天天烘焙 (已搬遷) 新店位置

武漢肺炎爆極都未完，呢個垃圾正苦搞到民不聊生，佢地會有報應架！！！ 武漢肺炎搞到出唔到街食飯， 要不停refill屋企個糧倉， 呢日經過呢間良心小店， 我平時都係買方包多， 今次見到紙包蛋糕。。。 真係好耐冇食過， 買返兩個食吓先~本來諗住一個返屋企即食， 另一個留返第二日食， 點知。。。 一咬落去嗰吓好鬆軟， 好有蛋香， 真係好好食， 食吓食吓。。。 我連本來想留返第二日食嗰個都食埋 一次過K.O....... 真係好好食~呢間良心小店要搬去隔離幾個鋪位， 等佢開返再繼續幫襯~ 加油呀！！！

佢地做埋2月就唔做啦！！快啲去幫襯下啦！🥺不過好好彩佢地簽到新約，4月中至下旬搬新舖去德輔道西320號舖！🥳係大街但裝修設計都係好平民嘅麵包店，更重要係好有人情味嘅地方🥰因為入到去行左陣，老舊娘同個熟客傾到好開心個小朋友走左去玩收銀機仲幫我收錢，老闆娘唔單止無話佢更加教佢要點講同做啲咩，感覺好溫暖🥲真係一啲細嘅社區先可以做到呢啲效果，而唔會比急速嘅生活節奏影響🥸入到去仲見到有光時嘅蛋糕，仲要唔貴！🤩==============================🥯 天天烘焙 Daily Bread @dailybreadsaiwan📍西環德輔道西332號地舖（港鐵香港大學站 B1 出口, 步行約5分鐘）⏰星期一至五 12:00 - 22:00 星期六至日 11:30 - 22:30==============================1️⃣ 【藍莓貝果】 $12Bagel嘅熱潮有增無減，見到圓圈中間有個窿嘅野就會吸引左小編嘅注意🥯雖然開頭望落佢隻色真係唔多吸引，但都係抱住試下嘅心態🤔估唔到真係比到驚喜我！小編放左佢落微波爐加熱，出到黎嘅效果係唔知點解出左好多水，而唔係乾身😳食落個皮

去開西營盤，除左要支持下Cafe小店，當然要去支持下做到28/2既天天烘焙💛不時喺group都會見到天天烘焙既忌廉蛋糕🎂 今次黎到門市，所有款色都一覽無遺～仲有唔少新年食品添！我就買左💁🏽‍♀️➿ 朱古力麻糬 ($5)➿ 斑蘭麻糬 ($5)麻糬比一般坊間見到既大舊，所以$5@1都合理～ 雪左一日再翻焗，但口感都幾煙韌😋 朱古力味🍫睇色澤就知好夠🐷～ 斑蘭味有驚喜，香味少有地濃郁（我成日嫌坊間斑蘭產品得個色😛）仲有半溶朱力粒粒喺入面～ 值得一試！

上網見到朋友搵呢間整相片打印蛋糕，令到我都心思思想整返一個。過程簡單方便，只需要透過WhatsApp同佢哋溝通， send相，payme，第二日就有得攞蛋糕啦。仲可以揀唔同味道，有忌廉蛋糕，黑森林蛋糕， Oreo蛋糕，而店員嘅態度親切有禮貌。去到攞蛋糕當日，好surprise原來呢一間係一個非常傳統嘅蛋糕店，主要都係買一啲港式嘅麵包，好似雞尾包同菠蘿包咁，見到佢有自家廚房，師傅係入邊專心咁整麵包。而佢亦都有一系列現成嘅相片打印蛋糕賣。臨近新年，舖頭都見埋好多賀年食品，我都買咗笑口棗返屋企試吓。講番個蛋糕先，蛋糕係傳統港式麵包舖嘅味道，欣賞佢唔係好甜，朱古力蛋糕鬆軟，啲cream更加有黑加侖子味，有啲surprise。

武漢肺炎搞到我work from home, 日日食面， 真係好悶， 有時都會幫襯呢間小店買d面包做儲糧，佢真係唔錯，新鮮又好食~ 仲要估唔到佢咁夜都未收工， 好勤力呀 我去到鋪頭都差唔多10點9... 武漢肺炎搞到大家生意差咗，我諗佢地都好難捱， 真係要多d幫襯我今次買方包，諗住整飛碟. 我之前響d賣泰國貨嘅網店買咗d泰國豬肉鬆， 加d沙律醬就可以夾飛碟。 真係好簡單方便， 我仲要係咁落勁多肉鬆 諗起都正~ 食得面多， 有時都要轉吓嘅~ 如果唔係都唔知點捱。。。。 呢個武漢肺炎仲要有排搞， 都唔知搞幾耐， 死都唔肯封關， 搞到香港爆完一波又一波，一路永續限聚令，d鋪頭真係多得佢唔少. 希望呢d良心小心撐得住啦， 大家都要加油呀！！！

