天天素食

營業中

休息中

第一次食呢間嘢，諗住食腸粉都唔會出事，返到屋企打開包嘢就知出事😩個甜醬啲色素嚴重到🧐橙紅色㗎，加埋個甜醬個味苦苦地🙂‍↕️腸粉本身OK嘅，仲買咗二十蚊八條，食咗幾舊，即刻成包掉咗佢😤

之前作為食肉獸🍖無肉不歡食菜🥬當然係好少，因為肉好滋味，菜就淡而無味。但有時食得太多肉，都唔係一個健康✅嘅選擇。慢慢轉變，都想試吓每個星期都搵一日食吓素食🥒。呢間素食專門店算係多花款，連早餐素食都有，真係要寫個服✌️字俾佢。盆菜🥘、壽包都可以預訂，咁大時大節都可以食得好健康🫶🏻🫶🏻。平時經開，都會叫個素食腸粉🥰【食後感】📝✔️自己混醬（豉油、甜醬、花生醬及芝麻）✔️10分方便，層次感10分豐富🤝✔️腸粉夠滑、軟綿綿嘅感覺✔️有少少爽滑煙靭✔️米香味都食得出，但唔係好明顯

我今早趕著去講書，離開荃灣地鐵站時，心想著未能坐下來食個早晨全餐。行經富華中心，見到天天素食有素食腸粉，$14有4條，$17有 6條，$20則有8條。我企在街上食野（俗稱掃街）已是小時的事，現時趕時間，迫著掃一次街啦。我點左素食腸粉$20，自己混醬（鼓油、甜醬、花生醬及芝麻），站在舖旁吃，估不到腸粉好滑好食，下次定必回去吃。

大前日(16-9-2023 Sat) 晚,唔太肚餓但又唔想喺餐廳堂食,就同老公落荃灣買外賣,先喺半熟工房買咗甜品,就再諗主食,突然諗起想食腐皮卷,於是嚟呢喥買齋食,睇完一輪,我就俾個食物盒店員幫我裝住,要咗腐皮卷,蘿蔔糕,芝麻卷,煎堆同砵仔糕,入完後店員交俾我,同話送一個芋角俾我.多謝晒.當佢想用膠袋裝住時,我遞返個盒俾佢,請佢幫我放埋入盒喥,呢喥盛惠$44.00.而老公就拎另一個盒去買腸粉,佢用咗$16.00買6條.返到屋企,我哋就打開食喇,我先食芋角,佢除咗有芋蓉外,重有啲爽口粒粒,係蘿蔔粒.味道:3.5分蘿蔔糕係實啲啲,唔會一夾就散,睇到都幾足料,味道同口感都正常.味道:3.5分腐皮卷呢,內裡都係蘿蔔絲,外皮都脆,味道亦清淡.味道:3分煎堆呢,切開睇,都幾厚身同原來有餡,係蓮蓉餡,食落比較煙韌,蓮蓉餡甜但唔會太甜,味道:3.5分之後到芝麻卷,呢個係甜,但都一樣唔會太甜,口感亦正常.味道:3.5分到腸粉喇,老公除咗辣醬唔落,其他都落咗,而且份量唔少,食落就好快飽,而腸粉係好滑身嘅,口感唔會太腍.味道:3.5分最後嘅砵仔糕,係俾爸爸食嘅.抵食係2.7分上次食評係2022年9月13日刊

如上篇提到,大前日(10-9-2022 Sat)中秋節喺屋企整咗成日嘢,完全冇動力出街買餸或食晚飯,老公就出去抖吓氣,順便買嘢返屋企食,佢喺唐記買咗蓮藕炆腩肉飯後,我話想食齋,佢就走嚟呢間睇,話有羅漢齋,但我對羅漢齋麻麻,佢就話有紫菜卷同細三色齋,咁就要呢兩樣啦,盛惠$68.00,返到屋企睇,紫菜卷係原條冇切開, 三色齋嘅顏色全部都係紅色.我哋將紫菜卷切開先,佢係紫菜卷住腐皮,食落,味道淡到近乎冇味,亦麵唔係外脆,普通.味道:1分細三色齋呢,除咗其一隻正方體係磚紅色外,另外兩隻顏色都一樣,係偏橙色,呢三隻酸甜齋,味道都差唔多,只係口感唔同, 正方同長方體嘅口感較實有咬口,另一隻就係軟腍嘅.我覺得酸酸甜甜嘅味道好啱我,不過成盒都係呢隻味就冇乜癮.味道:5分上次食評係5月5日刊登嘅呢篇:https://www.openrice.com/zh/hongkong/r-%E5%A4%A9%E5%A4%A9%E7%B4%A0%E9%A3%9F-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-%E7%B4%A0%E9%A3%9F-r8

24-4-2022 (Sun)老公喺呢喥買$20.00腸粉返嚟做lunch,見佢份量幾多,老公加咗豉油,甜醬,麻醬同芝麻,腸粉好滑,食到有啲米味,啲醬撈晒一齊食好正.上次食評係2014年4月27日刊登嘅呢篇: https://www.openrice.com/zh/hongkong/review/%E5%BC%95%E8%BF%94%E4%BD%A2%E8%87%AA%E5%B7%B1-e2360430

