天澄閣中菜廳

營業中

休息中

今晚第一次來天澄閣，慶祝父親節，食物質素很高！員工很有禮貌，非常推薦👍紅磡好食的餐廳很多，但這邊裝修高級，食物又好味，重要是價錢也不貴，4人餐我們五人吃，又足夠。特別喜歡冰鎖咕嚕肉

咕嚕肉啊，雖然名聽起來有點古怪，但可別被它的名字嚇倒。這道菜就像它的名字一樣，既古怪又有趣。將冰鎮的酸甜果味和嫩滑的豬肉完美融合，口感爽脆，真是美味中的戰鬥機！夏日炎炎，來一盤冰鎮咕嚕肉，保證讓你大呼過癮！

每一次去幫襯都極度受氣，特別係招待叫Becky嗰個，正一黑面神，幾百元買一個外賣都要受氣，就算投訴都沒有改善。幾百元買一個外賣都要受氣，就算投訴都沒有改善。以後一定唔會再幫襯！！！！！！！

呢間酒樓既點心真係一流！蝦餃透亮，蝦仁新鮮，口感脆口；燒賣肉質鮮嫩，味道恰到好處；春卷外脆內軟，為必試之選！服務態度親切，環境舒適，適合一家大小聚餐。每次來都係滿載而歸，真係值得推薦！下次再帶朋友一齊嚟食！

🥰 “天澄閣” 位於 紅磡 海韻軒 海景酒店 三樓, 位置少少吊腳, 但其實非常方便 “車友”, 餐廳容易訂位, 設泊車優惠, 又多位又易泊.🥢 今日中午嚟食點心, 蟹籽燒賣皇, 懷舊叉燒包, 北菇棉花雞, 醬皇金錢肚 正常發揮, 黑松露鵪鶉蛋芋角 十分出色, 配鵪鶉蛋幾有趣, 黑松露有點畫蛇添足, 鐵鍋生煎包 麻麻地, 多油, 又冇鐵鍋鑊氣, 鳳爪排骨蒸飯 睇落樣衰衰, 但食落唔錯.🤗 餐廳走中檔路線, 服務雖然未達酒店質素, 但樓底高, 地方闊落, 又坐得舒服. 整體食物過關, 可以再試! 

最近天澄閣酒店做左我假日嘆茶點 點心不錯，而且環境舒服開陽🍤蟹籽燒賣皇豬肉鬆化香甜 皮薄彈牙🥟翡翠龍皇餃蝦肉餡爽甜 但皮略厚🧁小心食流沙包熱辣辣小心食好正 咬開包裡面的餡是流質的軟綿香甜，滋味十足，唇齒留香，幸福滿滿🍢涼瓜煎蝦餅涼瓜有清涼甘香，入口味道濃郁，切絲令涼瓜的幽香一陣一陣在口腔徘徊蝦肉新鮮彈牙，鮮味十足🍝雪菜火鴨絲炆米米粉沒有痴埋一團，鑊氣十足，連雪菜同吃好惹味，不過鴨肉略硬🍆燒汁煎釀茄子煎釀茄子索左燒汁味變得甘甜，不過略油

朋友共聚，首選環境舒適！京式片皮鴨：肉質粗、鴨皮好韌。豉油雞：豉油味出色。話梅豬軟骨：唔太覺有話梅咸香味、而豬軟骨唔太軟。紅燒豆腐：不過不失。可惜小蓎菜太生。士耳其無花果咕嚕黑豚肉：黑豚肉炸得脆脆的、每條黑豚肉沾滿無花果甜味。加埋擺盆賣相👍片皮鴨鬆生菜包：材料豐富。可惜味道偏咸。紅酒燴牛尾伴蒜蓉包：樱花蝦醬油炒飯：大大隻櫻花蝦炸得太乾、太硬。可惜！芝麻糊：一般。金箔洛神女花石榴糕：加咗金箔賣相高貴。味道酸甜清香。

