天天海南雞飯 (Fashion Walk)

營業中

休息中

好似好耐冇食過食海南雞，心血來潮就想去食正宗海南雞：海南雞一份，份量好足，有黑醬油、帶有檸檬味雞醬、薑蓉，雞肉好軟滑，一啲都唔會鞋口，亦都有青瓜做伴碟，食落好清爽，外表同味道都100分雞油飯：雞油香味好重，食落唔會覺得油膩，如果鍾意食飯嘅，可以叫大份，當然前提係要食得晒啦。去食海南雞，一定要叫雞油飯，米飯要煮得好食真係好花功夫。泡菜大蠔餅：蠔餅炸得好脆口，蠔嘅份量比得好充足，加埋一個醬汁，酸味味，一d都唔會油膩，蠔嘅味道好鮮甜。滋潤薏水：10分滋潤，個人比較推薦熱飲，有好多特色飲品都係熱飲，薏米水味道唔會好淡，飲落甜甜地。超級水果茶：裏面有好多生果，蘋果、西瓜、無花果、橙、檸檬，味道十分清新，亦都好大杯，好抵飲。桂花糕：有好清香嘅桂花味，加埋一個酸酸甜甜嘅醬汁，用來做飯後甜品真係好適合

☆ 天天海南雞飯銅鑼灣京士頓街9號Fashion Walk地下H2號舖✦ 新加坡米芝蓮2人套餐• 蝦皮素肉鬆凍豆腐凍食，豆腐好滑溜，上面有肉鬆同櫻花蝦，個汁幾濃味，同埋都有d辣，夾埋一齊食都幾正。• 黑松露墨魚蝦多士呢個一上枱已經勁香黑松露味，多士脆卜卜重牛油香味，墨魚同蝦都好彈牙，仲大量椰菜木魚芝麻醬撈埋一齊食，中和油膩感，好食！• 鳳梨凉瓜千貝燉龍骨落左單無耐就上個湯先，個湯好清甜，完全無凉瓜嘅苦澀味，又暖胃又好飲。• 天天海南雞雞好滑，就咁食已經好好味，不過呢到嘅黑醬油偏咸，我就鍾意帶甜味個隻多d。• 雞油飯 (小煲)超好味！唔鍾意食飯嘅我都食左好多，粒粒分別又好香雞油味，好正！• 海南雜菜煲勁熱辣辣，上枱見到仲滾緊咁，入面好多料，又雞腎又蝦乾，成個煲好鮮味，粉絲又索晒d湯，攪到明明好飽都仲食唔停XD• 美綠恐龍唔會好甜，如果多d美綠粉就仲正。• 金牌咖啡傳統馬拉咖啡，苦澀味比較濃，偏酸性，加入鍊奶，順滑容易入口。呢個2人餐超抵食，食到勁飽，環境好舒服，食物好味，餐具都好靚，一絲不苟嘅感覺，唔怪之得係新加坡嘅米之蓮。

來自新加坡既天天海南雞 名氣絕對唔細係仲未有得去旅行嘅時候 唯有嚟到銅鑼灣嘅分店去感受下新加坡既味道啦😋😋鋪頭就係Fashion Walk近住維園個邊喺鬧市中心非常之易搵👍🏻👍🏻Menu上面嘅選擇非常之多 上至唔同既海鮮 下至各式甜品 飲品都有好多選擇 第一次黎到天天海南雞 所以都試一試佢地既招牌海南雞先 呢到既海南雞都有幾款 有正宗海南雞 天天海南雞同埋燒雞 今次就叫咗一份天天海南雞 天天海南雞係無骨既 啱晒我呢啲懶人食🤣🤣 醬汁呢方面就一定唔少得嫁喇 雞肉方面 好有雞味 隻雞又唔會太肥 連埋皮食都唔覺得好有負擔呀😆😆叫咗個細既油飯 份量已經夠哂兩個人share 油飯好香 做到好乾身 同朋友兩三下就清哂🤣 之後仲叫咗個叉燒 上碟既時候已經聞到好香既蜜味 個底仲有啲脆米 連埋啲叉燒一齊食係幾襯👍🏻仲有個松露墨魚蝦多士 一碟有四件擺盤都好精緻 有好多木魚同菜呢個蝦多士好出色 唔會食到成口都係油 蝦同埋墨魚都好爽口彈牙 同時又有好香既松露味值得一試💯💯👍🏻 美祿恐龍豆花咖啡- Fashion Walk呢間天天海南雞飯環境坐得舒服 食物都有水準 有機會一定會再黎食嘢😁😁😁😁👍🏻-

