天橋立鐵板定食屋 (已結業)

以前食過天橋立，係散叫的，感覺唔良好，因為好熱好焗，同埋環境唔好。。。改裝做放題之後，經過幾次都想試吓，重點係見到任食雪糕，不過唔好嘅係限時啦～90 分鐘！有次再經過，忍唔住去試吓啦～見到有埋任飲啤酒，爽飲啦諗住。。。喺門口，侍應問我哋揀邊款，由於任飲啤酒要揀貴嘅一個，唔緊要啦，豪一次。。。坐底咗問另一個侍應想要啤酒，至同我哋講指定送嘅啤酒送晒，無得飲囉！咁點解一早唔講？好過份！！！嘢食係任食任叫，好啦中途去食雪糕，一睇，五款只得兩款有囉，我問侍應有無，話已經訂貨，唔知幾時有，好啦仲有個軟雪糕機，諗住可以玩吓，點知拉極都無，問侍應，話無晒軟雪糕，真係火都嚟，乜都無！無啤酒唔講，無雪糕唔講！再講環境，雖然裝修過，唔知點解都仲係熱的，梳化仲係爛嘅，唉～

行開大埔搵緊有咩食 又好肚餓 咁岩見到有間鋪頭火鍋任食 價錢又ok就入去食喇 其實價錢佢149-300幾都有 但簡左最便果個 因為覺得冇咩分別講下環境先呢度環境認真唔錯 裝修幾整齊 位同位之間既距離都幾闊 幾舒服但食物既種類就唔多正路野都有 勝在夠乾淨 同整齊枱面都勉強夠大 一次過放哂上去都夠位放特別推介魚 真係入口即溶 肉質好軟 而且完全冇骨 照顧到懶既人另外烏冬都唔錯 幾彈牙 我食左三碗頂肚至於肉類有 牛肉 同黑毛豬個人黎講都係中意食牛肉 牛肉冇咩特別正常水準至於朋友就中意黑毛豬 話有層野硬硬地幾好口感拎左一碟 芋絲,芝士腸,魚蛋,生菜,娃娃菜飲品就拎左成4罐忌廉鮮奶 幾好味最後不得不提既就係 雪糕!!!佢既乳酪雪糕真係好味特別係士多啤梨味 作為最後既甜品真係冇得頂!!覺得呢個係全日最好味既食物!! 

今日去大埔超級城，走進去一間我重未去過既日式食店，天橋立。眼見間舖無人，走進去點咗個日式咖喱吉列炸蝦飯。個餐加鑵汽水要成$50。等咗大約5分鐘有得食。碟飯有一半係咖喱汁。當中有兩隻炸蝦。碟飯有薯仔同蘿蔔。隻炸蝦咬落好趣，有日式風味。但係隻炸蝦好細隻。我將咖喱汁混入飯一齊食。薯仔同蘿蔔都煮得好入味。混入咖喱汁食就更加好味。D飯煮得一嚿嚿。我完全食唔出有飯粒。好明顯係用微波爐叮出嚟。好地地一碟日式咖喱吉列炸蝦飯， 就俾D微波爐叮出嚟既飯污辱咗。好地地既吉列炸蝦，搞到個餐毁譽參半。

去到大埔，度度都排晒隊，呢間都咗半個鐘先有得食！都真係幾失望，食物都等，等，等，等好耐先黎，味道都係一般，中中等等，啲魚生切得勁細塊仲勁薄，勁搵笨，味道無鮮味！啲串燒都無咩特別好講，只係唔似串燒，似將食物先用水煮，再燒，無串燒嘅風味，個簿餅等到食完所有野都未到，服務都係一般！  另外叫咗個燒三文魚，表面係燒嘅，但內𥚃係唔熱，而魚質卻非新鮮！個生蠔食落去，完全無味，只係靠椘士味，個元貝都還可以，有點鮮味，但有點細粒！

又係下雨天....!!!! 今日去番多次比負評既 天橋立鐵板•定食屋....又想食多次, 睇下有無改善.真係好多人, 等左超過 30 分鐘先入去, 反而味千就好多位.我今次就睇左 menu 先入去, 叫左2個 set.滑蛋豬扒飯好鹹囉, d 旦又老, 唔知滑蛋係咩意思呢?至於咖哩豬扒飯, 佢話無咩特別, 反而個餐跟既日本餃子就幾好食, 不過細隻左 dd.....都可以再去食下其他嘢既....因為我見到人地既 sushi 好似好好味...hehe 

