的火腿做出了甘香、鹹香、甜香、油脂香共處配合，嘆為觀止油泡田雞腿：新鮮田雞配着炸香的雪裏紅，正！油爆黃鱔肚：肥美肉厚。八寶飯酒釀丸子溫馨提示：一定要訂枱，要幾星期之前呀！

上一次到天香樓已是四年前了。位於尖沙咀繁華地段也易找，一直沒有再光顧的原因，仔細一想，或許是這傳統端莊的氛圍總覺得要有點儀式感的日子才來。多年未變的桌椅擺設和四周的字畫，籠罩在明黃色的燈光之中，年代感撲面而來。前菜點了馬蘭頭、素鵝片和海蜇頭，味道偏清淡，倒也容易入口。龍井蝦仁茶香沁人，清甜入味，蝦肉十分新鮮可口。鱔魚菜肴雖然是本幫菜的特色之一，但因餐廳水準參差不齊而鮮少嘗試。這裏的鱔塊裹輕薄的面衣酥炸，再淋上酸甜口的芡汁，口感和味道上的層次立刻顯現了出來。11月中旬，吃蟹的季節臨近尾聲。蟹粉翅的呈現並沒有達到預期，勾芡偏多，稀釋了原本兩種精美食材的鮮味。清炒蟹粉倒還是鮮香十足，拌面勁道有味。只不過凡是蟹粉菜肴都比其它店家的口感要稀，不知道是不是本店的獨特做法。這次還嘗試了煙熏黃魚，柔軟的魚肉夾帶著絲絲縷縷的炭燒氣，余味悠長。天香樓算是本地十分老牌、歷史悠久的餐館之一了，其傳統風味或許是食客長年累月來追尋的原因。然而綜合食物價格、硬件設施及用餐體驗，不得不說這餐飯的性價比在原本期待的水平以下。許多老牌的餐館經歷了時間洗禮，在保存傳統根基的同時，也在與時俱進，以提供給食客更好的用餐體驗。傳

天香樓這是一間有故事的餐廳：🥢《花樣年華》裏，蘇麗珍的老闆約太太去天香樓。🥢蔡瀾的說天香樓是天下第一的杭洲菜，包捨杭洲本地。🥢天香樓的牌匾就是張大千的墨寶。🥢陽澄湖最好的大閘蟹，都會先送給天香樓挑選。🥢夥計「小寧波」兌酒的手藝，出神入化。作為大閘蟹重度成癮者，能去天香樓，簡直開心死了。點的菜全都好吃，以下是我心中的排名：1️⃣第一名，蟹粉撈麵一大碟金燦燦的蟹粉當着我面倒進麵中。筷子一攪，每條富彈性的粗麵，麵本來都有沾點豬油，沾滿鮮甜濃厚的蟹粉和蟹膏，鮮甜至極，若太濟，亦可沾點蟹醋。吃了一口，半天說不出一句話。2️⃣第二名，蟹粉炒蝦仁也是用蟹粉伴蝦仁，蝦用的是河蝦，以河蝦來說算大，鮮味必然不如海蝦，味道全因蟹粉。所以若已叫蟹粉撈麵，大可不必，倒不如叫一個龍井蝦仁3️⃣第三名，東坡肉家傳戶曉的菜式，卻是少見好食的。肉三層，肥中瘦，看落層次分明，入口三者融為一體，淋中帶點煙韌，肉味散佈口腔，肥而不膩。用東坡肉的汁送飯可以食三大碗。4️⃣第四名，生爆鱔背只取鱔背而不用肚，因膳背的肉最為肥美，一條骨也沒有，裹漿薄脆，配上酸甜醬汁，汁也沒有蓋過鱔味真的是功夫菜。要不是我素來不大愛魚，應該可以排第二。P.S. 飯後

I know hairy crab season is probably over so my post is kinda late, but I need to document this experience of 天香樓, where I’ve heard my uncles claiming to be the place that serves the best hairy crab noodles (in Hong Kong cuz we can’t travel). Btw that’s a hint that the place is old, cuz u know, uncles. There's not that many tables, it feels like a private secluded place and the staff, contrary to rumours I heard, were very nice. Knowing that I’m carrying high expectations even before the meal st

呢間屹立左多年既餐廳，一定有原因既。不過在我而言就唔係太識欣賞。聽說人均最低消費要HKD700. ⚫️醉乳鴿味道ok⚫️水晶肉⚫️龍井蝦仁呢個係幾好食⚫️炸田雞髀朋友話幾嫩滑，同埋都幾大隻⚫️蟹粉麵蟹粉係好食既整體黎講，好好食又算上不，但呢個價錢就可以有更好既選擇。

一入門口坐下，純粹問吓侍應有冇大閘蟹，女侍應即拎幾隻出嚟，話八兩半出面冇架，1500蚊一隻。 我同朋友，兩個細食的女仔,；只想輕輕地食個午餐, 就問佢 ：有冇細隻啲嘅蟹？招呼我哋那位小姐即答 ：冇！咁我哋禮貌地話唔使喇，佢即睇你唔起白鴿眼，轉身走開。佢叫另一個中年阿叔嚟招呼我哋。咁我哋就叫個前菜（海蜇），再叫一個餸（松子魚），之後諗住炒碟粉麵；問中年侍應：點解搵唔到粉麵飯嘅？侍應叔叔即用輕佻的態度話：有呀蟹粉炒麵啦！咁我同朋友見又唔想食蟹粉炒麵, 就話咁有冇炒年糕？佢答：餐牌冇, 不過廚房有嘅,百零蚊碟啫！終於我哋叫 炒年糕+松子魚+海蜇，佢竟然話 ：吓？叫咁少？我唯有答佢：我哋平時午餐食沙律㗎都飽, 所以夠㗎喇。D侍應服務態度差到呢...即刻想起劉德華嗰句：今時今日咁嘅服務態度, 係唔得嘅！ 呢間舖頭淨係識一味狂sell你叫貴餸菜，你唔落搭就輕佻對待你。到侍應上菜，就完全明白，點解佢質疑我哋要咁少。因為啲餸菜全部係出面正常size的一半， 但價錢呢，就係出面正常價錢的雙倍以上，完全係貴得不合理。香港人識飲識食，貴嘢邊個未食過，但貴得嚟唔值就係一個問題。嗰一刻諗：如果我係外國遊客, 一