相信一提起🐥海南雞，天天海南雞就會立刻浮現係腦海入面。榮獲米芝蓮推介，質素確實有保証😳✨🍤黑松露墨魚蝦多士 $89係🍤蝦多土入面釀入🦑墨魚滑配上黑松露醬、🥬菜和木魚碎。🍤蝦多士炸得十分香脆，🦑墨魚滑彈牙，好香墨魚味！🥬菜和木魚碎可以減低炸物嘅油膩感！層次豐富，大推！✨🐥天天海南雞(中）$169細問店員與正宗海南雞嘅分別，正宗海南雞會有骨和雞味較重；而天天海南雞就會冇骨和肉質較嫩滑。我們選擇了後者，雞肉真的很嫩滑😳，雞皮也不肥（平時會走皮，今次都全部食晒）。配備三款醬汁都各有特色！左邊係青檸薑汁，酸酸甜甜帶微微薑味很開胃；中間類似泰國酸辣醬，會多一份辣勁；右邊甜豉油係我嘅最愛💕我覺得和海南雞最夾！✨🍚雞油飯（小煲）$39雞油飯好有驚喜🎁，雞油和飯嘅比例剛好，香而不油膩👍🏼 份量也很足！🐟青檸汁蒸鱸魚 $169上面鋪滿青檸片，魚肉很滑很滑，配合酸辣嘅醬汁，會越食越開胃🤩 餐廳會用蠟燭保溫，令食嘅時候一直保持熱度！⚠️食魚要小心魚骨🦴環境：4/5佈置花了心思，枱同枱之間嘅距離唔會好迫！燈光較柔和又不會太嘈。服務：4/5會細心解答問題💕食物：4.3/5食物質素高😋即叫即做，黎到好夠熱🔥特別推介：

記得以前去新加坡旅行，都係喺熟食市場入面食海南雞飯，但當然舒適程度都係麻麻。天天海南雞飯做咗過江龍黎香港之後，迎合番本地嘅需要，搖身一變邊咗一間幾有味道同坐得舒服嘅餐廳~唔使坐硬板櫈，唔使捱熱，都食倒新加坡嘅本土味道！唔想諗，叫番個二人餐先！首先黎咗個燉湯，湯嘅味道係清清地嘅豬骨湯，味道足夠，同埋感覺唔似有味精海南沙律超級有熱帶風情，佢用咗啲酸酸甜甜嘅生果，好令人開胃黑松露蝦多士簡直令人驚訝，個擺盤嘅設計值得100分！將蝦多士咁平民嘅嘢，昇華到另一個層次，用黎打卡一流！味道都好高水準！然後到主角 天天海南雞飯！配上天天嘅獨門醬汁，成件雞比平常更juicy同埋有雞味，雞肉滑溜又冇骨，食得幾過癮！最後仲有個雜菜煲，入面有好多蝦乾，吊起成個煲嘅鮮味，而且仲有好多粉絲索晒啲湯，食到停唔倒口最後由兩杯地道飲品作結，奶茶唔會太濃，容易入口。酸柑桔蜜開胃醒神，都幾適合配濃味嘅嘢食。