位於西環電車路旁的港式餅店以美味又價錢相宜見稱一直很喜歡吃他們的提子酥非常鬆化 充滿牛油香氣加熱後特別美味！🔥還有叉燒酥 皮蛋酥 等傳統烘焙美食小小一件 配上一杯玫瑰花茶 當下午茶最適合不過🌹早前看到他們公布店舖不獲續租的消息希望他們盡快找到新地方最近看到他們還推出了𝐁𝐚𝐠𝐞𝐥🥯下次再買來試試繼續支持小店

好多冬天生日嘅朋友仔，年尾到年頭都瘋狂食蛋糕😋🥰 之前同朋友慶祝生日，揀咗呢間立場鮮明嘅蛋糕店，呢個蛋糕好特別，裏面有好多種味道😆 買嗰時完全唔知😆-🎂 「Oreo蛋糕」（價錢唔講啦壽星會睇到😂）蛋糕面有兩款可以揀，一係講唔出嘅呢八隻大字 #gfhksdgm ，二係香港兩隻大字，入 @dailybreadsaiwan 可以睇到～-呢個蛋糕雖然叫oreo蛋糕，但其實全個蛋糕得佢側邊有一圈薄薄嘅oreo cream🤣 oreo cream幾香嘅，唔會太甜😋 蛋糕體係普通原味蛋糕，加夾層有cream同一層薄薄嘅咖啡味蛋糕，覺得咖啡好香好有畫龍點睛嘅效果😳 蛋糕面嘅紫色食用打印糖係黑加侖子味😳 黃色嘅cream係芒果味😳 痴住左下角細牌仔嘅cream有芒果同粉紅色嘅士多啤梨味😳 完全係勁估你唔到🤣 一個「oreo蛋糕」竟然有咁多種味🤣-整體黎講，幾隻味嘅cream都好輕盈唔會太甜☺️ 只係蛋糕體有少少少少少甜（五個人入面有一個覺得甜咗啲其他都ok） 我覺得中間嘅咖啡夾層好加分，好驚喜，咖啡好香，點綴得好好😚 不過重點，都係面頭嗰句。

自從搬咗去西營盤後，我好多時嘅早餐都係由天天烘焙包辦，佢開到成夜晚11點，我OT收工都可以去買定麵包第日食，最多就係買佢嘅全麥方包，感覺健康啲又有咬口，重點係價錢好平今日咁啱要買蛋糕，但又唔想光顧其他藍店，咁就過嚟買個現成蛋糕🍰 佢主要係傳統蛋糕，包括什果、朱古力、黑森林同藍莓芝士蛋糕等等，今次就揀咗黑森林，已經有好耐無食過luuu蛋糕食落鬆軟，唔太甜，但夾層cream太厚反而無乜啫喱，有少少傷心不過整體都幾好味，只係餡太少，但一磅都係90蚊唔要求太多喇～ 幫襯天天其一重點係佢黃到金，多謝佢一直親力親為去支持黃色經濟圈

真係估唔到有得print相係蛋糕仲要咁抵！😍😍望落好似舊式既麵包店，以為得d傳統既蛋糕賣，但其實有好多種類，見到d相有d 3d蛋糕，又可以print自己鍾意既相落蛋糕，好正👍🏼👍🏼·我哋訂咗1磅既粟子蛋糕加印相($188)。會唔會太抵！圍邊既彩虹cream已經覺得好靚，好少女心💛蛋糕夠軟熟，但粟子味唔多出，雖然成個蛋糕都係cream但唔算好膩，係好食既傳統蛋糕，好推介比住西環附近既你👍🏼

呢間烘焙店可以有訂製嘅蛋糕👍🏻而且係一間黃店😍好值得幫襯🤗而且職員服務態度好好🥰可以WhatsApp佢哋，比相佢哋印個蛋糕出嚟～因為有朋友生日，所以前一日WhatsApp左張圖片比佢哋，第二日就可以拎到☺️而且都幾平👍🏻$118就有一個雜果蛋糕😍佢嘅表面就係印咗訂製嘅相片😆夾心就係雜果蛋糕👍🏻幾軟綿綿，幾好味😋而且有好多cream🤣以前仲有連豬同Pepe圖案可以訂做,但係依家就冇呢啲選擇🙈不過都明白嘅~不過仲有香港加油嘅蛋糕可以訂做👍🏻

