天星雲南米線

營業中

休息中

天星米線相信米線愛好者都唔陌生, 今日同朋友再次光顧,  座位之間較為窄, 不過疫情關係都有隔版隔住, 叫左兩餸小鍋米線、麻酸辣小辣, 叫左 窩荀片同埋豬軟骨, 湯底夠味, 好香酸辣味, 豬軟骨炆得又淋又入味, 窩荀片軟硬度適中有咬口, 不過唯一可改善地方米線太淋, 爽口d會好食好多!

在米線關注組得悉旺角這間米線店口碑不俗，在四月時便跟車爸爸去吃了場下午餐。當天三時來到天星雲南米線仍然高朋滿座不過等了約數分鐘便可入座。小店地方不大檯貼檯好親密但有做足隔板措施，如果怕的朋友要考慮考慮才來喔！餐牌內的小食、米線、餸料選擇頗多，還有原條煎魚米線口味也挺破格。最後我們各自選上自己的心水米線，我想吃辣這天便各自為政不分享米線了！但餸料仍然可以開心Share的。每碗米線可加＄5配冷熱飲品一杯，車爸爸想要熱奶茶可惜未煲起！唯有點凍奶茶來止癮聽聞味道挺不錯，而我例牌喝凍檸檬茶走甜茶香也有不過檸檬得兩片不太夠味。很多谷友介紹這個祕製金沙骨＄50一於二仔底死跟！熱騰騰的炸起的祕製金沙骨香氣撲鼻確誘人，乾脆外皮酥香不油內裡的金沙骨肉質鬆化充滿肉汁，加上少許孜然粉香味配襯的確好吃。怕辣的車爸爸選了蟲草花雞湯米線＄57另加萵筍片＄7，那份量十足的賣相已經好吸引。雞湯内有不少蟲草花、香菇、杞子、木耳及紅棗等湯料好豐盛，呷一口雞湯香濃鮮甜得來不算油膩喝得出真材實料。萵筍片清甜無渣軟硬度恰好吃得過，至於雞肉亦弄得香嫩可口，這個蟲草花雞湯我挺推介大家試試。而我選吃小鍋米線＄47可自選兩餸另外湯則點了

睇米線關注組一早bookmark左「天星雲南米線」🍜終於有機會去試🤩🤩﹎﹎﹎﹎﹎﹎﹎﹎﹎﹎平日過左lunch hour去食唔使等位👍🏻以為坐底落單後好快有得食點知keep住有勁多外賣單最後等左差不多20分鐘先有得食🥢酸麻辣大腸、豬潤、墨魚餅米線 ($57)第一次食唔敢揀太辣 試左小辣🌶先點知一嚟試咗啖湯就後悔小辣唔夠辣又唔夠麻 應該揀中辣🌶 🌶不過值得一讚湯底唔會有一層辣油開始食之前發現漏左豬腸即刻同老闆娘講補返嘅分量都幾多 有5、6嚿滷得好入味又夠淋👍🏻➼ 豬膶都幾爽口➼ 墨魚餅就唔太推介➼ 米線淥得軟身 食落都有煙韌感➼ 凍檸茶🍋 （跟餐加$5）超鍾意個茶底夠濃👍🏻👍🏻米線份量唔算多 餸嘅份量就俾得多鍾意天星會俾好多芫茜😍湯底味道都唔錯可以俾多次機會佢😆﹎﹎﹎﹎﹎﹎﹎﹎﹎﹎📍天星雲南米線地址：旺角砵蘭街136號地鋪﹎﹎﹎﹎﹎﹎﹎﹎﹎﹎米線個人排行榜：🥇老闆娘雲南米線🥈雲家小鍋米線🥉雲南小鍋米線(石蔭)

小鍋米線蕃茄湯底(冬菇 萵荀片)蕃茄湯底普不是濃厚的那種米線可以按自己喜歡轉芽菜底萵荀片不會切的太薄　打斜的切口感會更好　爽口的冬菇偏小　不是那種很大偏厚的口感上不夠韌勁　咬口沒有那麼好小鍋米線酸辣湯底(豬軟骨 大腸)湯底夠濃厚　重口味系列豬軟骨煮得夠軟爛在筋骨位置還有嚼勁　肉質還有點咬口滷汁很入味　很香的另外大腸也是　不會太韌能輕易咬斷　配合酸辣湯底整體不錯秘製金沙骨金沙骨用生炸的方式去處理炸粉比較少　能吃到食材的本身端出來還是熱燙燙的配上適合的配味已經很好吃肉質挺香　很推薦這味小吃