銅鑼灣fashion walk真係好多嘢食，行完sogo之後竟然被我發現呢間海南雞飯，之前係公司附近都有間天天🥲之後就冇搵到，終於可以再食翻🥰🥰海南沙律💰90佢有有三款水果：無花果，番石榴和士多啤梨，顏色鮮豔，灑上酸梅粉，作為前菜真係好開胃鴛鴦菜花💰129佢同石窩上所以味道好濃郁，鍾意食菜花既人一定要試試🤣🤣天天海南雞💰220配雞油飯尼個係無骨雞既海南雞，而且脂肪唔多，不過夠晒嫩滑，配埋佢既醬料（除左本來已經淋上既特製醬汁，仲有另外三種醬，黑醬油膏，酸辣汁，薑蓉）就係我日思夜想既天天海南雞🤣黑松露墨魚蝦多士💰116黑松露味道濃郁，我最鍾意食煎炸野！墨魚蝦多士真係好夠味又彈牙鳳梨涼瓜干貝燉龍骨💰90非常足料，非常鮮甜，再加埋佢用個藍色燉盅裝上黎，增添質感天天海南雞飯係新加坡米芝蓮餐廳👍再加埋佢個裝修，真係值得黎試一試☺️

已經有一段日子冇食天天海南雞飯今日出開嚟銅鑼灣就同個朋友一齊去食對於選擇困難既我哋，都係叫二人餐二人餐都幾多嘢食，首先嚟到係個湯我真係估佢唔到，裏面竟然係有菠蘿喺入面，但係個味又唔覺得有菠蘿， 個湯非常清甜，最後我係有食埋啲湯渣之後再嚟嘅就係海南沙律， 好有趣，裏面有啲無花果、番石榴、士多啤梨然後就嚟咗一個蝦多士， 賣相非常特別，上面仲有大量木魚蔬菜揀咗，辣椒炒通菜惹味重點做梗係嗰個天天海南雞飯， 雞肉份量比想像中多，而且肉重雞味，另外嗰個橙色嘅汁一定要點，勁好食另外嗰個由油飯咁食都可以好食飲品係可以揀50年代飲品我就揀咗恐龍美祿，朋友就揀左豆花美祿， 我覺得可以加錢轉到 豆花美祿 ，因為大杯好多，同埋加咗豆花都幾過癮整體嚟講都係保持一貫水準， 對於唔可以去到新加坡食海南雞嘅話，都可以食住天天海南雞都過到癮嘅

上次食完返尋味，見到天天海南雞更新咗餐單引入左幾樣新嘅菜餚，就決定再去食多一次！華麗嘅裝修依然令人印象深刻，精緻嘅餐具、動感嘅音樂、友善嘅服務態度都呢頓晚飯更加昇華。小食：金香雞油脆米叉燒叉燒肥瘦適中，火候分毫不差，因此食落去嘅口感非常軟熟。畫龍點睛嘅係蜜汁好似釀左入叉燒肉入邊，每咬一啖都有肉汁滲出來。另外有炸米通襯托，形成得意有趣嘅食法。主食：黑磨豉牛筋牛腩精挑細選嘅肉料，再加長時間嘅熬製，精準嘅調味形成呢煲佳餚。牛筋口感十足而易咬，非常考功夫，腩汁用嚟送飯亦都係完美配搭。主食：天天海南雞（中份）加 雞油飯招牌菜式，令人期待已久而又永遠都不會辜負眾望。肉質鮮嫩，調味豐富。即使唔點醬亦已堪稱人間美食。加上雞油飯，實在令人滿足十分。飲品：豆花年代奶茶

