37
9
3
| 餐廳: | 天然齋 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
附加資料
茶芥 8 元
以上資料只供參考, 請與餐廳確認詳情
天然齋嘅位置唔方便，係麻雀館隔離，依家店外搭緊棚。本身對傳統齋舖都冇咩期望，去過後更唔想encore，食物質素同服務有待改善。坐低後有個阿姐可能見我哋睇咗好耐餐牌都諗唔到食咩，佢久唔久會黎推介餐牌上冇嘅菜式，例如七彩小炒皇 (用咗彩椒、雲耳等蔬菜炒成)，因為我哋覺得佢推介嘅菜式都比較普通，係屋企都炒到，所以就冇叫到。我哋叫好哂食物後，同場咁啱有人叫呢款小炒皇，嗰個阿姐臨上菜前又同我哋介紹同展示咗呢款小炒皇嘅樣，我覺得好反感，心諗使唔使咁hard sell。埋單前另一個阿姐問我哋要唔要糖水，因為一般中式齋舖都會係晚市送糖水，例如大自然、維亞軒等等，我以為咁問得呢間都一樣會送糖水，好彩家人係要之前問清楚，原來呢到係冇糖水送，糖水腰果露要$28/ 盅。特色石燒煲仔飯套餐 ($118)咸魚玉餅煲仔飯 (蛋素) + 燉湯 + 小食 (海帶素肉絲)海帶素肉絲類似上海小食，有海帶、豆乾同竹筍，味道好咸。燉湯有香濃嘅菇菌味，材料幾豐富，有猴頭菇、松茸菇、龍眼、山藥、紅蘿蔔、粟米……。咸魚玉餅飯用石窩上，底下可以食到飯焦，玉餅口感比較淋，冇新豬肉整嘅肉餅咁結實，所以應該係用咗素肉漿整成，再加入素咸魚同少量茄子粒。懷舊琵琶豆腐 ($78)正常嘅琵琶豆腐會拌有唔同嘅餡料，例如冬菇、甘荀，有啲甚至會加入素肉漿。但依到嘅琵琶豆腐入面冇咩餡料，只有2粒甘荀，其餘全部都只係豆腐。而且芡汁過多，豆腐嘅皮變淋，似食緊紅燒豆腐多D。心花怒放 (金絲素蝦菜汁蛋 伴南瓜汁) ($78)原本仲以為依碟餸會幾靚同有特色，點知上菜時覺得好失望，餐牌上寫住嘅蒸蛋變咗做蒸豆腐，面頭再放有素蝦、賣相凌亂嘅炸麵同沙律菜。外觀完全唔吸引，底下嘅南瓜汁雖然都有南瓜嘅香味，但質感好似芡汁咁杰。
繼續閱讀
二人晚飯：點了魚香茄子石鍋飯套餐、叉燒刈包、蝦片拼咕嚕肉、甜品係核桃露。石鍋飯上檯時，滾熱辣，好好食。蝦片拼咕嚕肉，蝦片係即炸，脆卜卜，同正常蝦片完全無分別。咕嚕肉應該係菇扮，芡汁剛好包著脆漿，酸甜味道剛剛好。叉燒刈包一定要趁熱食，上檯即食包包好鬆軟，否則個包會變硬，叉燒好好味😋尾中不足，核桃露唔夠香，麗姐廚房整得好食啲。店員服務殷勤，好細心，年紀大d，但好相與。
繼續閱讀
素食餐厅，装修走中国风，门口有一些佛教的书本和塑像，晚餐人不是很多，吃饭聊天舒适，两菜一汤挺划算的。豆腐和菇做的挺有嚼劲：“虾片配草莓骨”，分量适中。适合清淡的饮食。
繼續閱讀
作為素食者的我差不多每天都會去買外賣食有時間亦都會堂食廉美價格 口味不錯三餸飯 外賣40 堂食48性價比高午飯時間 日日排長龍好少見一間素食餐廳會咁多人排隊不過普遍都係買外賣返去公司食質素確實不錯日日食都冇問題菜式10分多選擇下午茶仲有半價添佢個叉燒包幾正可以試吓禮拜日仲會做善事會派番比有需要嘅人如果想做善事 可以去收銀處買飯卷幫下啲公公婆婆 可以開返收據俾你添做善事又可以扣稅 一舉兩得10分推介呢間灣仔素食飯店
繼續閱讀
同事已經兩次提意去天然齋食 Lunch, 第一次推卻, 唔好意思推第二次.入到去終於明白點解佢極力推介食齋, 45蚊兩餸堂食, 外賣更抵只係35蚊!價錢雖然唔係話特別平, 但係身在灣仔, 哩到閒閒地食個 Lunch 都要成60蚊, 重要唔好食! 行去大家樂又老遠, 結果天然齋就成為熱門飯堂, 一入門已經成村人排隊!Lunch 嘅天然齋採用自助形式, 有分兩餸同三餸, 第一次啦嚟幫襯, 試住個兩餸先!點咗豆腐同煎蛋.對於我哩D重口味人士, 眼前嘅兩餸飯好明顯味道較清淡, 豆腐經過油炸但內裡軟滑, 煎蛋未至於老蛋, 但味道真係唔夠, 睇怕我要進入禪宗境界去享受我哩份午餐, 阿彌陀佛.雖然味道同心目中有一段距離, 但價錢實在太吸引, 所以我會再嚟幫襯.
繼續閱讀