天天素食

營業中

休息中

沙田市中心要找純素食最近要去到瀝源，雖然呢間係外賣店但都已經造福食素或偶爾想食素嘅朋友。食物方面，本人較喜歡車仔沙嗲湯底麵。不過試過叫牛蒡扒做餸，係硬到食唔到！而點心係凍嘅，我唔知其實可否要求即場整熱。其他方面，有以下建議：1. 粥到夜晚通常賣哂，賣哂可以貼張紙話售罄，唔使客下下問2. 有次下晝買粥，店員話早餐先有細粥賣，下晝一定係大碗$22，建議寫清楚細粥得早餐有3.店開到9:30pm但車仔麵9pm後就冇，都係希望可以一早寫清楚

一路都有食開車仔麵，個兜響湯汁瀉咗出嚟嗰時，喺會浸爛個兜。之前會盡量綁實啲，或者換個細啲嘅膠袋，無fing得咁勁，就唔會浸爛。But恭喜，而家車仔麵換咗新兜喇。但我食到一半先記得影相，Sor.

幫襯咗天天素食好多次，通常都係嗌外賣，但個外賣紙盒實在太軟太唔耐水喇，每次取外賣後15分鐘內必定開始漏汁。😩🤦🏻‍♀️ 就算行得幾慢，揸得幾平穩，返到屋企都一定至少半碗湯汁漏咗出嚟個膠袋，冇碰撞過個紙兜都浸到爛晒變晒型，有時個膠袋仲穿埋窿，一路行一路滴… 🥹😵‍💫💔今次直頭全部湯汁冇晒，浸到個紙盒都爛埋，漏到成車都係湯汁，真係頂唔順喇！！！🥵🥵 求求店家轉用返啲質素好啲嘅外賣包裝盒&厚啲嘅外賣膠袋 😵‍💫🙏🏻🙏🏻

見沙田店新開張，即刻去試下，車仔麵啲麵同餸，都好好味，款式又多，$50蚊有三個餸，即叫即煮，返到屋企，仲係非常熱的。第一次食素食車仔麵，個午餐肉一啲都唔會好粉，幾有咬口， 煙燻鵝真係有 煙燻味，仲有咬口。 鹵水大腸有好多件。另外點心試左腐皮卷，春卷， 芝麻卷，馬蹄糕，紅豆糕，返到屋企整返熱，都好好味，又唔油。仲有 齋滷味，各式各樣唔同口味的都好食。正呀，以後經過都會幫襯。係正商場入口，好方便，不過好多人買，要等一陣。

店舖位置方便，有好多款式，節日貨品例如新年年貨，盆菜，月餅同埋糭嗰啲都有 試咗素食車仔麵，覺得沙嗲湯底最正，豆漿湯底清淡得來有啲香味 粟米魚肉好好味 芝麻卷都正加咗$15配一個小食，同埋自家製涼茶 都唔錯 佢有好多懷舊糕點，我諗唔係食素嘅人都會有興趣因為尋日試業中，所以啲員工有啲嘢未係好熟，不過起碼佢哋唔會黑面同埋態度正常，買幾件糕點會送多件 價錢唔算係最平街市超市嗰啲，因為質素唔一樣。但係以呢個包裝質素，我覺得合理