34
8
1
港鐵上環站 E3 出口, 步行約6分鐘 繼續閱讀
電話號碼
25590737
營業時間
今日營業
11:30 - 14:00
18:30 - 21:00
星期一
全日休息
星期二至日
11:30 - 14:00
18:30 - 21:00
付款方式
Visa Master 現金 AE 銀聯
座位數目
10
其他資料
Wi-Fi
酒精飲品
自帶酒水 詳細介紹
泊車 詳細介紹
電話訂座
外賣服務 詳細介紹
加一服務費
食評 (47)
等級3 2020-02-22
572 瀏覽
聽講中環有間天婦羅超級好食, 趁今日閒日就去試下lunch啦。 知道餐廳得十個位,怕要等所以十一點半至九左右已經去到, 好彩直接walk-in唔使等, 估唔到咁早已經有幾個顧客食梗。 望咗陣menu, 我叫咗山葵天海丼個餐,天婦羅方面有蝦、白身魚、蛋同野菜,另外跟碗湯同兩款前菜。 首先嚟咗個前菜, 係矮瓜、節瓜、豆同埋一粒丸, 前菜嚟講,清淡得嚟有少少醬汁,幾好食。我哋個位坐正喺師傅整天婦羅前面, 望住佢好認真又熟練咁整好一件又一件嘅天婦羅,都幾有趣,見到每件天婦羅都炸得咁靚,我越嚟越期待個主菜啦! 等咗兩個字左右, 我碗山葵天海丼嚟到啦! 原來個飯上面舖咗紫菜絲,撈埋一齊食勁香㗎! 講返個天婦羅,每一件個炸漿都好脆好薄, 而且一啲都唔油膩, 真係好高水準! 個蝦爽口彈牙, 而魚都幾滑魚味算濃。不得不說,天婦羅蛋係我第一次食到, 冇諗過雞蛋都可以咁整,裏面仲係流心㗎! 真係好有驚喜! 山葵我都冇落太多,因為成碗飯已經好夠味好好食。 呢餐咁正,其實我係想慢慢嘆㗎,但天婦羅都係趁熱食會好食啲,所以我都唔可以食得太慢,否則錯過咗佢最佳嘅狀態。另外,跟餐個海帶湯都幾好飲,唔係出面嗰啲溝粉嘅麵豉湯。 呢一餐非常滿足,走時見到門外原來已經好多人排緊隊等! 果然早啲嚟好啲。平日已經咁多人, 可見呢度嘅天婦羅相當有吸引力。 繼續閱讀
(以上食評乃用戶個人意見 , 並不代表OpenRice之觀點。)
自製Tempura omakase 😋😋日本料理當中除咗壽司外天丼可以算係我第二最愛但香港有質素嘅天丼可以話少次又少天海就係其中一間令人驚喜嘅天婦羅餐廳🥢位於中環鴨巴甸街的高級天婦羅店子完全由日藉廚師主理平日夜晚專做Omakase TempuraLunch主打比較親民嘅天丼定食這家天婦羅店店子小小餐廳只有十席而且不設訂位想試嘅話就要早啲去排隊啦🥢天丼即點即做見廚師三兩下手勢便傳來撲鼻嘅芝麻油香味同清脆的油炸聲不消一會大大碗嘅天丼就送到眼前🥢今次點咗海鮮天丼set材料當然不易忽視超級新鮮有蟹、海老、白味魚、帆立、穴子、烏賊、野菜同天海雞蛋最有驚喜就係蟹同天海雞蛋蟹棒真係新鮮蟹肉入口鮮甜爽口唔會比炸粉蓋過鮮味🥢炸雞蛋真係招牌菜滑溜雞蛋有著薄脆嘅炸衣一咬開係流心蛋呀外表炸得鬆脆但內里仲保持到流心狀態盡顯師傅功架把蛋黃和沾有醬汁的飯拌在一起再送往口中簡直係享受🥢其餘嘅炸物例如炸蝦,蝦肉爽彈鮮美而魚肉炸到外脆內軟,肉質保持嫩滑🥢餐廳所有天婦羅嘅炸粉都薄脆鬆化即使包著麵衣也吃得出用料好新鮮師傅的炸功更是一流炸漿唔厚食落唔會太有油膩感用料亦唔會炸得過火🥢飯選用日本米好好味道餸配住醬汁都非常惹味初時見到飯係無醬汁嘅仲驚佢唔夠味但原來炸物全部都沾滿咗醬汁所以非常夠味大 繼續閱讀
(以上食評乃用戶個人意見 , 並不代表OpenRice之觀點。)
等級3 2020-01-30
674 瀏覽
A friend here in Hong Kong recommended this place and off we went for lunch. We got to Tenkai at noon, the place opens at 11:30 and we were already in a waiting line. Though the first ones to wait. We didn't mind.Selecting was easy - the vegetarian option sans eggs. It's a tendon place. Didn't know of tendon until now. A quick pictures-and-some-reading later, figured tendon is probably the whole meal - tempura on rice. And it was a thicker glaze kind of a sauce.The other place I ate tempura at, it was served with either soy sauce or some kinds of fish sauce and different kinds of salts.This place was perfection. The