朋友作為雞控，無雞不歡，於是相約到呢間大名鼎鼎嘅新加坡米芝蓮餐廳，特登黎試下米芝蓮美食餐廳既裝修好grand，帶有堂皇既感覺，餐廳內會播住唔同語言既流行歌曲，都幾有情調。作為選擇困難症嘅佼佼者，見到有套餐，當然毫不猶豫就選擇左呢個新加坡米芝蓮二人套餐：有前菜，有小食，有燉湯，有飲品，有蔬菜，最重要係有海南雞配雞油飯，要乜有乜，應有盡有！如果你係有主見既，想按自己喜好散叫，就可以參考佢既人氣美食排行榜，上面羅列左十大招牌美食。前菜：海南沙律有別於一般食開既沙律，平時既沙律主要都係由蔬菜雜果配上沙律醬或者芝麻醬組成，而呢個海南沙律則主要只有幾款水果：無花果、番石榴，以及士多啤梨。呢款沙律顏色好鮮艷，令人食慾增加，水果表面佈滿左酳酸甜甜既酸梅粉，取代左醬汁，入口瞬間係酸的，但好神奇下一秒就會變成甜，仲令水果變得份外鮮甜，真係好奇妙亦都令人好開胃。小食：黑松露墨魚蝦多士多士表面鋪滿左木魚絲以及椰菜絲，堆到成個小山丘咁高，下面就係四件切好左既墨魚蝦多土。 多士既外皮炸得非常香脆，但卻唔油膩，多士裡層既蝦膠同墨魚好彈牙，而且份量都幾足，配上木魚絲椰菜絲口感好豐富。題外話：平時啲多士好容易一夾就散，

Fashion Walk呢邊環境不嬲都好靚，所以同媽咪過嚟呢邊食嘢😍見到呢間係米芝蓮餐廳又唔算太貴，就試下佢啦！入到嚟覺得環境好好，好有高級感，吊燈好有氣派，完全唔係我想像中平時食開海南雞嘅裝修。呢間餐廳叫天天海南雞飯，就緊係要揀番碟海南雞再加一個小煲雞油飯。首先令我非常驚訝嘅係雞油飯，非常大煲，份量十足，幾抵食。而且個飯食落好香好好味呀！個海南雞好滑，個皮好薄好滑又唔肥膩。好大碟好多肉。仲有3個醬汁，我最中意係泰式酸辣汁。配海南雞酸酸辣辣好惹味😋另外叫咗黑松露墨魚蝦多士，多士好脆，入面嘅墨魚蝦肉非常彈牙。口感非常豐富。黑松路味好香！最後仲叫咗個古法肉骨茶，入面有4、5條大大條既肉骨，仲有d豬肚、豆卜等等，非常足料。肉骨好稔，完全唔係好乾好鞋嘅煲湯豬肉咁。個湯好香胡椒味，好濃郁😍米芝蓮餐廳，果然係好好味呀，而且真係唔算貴！值得推介！

好一段時間無嚟天天，好掛住啲海南雞。今晚兩口子嚟食返個晚飯。二人套餐有我哋鍾意嘅鳳梨涼瓜湯飲，所以好快就決定叫呢個餐。餐湯以小碗上仲有蓋冚住，夠哂熱。入面嘅涼瓜一啲都唔苦，好味。煎菜我哋揀咗蝦皮肉鬆凍豆腐，蝦皮同肉鬆各一半放在凍豆腐上，擺盤精美。醬汁帶小許辣，點多少醬汁可隨個人喜愛。黑松露墨魚蝦多士剛剛炸起，非常脆口。上面嘅椰菜絲配芝麻醬可以平衡返炸嘢嘅口感。加埋木魚碎，多咗一份咸味。招牌海南雞保持一貫水準。跟餐仲有一個菜同2杯飲品，夠哂兩個人食。

今日去銅鑼灣IKEA買家具，買完近近地喺附近餐廳食飯，發現原來銅鑼灣都有「天天海南雞」，見之前去尖沙咀食嘅時候都覺得好好味！我而家帶埋屋企人一齊去食。呢間餐廳風格比較暗，好有feel！而且出名食海南雞，但係今次我就試咗燒雞😋😋1.天天燒雞 $179雞肉皮燒得脆脆地，加埋佢哋特製嘅泰式醬/椒鹽，令到整個雞肉個味道有更加多層次。之前淨係食過海南雞，未試過個燒雞，估唔到又幾好食😋而且雞肉份量好多適合兩個人或以上。2.參巴辣椒炒通菜 $89佢係主要好似用一個鐵板、有啲蝦米🦐有啲似啲大排檔啫啫通菜煲感覺，好香！3.鴛鴦菜花 $99同頭先炒通菜煮法好似好相似，不過都係好食嘅！4.燉湯 好清甜👍5.飲品：1公升水果茶（份量多，啱2個人一齊飲）仲有一杯豆花奶茶都係大大杯

