天寶閣

營業中

休息中

喺香港由細到大都會同屋企人飲茶，真係不得不讚哩間喺香港真係數一數二嘅質素嘅茶樓雖然係有好多茶樓都有米芝蓮，不過哩間真係特別維持到就水準。就算咁多年黎每一次去食都係咁正喺得尖沙咀中心又喺酒店入面嘅菜樓，哩個價錢嘅點心，真係好值，信我！最重點推介一定係哩個帶子腸，超認真製作個帶子餡真係原隻咁夾喺入面，加上中間嗰層好脆嘅脆皮，再有外層超軟嘅紅米皮，一定要嗌！第二必叫推介係個蘿蔔糕，每一糕都煎到非常外脆內軟 喺我唔係咁勁嘅拍攝技巧影出黎都見到佢係煎到金黃色，証明真係超有水準！口水雞都非常惹味，仲要今一舊啲雞都超滑哩個蘿蔔絲酥個賣相係幾cute嘅，仲要成個芯都係滿滿嘅蘿蔔絲同內絲，真材實料順帶一提，哩度除左新式雪山叉燒包仲有好多地方都唔會再有嘅傳統中式叉燒包，一籠係三個嘅，不過一黎到熱辣辣咁食，所以掛住食唔記得即刻影相揀手菜係真係有啲料到，不過上次嗌嗰個上湯浸菜好似好味啲春卷都係一客三件嘅，又係心急食無即刻影，超脆仲要餡入面有多一層脆皮，口感勁正！

天寶閣以七道經典粵菜為本推出黑珍珠珍味套餐🤩第一道菜手撕雞用上本地龍崗雞配埋泰國青芒果絲同彈牙海蜇 味道酸甜清新自己最喜歡燉雞湯 入口清甜滋潤😚選用雲南野生松茸同香甜嘅無花果乾盅內仲有大大塊東非花膠 口感Q彈 膠質滿滿🥰蠔皇扣南非五頭鮑魚味道濃郁鮮香 鮑魚肉質軟糯白鱔選料好 有嚼勁 亦煎得非常好味 外脆內軟😋而三葱爆炒牛肉就用上日本宮崎 A4 和牛 夠晒肥美_🔖 黑珍珠珍味套餐🔶涼拌青芒果海蜇手撕雞🔶珊瑚嫩蛋乳龍蝦🔶花膠松茸無花果黃耳燉雞湯🔶蠔皇扣南非鮑魚🔶三蔥黑椒爆日本和牛🔶濃湯魚肚大根煎白鱔🔶楊枝甘露

今日約咗個好耐冇見嘅auntie飲茶，佢建議嚟呢度，未入餐廳已經俾出面嘅佈置吸引住，好中國化、勁中國𠪴史feel, 有啲以為自己去咗文化博物館！🤣🤣我一向都覺得獨享一個灌湯餃好奢侈，特別係呢個得獎點心：$128一隻嘅天寶灌湯餃。今日最快上嘅點心就係呢個！一人一隻😂😂👍🏼👍🏼。湯鮮甜，夠哂熱👍🏼，用料上乘（有相為證），真係溫度、味道、速度都整哂。😂經典點心蝦餃同燒賣當然唔少得，熱辣辣、大大隻、好好味。後面籠蝦餃咁濛，係因為啲蒸氣湧上來嘅真實情況。😂唔好睇少呢籠荀尖鮮蝦餃，佢都係得獎點心嚟㗎！今日呢碟柚皮鵝掌蒸排骨，賣相似小菜，味道好，鵝掌唔會太腍，排骨蒸得啱啱好，一咬離骨，最特別係碟底嘅柚皮，懷舊又好味，啲柚皮吸收哂肉嘅汁嘅精華，超好味。😋😋呢碟雖然唔係得獎食品，都好值得一試，不過$228係有啲貴嘅！😅😅。下面呢個睇落好似炸兩嘅點心其實又係餐廳嘅得獎點心：五香脆牛腩腸粉，薄薄嘅腸粉包住脆脆嘅牛腩，認真特別兼好食。👍🏼👍🏼😋😋我見到好多枱人都叫咗一樣黑黑圓㘣包類嘅嘢，Auntie話係竹炭焗叉燒包。睇真啲，外面原來係黑色嘅菠蘿包，入面嘅叉燒，多汁、肉嫩又好味。😋😋呢個糖水係送嘅，餐單上面搵唔

朋友帶我哋&labubu 嚟呢度食，話每次嚟到，都超高水準永冇失望！果然每一碟餸菜都非常出色！竹炭叉燒包新鮮出爐，內餡超多，又燒超香，個皮又夠薄夠脆，超級好食！花膠超厚身，炆得好入味。感覺到滿滿嘅骨膠原嘅感覺。隻龍蝦又新鮮 ，肉質入口超新鮮彈牙，個汁正到不得了，帶有胡椒同埋芝士嘅味道，仲有少少指天椒嘅辣！食咁多嘢嚟返碗粉葛老火湯，成身暖笠笠，湯頭超甜超濃郁。呢度嘅廚師真係好出色整到咁多咁好味嘅餸菜出嚟！另外兩款甜品都超好味，其中一款我好推介：開心果糊係出面食唔到嘅原味道.絕無添加其他糖漿，天然好味另一款係雙皮奶，碗入面有好多唔同嘅食材，同樣係好好味！環境乾淨闊落，服務頂級!