proportion of the tempura to rice, the amount of sauce, the way it was seasoned. And the thing with Japanese foods or restaurants is that the portions tend to be small, or I should say right.The lunch set came with pickled radish, mushrooms and eggplant. That smokey flavour just aced the mushroom and eggplant game. The way the eggplant was sliced and presented, it almost seemed like fish, but yay for me that it wasn't. It tasted that good.The miso soup had that same smoky taste. Simple, clean, perfect.The pickled radishes taste great - with that right and subtle balance of tang, sweet and salt.I easily ate off my food, with the wasabi adding a slight kick to eat.And ever since that day, I've been thinking about that meal, every single day. Japanese food has me sold!Pictures on the blog - thevegetarianvoyager  繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-20
638 瀏覽
天海是一間由日整人主理的小店,最著名的是天婦羅(Tempura),店內只有10個位坐,一貫日本匠人的態度,貴精不貴多。由於店舖細小,我們需要在門外等候半個多小時才能入坐,且沒有位子可坐,在食物標價不低的情況下,此實為略有不足。等到入內,我們叫了signature丼($180)及海鮮丼。Signature丼有兩隻蝦,一塊魚,和一些蔬菜,最令人驚喜的是一隻炸蛋,它是一隻先沾滿炸漿,然後放入滾油炸的超大溏心蛋,真的既新穎又美味。不得不提它的前菜昆布湯亦很有水準,湯很濃卻不會過鹹,非常開胃。他們的tempura勝在鬆脆而不油不膩,值得一試。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-12-22
1258 瀏覽
做冬晚上同屋企人途經鴨巴甸街,諗緊食咩晚餐時見到精緻一間精緻嘅日本餐廳。係門外見到餐廳師傅專心致志咁炸緊天婦羅,大家即刻興致勃勃,想試下呢間餐廳。入到餐廳,無一啲大大聲嘅日式打招呼方式,反而店員(估計係老闆娘)用溫柔嘅聲音歡迎我地,個刻就覺得十分窩心!我地一行四人冇booking,詢問後就立刻有枱,而且餐廳會貼心問番我地要熱綠茶定係凍綠茶,十分細心。睇番餐牌,有5個set可以選擇,分別有不同主菜,有雞,蔬菜,海鮮,混合,同天婦羅蓋飯 (唔記得影餐牌)除咗天婦羅蓋飯外,其他都可配飯同湯(+$28)或者烏冬(+$25)我地4人分別叫咗海鮮set同天婦羅蓋飯,店員首先送上前菜,有魚肉同節瓜煮(應該係),同蟹肉沙律魚肉好清甜,沙律都好食,但係冇咩特別係享用前菜嘅時候,就已經見到主廚為我地炸緊我地嘅食物天婦羅係一種烹調時間較短嘅食物,所以食完前菜後,廚師就立即送上我地嘅主菜我自己叫咗海鮮set,味道雖然未到頂級,但係每想菜式都好新鮮,而且好好食湯同食都好正,猶其是湯,清甜而且冇麵豉湯好重嘅咸味,值得一讚!講返主菜,分別有蝦、蟹、白魚、鰻魚、墨魚同帶子。我個人覺得鰻魚、蝦同帶子最好食鰻魚唔會因為炸過就失去原本醬汁嘅味道,而且肉質仲十分嫩滑,十分滿分!蝦就保留到鮮味,而且一定係新鮮蝦而非雪藏帶子一樣嫩滑,而且十分厚,絕對高性價比另外屋企人叫咗天婦羅蓋飯,分別有蝦、秋葵、茄子、白魚、雞同天婦羅蛋!屋企人話呢個蓋飯大部分食物都好好食,但係最驚喜係蛋,蛋黃仲係流心,而且蛋白位置仲保持到濕潤,但係表面就十分脆口,全部食物入面最滿意呢樣!餐廳提供咗唔同配料,除咗蘿蔔蓉同天婦羅汁外,仲有不同味道嘅海鹽,分別有原味、紫菜、柚子同梅除咗食物方面,主廚同店員嘅態度絕對值得稱讚屋企人有另外再叫食物,主廚貼心地叫店員為屋企人更換天婦羅汁,而且會介紹邊樣食物先食較好總結嚟講,成餐飯都令人十分滿意,而且店員態度絕佳,有機會一定要再去食! 繼續閱讀
(以上食評乃用戶個人意見 , 並不代表OpenRice之觀點。)