喺荃灣同🤴🏻食米線🍜食得多，黎到旺角就試吓呢間新米線🍜鋪😙😙社交平台介紹過肯定會爆場，但內裏環境非常逼夾，枱與枱之間實在太密，令人有啲唔自在😓😓我同🤴🏻叫咗二人套餐🙂🙂🤴🏻個碗～～～招牌腩肉+雞中翼+金菇（酸中辣）湯底～～～湯頭味道都算幾濃，如果鍾意食較酸嘅朋友應該會喜歡，腩肉同雞翼就正正常常冇乜驚喜😅😅我個碗～～～台灣鴨血+黃金墨魚餅（少少麻辣）湯底～～～麻嘅感覺重過辣味，我叫咗少少辣感覺都幾大，如果再高啲應該會麻得好過癮😂😂台灣鴨血質地似香港嘅豬紅，墨魚餅‘ 淋淋 ’地有墨魚味😉😉～～～麻辣金沙骨～～～以為係濕潤嘅，黎到時係乾嘅金沙骨再灑上麻辣粉，味道OK，但骨頭太大表現唔到嘢味嘅一面😗😗～～～麻辣皮蛋～～～唔會太辣，用辣椒油整嘅麻辣皮蛋😃😃如果係旺角再想食米線🍜，我哋都會再黎😎😎

米線關注組成員又出動🏃🏻，今次黎到油麻地哩間後起之秀，開業唔夠一年就成為熱話。當日見到幾位員工，但佢地走黎走去似乎好忙😥，想落張單都難阿，最後我走出收銀截停佢先落到單。豬軟骨腩肉小鍋米線(酸麻辣) $42 + 凍檸茶 $5一上枱見到就份量十足，豬軟骨🐷足足有三大舊，腩肉都唔少。叫左中辣，🌶辣度都好夠，麻味都出，成條脷都麻痺哂，酸味都有係到，但俾啲辣味遮左唔少。腩肉🐖係少肥，都算入味。豬軟骨炆到好淋，軟骨位係化開哂，好似食緊JELLY🍮咁，入味得黎唔會好咸，係我食過數一數二既豬軟骨。米線粗幼適中，都好滑口。碗米線真係太足料，最後要做大嘥鬼，食剩米線，下次記得少米線先😣。最後既小後記，雖然好多人都話哩到服務一般，但食物水準真係唔錯。食到最尾聽到廚師叫樓面停豬軟骨，因為啲豬軟骨未夠淋❌，我就覺得佢地好有要求，因為我都食過唔少好一般既豬軟骨，舊骨完全咬唔到😢。所以我會再黎食架🤭。

見到米線關注組成日講呢間鋪，應該唔會太差由朗豪坊行去油麻地方向只係5分鐘，真心易搵😁下午茶時間，店舖唔太忙；座位比想像中寬敞，坐得舒服😌攞住個餐牌有太多選擇，今次小試小鍋米線$47:豬膶+豬軟骨另+$10 黃金墨魚餅，好味😋麻辣湯底，小辣啱啱好👍🏻不過略嫌米線唔係太多😕唔多人，座位任揀胡椒豬肚、蟲草花醉雞都想試，留返下次😅飲品跟餐只係+$5，算係抵🥳大大個招牌，真係易搵😙可用八達通、微信付錢😘

講到去旺角食lunch，同事就帶我去一間喺公司附近嘅一間米線店，原來間米線店都開咗一段日子🤤今次我就叫咗一碗酸麻辣湯底嘅米線配上椒鹽炸豬扒🥰呢一間小店嘅孫麻辣湯底顛覆咗我對麻辣燙嘅諗法，可以講我已經愛上呢一個酸麻辣湯底😍😍一碗好好食嘅米線除咗佢嘅米線之外，湯底都可以係成個米線嘅靈魂之一； 成個湯底都較為濃郁，又唔會太酸，又唔會太辣，可惜佢嘅豬扒係一般般，可以更加好 🫢如果可以配上貴川嘅豬扒咁就好啦👍🏻 ⭐️酸麻辣湯底米線（椒鹽炸豬扒/炸雞扒）💰$50⭐️胡椒豬肚湯底米線（腩肉+冬菇）💰$49⭐️熱拌米線（台灣鴨血+大腸）💰$47