招呼一流的天寶閣👍🏻服務態度良好。－個普通日子的晚餐，食客亦不少，氣氛熱鬧。因為中午食完自助餐嘅關係，所以大家都處於飽飽的狀態，所以點了些小菜，傾吓偈就算了😂菠蘿咕嚕肉-放上枱真係好香👍🏻上湯浸豆苗-正常發揮蔥爆銀雪魚-肉質鮮嫩👍🏻👍🏻👍🏻焗釀蟹蓋-蟹肉勁多🥰紅棗蓮子茶-非常足料滿足啊！

Restaurant Week試天寶閣（$428），門口貼咗米芝蓮，唔知點解2024點返入室內，後來上openrice先知今年冇咗一星。揀咗普洱茶（$28），點心🥧拼盤有筍尖鮮蝦餃，好大隻蝦，足料，瑤柱雞粒菠菜餃，綠色，黃橋香蔥豚肉燒餅，好鬆化，之後有天寶灌湯餃，好大隻，好飽，入面好足料，蟹🦀肉一大舊，有素翅，個湯都煲到好濃，飲清，琥珀芹香蝦球，蝦大隻爽，炸合桃香脆甜，夾, 蟹🦀肉竹笙扒菠菜苗，蟹🦀肉夠大舊，蝦🦐頭油海鮮炒飯，炒得乾身，正，楊枝甘露，多料，但芒果🥭酸

去K11想揾間好食嘅中餐廳,突然諗起喜來登內嘅天寶閣,去重温吓先😁知客理所當然嘅笑容滿面咁帶我入座. 好快侍應已招呼茶水,攞餐牌畀我睇.食粵菜當然要叫魚啦, 睇吓餐牌內有咩魚好食先？揀咗油泡星班球, 點多一客鹹魚銀魚仔蒸肉餅, 再點一味鮮淮山雞中菇煮菠菜苗. 兩個人有魚,有肉又有菜,夠晒啦😉鹹魚肉餅,有鹹魚香味但唔會過鹹,銀魚仔亦係淡口帶鮮味,肉餅肥瘦適中👍淮山雞中菇菠菜苗,三樣食材都好新鮮,清清哋🥰油泡東星班,好好味👍有六大片厚切嘅新鮮東星班魚,肉新鮮嫩滑,皮有口感...叫咗碗白飯配肉餅,連碗飯都好正,有米口香,有口感😋埋單大約$1200, 物有所值👍

姨姨慶生日去了喜來登酒店中菜廳！💓天寶閣以木色調裝潢配上中國畫及藝術品，具東方文化色彩！而且靜靜地啱哂傾計！服務員也相當貼心友善！主動要求幫手影慶生大合照外，停車場泊車卷也為大家安排！今日就試了菜式包括：花膠瑤柱鴨絲羹，夠哂鮮美！鳳梨咕嚕肉，口感一流！天寶閣炒飯，材料足！脆皮炸子雞，夠鮮味！花刁雞，入口有酒香！叉燒，入口鬆化，值得一試！蕎頭酒糟牛肉，肉質鲜美！糖水：開心果仁露，相當特色！芝麻卷，賣相吸引！

TLDR: 飛到底睇開心果露comment✧ 筍尖鮮蝦餃（$98）屋企人覺得蝦餃食唔出筍尖蝦味亦都唔夠而且皮好厚✧ 黑松露帶子餃（$88）都幾普通陣黑松露味弱到同本豬喺屋企𢳂啲黑松露醬落去差唔多..✧ 蟹籽燒賣（$98）一個偏重瘦肉嘅燒賣唔夠肥就自然唔夠油香但反而啱健康人士✧ 松子竹笙上素粿（$78）竹笙鋪喺素粿上面幾得意而且粿皮幾煙靭✧ 松茸翡翠珍菌腸粉（$128）第一次食素嘅腸粉望落同平時冇分別食落就係重菇味✧ 黑白銀蘿天鵝酥（$88）做得幾靚｡◕‿◕｡用焗麵團嘅方法整天鵝頸仲要有畫鵝點睛令大家未食都已經好開心✧ 牛肝菌羅漢腐皮卷（$78）第一次食素嘅腐皮卷覺得牛肝菌味道同腐皮卷都幾夾✧ 天寶灌湯餃（$128）灌湯餃一向都係特點但本豬一直都覺得係overpriced其實不過係湯+餃子但佢都有埋花膠而且個湯都幾好飲✧ 行政點心午餐（$438）本豬都幾建議多過4個人嘅話加呢個餐咁湊數點心就會方便啲分～點心拼盤有3款：咸水角、蝦餃、燒賣花膠帶子酸辣羹雖然只係個set入面其中一道但份量用料都好可以接受啊真係有大大粒帶子喺入面酸辣程度係平時唔食辣嘢嘅本豬都接受到貴妃香芒醬芝麻蝦香芒醬有啲沙律