My friend is a fan of Hainan chicken rice. As suggested by her, we had dinner at Tien Tien Hainan Chicken Rice at Fashion Walk.Tien Tien Hainan Chicken Rice is a famous brand in Singapore according to my friend. As the Hainan chicken of this Hong Kong shop is under the management of the Singapore chef, we can enjoy authentic and quality Hainan chicken rice without flying to Singapore.The shop now offers two or four persons' menu at concessionary price.As the two persons' menu ($499) has variou

以前曾在尖沙咀吃過，覺得店家的海南雞味道挺好，這次經過附近就去吃東西吧😆。這次去了位於Fashion Walk的分店，環境舒適裝修精緻。食物以散點為主，由小吃到主食也有很多選擇。-💥石榴紫背天葵山楂蜜 | 桃膠菊花桂花雪梨茶 HKD$26吃東西前飲下涼茶，既消暑又解渴😆。石榴紫背天葵山楂蜜賣相紅噹噹，味道酸酸的很開胃。桃膠菊花桂花雪梨茶味道清甜潤喉，口感較豐富。-💥正宗海南雞 HKD$199海南雞擺盤精緻挺吸引的，是大份份量兩個人吃也可以的。雞皮爽口不肥膩，雞肉肉嫰滑無雪味。醬汁有四款配著吃，最大碗的是雞汁，味道濃郁鮮甜🤤。-💥青檸汁蒸鱸魚 HKD$169用小鐵盤裝著而且味道很香，有小爉燭可保持溫度🙈。醬汁味道酸酸的，散發著辣味挺滋味的。魚肉熟成程度剛好，肉質嫰滑鮮味。魚皮滑溜爽口，醬汁用來拌飯也可以。-💥紅豆酥 | 飛雪小白兔 HKD$39這裡還有點心選擇，選擇了兩款甜食點心，擺盤賣相挺有心思的😚。紅豆酥外皮酥脆，紅豆清甜帶起沙的口感。飛雪小白兔味道香甜，加了椰絲口感較豐富。-

幾年前去新加坡食過天天海南雞飯，好好食，一直回味，估唔到依家係香港都有得食😍😍😍我地叫咗2人套餐，有好多款食物可以揀，好抵食！前菜-海南沙律🍓有新鮮無花果、蕃石柳同士多啤梨，酸酸甜甜，好開胃😆小食-黑松露墨魚蝦多士🍤🍞呢個十分推薦，炸得非常香口，啖啖蝦肉，絕無偷工減料，重好彈牙👍🏻燉湯-鳳梨涼瓜干貝燉龍骨燉得好入味，好似平時媽媽啲住家湯😋海南雞-天天海南雞🐥最鐘意食起骨嘅海南雞，肉質滑嫩又重雞味，重有3款醬汁可以點。主食-雞油飯小煲啲飯粒粒分明，每粒飯都食到雞油嘅香味，好有之前係新加坡食嘅味道，大推！👍🏻蔬菜-海南雜菜煲🥬湯底清清地，用雞腎同雞肝調味，有西蘭花、小棠菜同娃娃菜，重有啲粉絲吸味，好健康😆招牌超級水果茶🍉🍎超級大杯😍有一公升咁大，重要有好多水果，茶味偏濃，唔算甜！恐龍美祿☕️好邪惡，滿滿嘅美祿粉，係回憶呀！重要好濃好好飲，啲冰溶咗都重有美祿粉