真係唔係講笑 勁難食 ,平時少寫食評但真係難食到忍唔住要出嚟講句😓 提醒吓未食過嘅真係要睇路 ,唔知食評嗰啲係多打**手定點 定係水準已經差嗮小妹自認對嘢食味道要求唔高但最基本要合格 ,呢碗嘢係：豬軟骨炸醬酸辣薯粉（微辣,走韭菜）一上到嚟 睇個賣相正正常常好似實無死 ,咁本身睇食評又講到好好味咁我都有啲期待嘅 ,先飲啖湯 點知！瀨嗮嘢個湯浸味難聽啲講 真係好似垃圾站嗰啲腐爛味.. 係飲落先聞到 ,湯底完全無味 得個死甜 ,喂大佬 酸辣喎 酸都唔酸吓喎 搞錯呀.. 直頭貨不對板講真咁嘅價錢質素 我寧願食返川味心理仲平衡啲！豬軟骨無醃過味夠腍正正常常啦 !估唔到一間米線鋪個湯底可以做到咁差.. 想回味酸辣我都係去返石蔭嗰間穩陣啲😓 呢間嘢真係被米線關注組昆咗

呢間鋪平時經過好多人，今日放假1:30黎到諗住唔會等好耐，去到拎飛我前而仲有5張枱，諗住會好快點知5張枱都要等7個字店主叫飛號又唔係出門口叫，係門口收錢位好細聲咁講，完全聽唔到佢叫到幾多號姐係要一直企門口先會聽到佢叫到幾號，如果唔係就要成日行去佢度問佢叫到幾多號咁熱嘅天氣企係佢地門口等真係熱死🥵終於比我地等到入去，即刻叫野食豬軟骨黃金墨魚餅酸辣米線$47-首先要講下個湯底好鹹酸味唔夠，豬軟骨嘅肉一啲鞋一啲林唔叫好食，黃金墨魚餅我仲諗住會係炸完放落碗，原來係就咁烚熟佢加落去台灣鴨血蟹籽丸芝士丸酸麻辣米線$56-湯底都係偏鹹無咩麻辣味個鴨血食落根本似豬血，佢係硬身鴨血唔係林嘅鴨血叫左凍0茶少甜，甜到飲唔到大熱天時等左7個字嘅米線一啲都唔好食

中午岩開鋪黎 都已經差唔多滿座坐低嗌左兩碗米線米線都等左三個字先黎一路等個陣都聽到好多人幫襯嗌外賣—————————————————————-酸麻辣小鍋米線 雞翼尖 鴨血 炸醬（$56）湯底濃得黎唔會過鹹 麻味酸味足食完野一陣走之後都唔會話好頸渴雞翼尖有滷水味鴨血無異味 口感爽滑炸醬肉質偏瘦 但味道唔錯米線煮得軟身但咬落都有煙韌既感覺麻辣小鍋米線 豬軟骨 豬潤（$47）湯底嗌左小辣 唔會好多辣油哩兩個餸都係見人推介所以嗌的確無令我失望豬軟骨軟冧入味 豬潤鬆軟幾爽口 ——————————-係坐得迫少少價錢亦唔算好平但係係好食既 會回頭 值得一試下次黎會再嗌佢既豬軟骨

店名：天星雲南米線 (旺角) （評分7.5/10 ）👍🏻地址：旺角砵蘭街136號地舖環境（評分6/10）擠逼豬軟骨（評分8/10 ）🐷色正常香肉香、油香、香濃豬軟骨味味夠甜、夠鹹、油香、有肉汁、入口即化米線（評分7/10） 🍜色正常香正常味滑麻辣湯底（微辣）（評分8/10） 🌶色正常香辣香味店舖辣度分為勁辣/大辣/中辣/小辣/小小辣/微辣個人點微辣，夠辣湯底有肉碎令湯底有肉香、更鮮甜有韮菜、莞茜、芽茶，有蔬菜清甜，感覺更健康