午市時間，我們是第一檯客人，坐在舒適的卡座。餐牌選擇頗多，我們點了雜錦魚生飯及特上魚生飯小食－餃子及炸豆腐味道OK，不過不失。特上魚生飯我們一看賣相就心知不妙，果然魚生不新鮮，而且可能是剛開店沒多久，魚生的解凍時間明顯不夠，從沒遇過比這更... ...差的了。雜錦魚生飯沒有最差，只有更差。一個字形容這一餐... ...差!只好急急埋單走人，再到別處開餐。

朋友請食飯,地點任我地揀,對於我呢d懶人當然揀間食完番屋企近ga la!!我真係行多2步又嫌遠ga見呢間開左咁耐都未食過決定試下呢間.結果...1.好似賀年食品2.好油膩3.無乜魷魚味算,裡面魷魚線部份爽,部份就腍..so bad!!呢碟野唔會想食第2次囉!!而且炸粉厚厚ge 1層not good la!!

侍應唔係好忙, 成日圍埋吹水。嗌佢地加水硬係扮睇唔到......食物方面炒飯同雞翼又油又咸好難食, 沙拉就幾好食。但佢碟壽司生熟擺埋一齊, 仲要痴到埋。雖然食落肚到係撈埋, 但政府都有教"生熟食物要分開擺"啦!

我並無睇過食評，就一個人來了 我會覺得，「呀，呢間都幾靚呀，只係星期日既商場太嘈，加上店內播既音樂，就係缺少了一種可以安安靜靜食餐飯既感覺」whatever，食物先係重點，今次係Lahris第一次泥食，唔知道原來$39已經有滑蛋豬扒飯、茶，加一個小食，當然要加一，價錢上，係抵既，不過講到食物質素，當然係「一分錢一分貨」!首先，賣相是OK的，只是果塊豬扒果層粉真係太厚啦!　以至佢同滑蛋mix埋一齊果陣，「林」晒 至於炸豆腐，唔夠金黃，但是可以接受的ANYWAY，我覺得，可以做得更好，然而，呢個價錢，算係咁啦，如果我仲係學生哥，我諗，我會再泥既，可惜，我已經告別左學生時代了，所以，byebye!!!!!至於好多人講既服務態度，Lahris又無特別意見，只係見到D唔知係咪STAFF既人(但明明一個係著住廚房衫)响到晃泥晃去，有D怪異==

首先，我勸喻各位有心想食日本菜既朋友對呢一間定食屋打消念頭!!!第一，食物質素差!!! (明將都好過佢!!!)第二，食物等得太耐!!! 第三亦係我特登申請ACC既原因: 員工態度奇差!!!!(澳牛都好過佢，我明白你係搵食，但唔好將私人情緒發洩係我地身上，每個!!!!係每個連經理都唔休做咁款) 你地其實可以係門口貼張溫馨提示:不能受氣的顧客請不要光顧!!!!!!!今日係星期日，大埔超級城晚上一定係人頭湧湧，元x板x等30分鐘以上是必須的。我同男朋友經過呢間垃圾定食屋，見無人排隊，諗住日本野應該ok的嗌左 一個sushi拼盤有8件,一個牛肉窩,一碟串燒!!先唔講食物的質素!!我清楚講我要8件果set 侍應A問我要幾件? 我反問並指住menu:唔係8件咩? 佢話:係呀!! 有8件!!(如夢初醒但開始黑面+唔耐煩) 咁你問咩要幾多件??你發緊夢我唔怪你，但點解仲可以黑面後來 sushi先來了 我地想問侍應B拎碟仔 佢唔出聲之後2個碗勁大力放!!好似我係債主咁款!!! 食物質素唔想多講，有錢無掟洗又想受下氣可以試下!! 個窩就好似將廚餘加湯，之後一塊肥牛分成5小塊扮一碟!!之後到埋單時，同男

這間店的評價不是太好，但上次來過覺得味道唔錯，而且經濟實惠，再一次光臨~今次叫了日式炒飯配前菜及凍飲($29)~前菜: 蟹子沙律沙律好夠凍，而且蟹子份量很多，加上沙律醬，很開胃呀~日式炒飯:有些三文魚粒、蛋及蟹子，飯炒得乾身，而且很大碟，一個女仔好難先食得哂，應該男仕都夠飽的~凍檸水:味道正常，可惜只有兩片檸檬，有些小家這間店的食物不錯，價錢便宜，而且人不多，很好坐

