天機棧 (已搬遷) 新店位置

呢間真心唔錯 .set dinner 由98-178(好多款可以選擇, 二人餐2xx-4xx )食物質素唔錯,咁既價錢已經包左前菜,主菜,甜品同飲品,最重要係環境好坐舒服同唔會趕趕貢. 試過聖誕節正日同除夕幫襯,價錢分別不大, 我同朋友食過好多次,本人比較喜歡佢既羊西冷,鵝肝豬排同珍寶蠔

有點事要「慶祝」,想到未去過的「天機」,沒訂枱,也不用等位,便進去。店子外觀給錯覺了。店內新淨,有西餐廳裝潢。左想右想,二人餐較抵吃。在四選二的前菜中,選了鴨胸鵝肝卷黑醋沙律、煙三文魚露筍。選餐有個壞處是,前菜多是預先造好,就算用保鮮紙包著,也似被空氣「氧化」過的不新鮮涼感。記憶中,沙律的醋汁味道,很差勁。青豆三文魚湯,似菠菜湯多d。味道ok,味道不如實物,也不會太「不滿」。龍蝦湯,不是忌廉型,感覺是蝦膏+清湯造法。淡口,龍蝦味不豐富。炭燒美國穀飼豬鞍扒。豬扒很爽口,條”肥”邊,中和了豬肉本身的嚡口。吃完不用挑牙,也不會給你很肉的「膩」。加上”燒爐”味,很香。從未吃過如此滿意的豬扒!藍芝士松子仁鮮帶子意粉。又一驚喜之作,藍芝士味比一般芝士意粉完全不同。那種芝士香,放在意粉上,有高一層次之感。配埋松子仁,絕對意想不到的配合!到甜品了....法式焦糖燉蛋。蛋味足夠,但欠缺法式焦糖燉蛋應有的呍哩o拿優香。與吃中式燉蛋差不多。朱古力心太軟,外皮有點濕潤,用匙壓下,很有彈性,好得意。厚度適中,朱古力味好正!唔怪之得,舊同事時常推介啦。雖然主餐前的不滿意,但及後卻是滿意之上。確是旺角區食肆好去處之

幾日前去完睇左d旅行資料無咩心水就來此店試下..睇食評就話又抵又好味, 所以2個人一早6時就打去問下7時有無位...好彩都有得book位. 早左少少到都無咩人, 見到有2人餐, 包湯, salad, 主菜, 甜品同飲品, 而個餐既價就由主菜選擇內決定個價錢. 2個人叫左一個唔知咩魚意大利飯; 另一個係羊柳配薯菜. salad叫左一個鴨胸鵝肝醬配蘋果salad, 友人叫左燒牛肉salad, 我覺得我既salad既鴨胸內有d鵝肝醬又真係幾特別唔錯唔錯, 反而燒牛肉都係好一般 湯我就叫左個煙三文魚湯, 不過無咩味唔算好飲 主菜來...今次友人既羊柳就好味好多但係旁邊既唔知係薯容帶子就非常唔新鮮, 反之我既唔知咩魚都算一般不過不失..冷藏魚唔會有咩驚喜,而且煎得有點過火有點鑊燶係個魚既表面, 底層 個意大利飯都真係麻麻, 唔夠味又好似過硬無一般意大利飯既煙un感. 不過總結每人都係百幾元但就有湯, 沙律, 主菜, 甜品同飲品...真係叫超值, 加上服務一流唔怪之得咁多人來.

記憶中很喜歡此處出品的心太軟, 今天剛巧經過就重溫一吧下午茶時段幾抵食, 廿八元甜品有飲品 藍梅奶凍: 面頭佈滿餅干碎, 藍梅味有點人工的化, 質感也算滑溜, 天熱時吃點凍甜品比較易入口 心太軟: 細細件, 用叉細細力按下去時, 朱古力皮己下榻了大部份, 而朱古力醬緊隨著如水般流出來, 質感奇稀, 朱古力味非常淡薄, 絕對稱得上難食, 也是近幾年來吃到最差的出品 熱咖啡是用機沖出的, 一看奇色便知出事, 淡如無味 … 飲到O 晒咀 凍央: 是整餐最正常的出品伙記個個口黑面黑 , 我自己亦一路食一路咀咒 .... .... Blacklist

先感謝有關方面的邀請，讓我來到這裡品嚐晚餐。頭盤以一隻長碟盛著三款食物，有鵝肝、魚和鮮鮑魚。考慮了一會，還是先吃魚，沒有太韌，調味亦對辦；連殼的鮮鮑魚，做得不會過火，彈牙有口感；鵝肝幾甘香，外脆內嫩，伴以爽脆的蘋果來吃，果真不錯。餐湯有幾款選擇，來碗龍蝦湯都好。每碗湯都有半隻小龍蝦仔作點綴，賣相是花了點心思。當然，此等龍蝦仔是沒太多肉，但湯就夠濃夠鮮，是喝得出的真材實料。主菜部份，牛扒拼羊架是我的選擇。事前沒有問及生熟程度，還好出來的效果亦不錯，牛扒烤得香，質感嫩口，有點肉味。而羊架帶點肥，咬落嫩口之餘，仍保持應有的羶味，也可以。到了甜品，因我之前來吃過其心太軟，認為不錯，所以這次又挑選這味。切開，澎湃的朱古力漿立即湧出，視覺率先得到享受。吃一口，朱古力味道頗濃郁，美中不足的是那Brownie沒有微脆的質感。同埋，應要跟一球雪糕才對呀！據知天機棧將會擴充發展，稍後有機會才去試試。