話說小編婚禮揀左依間酒店作為晚宴既地點，今日要黎酒店處理婚姻事務，順便飲埋茶試下啲點心。酒店環境舒適座位寛敞，侍應服務態度好，一舉手即刻有人應，小編總共叫左8樣點心，食物質素有驚喜，週末價錢會貴少少，消費指定金額可享免費泊車。————————————♥———————————- - - - - - - - - - - - - - - - - - - - - - - - - - - - -♥️ 煉奶金薯(小食）$62外皮炸得酥脆，裏面蕃薯實左少少，味道甜啲會更好食。♥️ 黑糖馬拉糕(中）$41黑糖味濃郁，馬拉糕質地鬆軟。♥️ 天澄閣蝦餃皇(特）$54一碟有4粒，皮薄餡靚，蝦肉彈牙。♥️ 山竹牛肉球(中）$41牛肉唔算好大粒，勝在肉質鬆軟，唔會實的的。♥️ 醬皇蒸鳳爪(中）$41味道濃郁帶有少少辣味，略為唔夠淋身。♥️ 蘿蔔千絲酥(中）$41外面炸得酥酥脆脆，入面有一絲一絲蘿蔔，濕潤感岩岩好。♥️香蔥黑毛豬腸(大〉$45 推介👍🏻黑毛豬其實係叉燒，腸粉皮又薄又滑✨晶瑩通透。♥️ 灌湯小籠包(大〉$45外皮厚薄適中，入面包滿湯汁，味道唔錯。♥️小食(碟）$20係唔知要收錢既情況下食左幾粒脆脆，後來發現原來可以話

上次試過晚飯都幾滿意，諗住今日嚟飲茶點心如何？兩個人叫咗六個點心1）天澄蝦餃王（$50）本身我鍾意食蝦餃，所以飲茶一定會叫，喺呢度就係一個特點，所以都有少少期望，但上枱嗰刻覺得蝦餃份量相對細，個蒸籠就好大，食落口亦未有太大驚喜，同價錢相比性價比較低2）醬皇蒸鳳爪（$41）份量都算OK，味道淡好但偏辣，都好味嘅3）懷舊叉燒包（$32）中規中矩4）潮州蒸粉果（$32）又係個蒸籠好大，食物比較細隻，而且味道以我食咁多年粉果嘅經驗應該係叫唔好食5）山竹牛肉球（$41）味道都算唔錯6）雪茄蝦春卷（$41）創意點心，一攞出嚟好似見到有三支雪茄放喺玻璃杯入邊，可能係蕃茄嘅原因外皮炸咗後好似朱古力咁嘅色，咬落都係啖啖有蝦，但係應該都係普通春卷會好味啲如果以紅磡酒店嘅價錢相對性價比就低咗，食物味道亦沒有太大驚喜，而且週末比平日仲會貴少少。環境就係靚，因為主要係一個專做婚禮嘅場地，可惜服務就麻麻哋。如果以呢個價錢可能都係去返附近其他酒樓會食得開心啲。

星期日阿女約我同老公去紅磡海韻軒海景酒店3樓的天澄閣中菜廳飲茶， 去到門口見到很多人在等候，好彩我哋預先book咗枱,等了一陣就有位了。酒樓環境尚算寬敞舒適， 可以休閒地嘆茶。蟹籽燒賣皇燒賣加咗蟹籽口感清脆好味。百味脆豆腐一口豆腐外脆內軟滑， 令人愛不釋口。南翔小籠包小籠包皮薄餡靚又多汁。鮑魚棉花雞 棉花夠厚身且彈牙， 雞塊夠嫩滑，不錯。黑椒和牛酥外皮很酥脆，內裏黑椒和牛很惹味。香蔥黑毛豬腸粉腸粉晶瑩嫩滑， 黑毛豬肉質鮮美。

優閑的星期天，上至愛的酒樓嘆點心靚茶。一般只在滬菜才食到的餚肉，景爲在此有售，絕不比上海店失色！金磚豆腐，外脆內軟，香口嫩滑，豆味重！大大隻鮮蝦，新鮮爽滑，皮薄蝦腸。足料蟲草花淮山粥，粥底夠棉滑。街頭的咖喱魷魚搬了上酒樓，仍然保持街邊的風味，香濃咖啡味搭上了魷魚的爽脆！入味的話梅猪手粒，是大廚另一新意。不可不食 黑糯米芒果圈，實在是少不了的壓軸甜品！超大粒的芒果肉，甜而不膩！勁高樓底，空氣流通，疫情下的一個較放心用餐地點。12點前結賬，重有八折！ 抵食。