想喺荃灣搵一間食齋都咁困難，由於疫情關係，決定買外賣返屋企一家人食，媽咪鍾意食酸齋，滷味齋拼盤係我哋必食推介！礙於我唔係咁熟荃灣，真係只可以靠OpenRice 上網搵資料，最終搵到間近地鐵站嘅，不過冇乜人寫食評，原來價錢已經貴咗好多。最終我要左一盒八寶齋，$80 一盒，仲要阿姐態度極差，十問九唔答。我仲加咗三件腐皮卷，$25。其實唔係好明點解齋要凍冰冰，返到屋企又唔得閒加熱，最終食唔到好味，反而腐皮卷有少少🤏油膩感覺。媽咪就話質素一般，最緊要叫我下次唔好再喺呢度買。原來咁多人排隊只係食豬腸粉

香港已經越來越少這類型的素食外賣小食店，這間素食店有幾間分店，小食種類都頗多，亦好新鮮。我買了齋叉燒，酸齋，砵仔糕及芝麻卷回家給家人一起分享。酸齋好新鮮，好有兒時食的味道，因為好耐冇食過。好喜歡他們的芝麻卷，幾滑。齋叉燒都可以。砵仔糕就一般，不是很滑。

有時出下街想食少少野過下口癮 荃灣區近地鐵站的，首選一定係呢間腸粉！放工時間會有好多人排隊！ 我鍾意佢可以自己落醤料！自己口味係多鼓油多麻醤、適量甜醤同芝麻。可以按自己口味去調教價錢每年大概加價$1，依家4條賣$11，仍然覺得係夠肚底食之選！

今天下午，本人排隊買腸粉，我向職員表示外賣6條腸粉。職員把已剪好6/7段短腸粉放入包裝紙內，其後只剪多完整2條腸粉便當作6條，我查問這位肥胖新面孔的職員已是6條完整腸粉，她粗魯的回應已是6條腸粉，我回應我幫襯開唔係咁少的，加上剛才那6/7段腸粉已當作4條完整腸粉有欺騙顧客之嫌，本人十分氣憤😡，幫襯了這店腸粉咁多年，第一次遇到這樣待客的手法，令人感到十分不滿，並決意以後不再幫襯😤😤😤

剛剛買左$15腸粉，醬要自己加，但加完醬個阿姐罵我：「走啦！仲唔走！快d攞番個碟番黎添呀！」我加左好耐咩？！我辣醬都無加！可想而知我已經少左個step！後面好多人排隊咩？後面得個岩岩比左錢既先生就無人排隊喇！勁嬲囉，呢d咁既服務態度真係唔得囉！

Good place to get some more or less cheap vegetarian stuff - they rarely speak English but actually it works without by showing everything you like.The taste is okay. I tried all sorts of things and all in all some are better and some are...a bit...well... without taste, just soy

而家D小食店越黎越多, 口味亦選擇多, 但個人都係鍾意簡單一點, 唔洗太花巧.平時最鍾意放工黎呢度買腸粉, 每次都大排長龍, 亞姐蒸到唔停手.由於人龍太長, 亞姐一般剪好腸粉就比你自行加醬, 鍾意呢度既其中原因之一.豉油調味唔少得, 甜醬同麻醬夠杰身, 味道足, 加埋芝麻夠香. 每舊腸粉都可以沾到滿滿既醬, 入晒味, 甜醬唔會太甜, 麻醬又香.腸粉熱辣辣夠滑, 唔鞋口, 咬落又唔會一舊粉, 好好味.相比其他鋪頭用D好稀既醬, 呢度絕不吝嗇.

平時黎到荃灣開工個口好痕痕地想食下野但又食唔落太多野喎咁我就會嚟呢度買個腸粉食呢到係正荃灣站B 出口出面一出地鐵站就會見到 好方便👍🏻👍🏻👍🏻呢度平時放學放工時間就會排晒長龍好多人都會來呢度買腸粉食足以證明呢到嘅受歡迎程度同好食程度$9 有4條 落左order 姐姐就會係蒸櫃拎腸粉出黎剪保證熱辣辣 正 有得揀立食或者拎走最正係醬係自助形式 鍾意落以多就幾多我就最鍾意加勁多麻醬同芝麻再落少少豉油同少少甜醬 perfect🤤🤤🤤

今日買左一盒羅漢齋、齋滷味返屋企加餸。阿姐雖然態度好一般, 但手腳好快, 仲會問我羅漢齋需唔需要加熱同埋要唔要筷子。齋滷味有分大中細, 我要左盒細, 可以揀三款, 揀左齋鴨腎、甜酸齋同豉油齋。講返食物。齋滷味 (圖左$20)無咁濃味甜酸齋: 甜酸適中, 顏色算係無咁似螢光色, 感覺上人造色素比出面買到既甜酸齋較少豉油齋: 少少咸, 無乜特別齋鴨腎: 表面醬汁甜甜地, 食落好似有d 五香粉之類既香料味, 亦夠煙韌羅漢齋 (圖右$35): 有紅蘿蔔、紹菜、雪耳、雲耳、冬菇、豆卜、腐竹等等, 有d 素蠔油味, 味道比較咸, 比較適合撈飯食!食物質素算唔錯。