呢日我經過旺角…夜晚就同個朋友一齊黎左呢間餐廳食野…我地點左個2人set!!頭盤一個就鴨胸鵝肝卷同一個三文魚露荀卷…同湯就加錢轉左龍蝦湯…主菜就安格斯肉眼同羊排…甜品就系心太軟同布丁!!首先講下個龍蝦湯先:味道都ok!!旦系飲多幾淡飲到啲苦味…可能用啲比較差既海鮮碼黎煮啦…整體黎講味道夠…如果下次再黎飲龍蝦湯希望吾好用甘差既海鮮碼煮龍蝦湯啦!頭盤:2樣都接受到!!菜都夠爽身…隻沙律汁我最鍾意!!旦系食吾出系咩汁><主菜:肉眼質素都可以!!成數都足…羊排我朋友就覺得最好…因為我朋友吾系好接受到羊個種(蘇)味!!旦系佢話食吾出果種(蘇)味!!佢比羊排比滿分甜品:心太軟個皮都ok夠軟同咪真系爆流心!!十個讚 布丁夠滑同有陣雲呢哪味…都吾錯既!!環境夠浪漫!!整體表現都有80分啦

係旺角食黎食去都係連鎖，男友提議試呢間，即上OPENRICE查下，又幾多笑笑喎，咪試下。我因為好懷念早前係又一城SIMPLY LIFE食過好CREAMY的RISOTTO，所以點了甚麼魚的意大利飯；男友點了牛扒(7成熟)。餐湯方面，一向男友要紅我要白；其實我一早見到食評話白湯冇味，不過人都係唔試唔心死，點知真係得麵粉味。我的飯，是用尖米的。其實可能真係我見識淺薄，我未食過用RISOTTO係用尖米的；而且呢個飯係乾爭爭，冇SAUCE，兼且冇味！我又係狂加鹽先食得完個飯！男友個扒係不過不失，薄，個SET成$180。心太軟係招牌菜，個心流就係流，係D朱古力好流！似係溝左D牛油定咩入D朱古力咁。我都唔知點形容，食過就知。咁既價錢咁既質素，仲可以係旺角生存咁耐，實在係詭秘‥‥

晚餐，堂食．就咁望入去個環境都可以．睇下個餐牌．．價錢一般叫咗一個飯加套餐要埋嘢飲．．好快個餐湯就上喇，熱度都還可．．但一飲之下．．點解冇味既？雖然已經心底裡打咗個折，不過都唔緊要啦，呢啲整定嘅嘢，就當時運高咁好彩．．跟手嚟埋個餐包．．好地地一塊餐包，本身個蒜味都算香，可惜懷疑係用蒸嘅方法翻熱，搞到又腍又韌主食未嚟到已經有啲擔心．．好喇，個飯終於嚟，都唔算等咗好耐．離遠已經見到隻碟好大，但一擺低真係嚟個反高潮．．原來咁大隻碟只係得中間大概茶記一碗白飯咁上下size嘅地方裝咗堆飯響度不過都唔緊要，呢度個格局睇落應該係賣質唔係賣量嘅．．熱．．係夠熱嘅．．賣相，都過到骨嘅但係食落．．．又係冇味嘅．．．真係唔係化啲嘢好似就咁炒埋一碟冇落過味咁．．．真係咁fresh？真係唔識欣賞．好喇．．最後到餐茶．．點知一柸茶咁簡單都可以冇茶味嘅．．唔洗咁慳呀總結：如果鍾意食冇味嘅嘢可以試下，不過個人真係唔識欣賞囉．．　　　兩舊幾水兩個人不如去隔離意粉屋食會開心啲．．

同幾個朋友係旺角搵食, 想搵間可以坐低傾下計,以前去開一間餐廳轉左手賣點心, 唔想去樓上cafe, 見到呢間食西餐就走入去試下....我地每人叫左個飯 轉set 中高檔價錢, 平均$120/位味道: 茶餐廳焗飯份量: 法國餐份量 (set包, 湯, 主菜, 野飲)服務態度: 劣未食完,擺低刀劍傾下計,就問你食完未...仲要問幾次...超annoying洗手間, 如果身手唔好, 建議去朗豪坊/雅蘭商場廁所咁既價錢, 咁既服務態度, 係旺角, 我地一班人已經blacklist左呢間餐廳

其實之前食過都可以接受，但係今日黎過之後係以後都唔會再黎，一開始個白湯係無味又唔熱既，之後叫左個西冷扒意粉，一黎到係無汁既，淨意粉，之後叫佢俾d汁啦，一食落去d意粉硬到呢，係完全未熟架囉。一d都食唔到，唯一可以接受既係個甜品。其他一律唔掂。