因為公司於天澄閣附近，而食物質素都平均有水準，所以無論是公司聚餐，或是私人聚會，一直都會經常訂枱到天澄閣用餐。但經過今天以後，從此都不會再去，因為服務態度真的太差。6月份的時候，由於公司午餐聚餐所以消費了大約$8000多元。他們正在進行儲印花的優惠，消費滿$300可獲得印花一個。滿15個印花即可換龍蝦伊麵一客。由於我於6月時消費了8千多元，所以已獲得滿印花的印花咭一張。而印花咭於8月底到期，所以中午時便打算去兌換龍蝦伊麵一客。當時我持有兩張印花咭，一張印花咭已滿有15格，另一張則有6格。男經理表示由於印花咭只蓋滿14個印章，而兩張咭不能合併使用。印花咭的條款上寫著，蓋印後需有經理簽署方能有效，但由於印花咭上有15個簽名，我們質疑只是印章印漏了，所以又向另一位女經理查詢。女經理表明印花咭只能由幾位指定人士簽署，而沒有印章的那一格簽署跟之前一格的不一樣，而她不認得是何人的簽名，言下之意暗示是本人偽造的簽署? 我當下即時反對並提出這是不實的嚴重指控，她為求息事寜人，表示幫助我們兌換印花咭。後來男經理再次激烈地提出反對，並表示要維護公司利益，因為如果容讓我們兌換，需要由他支付龍蝦伊麵。我當時即

星期日去了紅磡天澄閣飲茶，預先訂了枱。大廳環境比較闊落、光猛。枱布餐具都好乾淨，感覺幾好。有花生小食😙 醬料都整全點心就唔太多選擇，有些酒樓必叫點心都無，好似馬拉糕、蝦肉燒賣、炸両😢比較推薦會有米網帶子腸、蝦餃，其他都正正常常咁，潮州蒸粉果、蒸鳳爪、奶黃包、叉燒包 都係一般酒樓食到的質素。Feel到間酒樓甜品係想出下新意，但略嫌達不到一定水平，應該出番d穩穩陣陣既，保住有一定出品，唔係好似我地今次咁，想叫都叫唔落咩甜品🙈今日早茶連午餐主要傾計多，食物都正常啦，係環境舒適。

❣ Siu Mai: Can taste the fresh prawns. Doesn't taste reheated. Looks like a true wonder!❣ Shrimp Dumplings: It looks exquisite and specially crafted for the eyes to see. The taste is also a match to the wonderful apperance.❣ Glutinous Rice Dumplings: The crust is crunchy and at the right temperature. The stuffing is flavourful and goes well with the crust. It tastes freshly made and gotten right out of the oven.❣ Congee with meat and century eggs: The congee absorbs the flavour of the meat and c

< 天澄閣 中菜廳> 😋Crystal Harbour Restaurant 🎀 娘惹鮑魚春卷 💰大點41      >味道惹味，有必於平時食既春卷👍🎀 八味脆豆腐 💰58     >外脆內軟，入面豆腐都做到好滑😋🎀 XO醬石鍋腸粉💰56     >有石鍋保持住溫度，黎到時熱辣辣。食左 一段時間，仍然嘗倒暖XO腸。🎀 野菌紅菜頭餃💰大點 41     >較特別既點心，味道未必人人都接到。🎀 茄蛋米網卷  💰大點 41     >係幾岩送飯既點心😂🎀 流沙奶皇包  💰大點 41     >好夠流心😂 環境舒服，枱同枱之間距離足夠，可同朋友好好享受，而且坐得舒適。點心質素高，本人去品茗 鍾意嗌比較特別，有別於一般酒樓既點心。這間正正適合我同朋友既口味。 👍