28
4
4
港鐵葵芳站 A 出口, 步行約5分鐘
繼續閱讀
營業時間
星期一至日
12:00 - 15:00
18:00 - 22:00
以上資料只供參考, 請與餐廳確認詳情
同男朋友放工想求其食，經過見到呢間小店見到餐牌幾好又價錢合理就入去，估唔到有驚喜。見左2個定食同2個小食，黎左個日式豆腐，麵豉湯，以為無啦，點知仲有日式蒸蛋🥳個湯好好食好足料。主食未黎，小食到左。個燒雞翼好好食呀！廚師應該好細心，女仔食雞翼好怕唔熟同食相，但呢度嘅燒雞翼係會分開左黎燒。食嘅時候好入味同好方便，大加分😂😂😂就係呢個時候我決定要為呢間店寫食評。之後到燒茄子🍆，清甜嘅茄子加小小胡麻醬！十分惹味又唔係出面啲亂落味精，好岩女仔食，好食又唔多邪惡，有時出街食都想食啲健康少少嘅小食。之後主食係豚肉生薑燒同牛肉豆腐。兩個主食都分量足夠又好食。最後想講嘅係，始終係小店，人手有限，但服務員態度好好，廚師煮得好食，當然大家都要預上菜係晚飯時間唔會太快，但等野食時間合理，所以唔會批評，只會欣賞，我尊重煮野食嘅人係比心機煮，好過無心機快上菜💙寄語香港人，慢活，欣賞，比啲耐性身邊嘅人事物
繼續閱讀
同男朋友食午市定食，價錢就真係好吸引$80幾起，包一個主食＋前菜＋沙律＋茶蒸碗＋麵豉湯主食：三色丼（刺身）呢個係男朋友食嘅，佢話個飯連壽司醋都無落，魚生食落又無味，食完之後無晒表情，覺得唔好食主食： 鰻魚飯賣相其實好吸引，但食落就...... 鰻魚燒得好「林」，食頭個幾啖覺得普通，因為個醬汁唔係好岩我口味，同平時食個啲唔同，而且個飯好「林」，食唔到一粒粒，所有飯都佔滿醬汁，有啲咸。食到一半，覺得條脷有啲麻麻地，不過我都係食唔出個汁係點，有啲柚子味（好似），總之就好唔岩口味前菜： 醬汁茄子，正常味沙律：沙律菜加芝麻烘焙醬，正常味茶蒸碗：算係ok，入面有菇同雞肉，面頭有 鳴門卷麵豉湯：有海帶同豆腐，正常味本身就諗住定食包咁多配菜，一定低食啦，但點知個味道就真係好普通，同價位黎講，可以有更嘅選擇。
繼續閱讀
嚟到葵芳次次都掃街 今次想食日本野又唔想去新都會咁啱係落葵廣條天橋見到呢間日式小店見到價錢都合理 又有定食就入去試下不過入到去見到個Menu 發現d價錢比門口嘅貴咗先知原來門口係lunch menu 咁點解要係晚飯時間係餐廳門口放lunch menu 呢？ 🌚唔通唔記得轉？😀Dinner 同lunch menu 基本上一樣係每樣價錢貴~$10 咁都坐低咗 就算啦我地叫咗2個set 一個魚生飯 一個牛肉烏冬每個都包前菜沙律同湯 呢d就味道正常而牛肉烏冬再包2件壽司佢一送上枱 我見到即刻o咗嘴😮件應該係油甘魚壽司個樣好似放咗幾日咁食落口冇鮮味 好似假肉咁 so sad! 可能爭鮮都好過佢😪跟餐都唔好咁hea 吖牛肉烏冬係正常味但冇其他配料 😢菜都冇條 so sad 個刺身飯賣相正常可惜d飯係凍😪我本身中意暖暖地嘅飯🤔同埋d飯冇醋味 唔夠日本 似隔夜飯咁🙄不過刺身都算新鮮至少好過件壽司😂整體嚟講算係葵芳少有嘅日式小店不過質素一般都係儲返多d錢食好d 好過🙈
繼續閱讀
今日去葵芳探屋企人，夜晚當然會去食晚飯啦，葵芳食飯不嬲好多人又怕無位唔想媽媽等，好彩比我搵到呢一間日式小店，佢唔係喺商場入面，佢喺住宅嗰邊，做街坊生意，員工又友善呢度嘅套餐非常抵食，一個定食有湯丶沙律丶前菜、蒸蛋都好抵食，只是幾十蚊起小食帶咗個炸雞軟骨$48同燒味醂魚干$60我覺得有啲鹹，不過味道不錯叫咗幾個定食，黑豚肉烏冬連兩個壽司$80d豚肉都好大舊，足料老公就食呢個海膽魚生飯$90 only ，睇吓嗰啲海膽我覺得好似馬糞海膽媽媽就食燒鯖魚定食$78我就想食炒菜本身$50，但係加$20就有成個定食，最後梗係叫炒菜定食啦$70總括嚟講呢間叫抵食性價比高
繼續閱讀
坐落葵芳高芳街，日式小店當然要支持下啦❤️環境清幽，舒適，遇上放工時間，未有人排隊，好快可以入座😍日式滑蛋雞扒飯，看上好似好普通，但非常用心製造，用上方形飯盒承載，感覺好日本feel👍滑蛋足料，有洋蔥、蔥花粒、紫菜，令到滑蛋口感非常豐富、層次，而且滑蛋堅係滑蛋😂好有質感，味道豐富❤️壽司用料新鮮，擺設用心，絕不馬虎👍小店燒物款待多籮籮，而今次點了燒三文魚骹，夠味👍肉汁豐富👍肉質滑溜👍另外單點了三款壽司，用料新料，聞到魚鮮既氣味，食落鮮甜無異味👍
繼續閱讀