贂食評見到推介係心太軟，是日特同朋友一試，叫左兩個SET LUNCH，先黎個餐湯，田螺忌廉湯，都幾好味，好特別，到主菜係蟹子三文魚天使麵，看似份量好少，但食落可能因為白汁ge關係，份量都ok呀~~另一款係魚柳黑松露意大利飯，不過佢黎錯左個花甲意大利飯，但侍應知道都即刻再整比我地~~意大利飯味道好香好濃~~好好食呀~~之後叫左玫瑰花荼同洛神花茶~~同朋友一致認為太甜><最後就係今餐主角，心太軟…太令人失望，從未食過不流心的心太軟...只係一個朱古力蛋糕而已~~呢$10太不值了~~~不過其他食物同服務都值一個讚~~但若為心太軟而黎就不好了~~

同文聚舊日,去mk行街同食飯,唔知食咩好,周圍行留意到喱間,聽過下個心太軟幾出名,於是就試下了,岩去到時6:00-7:00到,冇乜人!個場唔算好大,暗的環境,本是帶點浪漫氣氛的,不過實在太暗了,反而變左有點想訓既感覺@@",叫左個2人set,有餐湯+餐飲+小食+主菜+甜品,比較低!凍咖啡,味道好淡,忌廉湯~普通味道!煙鴨胸配凱撒沙律~煙鴨胸過韌,凱撒沙律唔多新鮮咁!牛肉芝士卷~芝士味唔濃,只有牛肉味!炭燒美國牛肩扒~要了7成熟,配了薯菜,賣相好似燶左少少,but感覺又好似幾惹味,食落口感太韌,味道普通,好一般~!朱古力心太軟~出名貨,but個賣相一般咁wo,食落都係一般,唔係好做到流心既效果,比較杰,朱古力ok,水準只可講算係咁,唔係特別好食!綜合來講麻麻地..........!

記得早在4年已來過一次, 那次對餐廳沒有特別感覺, 只是一般餐廳而已。 想不到4年後再試一次卻別有一番風味。1. 食物: A)餐湯:由於老公在我來到前已落ORDER, 我沒有看過MENU一眼, 不知他叫了什麼。 一向只喝白湯的我, 以為只是普通忌廉蘑菇湯, 誰不知喝了一口就覺得很香, 原來加了黑松露, 有意外驚喜。B)主菜:點了海鮮意大利飯和青口扁意粉, 碟上灑上香草裝飾很別緻, 可惜青口有沙要扣分。C)甜品:心太軟--食得出朱古力不是上等朱古力, 而蛋糕可能落多了麵粉, 質地略嫌硬了點焦糖燉蛋--似慕絲多D, 可能落多了LIGHT CREAM。2. 環境: 因為係星期六, 所以比較嘈吵同擠迫。3.服務:上菜快, 服務不錯, 埋單後還派咭片, 証明重視客人 , 值得一讚!

一行3人，原打算book baby cafe, 點知平日都full 晒。於是就訂天機棧，仲有位。7:30到，九成滿，好在有訂位。叫了一個2人餐同一個set dinner。2人餐，有餐湯、飲品、甜品，而價錢就因應所選之main course而定。有10多款main course可選，我地揀咗seafood risotto & 黑豚扒 (配意粉)；而set dinner 就要咗魚柳配帶子薯蓉。餐湯有什菜湯、salmon cream soup, brocolli cream soup, 仲可以+$15轉龍蝦湯。我要咗salmon cream soup, 另一個fd轉咗龍蝦湯。salmon cream soup味道好淡，不過就好creamy, 好重奶味，我唔鍾意奶，所以覺得麻麻。seafood risotto 不錯，好軟，飯粒尚算煙韌，料也下了不少。黑豚扒大大塊，又厚切，不過就鞋咗少少，始終唔同牛扒可以半生熟，厚身但要全熟係是over cooked嘅。魚柳配帶子薯蓉呢個最普通，普通龍利柳，粒帶子仲細過乾貝，而且只得一隻！甜品要咗creme brulee & 心太軟。兩者都未及水平；creme

是日同N先生去朗豪買完劏樓大盗嘅飛, 見仲有少少時間, 又咁啱係下午茶時段, 所以近近地黎天機棧已經唔係第一次幫襯尼間餐廳, 吸引我地再尼嘅原因好主要係為左個心太軟, 真係食過番尋味我地叫左2個$28嘅下午茶餐, 1個肉醬扁意粉同埋1個香煎魚柳飯, 再每人加$10要左2個心太軟肉醬扁意粉雖然份量頗細, 不過質素很不錯, 肉醬不太油, 而扁意粉又唔會淡茂茂, 同肉醬好夾至於個香煎魚柳飯就麻麻地, 啲魚係煎得幾香, 不過肉質略嫌實淨, 啲白色嘅汁就完全無味最值得推介嘅都始终係個心太軟, 賣相同出面其他地方見到嘅差唔多, 不過一挖開表面果層啲熱辣辣又香濃滑溜嘅朱古力醬就會傾巢而出, 極盡視覺享受, 令人急不及待趁熱細味品賞天機棧絕對係食心太軟嘅不二之選