假日飲茶好去處天寶閣絕對係weekend飲茶食堂，因為坐得比較舒服而且地點方便食物 - 點心款式多，有部分會相對fusion同飽肚。未必適合日常去，因為會易食厭，間唔時去一次會岩岩好。味道上未到好驚喜，但每次去都keep到水準，個人覺得點心/lunch好食過夜晚。價錢 - 偏中上，價錢尚算合理。如果係常客，可考慮做會員，較多優惠地點 - 近地鐵站，可以酒店泊車，如果附近泊Musea/ H Zentre，食夠某個金額都可以減$80

飲茶是香港人最喜欢，因為可以慢慢食，倾下计，但如果人多就最好揾間多選擇！这間位於尖沙咀Sheraton Hotel 的，地方好大＇点心選擇也很多，好好味, 只係甜品：楊枝甘露糕就最差，想中伏就叫🤪

今天約了從台灣回來的朋友，一行三人到天寶閣午膳，雖然是星期四中午，但也坐滿了八成客人，畢竟是五星級酒店，環境非常舒適整潔，侍應的服務到位。我們點了蝦子柚皮、化皮乳豬、燒買、蝦餃、生前包。虾子柚皮真是盡顯㕑子的功夫一流，柚皮鬆軟，但保留少許嚼勁，非常 juicy，因為功夫煩瑣，所以巳經沒有很多食肆會做這菜; 乳豬皮脆，黏著很薄的脂肪，跟微甜的麵皮和乳豬醬，非常配合; 虾餃皮薄，虾彈牙; 生煎包底脆，肉汁多，燒賣個子大，份量十足，整顿午膳，都是非常滿意。

今日放工四人行來晚餐，這裏環境跟其他中餐廳不一樣，比較暗，特別是往洗手間的走廊，有點恐怖。雖然個人喜歡較光猛的地方，但不得不讚這裏的食物質素很高。1. 片皮鴨（兩食）味道不錯，但不算驚喜。2. 金盞蔥燒銀鱈魚這個極度推介，有驚喜👍🏻3. 麥片蝦比較失望的一道菜，完全冇蝦味4. 黑虎掌菌五味牛肋骨這是另一道極度推介的菜，牛肉好淋，好入味😋5. 避風塘香酥骨很香口，炸得很鬆化，但已吃到很「漏」6. 羊肚菌青翠玲瓏對於平時很少食菜的我來說，這道菜我嘅吃過不停，那些白雲耳口感很特別，很是美味👍🏻👍🏻

因為親戚join 左Club Marriott 嘅關係，所以偶爾都會去Sheraton 食飯。今次去左天寶閣。疫情期間都少咗嚟食，今次食返都係覺得咁高水準。依家星期六中午只做一輪，所以唔會坐得好多人。環境一百分。服務都非常周到。🐽潮蓮豬仔腳 $148第一次食到， 佢唔係日日都有。豬仔腳煮到好冧，啲肉又好嫩。醃得酸酸地好好味。🕊脆皮貴妃鴿 $118外皮炸得非常脆，好香口，又保持到肉質嫩滑，無得頂。🥕XO醬爆蘿蔔糕 $118食辣嘅朋友可以問侍應，佢地有提供余均益辣椒醬。蘿蔔糕爆到外層非常香脆。超好味。🌚竹炭焗叉燒包 $88 🤤呢個係我嘅favourite，其實我唔係咁鐘意食叉燒包。但係呢個竹炭焗叉燒包外層焗到好鬆脆，同入邊好juicy嘅餡形成對比。勁鐘意食。🍄松露野菌生煎包 $78煎到個包好似一塊葉片咁。形狀易入口。松露味極香，超好食。🥢翡翠帶子腸 $108食得出帶子嘅鮮味，大大隻帶子係入邊，啖啖鮮味。🦐筍尖鮮蝦餃 $88亦係份量十足，鮮蝦新鮮彈牙。🥢柚子蜜芝麻蛋散 $58大大舊，柚子蜜好重柚子味。鬆化可口。總結，無得輸。寫完呢篇食評都流緊口水。非常推薦大家去食。

已經去過天寶閣吃飯很多次。每次都非常滿意。由菜式、招呼、環境佈置、餐具衛生程度、以及食物的賣相等等，各方面都非常具水準。故此，每逢有朋友聚會，我們都會選擇天寶閣。所以今次有朋友遠道由星加坡到香港旅遊，我專誠帶她到天寶閣晚飯。當晚所有菜式都非常滿意。除了甜品！去到甜品的時候，就令我們很失望了。我們點了兩客蛋白杏仁茶，入口似喝着白開水。完全沒有味道！這一客蛋白杏仁茶，令我對天寶閣的印象打了很大的折扣！