話說之前買咗排包，返屋企放咗入冰格， 完全唔記得咗. 今日開雪櫃先記得, 應該冰咗兩個星期。。。。 呢排返工有出街， 唔似得之前閉關嗰陣日日睇雪櫃有乜食，個冰格一直都冇開過抱住食得唔好嘥嘅精神， 曱大大話要惜食，睇落個排包只係雪硬咗，等我放入氣炸鍋，180度焗吓佢先. 焗咗出嚟， 面包香味返生~ 香噴噴 我搽咗d牛油同加咗d野花蜜， 一咬落去， 好好味~ 好似d多士咁，個面同d邊都好脆。 因為排包都幾厚， 好似厚多士咁， 一咬入去， 不得了， 入面好鬆軟， 好似新鮮食咁一樣~我一口氣食咗兩塊， 好飽. 佢真係脆到， 一咬落去，我食到成地都係面包碎.再焗返都咁好食，食完可以再買過， 放雪櫃以備不時之需。。。。 話晒肺炎未完，都唔知幾時同會唔會爆第四波

多得免檢疫呢樣嘢， 武漢肺炎又爆過， 又要再過自我隔離嘅日子。。。。平時儲嘅糧餉， 都係d面呀， 餅呀。。。。 食到個人都變燥底。。。 lunch都係想簡單d, 但係日日食餅真係好熱氣， 可以點呢？！ 咁啱出開街拎嘢，順便補給糧餉， 經過面包鋪， 唔理咁多， 一次過買咗堆面包。 返到屋企就大鑊喇。。。。 邊食得晒呀？！好彩， 突然諗起當年響澳洲working holiday嘅時候， 佢地係將面包放入冰格架！！！ 冇錯， 係冰格， 想食就拎返出嚟烘返熱佢， 好方便！！ 自從有咗個airflyer之後， 我乜都放落去， 用5 分鐘， 110 度， 食嗰陣， 外脆內軟， 超好食！！！！ 張相係咁， 因為係麥包既提子包， 所以咁嘅色。。。。 絶對唔係我烘燶架， 佢本身就係咁嘅色架.下次出關既時候，都會去天天烘培買多d包， 唔會驚食唔晒 (佢而家好似有送外賣，咁樣仲perfect~ 冇得頂！！！)

終於到端午節既禮拜， 之前買嘅糭。。。。 未到端午節就已經食晒咁就要再買過今次影多d相~ 個包裝好貼心， 用冷凍袋入咗， 確保新鮮~ 入面原來仲有營養標籤， 都冇見過糭嘅標籤， 第一次見. 入面仲有張sticker, 都幾好~ 加埋呢轉，我呢個月會食12 只糭真係食咗咁多都唔覺， 因為真係好好食~ 可以當飯食主菜就緊係食糭啦~ 我今次食只素糭先 好好味~ 入面有細細舊紅蘿蔔， 煮得好淋， 好軟熟， 粒栗子都係，好正~ 最緊要係食到滿滿既人情味同濃濃既香港人味！！！

唔好見到間店舖外貌好舊好老土，就以為冇好嘢， 其實天天烘焙賣嘅種類好多、好豐富。 佢哋既生日蛋糕部分更採用相片打印技術，一啲都唔out 㗎。收費： 非常貼地（我訂1磅都係around$2xx)味道：傳統黑森林底（另有其他口味可選擇） 幾好味、唔算好甜，加上唔係成口Cream （中女口脗 ） 蛋糕質感夠晒軟綿綿賣相：唔駛多解釋，你懂的！ 你亦都可以自己提供相片俾店舖。生日牌：自己訴求自己寫。備註：蛋糕早一日落訂，第二日就可以拎。

係， 你冇睇錯， 呢間係面包西餅店， 不過我係講食糭.之前響度買咗幾張糭卷， 到六月， 終於有得拎喇 好期待今晚收工， 去換糭， 一去到， 已經見佢地預備好一袋袋糭， 等人嚟拎。 由於我住附近， 我淨係拎d糭走， 唔好浪費個保溫袋，同埋張閃卡我都冇拎， 等佢留返下一lot用， 我只係要糭， 其他都唔好浪費我拎嗰陣特登問要整幾耐， 妹妹好有禮貌咁話放雪櫃就"颯"15mins, 冰櫃就20mins. 呢幾日食就放雪櫃， 想放耐少少就冰格。我返到屋企由頭洗到落腳之後， 已經急不及待整嚟食。 我抽到只咸肉糭， 煲咗20 mins就即食~ 好味！！！ 本來諗住唔食舊肥豬肉， 但係到最後。。。。 食埋 今年嘅第一只糭~ 滿滿的的香港人味， 濃濃的人情味