企鵝妹作為米線嘅狂熱fans，當然要去呢間米線關注組推介嘅米線試下la! 佢地除左麻辣米線出名，d小食都好多人叫!!⭐️麻辣金沙骨豬軟骨米線 麻辣小小辣 $62麻辣湯底幾濃郁，唔會死鹹，亦有麻香🌶食開譚仔5小辣嘅企鵝妹，喺呢度食小小辣覺得幾溫和(對下一級仲有微辣)，唔會食到流晒鼻水😂當然想刺激d 可以叫辣d豬軟骨炆得好入味鬆化，麻辣金沙骨會另上，跟餐配4大嚿，炸得酥脆，有d麻辣粉喺面幾惹味。不過企鵝妹之前試過外賣食就覺得炸粉太厚同冧晒，炸野都係要襯熱食!!!!!另外一碗米線配左豬頸肉，呢款就唔太推介，豬頸肉偏乾身同硬，除左面頭嘅麻辣粉，覺得豬頸肉本身冇咩調味🙈⭐️麻辣椒鹽雞翼 $32/4隻叫左兩隻味試，企鵝妹鍾意椒鹽多d，雞翼同樣炸得酥脆，入面有肉汁🐧企鵝妹食後感:呢間米線嘅口味都幾啱企鵝妹，仲有香口小食可以加配，嗰日企鵝妹同👦🏻叫左兩碗兩餸米線加雞翼，食到捧住個肚走😂值得encore!!🐧企鵝妹推介指數: 8/10

在網上的米線關注群組中，這間「天星雲南米線」的米線評價相當不俗，這天路過，正好試試它。這天中午到來，店內幾近全場爆滿，生意真的很好，幸好我只得孤身一人，所以不用等位，仍可即時入座。點了「小鍋米線」（$47），兩款基本餸料就揀了「豬軟骨」和「台灣鴨血」。至於湯底，麻辣不是我杯茶，清湯又太平淡，這天心情不太好的我，就揀了微辣的酸辣湯底，希望用少許的辣，多多的酸，激活我的味蕾與心情。這「小鍋米線」因為我走了芫茜，所以碗內的豬軟骨和鴨血清晰可見，呷一口橙褐色的酸辣湯，但覺辣度輕微，所以酸味特別突出，把湯喝下，竟有點似在喝上海館子的酸辣湯。這刺激度主要在酸不在辣的湯底，也許嗜辣的客人會覺得不夠味道，，但對我這個又愛吃辣又吃不得辣的人來說，卻是相當喜歡。至於配料方面，兩大件的「豬軟骨」確是不錯，軟腍入味，而且骨膠原豐富，兩件厚切的「鴨血」雖然味道較淡，都算軟滑，加上口感適中，不會加於軟柔無力的米線，水準著實不差，怪不得生意這麼好了。這米線店，吃得過！

之前偶爾經過見到呢間米線係lunch hour被人群包住就決定去試吓~ 點知去左兩次都因為堂食/外賣人太多而failed左，今次又心血來潮去碰碰運總於成功了！配餸種類好多樣樣都想試，難得有台灣鴨血，就試試麻辣台灣鴨血豬軟骨米線(麻辣湯底、小辣、走芫荽) ！等左五分鐘，一碗熱焫焫，餸菜同湯底滿潟嘅米線就端上！先講湯底，麻辣湯底香噴噴而且呈亮麗橙色，麻嘅感覺慢慢滲出，唔算好強烈但夠哂過癮，的確出色~跟住就係米線，份量超多下次可以叫少米。米線完全吸收麻辣湯底嘅精華非常入味，個人鍾情較硬嘅麵食所以如果再硬同爽口d就perfect。伴隨湯底嘅酸菜、芽菜、韭菜、炸醬為麻辣湯同米線加添左適當嘅酸度同口感。再嚟配餸，兩款都非常足料而且惹味！鴨血兩大舊，咬落去爽滑富有口感，非常入味，正！豬軟骨更有驚喜，三大舊醃得非常淋，多肉之餘又有軟骨嘅咬口同小許肥膏嘅油脂感，高汁高汁！見到隔離台叫左黃立倉酸辣湯米線同金沙骨，超特別同罕有，等我下次lunch同同事嚟再戰試試先~Menu-