時常都會經過這間日本店，但從沒衝動進去嘗試，亦由於OPEN RICE的評論都不是太好，令我對這間店有些介心。今天下午茶時段經過，見到不是太多客人，沒定給它一個機會原來下午茶都幾多選擇，有烏冬，飯，壽司等....價錢由二十多元開始，相當大眾化的~我叫了黑椒雞柳石燒飯配沙律及凍檸水 ($28)先送來沙律，材料包括生菜、粟米及蟹子等，都相當豐富，值得一讚的是沙律相當夠凍，我最怕吃到雪不凍兼帶點暖的沙律~黑椒雞柳石燒飯以石碢盛載，當我把黑椒雞柳拌好後，味道相當惹味，原來的我並不是很肚餓，也能夠把整碗吃光，味道真的不錯友人叫了親子丼($26)她說味道都很好，而且雞肉份量也相當多，以廿多元可以吃到沙律、飯及餐飲，真的很便宜，相比起到大家樂吃飯都要超過三十元，這裡環境與食物質數俱佳。凍檸水的杯是方形的，都有些特色，而味道就是檸水的味道LOR

18.12.2011返完教會後, 就約好姊妹食個lunch. 由於之前工作太忙, 所以無時間上網找餐廳, 於是就出事了.當我們在找餐廳時, 在這餐廳門口看了它的餐牌, 覺得都好似不錯, 於是就決定在這裡吃午餐. 入到餐廳後, 才發現這裡很迫, 枱和枱之間的空間欠奉, 因此可清楚聽到隔離的人在講什麼. 我揀了滑蛋雞肉飯定食($55) 這個定食包湯, 沙律, 前菜和滑蛋雞肉飯.湯是味憎湯, 有海帶和少少豆腐粒, 但好咸, 所以我只飲了少少就放棄.沙律裡有少少羅馬生菜, 兩小塊蕃茄和大量粟米. 粟米是清甜的, 但蕃茄沒有什麼味, 羅馬生菜是清爽但切得好碎好細塊.前菜是一些芽菜, 但好難食, 味道怪怪的, 所以無吃了.滑蛋雞肉飯的外表已經給人乾爭爭的感覺了. 雞柳和蛋是黏在一起煎的, 所以令到雞柳煎到又乾又硬. 蛋味是很香, 但可惜也是乾爭爭的, 就算有幾條軟腍腍的紅蘿蔔絲也於是無補. 至於飯, 是軟綿綿的, 不過是淨白飯, 沒有任何汁也沒有蛋味. 感到很難食. 實在想不到一個定食可以這麼難食. 希望餐廳可以改善一下吧.

上次到過天之橋立，牛排是可以的，可是服務態度差，所以已有一段日子沒有光顧。今天到來，看見食堂已坐滿食客，但人手只有五位，最初都有點擔心，可是事實並非如此。人手雖不多，但服務員工作態度欣勤有禮，值得一讚！牛油焗帶子$45：五粒，體型有3cm x3cm，肉質一般，下面伴有芽菜、洋蔥,鐵板上桌 _夠熱。煎手造餃子（4隻）$28：外皮是日本的粉皮，餡料有韭菜、冬菇、肥肉，算香口。牛油露筍炒野菌$42：上的器銘差影響了這道菜式買相，而食物味道可以，材料亦算新鮮。天橋立烏冬$48：底食，有蝦、蛤、雞肉、肥牛、鴨胸片、蟹柳各二，烏冬不會過腍。海鰻壽司$20：魚肉鮮味新鮮。三文魚子海膽花之戀（1件）$38：價錢雖然貴了一點，黑色魚子和大大粒魚子新鮮美味，好吃。

門面裝修得幾靚，好快就有位坐。午餐多選擇，有飯有麵，送一個小食及飲品。花多眼亂，最後揀咗魚生飯。魚生唔駛煮都要等廿分鐘先上枱魚生飯賣相不錯，飯量略為少了一點。小食是煎餃子，上到枱已經凍晒一早煎定晒？待應突然從後把一碗熱湯放上枱，如果講多句小心熱湯，服務會更貼心。叫咗埋單五分鐘都冇人理，再叫先施施然去拎張單來。放低咗錢再要等多五分鐘先有人來收。隔離枱仲慘，食完個主菜個小食都未上到枱，等完小食再等埋單。兩枱人都食到一肚氣。